[ ᭗᭕ 75B]
᭗᭕᭞
ᬤ᭄ᬮᭀᬤ᭄ᬩᬩᬓ᭄ᬳᬲᬶᬓᬶᬤᬶᬢᬸ᭞ᬤᬶᬕ᭄ᬭᬸᬂᬓᬧᬮᬜ᭞ᬲᭀᬭᭀᬄᬲ᭄ᬮᬫ᭄ᬩᬮᬾᬃᬩᬩᬓ᭄ᬤ᭄ᬮᭀᬤ᭄ᬕᬸᬦᬸᬂ᭞ᬤᬯᬸᬄᬚᬸᬭᬶᬂᬫᬢ᭄ᬮᬲᬦ᭄᭞ᬦᬸᬗ᭄ᬓᬤ᭄ᬭᬯᬸᬄᬓᬧᬲᬶᬲᬶ᭟ᬫ᭄ᬓᭂᬮ᭄ᬧᬸᬢᬸᬫᬗ᭄ᬕᬫᭂᬮᬂ᭞ᬯᬶᬢ᭄ᬩᬸᬮᬾᬮᬾᬂ
ᬓᬲ᭄ᬯᬾᬘᬦ᭄ᬯᬶᬭᬾᬄᬗᬶᬭᬶᬂ᭞ᬳᬶᬢ᭄ᬯᬦ᭄ᬓᬯᬶᬢᬾᬭᬯᬸᬄ᭞ᬭᬶᬂᬲᬲᬓ᭄ᬢᬸᬃᬫᬯᬶᬦᬦ᭄᭞ᬗᭂᬫ᭄ᬩᬢ᭄ᬬᬸᬤᬫ᭄ᬓᭂᬮ᭄ᬧᬸᬢᬸᬢ᭄ᬯᬭᬲᬸᬭᬸᬤ᭄᭞ᬧᬕᭂᬄᬗᬶᬭᬶᬂᬧᬓᬬᬸᬦᬦ᭄᭞ᬳᬯᬶᬦᬦ᭄ᬲᬓᬤᬶᬫᬗ᭄ᬓᬶᬦ᭄᭞ᬓᬶᬘᬾᬦ᭄ᬧᬗ᭄ᬓᬢ᭄
ᬗ᭄ᬕᬫ᭄ᬮᬂᬩᬗ᭄ᬲ᭞ᬲ᭄ᬮᬫ᭄ᬓᬮᬶᬄᬕ᭄ᬦᬳᬾᬩ᭄ᬘᬶᬓ᭄᭞ᬭᬶᬂᬫᬢᬭᬫ᭄ᬲᬫ᭄ᬧᬸᬦ᭄ᬧᬸᬧᬸᬢ᭄᭞ᬯᬯᬗᬸᬦᬦᬾᬳᬲᬢ᭄᭞ᬩᬮᬾᬩᬮᬾᬧᬓᬦ᭄ᬢᭀᬭᬦ᭄ᬯᬦ᭄ᬢᬄᬳᬦᬸᬢ᭄᭞ᬯᬶᬓᬲ᭄ᬚᬯᬶᬦᬾᬓᬧᬧ᭞ᬲᭀᬢᬦᬶᬂᬗᬩᬾ
ᬳᬶᬦ᭄ᬭᬶᬗ᭄ᬕᬶᬢ᭄᭟ᬬᬤᬶᬦ᭄ᬯᬢᭂᬓ᭄ᬩᬳᬸᬤᬦ᭄ᬤ᭞ᬢᬓᬶᬢᬓᬶᬫᬯᬗᬸᬦ᭄ᬧᬸᬭᬶᬩ᭄ᬘᬶᬓ᭄᭞ᬭᬾᬄᬲᬤᬦᬲᬫ᭄ᬧᬸᬦ᭄ᬯᬶᬪᬸᬄ᭞ᬢᭂᬢᭂᬧ᭄ᬦᬗ᭄ᬓᬦ᭄ᬲᬸᬩᬸᬮᬦ᭄᭞ᬦᬫ᭄ᬧᬶᬚᬶᬸᬕᬚᬶᬄᬭᬶᬗ᭄ᬕᬶᬢ᭄ᬲᬓᬶᬂᬧᬸᬭᬶᬳᬕᬸᬂ᭞ᬗᬫᬤᬾ
[ ᭗᭖ 76A]
ᬦᬶᬦ᭄ᬧ᭄ᬭᬡ᭄ᬥᬓᬺᬢ᭞ᬢᬦ᭄ᬳᬸᬘᬧ᭄ᬳᬶᬕᬸᬲ᭄ᬢᬶᬧᬢᬶᬄ᭟ᬧᬢᭂᬫ᭄ᬩᬸᬭᬦ᭄ᬭᬶᬗ᭄ᬕᬶᬢ᭄ᬩᬜᬓ᭄᭞ᬦᬸᬫᬸᬃᬲᬢᬸᬧᬳᬶᬘᬲᬓᬶᬂᬧᬸᬭᬶ᭞ᬫᬮᬶᬄᬲᬤᬦᬦᬾᬭᬯᬸᬄ᭞ᬧᬳᬶᬘᬫᬗᬭᬘᬓ᭄᭞ᬭᬶᬂᬲᬯᬢᭂᬓ᭄ᬓᬧᬮ
ᬦ᭄ᬧᬓᬲᬾᬄᬯᬶᬪᬸᬄ᭞ᬲᭂᬤᬳᬦᬾᬭᬶᬂᬳᬋᬧᬦ᭄᭞ᬫᬦᬫ᭄ᬧᬶᬧᬳᬶᬘᬭᬶᬗ᭄ᬕᬶᬢ᭄᭟ᬬᬤᬶᬦ᭄ᬯᬢᭂᬓ᭄ᬲᬦᬾᬧ᭄ᬘᬓ᭄᭞ᬧᭀᬮᬶᬄᬧᬗ᭄ᬓᬢ᭄ᬢᬍᬃᬓᬲ᭄ᬯᬾᬘᬦ᭄ᬓᬶᬤᬶᬓ᭄᭞ᬋᬗ᭄ᬕᬶᬢ᭄ᬧᬂᬲ᭄ᬬᬸᬦ᭄ᬯ
ᬦ᭄ᬢᬦᬶᬧᬸᬦ᭄᭞ᬫᬮᬶᬄᬧᬳᬶᬘᬫᬸᬓ᭄ᬬ᭞ᬭᬶᬂᬩᬜ᭄ᬚᬭᬦ᭄ᬤᬶᬭᬶᬤᬶᬭᬶᬜᬘᬩ᭄ᬲᬫ᭄ᬧᬸᬦ᭄᭞ᬦᬾᬩᬓ᭄ᬱᬓᬳᬶᬘᬦ᭄ᬲᬯᬄ᭞ᬢ᭄ᬯᬦ᭄ᬲᭂᬤᬳᬦ᭄ᬫᬦ᭄ᬤᬕᬶᬗᬶᬦ᭄᭟ᬲᬸᬓᬢᬺᬧ᭄ᬢᬶᬕᬶᬮᬶᬓ᭄ᬳᬲᬢ᭄᭞ᬕᬫ
ᬢᬶᬃᬣᬫᬦᬢᬓ᭄ᬧᬾᬦ᭄ᬢᬄᬳᬓᬶᬫ᭄᭞ᬩᬗᭂᬢ᭄ᬲᬶᬯᬄᬓᬤᬶᬤᬗᬸ᭞ᬦᬾᬫᬗ᭄ᬓᬶᬦ᭄ᬧᬸᬭᬶᬲᬓ᭄ᬱᬢ᭄᭞ᬚᬕᬢ᭄ᬲᬲᬓ᭄ᬓᬳᬸᬤᬦᬦ᭄ᬫᬺᬢᬮᬦ᭄ᬤᬸᬂᬫᬗ᭄ᬭᬦᬬᬂᬕ᭄ᬫᬸᬄᬜᬩ᭄ᬭᬦ᭄ᬲᬓᬶᬂᬥᬃᬫ᭄ᬫᬦᬸ
Kaca:Bali-lontar-gaguritan-rusak-sasak-02-300ppi.pdf/76
Kaca puniki sampun kauji-wacén
