[ ᭗᭒ 72B]
᭗᭒᭞
ᬗ᭄ᬕᬶᬄᬤᬦᬾᬧᬤᬸᬓᬢ᭄ᬯᬦ᭄ᬓᭀᬦ᭄ᬢᭀᬮᬶᬃ᭞ᬫᬗ᭄ᬕᬸᬳᬶᬂᬤᬾᬰᬫᬮᬶᬄᬯᬗᬸᬦ᭄᭞ᬧᬲᬗ᭄ᬕ᭄ᬭᬳᬦ᭄ᬫᬤᬩ᭄ᬤᬩ᭄᭞ᬘᬢᬸᬃᬢᬦ᭄ᬤᬩᬢᬸᬓ᭄ᬮ᭄ᬬᬂᬓᭀᬧᬂᬳᬶᬧᬸᬦ᭄᭞ᬧ᭄ᬭᬬᬫᬶᬯᬄᬤᬾᬰᬚᭀᬗ᭄ᬕᬢ᭄᭞ᬩᬦ᭄ᬢᬲᬾᬓ
ᬳᬸᬄᬓᬳᬫ᭄ᬩᬶᬮ᭄᭟ᬤᬶᬲ᭄ᬢ᭄ᬭᬶᬓ᭄ᬧ᭄ᬭᬬᬫᬮᬶᬄᬳᬸᬘᬧ᭄᭞ᬤᬶᬦᬕᬭᬮᬸᬗ᭄ᬕᬸᬄᬳᬶᬢ᭄ᬯᬦ᭄ᬓᬮᬶᬄ᭞ᬓᭀᬦ᭄ᬢ᭄ᬭᭀᬮᬶᬃᬳᬲᬶᬲ᭄ᬢᬾᬦ᭄ᬫᬮᬸᬗ᭄ᬕᬸᬄ᭞ᬫᬮᬶᬄᬫᬯᬗᬸᬦ᭄ᬧᬸᬭ᭞ᬭᬶᬂᬫᬢᬭᬫ᭄ᬮᬸᬚᬶᬳᬕᬸᬂᬲᭀᬯᬂᬫᬸᬭᬸᬩ᭄
᭞ᬢᬫᬦ᭄ᬢᬫᬦ᭄ᬫᬗᬧᬶᬢᬂ᭞ᬳᬶᬮᬾᬦ᭄ᬳᬶᬮᬾᬦ᭄ᬚᬯᬶᬲᬫᬶ᭟ᬓᬦ᭄ᬢᭀᬃᬓᬦ᭄ᬢᭀᬃᬧᬓᬸᬫ᭄ᬧᬸᬮᬦ᭄᭞ᬩ᭄ᬘᬶᬓ᭄ᬳᬦᬸᬢ᭄ᬲᬫᬶᬫᬫᬶᬗ᭄ᬕᬶᬃᬫᬃᬕ᭄ᬕᬶ᭞ᬦᬢᬃᬚᬶᬫ᭄ᬩᬃᬳ᭄ᬬᬲ᭄ᬳᬮᬸᬲ᭄᭞ᬓᬓᬬᭀᬦ᭄ᬧᬸᬜᬦ᭄ᬚᭀᬯᬃ᭞ᬭᬶᬂ
ᬦᬳᬶᬗᬶᬦ᭄ᬧᬤᬸᬫ᭄ᬘᬭᬂᬧᬤᬗᬺᬫ᭄ᬩᬸᬦ᭄᭞ᬧᬦ᭄ᬢᭂᬲ᭄ᬳᬸᬗ᭄ᬕᬳᬂᬤᬶᬕᬫ᭄ᬩᬃ᭞ᬳᬯᬾᬢ᭄ᬳᬶᬦᬸᬘᬧᬶᬂᬓᬭᬶ᭟ᬫᬃᬕ᭄ᬕᬶᬫᬃᬕ᭄ᬕᬶᬩ᭄ᬘᬶᬓ᭄ᬳᬲᬢ᭄᭞ᬓᬓᬬᭀᬦᬦ᭄ᬫᬗᬧᬶᬢ᭄ᬩᬶᬮᬂᬧᬶᬗ᭄ᬕᬶᬃ᭞ᬲᬫᬶᬩᬸᬗᬄᬦ᭄ᬤᭂᬂᬫᭂᬦ᭄ᬤᬸᬄ᭞ᬤᭀ
[ ᭗᭓ 73A]
ᬓᬭᬾᬢ᭄ᬯᬭᬧ᭄ᬕᬢ᭄᭞ᬫᬗᬮᬶᬦ᭄ᬢᬂᬳᬤᬓᬗᬶᬦ᭄ᬳᬤᬓᬳᬸᬄ᭞ᬳᬤᬓ᭄ᬮᭀᬤ᭄ᬳᬤᬓᬚ᭞ᬭᬫᬾᬫᬗ᭄ᬮᬶᬦ᭄ᬢᬂᬭᬶᬂᬫᬃᬕ᭄ᬕᬶ᭟ᬬᬦ᭄ᬲᬯᬗᬂᬫᬶᬭᬶᬩ᭄ᬲ᭄ᬯᬃᬕ᭄ᬕᬦ᭄᭞ᬤᬤᬶᬢᬸᬦᬫᬦᬄᬗᬶᬓᭂᬢ᭄ᬤᬶᬕᬸᬭᬶᬢ᭄᭞ᬩᬦ᭄ᬓᬓᭂ
ᬦ᭄ᬢᬦ᭄ᬦᬸᬫᬸᬃᬲᬢᬸ᭞ᬫᬓ᭄ᬚᬂᬗᭂᬦᬄᬩᬸᬗᬄ᭞ᬭᬸᬫᬄᬭᬸᬫᬄᬢᬸᬢᬶᬂᬧᬲᬂᬗᭂᬦᬄᬫᬸᬭᬸᬩ᭄᭞ᬩᬮᬾᬧᬜ᭄ᬚᬂᬢᬸᬃᬫᬮᬾᬧ᭞ᬲᬧᬓᬬᬸᬦ᭄ᬯᬾᬦ᭄ᬢᭂᬦ᭄ᬲᬫᬶ᭟ᬲᭀᬓ᭄ᬫᬗ᭄ᬕᭂᬮᬄᬭᬶᬗ᭄ᬕᬶᬢ᭄ᬓᬢᬄ᭞ᬫᬓᬤᬶᬜᬧᭀᬓᭀᬓ᭄ᬳ
ᬦᬾᬳᬗ᭄ᬲᬶᬓ᭄᭞ᬤᬶᬳᬫ᭄ᬧᭂᬦᬦᬼᬦ᭄ᬢᬂᬯᬶᬪᬸᬄ᭞ᬢ᭄ᬤᬸᬦᬦ᭄ᬲᬓᬶᬂᬓᬧᬮ᭄᭞ᬲᬃᬯ᭄ᬯᬩᬭᬂᬳᬧᬢ᭄ᬯᬭᬳᬤᬤᬶᬢᬸ᭞ᬦᬾᬫᬗ᭄ᬓᬶᬦ᭄ᬲᬫ᭄ᬩᬸᬢ᭄ᬓᭀᬘᬧᬂ᭞ᬯᬢᭂᬓ᭄ᬩᬳᬸᬤᬦ᭄ᬤᬲᬫᬶ᭟ᬕᬫᬢᬶᬃᬣᬓᬳᬾᬫᬦ᭄᭞
ᬳᬶᬤᬕᬸᬲ᭄ᬢᬶᬯᬯᬗ᭄ᬓᬦ᭄ᬭᬶᬂᬦᬕᬭᭀ᭞ᬫᬢᬭᬫ᭄ᬚᬓ᭄ᬭᬦᬕᬦ᭄ᬢᬸᬦ᭄᭞ᬫᬮᬶᬄᬤᬾᬰᬧᬕᬸᬢᬦ᭄᭞ᬲᭀᬮᬲ᭄ᬲᬶᬓᬶᬢᬸᬃᬫᬧᬳᭀᬲ᭄ᬧᬳᭀᬲ᭄ᬲᬫ᭄ᬧᬸᬦ᭄᭞ᬩᬜ᭄ᬚᬃᬩᬜ᭄ᬚᬭᬾᬕᬫ᭄ᬮᬂ᭞ᬳᬶᬤᬕᬸᬲ᭄ᬢᬶ
Kaca:Bali-lontar-gaguritan-rusak-sasak-02-300ppi.pdf/73
Kaca puniki sampun kauji-wacén
