[᭑᭖ 16B]
᭑᭖
ᬓᭂᬦ᭄ᬤᭂᬮᬾᬮᬶᬯᬢ᭄᭞ᬭᬭᬶᬲ᭄ᬫᬵᬢᬹᬃᬘᬶᬗᬓ᭄ᬢᬶᬢ᭄ᬬᬂᬭᬢᬸᬫᬗ᭄ᬓᬶᬦ᭄᭞ᬩᭀᬬᬧᭂᬦ᭄ᬤᬓᬶᬦ᭄ᬭᬳᬶᬦᬶᬭᬢᬸᬓᬵᬮᬶᬄᬢᬶᬢ᭄ᬬᬂᬦᬶᬲᬸᬕᬦ᭄ᬥᬶ᭞ᬭᬭᬶᬲ᭄ᬫᬪᬓ᭄ᬢᬶ᭞ᬭᬶᬂᬧᬵᬤᬦᬶᬤᬲᬂᬧ᭄ᬭᬪᬸ᭞ᬗᬫᬶᬮ᭄ᬫᬶᬮ᭄ᬦᬕᬶᬄᬳᬦ᭄ᬢᭀᬲᬂ᭞ᬬᬾᬄᬫᬢᬦᬾᬤᬺᬲ᭄ᬫᬶᬚᬶᬮ᭄᭟ᬭᬸᬥᬷᬭᬦᬾᬤᬺᬲ᭄ᬫᭂᬫ᭄ᬩᬄ᭞ᬲᬓᬶᬂᬯᬵᬓ᭄ᬱᬦ᭄ᬳᬶᬤᬲᬂᬪᬹ
ᬧᬢᬶ᭞ᬫᬲᬋᬗᬦ᭄ᬭᬶᬂᬩᬵᬬᬸᬫ᭄ᬢᬸ᭞ᬓᬤᬸᬮᬸᬭᬶᬦ᭄ᬩᬵᬦ᭄ᬘᬶᬳ᭄ᬦ᭞ᬳᬗᬶᬦᬮᭀᬦ᭄᭞ᬘᬶᬭᬶᬦᬶᬤᬫᬗ᭄ᬕᬶᬄᬳᬬᬸ᭞ᬲᬂᬲᬵᬢ᭄ᬬᬯᬢᬶᬫᬸᬮᬶᬲᬄ᭞ᬫᬗᬗᭂᬦᬗᭂᬦᬶᬦᬢᬶ᭚᭜᭚ᬲ᭄ᬫᬵᬭᬦ᭄ᬤᬦ᭚᭜᭚ᬚᬗᬶᬄᬮᬶᬗᬾᬢ᭄ᬯᬦ᭄ᬤᬾᬯᬷ᭞ᬓᬤᬶᬲᬸᬦ᭄ᬤᬭᬶᬳᬗᬶᬦᬦ᭄᭞ᬳᬲᬶᬂᬫᬫᬶᬋᬗᬂᬋᬓᬾ
᭞ᬲᬫᬶᬓᬗᭂᬦ᭄ᬫᬭᬶᬂᬫᬦᬄ᭞ᬓ᭄ᬤᬶᬲ᭄ᬓᬤᬲᬶᬳᬾᬫᬲ᭄ᬯᬭ᭞ᬘᬗᬸᬢ᭄ᬗᬸᬢᬾᬘ᭄ᬮᭂᬗᬓ᭄ᬘ᭄ᬮᭂᬗᬸᬢ᭄᭞ᬢᬢᬾᬗ᭄ᬓᬾᬓᬾᬬᬯᬶᬭᬂ᭟ᬓᬾᬓᬾᬭᬾᬚᬦᬶᬫᬫᬸᬜᬶ᭞ᬫᬦᬶᬲᬾᬗᭀᬮᬲᬂᬫᬦᬄ᭞ᬕᬶᬭᬂᬢᬶᬫ᭄ᬧᬮᬾᬦᭂᬗᭀᬓ᭄᭞ᬩᬵᬦ᭄ᬲᭂᬤᬶᬄᬳᬶᬤᬭᬵᬤᬾᬦ᭄ᬤᬾᬯ᭄ᬬ᭞ᬓ᭄ᬭᬸᬕᬾᬫᬜᭂᬗᬶᬲᬂ᭞
ᬲ᭄ᬯᬭᬦ᭄ᬜᬦᬾᬧᬕ᭄ᬭᬸᬤᬸᬕ᭄᭞ᬭᬶᬂᬳᬫ᭄ᬩᬭᬦᬾᬢᬦ᭄ᬧᬧ᭄ᬕᬢᬦ᭄᭟ᬢᬸᬫ᭄ᬩᬸᬄᬕᬸᬍᬫᬾᬧ᭄ᬭᬫᬗ᭄ᬓᬶᬦ᭄᭞ᬳᬗᬶᬦᬾᬳᬭᬶᬲ᭄ᬗᬲᬶᬃᬲᬶᬃ᭞ᬢᬦ᭄ᬤᬸᬫᬤᬾᬳᬸᬚᬦ᭄ᬋᬓᭀ᭞ᬲ᭄ᬤᬶᬄᬭᬶᬂᬲᬂᬫᬧᬸᬮᬶᬲᬳᬦ᭄᭞ᬧᬲᬶᬳᬾᬫᬗ᭄ᬓᬶᬦ᭄ᬭᬸᬦ᭄ᬢᬕ᭄᭞ᬫᬓᬧᬸᬕ᭄ᬤᬶᬓᬵᬗᬾᬲᬵᬫ᭄ᬧᬸᬦ᭄᭞ᬲ᭄ᬤᬶᬄᬭᬶᬂᬲᬂᬲᬵᬢ᭄ᬬᬯᬢ᭄ᬬ᭟
[᭑᭗ 17A]
᭑᭗
ᬭᬭᬶᬲ᭄ᬫᬢᬗᬶᬢ᭄ᬯᬦ᭄ᬤᬾᬯᬷ᭞ᬲᬲᬫ᭄ᬩᬢᬾᬫ᭄ᬮᬤ᭄ᬧ᭄ᬭᬡ᭞ᬢᬸᬫᬸᬮᬶᬫᬗᬫ᭄ᬩᬶᬮ᭄ᬘᬦᬂ᭞ᬭᬭᬶᬲ᭄ᬳᬶᬤᬫᬗᬸᬗ᭄ᬕᬬᬂ᭞ᬫ᭄ᬓᭂᬮᬶᬦᬶᬤᬲᬂᬦᬵᬣ᭞ᬳᬢᬹᬭᬾᬫᬦᬶᬲ᭄ᬜᬸᬜᬸᬃ᭞ᬤᬸᬄᬤᬾᬯᬲᬂᬧ᭄ᬭᬪᬸᬪᬤ᭄ᬭ᭟ᬩᭀᬬᬫ᭄ᬭᬶᬓᬶᬘᬶᬗᬓ᭄ᬫᬗ᭄ᬓᬶᬦ᭄᭞ᬳᬢᬹᬭᬦ᭄ᬢᬶᬢ᭄ᬬᬗᬾ᭞ᬫᬗ᭄ᬤᬾᬩ᭄ᬮᬶᬦᬫ᭄ᬧᬶᬋᬓᭀ᭞ᬫᬮᬶᬄᬳᬦ᭄ᬢᭀᬲ᭄ᬢᬶ
ᬢ᭄ᬬᬂᬤᬾᬯ᭞ᬢᬶᬢ᭄ᬬᬂᬯᬦ᭄ᬢᬄᬢᬾᬮᬶᬂᬧᬶᬲᬦ᭄᭞ᬫᬫᬋᬓᬦ᭄ᬭᬶᬂᬳᬶᬭᬢᬸ᭞ᬲᬓᬶᬂᬩ᭄ᬮᬶᬦᬶᬮᬃᬢᬶᬢ᭄ᬬᬂ᭟ᬲᬤᬯᭂᬕ᭄ᬢᬶᬢ᭄ᬬᬗᬾᬗᬸᬦᬶ᭞ᬩ᭄ᬮᬶᬫᬗᬯᭀᬦᬶᬦ᭄ᬢᬶᬢ᭄ᬬᬂ᭞ᬅᬧᬓ᭄ᬭᬡᬩ᭄ᬮᬶᬓᬾᬢᭀ᭞ᬘᭀᬭᬄᬳᬾᬩᭂᬲ᭄ᬓᬮᬶᬯᬢ᭄᭞ᬫᬶᬦᬩ᭄ᬢᬶᬢ᭄ᬬᬂᬢ᭄ᬯᬭᬪᬓ᭄ᬢ᭄ᬬ᭞ᬲᬗ᭄ᬓᬦ᭄ᬩ᭄ᬮᬶᬢᬦ᭄ᬧᬲ᭄ᬫᬸ᭞ᬦᬸᬗ᭄ᬓᬸᬮᬂᬢᬶᬢ᭄ᬬᬂᬫᬦᬶ
ᬤ᭄ᬭ᭟ᬫᬦᬫ᭄ᬧᬶᬗᬶᬦ᭄ᬓᬭᬲ᭄ᬫᬢᬸᬮᬶᬲ᭄᭞ᬧᬸᬢ᭄ᬭᬧᬸᬢ᭄ᬭᬬᬦ᭄ᬓᬳᬸᬗ᭄ᬕᬬᬂ᭞ᬢᬫ᭄ᬧᬶᬦᬦ᭄ᬢᬸᬢᬸᬢᬦ᭄ᬬᬋᬓᭀ᭞ᬫᬮᬶᬄᬯᬾᬦ᭄ᬢᭂᬦ᭄ᬧᬗ᭄ᬕᬶᬳᬶᬦ᭄ᬢᬶᬢ᭄ᬬᬂ᭞ᬢᬗ᭄ᬕᬸᬦ᭄ᬮᬜ᭄ᬘᬶᬗᬦᬾᬧᬸᬦᬶᬓᬵ᭞ᬓᬭᬶᬭᬶᬂᬢᬶᬢ᭄ᬬᬗᬾᬳᭂᬗ᭄ᬲᬸᬢ᭄᭞ᬧᬸᬦᬶᬓᬵᬩ᭄ᬮᬶᬫᬫ᭄ᬕᬢ᭄᭟ᬫᬭᬩᬗᬸᬦ᭄ᬢᬶᬢ᭄ᬬᬂᬫᬗ᭄ᬮᬶᬂ᭞ᬧᬵᬢᬹᬢ᭄ᬩ᭄ᬮᬶ
ᬗ᭄ᬫᬲᬶᬦ᭄ᬲᬾᬤ᭞ᬤᬾᬦᬶᬂᬧᬫᬵᬃᬕ᭄ᬕᬶᬦᬾᬲᭂᬗ᭄ᬓᬯᭀᬦ᭄᭞ᬩ᭄ᬮᬶᬧᬘᬂᬮᬸᬗ᭄ᬳᬫᬬᬸᬤ᭄ᬥ᭞ᬓᭀᬚᬭᬦ᭄ᬜᬫᬹᬮᬓᬮᬄ᭞ᬫᬦᬾᬭᬾᬲ᭄ᬢᬗ᭄ᬕᬸᬦ᭄ᬓᬜ᭄ᬘᬸᬢ᭄᭞ᬧᬸᬍᬲ᭄ᬢᬶᬢ᭄ᬬᬂᬩ᭄ᬮᬶᬫᬦᬶᬗ᭄ᬕᬮ᭄᭟ᬓᬾᬦᬾᬨᬮᬦ᭄ᬜᬓᬧᬗ᭄ᬕᬶᬄ᭞ᬩ᭄ᬮᬶᬫᬗ᭄ᬫᬲᬶᬦ᭄ᬲᬾᬤ᭞ᬦᬗ᭄ᬳᬶᬂᬲᬧᬸᬦᬶᬓᬵᬋᬓᭀ᭞ᬫᬗ᭄ᬤᬾ
