[ ᭕᭘ 58B]
᭕᭘᭞
ᬲ᭄ᬓᬃᬲᬳᬮᬲ᭄᭞ᬲᬶᬂᬓᬢᭂᬢᭂᬄᬧᬘᬂᬢᬫ᭄ᬧᬶᬄ᭞ᬳᬶᬤᬳᬦᬓ᭄ᬤ᭞ᬳᬸᬦ᭄ᬢᬢ᭄ᬳᬫ᭄ᬮᬦᬕᬭᬶ᭟ᬢ᭄ᬯᬭᬚ᭄ᬦᭂᬓ᭄ᬫᬮᬶᬗ᭄ᬕᬶᬄᬲᬳᬢ᭄ᬗᬸᬤ᭄ᬯᬂ᭞ᬧᬫᬢᬶᬫᬫ᭄ᬩᭂᬤᬶᬮᬶᬦ᭄᭞ᬓᬸᬫ᭄ᬧᭂᬦᬶᬲᬶᬂᬳᬸᬮᬄ᭞ᬓᬮᬶᬄᬧᬸᬗ᭄ᬕᬯᬲᬸᬩ᭞ᬤᬤᬯᬸᬳ
ᬦ᭄ᬧᬤᬕᬶᬦ᭄ᬢᬶᬂ᭞ᬫᬗᬤᬸᬭᬾᬜ᭄ᬘᬂ᭞ᬓ᭄ᬮᭀᬤ᭄ᬓᬳᬸᬄᬓᬸᬓᬸᬳᬶᬦ᭄᭟ᬢᬸᬃᬦᬾᬓᬳᬸᬄᬳᬦᬓ᭄ᬳᬕᬸᬂᬚ᭄ᬜᭂᬓ᭄ᬫᬮᬶᬗ᭄ᬕ᭞ᬓ᭄ᬢᬸᬢ᭄ᬚ᭄ᬮᬦ᭄ᬢᬶᬓ᭄ᬧᬧᬲᬶᬄ᭞ᬢᭀᬲ᭄ᬦᬶᬂᬧᬸᬭᬶᬧᬸᬃᬯ᭄ᬯ᭞ᬫᬢᬭᬫ᭄ᬮᬶᬗ᭄ᬕᬶᬄᬳᬶᬤ᭞ᬓ᭄ᬭᬡᬧᬲ᭄ᬬᬢᬾᬤᬤᬶ᭞ᬮᬸᬕᭂᬢ᭄ᬫᭀ
ᬲᭀᬕᬦ᭄᭞ᬲᬓᬶᬂᬩᬸᬳᭂᬦ᭄ᬤᬕ᭄ᬳᬳᬶ᭟ᬧᬶᬦᭂᬄᬲᬫ᭄ᬧᬸᬦ᭄ᬲᬂᬳ᭄ᬬᬂᬲᬸᬃᬬ᭄ᬬᬩ᭄ᬦᭂᬄᬫᬸᬗ᭄ᬕᬄ᭞ᬧᬶᬂᬓᬸᬤᬯᬮᬶᬯᬮᬶ᭞ᬓᬸᬫ᭄ᬧᭂᬦᬶᬜᬳᬢᬂ᭞ᬗᬺᬕᬄᬓᬶᬤᬸᬮᬶᬂᬧᬸᬭ᭞ᬫᬾᬄᬲᬢᬓᬦ᭄ᬓᬦᬶᬦ᭄ᬫᬢᬶ᭞ᬢ᭄ᬯᬭᬓᬲᬶᬤ᭄ᬥᬦ᭄᭞ᬦ᭄ᬤᭂᬲᭂᬓ᭄
ᬕ᭄ᬮᬭᬾᬭᬶᬫ᭄ᬩᬶᬢ᭄᭞ᬫᬾᬢ᭄ᬓᬳᭀᬢᬕ᭄ᬩᬦ᭄ᬫᬭᬶᬬᬫ᭄ᬢ᭄ᬯᬭᬧ᭄ᬕᬢ᭄᭞ᬳᬸᬮᬶᬓᬳᬸᬄᬗᬸᬚᬦᬶᬦ᭄᭞ᬤᬤᬶᬩᬸᬓᬳᬫ᭄ᬧᬄ᭞ᬲᬶᬓᭂᬧᬾᬤᬶᬦᬕᬭ᭞ᬩᬸᬘᬸᬓ᭄ᬮᭀᬤ᭄ᬓᬳᬸᬄᬢᬫ᭄ᬩᬶᬲ᭄᭞ᬢ᭄ᬯᬭᬜᬾᬗᭂᬳᬂ᭞ᬲᬸᬭ
[ ᭕᭙ 59A]
ᬤᬤᬸᬗ᭄ᬮᭀᬮᭀᬲᬶᬦ᭄᭟ᬲᬓᬶᬂᬢᬫᬦ᭄ᬧᬸᬤᬓ᭄ᬲᬭᬶᬦᬺᬚᬓ᭄᭞ᬗ᭄ᬕᬶᬲᬶᬕ᭄ᬮᬃᬫᬫ᭄ᬩᭂᬤᬶᬮ᭄᭞ᬩ᭄ᬭᬶᬬᬸᬓ᭄ᬳᬤᬤᭀᬫᬲ᭄᭞ᬧᬧᬸᬘᬸᬓ᭄ᬜᬦᬾᬗᭂᬦᬄ᭞ᬦᬾᬫᭀᬗ᭄ᬓᭀᬮᬶᬦ᭄ᬓᬸᬤᬂᬢᬮᬶ᭞ᬤᬶᬢᬸᬫᬮᬶᬗ᭄ᬕ᭞ᬳᬶᬢ᭄ᬯ
ᬦ᭄ᬋᬲᬶᬤᬾᬦ᭄ᬓᬮᬶᬄ᭟ᬢ᭄ᬯᬦ᭄ᬚᬾᬦ᭄ᬤ᭄ᬭᬮ᭄ᬲᬫᬶᬗᬸᬢᬸᬲ᭄ᬫᬗᬸᬮᬳᬂ᭞ᬲᬶᬓᭂᬧ᭄ᬦᬕᬭᬓᬾᬗᬶᬦ᭄᭞ᬲᬫ᭄ᬩᭂᬄᬫᬩ᭄ᬬᬬᬸᬳᬦ᭄᭞ᬳᬓᬸᬤᬂᬤᬰᬜᭂᬫ᭄ᬧᬂ᭞ᬮᬶᬂᬢᬶᬍᬄᬘ᭄ᬭᬶᬦᬶᬢ᭄ᬫᬮᬳᬶᬩ᭄᭞ᬫᬫ᭄ᬩᭂᬦᭂᬄᬓᬚ᭞ᬗ᭄ᬕᬩᬸ
ᬕ᭄ᬢ᭄ᬯᬭᬫᬦᭀᬮᬶᬄ᭟ᬓᬢᬳᬸᬭᬕ᭄ᬲᬶᬓᭂᬧᬾᬲᬦᬾᬤᬶᬢ᭄ᬗᬄ᭞ᬦᬾᬫᬋᬧ᭄ᬓᬳᬸᬄᬗ᭄ᬕᬶᬮᬶᬲ᭄᭞ᬢᬸᬢᬶᬂᬮᬶᬗ᭄ᬕᬶᬄᬳᬶᬤ᭞ᬳᬸᬦ᭄ᬢᬢ᭄ᬚᬚᬬᬦᬩ᭄ᬭᬂ᭞ᬓᬢᬸᬭᬸᬢ᭄ᬓᬸᬚᬦᬶᬦ᭄ᬫᬶᬫᬶᬲ᭄᭞ᬩᬾᬘᬾᬓ᭄ᬗᭂᬘᬕᬂ᭞ᬩᬗ᭄ᬓᬾᬓᬮ
ᬳᬶᬦ᭄ᬦ᭄ᬤ᭄ᬭᬶᬢ᭄᭟ᬲᬸᬭᬤᬤᬸᬦᬾᬲᬫ᭄ᬧᬸᬦ᭄ᬫᬗ᭄ᬭᬜ᭄ᬚᬶᬂᬕ᭄ᬮᬃ᭞ᬳᬤᬗᬋᬧᬶᬦ᭄ᬓᬗᬶᬦ᭄᭞ᬳᬤᬩ᭄ᬦᭂᬄᬓᬚ᭞ᬜᬮᬸᬓ᭄ᬲᬸᬓ᭄ᬚ᭄ᬭᭀᬦᬶᬂᬓᬭᬂ᭞ᬳᬸᬩ᭄ᬭᬸᬲ᭄ᬓᬧ᭄ᬢᬾᬦ᭄ᬫᬗᬾᬦ᭄ᬢᭂᬭᬶᬦ᭄᭞ᬦᬸᬗ᭄ᬓᭂᬤ᭄ᬓᬫᬃᬕ᭄ᬕ᭞ᬳᬕᬸᬗᬾᬫ
Kaca:Bali-lontar-gaguritan-rusak-sasak-02-300ppi.pdf/59
Kaca puniki sampun kauji-wacén
