[ ᭗᭓ 73B]
᭗᭓᭞
ᬲᬶᬓᬶᬲᬶᬓᬶ᭞ᬳᬶᬕᬸᬲ᭄ᬢᬶᬧᬢᬶᬄᬗᬸᬫ᭄ᬧᬸᬮᬂ᭞ᬩᬯᬄᬧ᭄ᬭᬾᬦ᭄ᬢᬄᬧᬤᬸᬓᬢ᭄ᬯᬦ᭄ᬓᭀᬦ᭄ᬢ᭄ᬭᭀᬮᬶᬃ᭞ᬬᬦᬶᬂᬧᬭᬩ᭄ᬩᭂᬘᬶᬓ᭄ᬦᬸᬮᬸᬲ᭄᭞ᬧᭀᬢ᭄ᬭᬓᬲ᭄ᬭᬫᬦ᭄ᬳᬸᬘᬧ᭄᭞ᬓᬶᬘᬾᬦ᭄ᬮᬸᬗ᭄ᬕᬸᬄᬭᬶᬂᬘᬓ᭄ᬭᬦᬕᬭᬗ᭄ᬯᬗᬸᬦ᭄᭞
ᬧᬸᬭᬶᬳᬕᬸᬂᬓᬲᬸᬩ᭄ᬫᭂᬮᬄᬲᬓ᭄ᬧᬢ᭄ᬲ᭄ᬫᬭᬧᬸᬭᬗᬮᬶᬄ᭟ᬳᬮᬸᬦ᭄ᬳᬮᬸᬦᬾᬗᬶᬮᬶᬮᬦ᭄᭞ᬮᬾᬧᬧᬸᬢᬶᬄᬫᬳᬶᬭᬶᬩ᭄ᬗᬸᬤᬦ᭄ᬮᬗᬶᬢ᭄᭞ᬫᬗᬋᬧᬶᬦ᭄ᬫᬃᬕ᭄ᬕᬶᬳᬕᬸᬂ᭞ᬓᬦ᭄ᬢᭀᬃᬗᬶᬫ᭄ᬩᬸᬳᬶᬦ᭄ᬳ᭄ᬬᬲ᭄᭞ᬫᬸᬧᬘ
ᬭᬳᬦ᭄ᬢᬸᬓ᭄ᬢ᭄ᬧᬲ᭄ᬢ᭄ᬧᬲ᭄ᬮ᭄ᬬᬸ᭞ᬫᬓᬮᬶᬂᬫᬤᬕᬶᬂᬲ᭄ᬓᬃ᭞ᬧᬦ᭄ᬤᭂᬃᬫᬩᬸᬗᬲᬫᬶ᭟ᬳᬶᬳᬗ᭄ᬲᭀᬓᬍᬯᬶᬄᬩᬸᬗᬄ᭞ᬫᬦᬸᬢ᭄ᬳᭂᬗ᭄ᬕᭀᬦ᭄ᬗᬶᬍᬳᬶᬦ᭄ᬓᬦ᭄ᬢᭀᬃᬩ᭄ᬘᬶᬓ᭄᭞ᬯᭀᬄᬯᭀᬳᬦ᭄ᬓᬫᬸᬮᬦ᭄ᬤᬶᬢᬸ᭞ᬫ
ᬧᭀᬳᭀᬲ᭄ᬚᬃᬚᬃᬫ᭄ᬮᬄ᭞ᬧᬳᬬᬸᬩᬦ᭄ᬦᬢᬳᬾᬚᬶᬫ᭄ᬩᬃᬳᬮᬸᬲ᭄᭟ᬳᬶᬘᬫᬭᬫᬗᬧᬶᬢᬂ᭞ᬫᬃᬕ᭄ᬕᬶᬦᬾᬗ᭄ᬭᬜ᭄ᬚᬶᬂᬓᬧᬸᬭᬶ᭟ᬲ᭄ᬬᭀᬓ᭄ᬲ᭄ᬬᭀᬓ᭄ᬢ᭄ᬯᬭᬧ᭄ᬕᬢ᭄᭞ᬢᭂᬫ᭄ᬧᬸᬄᬳᬗᬶᬦ᭄ᬳᬸᬮᬢ᭄ᬩᬸᬓᬜᭀᬘᬧᬶᬦ᭄
[ ᭗᭔ 74A]
᭞ᬫᬢᬸᬚᬸᬯᬂᬓᬸᬭᬶᬳᬕᬸᬂ᭞ᬓᭂᬫ᭄ᬩᬃᬫᬩᬚ᭄ᬭᬮᬾᬧ᭞ᬧᬸᬢᬶᬄᬗ᭄ᬭᬜᬩ᭄᭞ᬫᬶᬭᬶᬩ᭄ᬢᬾᬚᬦ᭄ᬲᬸᬃᬬ᭄ᬬᬫᭂᬜ᭄ᬘᬃ᭞ᬜᬸᬦ᭄ᬤᬭᬶᬦ᭄ᬭᬫ᭄ᬬᬦᬶᬂᬧᬲᬃ᭞ᬓᬮᬶᬄᬦᬾᬗ᭄ᬮᬶᬦ᭄ᬢᬂᬭᬶᬂᬫᬃᬕ᭄ᬕᬶ᭟ᬧᬢᭂᬫ᭄ᬩᬸᬭᬦ᭄ᬤᬸᬲᬸᬲ᭄ᬤᬾᬰ
᭞ᬦᬾᬭᬶᬂᬘᬓ᭄ᬭᬦᬕᬭᬮᬶᬦ᭄ᬢᬂᬩ᭄ᬘᬶᬓ᭄᭞ᬧᬜ᭄ᬘᬭᬦ᭄ᬬᬲᬢ᭄ᬢᭀᬤᬶᬢᬸ᭞ᬓᭂᬫ᭄ᬩᬃᬗᬋᬧᬶᬦ᭄ᬫᬃᬕ᭄ᬕ᭞ᬤᬳᬸᬄᬓᬦ᭄ᬢᭀᬃᬩᬳᬶᬗᬶᬦ᭄ᬗᬬᬸᬩᬶᬦ᭄ᬳᬦᬸᬢ᭄᭞ᬫᬲᭀᬯᬗᬦ᭄ᬧᬭᬭ᭄ᬬᬦᬦ᭄᭞ᬲᬂᬓᬬᬸᬦ᭄ᬫ
ᬦ᭄ᬤᬸᬲ᭄ᬫᬲᬸᬘᬶ᭟ᬧᬋᬫ᭄ᬧᬢᬦ᭄ᬫᬃᬕ᭄ᬕᬶᬚᬶᬫ᭄ᬩᬃ᭞ᬓᬓᬬᭀᬦᬦ᭄ᬫᬗᬧᬶᬢ᭄ᬧᬶᬗ᭄ᬕᬶᬃᬫᬃᬕ᭄ᬕᬶ᭞ᬤᭀᬓᬭᬾᬫᬲᬶᬄᬫᬲ᭄ᬮᬸᬃ᭞ᬲᬦᬾ ᬗᬶᬫ᭄ᬩᬸᬳᬶᬦ᭄ᬩᬸᬗᬄ᭞ᬗᬦ᭄ᬧᬫᬃᬕ᭄ᬕᬶᬦ᭄ᬯᬢᭂᬓ᭄ᬧᬸᬗ᭄ᬕᬯᬦᬾᬭᬯᬸᬄ᭞ᬦᬾᬫᬦᬸ
ᬦᬲ᭄ᬭᬯᭀᬲ᭄ᬜᬩ᭄ᬭᬦ᭄᭞ᬫᬫᬋᬓ᭄ᬳᬶᬕᬸᬲ᭄ᬢᬶᬧᬢᬶᬄ᭟ᬫᬓᬤᬶᬧᬤᬡ᭄ᬥᬓᬺᬢ᭞ᬫᬗᬺᬢᬦᬶᬦ᭄ᬲᬕᬫᬢᬶᬃᬣᬲᬫᬶ᭞ᬲᬋᬂᬦᭂᬫ᭄ᬦᭂᬫ᭄ᬓᬶᬘᬾᬦ᭄ᬮᬸᬗ᭄ᬕᬸᬄ᭞ᬮᬮᬶᬫᬫᬗ᭄ᬕᬫ᭄ᬩᭂᬮᬂ᭞ᬩ᭄ᬭᬢᬰᬶᬯᬰ᭄ᬭᬶᬤᬦ᭄ᬢᬕ᭄ᬦᬶᬂ
Kaca:Bali-lontar-gaguritan-rusak-sasak-02-300ppi.pdf/74
Kaca puniki sampun kauji-wacén
