[ ᭕᭙ 59B]
ᬋᬧ᭄ᬓᬗᬶᬦ᭄᭟ᬫᬮᬶᬄᬲᬦᬾᬤ᭄ᬮᭀᬤ᭄ᬤᬳᬸᬄᬩᭀᬕᭀᬃᬲᬸᬩ᭞ᬫᬫ᭄ᬩᭂᬤᬶᬮ᭄ᬫᬜᬫ᭄ᬧᬶᬗᬶᬦ᭄᭞ᬧᬫᬢᬶᬂᬦᬕᬭ᭞ᬦᬾᬫᬋᬧ᭄ᬓᭂᬮᭀᬤ᭄ᬕᬾᬯᬃ᭞ᬢᬦ᭄ᬯᬶᬦᬶᬮᬂᬳᬓᬾᬄᬫᬢᬶ᭞ᬦᬾᬲᬸᬩᬤᬶᬭ᭞ᬤᬶᬢᬸᬫᬗᬫᬸᬓ᭄ᬕᬶᬧᬶᬄ
᭟ᬮᭀᬂᬮᬶᬦᭀᬗᬦᬲᬸᬭᬤᬤᬸᬫᬶᬯᬄᬭᭀᬯᬂ᭞ᬓᬸᬫᭂᬦ᭄ᬤᬦ᭄ᬤᬶᬢᬸᬫᬢᬶ᭞ᬳᬸᬦ᭄ᬢᬢ᭄ᬳᬫ᭄ᬮᬧᬸᬭ᭞ᬳᬶᬭᬶᬓᬫᬓᬮᬶᬗ᭄ᬕ᭞ᬫᬗᬤᬸᬲᬶᬓᭂᬧ᭄ᬦᬕᬭᬶ᭞ᬦ᭄ᬤᬤᬓᬂᬳᬤ᭞ᬕᬶᬧᬶᬄᬫᬢᬸᬃᬧᬶᬳᬸᬦᬶᬂ᭟ᬳᬦ᭄ᬢᬸᬓ᭄ᬲᬸᬭᬤᬤᬸᬰ
ᬢ᭄ᬭᬸᬲᬫ᭄ᬧᬸᬦ᭄ᬩᬾᬩᬲ᭄᭞ᬓᬸᬢᬓᬳᬸᬄᬓᬕᬶᬲᬶ᭞ᬤᬶᬢᬸᬭᬭᬶᬲ᭄ᬳᬶᬤ᭞ᬩᬸᬤᬮᬾᬕᬕᬗ᭄ᬲᬭᬦ᭄᭞ᬧᬓᬬᬸᬦᬦ᭄ᬫᬋᬩᬸᬢᬶᬦ᭄᭞ᬤᬶᬓᬭᬂᬍᬩᬄ᭞ᬢᭀᬗᭀᬲ᭄ᬫᬳᬫᬸᬓ᭄ᬕᬶᬲᬶ᭟ᬳᬧᬦ᭄ᬳᭂᬦ᭄ᬢᭀᬦ᭄ᬧᬶᬓᬳᬸᬄ
ᬚ᭄ᬭᭀᬦᬶᬂᬓᬸᬢ᭞ᬩᬸᬭᬳᬸᬳᬾᬤᬶᬧᬸᬭᬶ᭞ᬭᬭᬶᬲ᭄ᬫᬗᬸᬢᬸᬲᬂ᭞ᬲᬶᬓᭂᬧᬾᬲᬓᭂᬘᬓ᭄ᬭ᭞ᬫᬫᭂᬦ᭄ᬤᬓ᭄ᬦᬾᬓᬳᬸᬄᬓᬾᬗᬶᬦ᭄᭞ᬲ᭄ᬭᬦ᭄ᬢᬫᬚᬮᬦ᭄᭞ᬦᬾᬓ᭄ᬮᭀᬤ᭄ᬳᬸᬘᬧ᭄ᬫᬮᬶᬄ᭟ᬲᬸᬭᬤᬤᬸᬢ᭄ᬯᬭᬧ᭄ᬕᬢ᭄ᬦᬺᬚᬓ᭄᭞
[ ᭖᭐ 60A]
ᬳᬓᬸᬤᬂ᭞ᬳᬶᬧᬸᬦ᭄ᬫᬢᬶ᭞ᬲᬶᬓᭂᬧ᭄ᬤᬶᬦᬕᬭ᭞ᬫᬗ᭄ᬓᬶᬦ᭄ᬓᬸᬘᬶᬯᬢᬥ᭞ᬲᬓᬶᬂᬓ᭄ᬮᭀᬤ᭄ᬓᬳᬸᬄᬫ᭄ᬩᭂᬤᬶᬮ᭄᭞ᬓᬸᬫ᭄ᬧᭂᬦᬶᬗᬸᬮᬄᬜᭂᬄᬲᭂᬄᬢ᭄ᬯᬭᬕᬶᬕᬶᬲᬶᬦ᭄᭟ᬓᬮᬶᬄᬲᬸᬩᬧᬫᬢᬶᬗᬾᬧᬤᬗᬄᬗᬄ᭞ᬕᬮᬓᬾᬳᭀ
ᬜᬲᬫᬶ᭞ᬓᬮᬸᬤ᭄ᬦᬾᬗᬾᬦ᭄ᬢᭂᬭᬂ᭞ᬧᬸᬗ᭄ᬕᬯᬳᭀᬜᬩᬸᬤᬮ᭄᭞ᬬᬾᬦ᭄ᬤᬶᬚᬕ᭄ᬦᬄᬧᬦ᭄ᬤᭂᬲᬶᬮ᭄᭞ᬗᬮᬶᬄᬳᬮᬶᬗᬦ᭄᭞ᬭᭀᬯᬗᬾᬳᭀᬜᬩ᭄ᬮᬶᬢ᭄᭟ᬫᬮᬸᬮᬸᬦᬦ᭄ᬫᬗ᭄ᬕᬭᬸᬤᬸᬕ᭄ᬩᬸᬓᬳᭀᬫ᭄ᬩᬓ᭄᭞ᬲᬲᬶᬲᬦ᭄ᬜᬦᬾ
ᬫᬢᬶ᭞ᬗ᭄ᬕᬸᬩᬸᬕ᭄ᬧᬢᬶᬢᬺᬚᬓ᭄᭞ᬗᬸᬭᬾᬧᬓ᭄ᬦᭂᬕᭂᬦ᭄ᬢᬸᬫ᭄ᬩᬓ᭄᭞ᬳᬤᬦᬤ᭄ᬢᬤ᭄ᬩᭂᬤᬶᬮ᭄ᬘ᭄ᬭᬶᬦᬶᬢ᭄᭞ᬗᬚᬓᬗᬶᬦᬂ᭞ᬓᬘᬓ᭄ᬭᬢ᭄ᬮᬲ᭄ᬗᬸᬗ᭄ᬲᬶ᭟ᬲᬸᬭᬤᬤᬸᬲᬫ᭄ᬧᬸᬦ᭄ᬩᬾᬩᬲ᭄ᬫᬗ᭄ᬓᬶᬦ᭄ᬗᬫ᭄ᬩ᭄ᬬᬃ᭞ᬓᬭᬂᬫᬳᬶᬦ᭄ᬓᭂᬦᬶ᭞ᬦᬸ
ᬗ᭄ᬓᭂᬤ᭄ᬤᬗᬶᬦ᭄ᬫᬃᬕ᭄ᬕ᭞ᬢ᭄ᬯᬭᬲᬦ᭄ᬢᭀᬲᬗᬸᬮᬄ᭞ᬓᬓᭂᬦ᭄ᬤᬗᬜᬫᬕᭂᬦ᭄ᬤᬶᬂ᭞ᬫᬗ᭄ᬓᬶᬦ᭄ᬓᬳᬸᬘᬧ᭄᭞ᬳᬦᬓᬾᬳᬕᬸᬂᬮᬶᬗ᭄ᬲᬶᬃ᭟ᬲᬫ᭄ᬧᬸᬦ᭄ᬯᬶᬓᬦ᭄ᬩᬦ᭄ᬰᬢ᭄ᬭᬸᬦᬾᬓᬮᬶᬄᬗᬸᬮᬄ᭞ᬕ᭄ᬮᬶᬲ᭄ᬭᬭᬶᬲ᭄ᬦ᭄ᬤᬯᬸᬳᬶᬦ᭄᭞ᬲᬶᬓᭂᬧ᭄ᬲᬓᬶᬂ