Kaca:Bali-lontar-gaguritan-rusak-sasak-02-300ppi.pdf/61

Saking Wikisource
Kaca puniki sampun kauji-wacén

[ ᭖᭐ 60B]
ᬘᬓ᭄ᬭ᭞ᬫᬗᬸᬮᬳᬂᬫᬦᬺᬚᬓ᭄᭞ᬫᬸᬲᬸᬳᬾᬦᬾᬫᬓᬮᬮᬶᬄᬫᬗ᭄ᬮᬶᬦ᭄ᬢᬂᬕ᭄ᬮᬃ᭞ᬮᬯᬦ᭄ᬫᬳᬫᬸᬓ᭄ᬕᬶᬲᬶ᭟ᬩᬳᬸᬫᬭᬲᬶᬓᭂᬧ᭄ᬘᬓ᭄ᬭᬦᬾᬫᬚᬮᬦ᭄‌ᬧ᭄ᬭᬬᬫᬗᬫᬸᬓ᭄ᬕᬶᬦ᭄ᬢᬶᬂ᭞ᬤᬤᬶᬮᬶᬗ᭄ᬕᬶᬄᬳᬶᬤ᭞ᬦᬓ᭄ᬳᬕᬸᬂᬗᬸᬭᬄᬳᬾ
ᬗ᭄ᬕᬮ᭄᭞ᬓᬧᬶᬓᬸᬮ᭄ᬫᬸᬗ᭄ᬓᬸᬭᬂᬕ᭄ᬮᬶᬲ᭄᭞ᬤᬤᬶᬫᬩ᭄ᬬᬸᬭᬦ᭄᭞ᬲᬶᬓᭂᬧᬾᬢᬸᬮᬓ᭄ᬲᬫᬶ᭟ᬢᬸᬃᬓᬳᬸᬮᬄᬳᬦ᭄ᬢᬸᬓ᭄ᬓᬸᬫ᭄ᬧᭂᬦᬶᬫᬗ᭄ᬮᬫᬢ᭄᭞ᬳᬓᬾᬄᬫᬢᬢᬸᬫᬢᬶ᭞ᬲᬶᬓᭂᬧ᭄ᬲᬓᬶᬂᬘᬓ᭄ᬭ᭞ᬩᬸᬮᬸᬲ᭄ᬩᬦ᭄ᬢᬲ᭄ᬗᬚᬦᬂ᭞ᬢ᭄ᬯᬭᬓ
ᬧᬶᬂᬢᭀᬮᬶᬄᬫᬮᬶᬄ᭞ᬳᬸᬘᬧᬂᬳᬶᬤ᭞ᬳᬸᬦ᭄ᬢᬢ᭄ᬳᬫ᭄ᬮᬦᬕᬭᬶ᭟ᬳᬦᬓ᭄ᬳᬕᬸᬂᬫᬸᬮᬢᭀᬲ᭄ᬦᬶᬂᬯᬶᬮᬢᬶᬓ᭄ᬝ᭞ᬲᬸᬭᬤᬶᬭᬭᬶᬂᬚᬸᬭᬶᬢ᭄᭞ᬧᬶᬮᬶᬄᬧᬭᬕᬬᬦ᭄᭞ᬤᬾᬯᬓᬸᬭᬸᬦ᭄ᬭᬶᬂᬳᬶᬤ᭞ᬳᬯᬦᬦ᭄‌ᬢ᭄ᬯᬭᬤᬕᬶᬗ᭄ᬲᬶᬃ᭞
ᬓᬬᬸᬦ᭄ᬲᬫ᭄ᬧᬸᬃᬡ᭄ᬦ᭞ᬭᬶᬂᬫᬢᬭᬫ᭄ᬫᬫ᭄ᬩ᭄ᬯᬢᬶᬦ᭄᭟ᬓᬮᬶᬄᬲᬫ᭄ᬧᬸᬦ᭄ᬲᬂᬳ᭄ᬬᬂᬚᬶᬯᬓᬢᬸᬗ᭄ᬕᬶᬮᬂ᭟ᬭᬶᬤᬾᬳᬲᬸᬤᬳ᭄ᬦᬶᬂ᭞ᬩᬺᬲᬶᬄᬢᬦ᭄ᬓᬯᬭᬦ᭄᭞ᬢᬺᬱ᭄ᬡᬦᬾᬗᬦᬓ᭄ᬳᬦᬓ᭄᭞ᬯᬃᬡ᭄ᬦᬦᬾᬤᬸᬫᬶᬮᬄᬓᬮᬶ᭞ᬲᬂᬳ᭄ᬬᬂᬩᬲ᭄ᬓᬭ

[ ᭖᭑ 61A]
᭟ᬯᬮᬸᬬᬲ᭄ᬫᬭᬫᬸᬃᬣᬶ᭟ᬢᬦ᭄ᬓᬕᬶᬭᬂᬢᬦ᭄ᬓᬕᬶᬗ᭄ᬲᬶᬃ᭞ᬓᬢᬋᬚᬓ᭄᭞ᬓᬘᬓᬸᬧ᭄ᬩᬦ᭄ᬓᬸᬫ᭄ᬧᭂᬦᬶ᭞ᬫ᭄ᬩᭂᬤᬶᬮ᭄ᬢ᭄ᬯᬭᬧ᭄ᬕᬢ᭄᭞ᬤᬶᬧᬭᬫ᭄ᬧᬢᬦ᭄ᬫᬸᬃᬕ᭄ᬕ᭞ᬧᬸᬭᬶᬳᬕᬸᬂᬯ᭄ᬬᬓ᭄ᬢᬶᬓᬤᬶ᭞ᬗᬸᬳᬸᬕᬂᬯ᭄ᬬᬢ᭄᭞ᬫᬸᬜᬶᬦ᭄ᬩᭂᬤᬶᬦᬾᬶᬸ
ᬮᬢᬶᬢᬶᬃ᭞ᬳᬸᬦ᭄ᬢᬢ᭄ᬳᬫ᭄ᬮᬳᬶᬤᬓᬭᬶᬫᬳᬶᬭᬶᬗᬦ᭄᭞ᬧᬋᬓᬦ᭄ᬤᬰᬲᬶᬓᬶ᭞ᬳᬓᬶᬚᭂᬧᬦ᭄ᬢᭂᬮᬲ᭄᭞ᬫᬢᬶᬫᬓᬤᬶᬭᬸᬲᬓ᭄᭞ᬳᬸᬦ᭄ᬢᬢ᭄ᬳᬫ᭄ᬮᬢ᭄ᬯᬭᬩᬶᬳᬶᬤ᭄᭞ᬤᬶᬢᬸᬫᭀᬓ᭄ᬱᬗ᭄ᬕ᭞ᬫᬢᬭᬫ᭄ᬓᬯᭀᬦ᭄ᬭᬭᬶᬲ᭄᭟ᬢ᭄ᬯᬦ᭄ᬋ
ᬲᬶᬤᬾᬦ᭄ᬓᬮᬶᬄᬚᬾᬦ᭄ᬤ᭄ᬭᬮ᭄‌ᬲᬫᬶᬳᬾᬦᬓ᭄᭞ᬭᬶᬂᬫᬢᬭᬫ᭄ᬫᬮᬶᬗ᭄ᬕᬶᬄᬯᬶᬭᬾᬄᬲᬫ᭄ᬧᬸᬦ᭄‌ᬩᬾᬩᬲ᭄᭞ᬢᬶᬕᬂᬤᬾᬰᬓᬚᬬ᭞ᬫᬗ᭄ᬓᬶᬦ᭄ᬓᭀᬘᬧ᭄‌ᬲ᭄ᬤᭂᬓ᭄ᬯᭂᬗᬶ᭞ᬦᬓ᭄ᬳᬕᬸᬂᬗᬸᬭᬄ᭞ᬓᬢᬗ᭄ᬓᬶᬮ᭄ᬲᬫᬶᬸᬦ᭄ᬢᬶᬢᬶᬩ᭄᭞ᬧ᭄ᬭᬫᬾᬦᬓ᭄ᬩᬳᬸ
ᬤᬦ᭄ᬤᬭᬶᬂᬳᬬᬸᬦᬦ᭄᭞ᬳᬦᬓᬾᬳᬕᬸᬂᬭᬭᬶᬲ᭄᭞ᬤᬯᬸᬄᬧᬗᬦ᭄ᬤᬶᬓ᭞ᬚᬦᬶᬧᬤᬓ᭄ᬦᭂᬳ᭞ᬧᬳᬋᬧᬾᬓᬓᬸᬫ᭄ᬧᭂᬦᬶ᭞ᬤᬾᬦᬶᬂᬫᬘᬶᬳ᭄ᬦ᭞ᬓᬧᬶᬧᬶᬸᬲ᭄ᬫ᭄ᬧᬲ᭄ᬬᬢᬾᬚᬢᬶ᭟ᬘᬳᬶᬧᬤᬲᬶᬓ᭄ᬱᬶᬓᬂᬧᬶᬲᬦ᭄‌ᬧᬲ᭄ᬘᬢᬂ᭞ᬭᬯᭀ