[ ᭗᭔ 74B]
᭗᭔᭞
ᬫᬦᬸᬮᬸᬲ᭄᭞ᬦᬾᬳᬲᬶᬓᬶᬫ᭄ᬩᭀᬤ᭄ᬥᬧᬓ᭄ᬱ᭞ᬲᬫᬶᬯᬶᬪᬸᬄᬢᬢ᭄ᬯᬚᬳᬶ᭞ᬲᬩᬩ᭄ᬯᭀᬲ᭄ᬫᬢᬧᬓᬦ᭄᭞ᬮᬶᬂᬦᬶᬂᬰᬲ᭄ᬢ᭄ᬭᬮᭀᬓᬤᬺᬱ᭄ᬝᬫᬓᬤᬶ᭞ᬥᬃᬫ᭄ᬫᬢᬦ᭄ᬧᬶᬮᬸᬕ᭄ᬳᬦ᭄ᬢᬸᬓ᭄᭞ᬳᬃᬣᬤᬶᬢᬸᬫ᭄ᬩᬸᬓ᭄ᬚᬸ
ᬕᬢ᭄᭞ᬍᬯᬶᬄᬮᬶᬗ᭄ᬕᬶᬄᬳᬶᬕᬸᬲ᭄ᬢᬶᬧᬢᬶᬄᬓᬯᬸᬯᬸᬲ᭄᭞ᬢᬦ᭄ᬩᬶᬂᬩᬂᬫ᭄ᬩᬯᭀᬲᬶᬦ᭄ᬚᬕᬢ᭄᭞ᬧᬢᭂᬄᬳᬕᬸᬂᬳᬮᬶᬢ᭄ᬲᬫᬶ᭟ᬭᬾᬄᬯᬶᬚᬶᬮᬶᬂᬲᬶᬗ᭄ᬳᬭᬚ᭞ᬢᬸᬲ᭄ᬢᬸᬲ᭄ᬳᬕᬸᬂᬓᬧᬶᬦᬂᬜ᭄ᬚᭂᬦᭂᬂᬧᬢᬶᬄ᭞ᬤᬶ
ᬲᬲᬓ᭄ᬫᬭᬕᬗᭂᬫ᭄ᬧᬸ᭞ᬕᬫᬢᬶᬃᬣᬫᬓ᭄ᬚᬂ᭞ᬚᬾᬄᬲᭀᬢᬦᬶᬂᬫᬗᬯᬶᬢ᭄ᬜᬶᬯᬶᬢᬭᬢᬸ᭞ᬢ᭄ᬯᬲ᭄ᬢᬸᬲ᭄ᬢᬸᬲ᭄ᬢᬦᬄᬳᬾᬭᭀᬧ᭞ᬩᬗ᭄ᬰᬓᬮᬶᬦ᭄ᬢᬗᬶᬂᬢᬶᬗ᭄ᬕᬶ᭟ᬳᬶᬕᬸᬲ᭄ᬢᬶᬧᬢᬶᬄᬓᬮᬶᬦ᭄ᬢᬂ᭞ᬧᬕᭂᬄᬗᬶ
ᬭᬶᬕ᭄ᬫᬫ᭄ᬩᬯᬳᬶᬦ᭄ᬭᬯᭀᬲ᭄ᬳᬤᬶᬮ᭄ᬤᬾᬦᬶᬂᬫᬯᬶᬯᬾᬓᬦᬸᬮᬸᬲ᭄᭞ᬥᬃᬫ᭄ᬫᬯᬶᬦᬸᬳᬶᬂᬰᬲ᭄ᬢ᭄ᬭ᭞ᬭᬯᭀᬲ᭄ᬧᬜ᭄ᬚᬂᬚᬕ᭄ᬭᬭᬶᬂᬯᬲᬦᬫᬦᬸᬢ᭄᭞ᬫᬗ᭄ᬤᬾᬓᬺᬢᬦᬶᬂᬦᬕᬭ᭞ᬫᬗᬸᬧᭂᬢ᭄ᬳᬶᬘᭀᬭᬄᬦ᭄ᬓᬶ
[ ᭗᭕ 75A]
ᬮ᭄᭟ᬬᬦ᭄ᬳᬸᬫᬶᬸᬧᬫᬶᬢ᭄ᬯᬭᬩᬶᬦ᭞ᬲᬂᬳᬸᬤᬯᬳᬶᬦᬸᬘᬧ᭄ᬧᬢᬶᬄᬍᬯᬶᬄ᭞ᬭᬶᬂᬤ᭄ᬯᬭᬯᬢᬶᬓᬲᬸᬫ᭄ᬩᬸᬂ᭞ᬫᬓᬳᬤᬶᬦᬶᬂᬦᬬ᭞ᬤ᭄ᬯᬦᬶᬂᬳᬶᬤᬲᬂᬓᬺᬱ᭄ᬡᬚᭂᬚᭂᬃᬗᬯᭂᬗ᭄ᬓᬸ᭞ᬧᬗᭂᬩᬦᬶᬂᬭᬢᬸᬥᬃᬫ᭄ᬫ᭞
ᬯᬢᭂᬓ᭄ᬤᬾᬢ᭄ᬬᬦᬾᬓᬳᬶᬮᬶ᭟ᬳᬫ᭄ᬩᬸᬮ᭄ᬢᭀᬩᬳᬦ᭄ᬗᬸᬘᬧᬂ᭞ᬕᬫᬢᬶᬃᬣᬲᬫ᭄ᬧᬸᬦ᭄ᬲᬸᬫᬸᬬᬸᬕ᭄ᬲᬫᬶ᭞ᬗᬶᬭᬶᬂᬧ᭄ᬭᬾᬦ᭄ᬢᬄᬲᬶᬧᬢ᭄ᬋᬚᬸ᭞ᬧᬤᬸᬓᬢ᭄ᬯᬦ᭄ᬫᬮᬶᬗ᭄ᬕ᭞ᬭᬶᬂᬫᬢᬭᬫ᭄ᬢ᭄ᬭᬶᬲᬓ᭄ᬱᬢ᭄ᬤᬾ
ᬯᬢᬦᬸᬭᬸᬦ᭄᭞ᬫᬗᬺᬢᬬᬂᬚᬕᬢ᭄ᬲᬲᬓ᭄᭞ᬦᬾᬫᬗ᭄ᬓᬶᬦ᭄ᬘᬭᬶᬢᬫᬶᬸᬄ᭞ᬫᬮᬶᬄ᭟ᬩᬗ᭄ᬲᬮ᭄ᬮᬫ᭄ᬦᬾᬓᬳᬸᬘᬧ᭄᭞ᬤᬳᬸᬄᬚᬸᬭᬶᬂᬦᭂᬢᭂᬕ᭄ᬓᬳᬫ᭄ᬧᭂᬦᬦ᭄ᬲᬫᬶ᭞ᬤ᭄ᬮᭀᬤ᭄ᬩᬩᬓ᭄ᬩᬮᬾᬃᬕᬸᬦᬸᬂ᭞ᬫᬗ᭄ᬭᬜ᭄ᬚᬶᬂ
ᬓᬧᬭᬾᬦ᭄ᬢᬄᬳᬦ᭄ᬢᬸᬓ᭄ᬤᬦᬾᬳᬶᬢ᭄ᬯᬦ᭄ᬓᭀᬦ᭄ᬢ᭄ᬭᭀᬮᬶᬃᬫᬮᬸᬗ᭄ᬕᬸᬄ᭞ᬭᬶᬂᬓᭀᬢᬧᬸᬭᬶᬫᬢᬭᬫ᭄᭞ᬲᬫ᭄ᬧᬸᬦ᭄ᬫᬕᬸᬕᬸᬲ᭄ᬦᬦ᭄ᬲᬫᬶ᭟ᬓᬧᬮᬜᬫᬗ᭄ᬕᬫᭂᬮᬂ᭞ᬩᬮᬾᬃᬕᬸᬦᬸᬂᬓᬮᬶᬸᬓᬮᬶᬄᬲᬫᬶᬭᬚᬶ
Kaca:Bali-lontar-gaguritan-rusak-sasak-02-300ppi.pdf/75
Kaca puniki sampun kauji-wacén
