[ ᭔᭒ 42B]
᭔᭒᭞
ᬧᬕᬫᭂᬮᬾᬩᬶᬮᬂᬤᬾᬰ᭞ᬲᬲᭀᬭᭀᬳᬦ᭄ᬤᬗᬶᬦ᭄ᬚᬸᬭᬶᬂ᭞ᬫᬓᬫᬶᬯᬄᬭᬶᬂᬧᬭᬬ᭞ᬫᬓᬤᬶᬲᬓᬶᬂᬦᬕᬭᬶ᭞ᬭᬚᬧᬸᬢ᭄ᬭᬦᬾᬲᬫᬶ᭞ᬦᬧᬓ᭄ᬓᬧᬭᬦᬶᬦ᭄ᬲᬫ᭄ᬧᬸᬦ᭄᭞ᬗᬸᬲᬦᬂᬦᬗᬸᬦ᭄
ᬬᬸᬤ᭞ᬤᬾᬦᬶᬂᬭᬯᭀᬲ᭄ᬲᬫ᭄ᬧᬸᬦ᭄ᬧᬲ᭄ᬢᬶ᭞ᬢ᭄ᬯᬦ᭄ᬋᬱᬶᬤᬾᬦ᭄ᬲᬋᬂᬭᬚᬦᬾᬭᬶᬂᬘᬓ᭄ᬭ᭟ᬧᬕᬫᭂᬮᬾᬲᬫᬶᬩᬸᬤᬮ᭄᭞ᬲᬤᬕᬶᬂᬦᬕᬭᬗᬶᬭᬶᬂ᭞ᬩᬩᬯᭀᬲᬦᬾᬓᬯᬲ᭞ᬭᬶᬂᬓᭀᬢᬘᬓ᭄ᬭᬫᬓ
ᬤᬶ᭞ᬳᬶᬢ᭄ᬯᬦ᭄ᬦᬾᬫᬦ᭄ᬤᬶᬭᬶ᭞ᬭᬶᬂᬲᬶᬗ᭄ᬳᬭᬚᬓᬳᬸᬢᬸᬲ᭄᭞ᬳᬦ᭄ᬢᬸᬓ᭄ᬧᬮᬶᬗ᭄ᬕᬶᬄᬳᬶᬤ᭞ᬰ᭄ᬭᬶᬧᬤᬸᬓᬭᬶᬂᬩᬢᬯᬶ᭞ᬓᬮᬶᬗ᭄ᬓᬾᬲ᭄ᬮᬫ᭄ᬧᬘᬂᬩᬦᬶᬫᬫ᭄ᬩᭂᬓ᭄ᬧᬶᬯᬮ᭄᭟ᬫᬗ᭄ᬓᬶᬦ᭄ᬓᭀᬘᬧ᭄ᬭᬶᬂᬦᬕᬭ᭞ᬳᬦ
ᬓ᭄ᬳᬕᬸᬂᬗᬸᬭᬄᬓᬶᬗᬶᬦ᭄᭞ᬩᬳᬸᬫᬗ᭄ᬓᬶᬦ᭄ᬫᬫᬶᬦᭂᬳᬂ᭞ᬳᬃᬣᬦᬾᬩᬲ᭄ᬳᬓᬾᬄᬫᬶᬚᬶᬮ᭄᭞ᬯᬦ᭄ᬢᬄᬧᬦᬶᬢᬄᬯᬶᬤ᭄ᬥᬶ᭞ᬓᬚᬢᭀᬦᬾᬧᬘᬂᬲᬸᬭᬸᬤ᭄᭞ᬭᬶᬗ᭄ᬕᬶᬢᬾᬳᬮᬤ᭄ᬫᭂᬤᬮ᭄᭞ᬧᬦᭂᬕᭂᬧ᭄ᬳᭀᬗ᭄ᬓᭀᬲᬾᬓᬶ
[ ᭔᭓ 43A]
ᬗᬶᬦ᭄᭞ᬫᬓᬸᬍᬳᬦ᭄ᬬᬦ᭄ᬳᬓᬸᬤᬂᬤᬶᬦᬕᬬᬂ᭟ᬩᬩᬯᭀᬲᬾᬓᬭᬶᬫᬸᬕᬮ᭄᭞ᬳᬦᬓ᭄ᬤᬦᬲᬓᬶᬂᬩᬮᬶ᭞ᬲᬫ᭄ᬧᬸᬦ᭄ᬲ᭄ᬭᬶᬂᬫᬫᬸᬗ᭄ᬯᬂ᭞ᬭᬶᬂᬳᬦᬓᬾᬳᬕᬸᬂᬮᬶᬗ᭄ᬲᬶᬃ᭞ᬢᬍᬃᬘᬺᬗ᭄ᬓᬶᬂᬫᬢᭂᬧᬶᬤ᭄᭞
ᬓᬸᬤᬸᬳᬤᬭᬶᬗ᭄ᬕᬶᬢ᭄ᬧᭂᬲᬸ᭞ᬲᭀᬓ᭄ᬳᬤᬜᬫᬕᭀᬩ᭞ᬳᬸᬢᬸᬲᬦᬾᬯᬭᬯᬶᬭᬶ᭞ᬬᬾᬦ᭄ᬳᬓᬸᬤᬭᬾᬓᬾᬦᬜᬓᬭᬶᬓᬶᬭᬂ᭟ᬳᭀᬗ᭄ᬓᭀᬲᬾᬦᬾᬤᬸᬭᬸᬂᬫ᭄ᬤᬮ᭄᭞ᬫᬗ᭄ᬓᬶᬦ᭄ᬓᭀᬘᬧ᭄ᬲ᭄ᬥᭂ
ᬓ᭄ᬯ᭄ᬗᬶ᭞ᬢ᭄ᬯᬦ᭄ᬋᬲᬶᬤᬾᬦ᭄ᬫᬶᬋᬂᬓᬩᬃ᭞ᬧᬘᬂᬓᬳᬫᬸᬓ᭄ᬦᬾᬫᬗ᭄ᬓᬶᬦ᭄᭞ᬳᬦ᭄ᬢᬸᬓ᭄ᬯᬢᭂᬓ᭄ᬩᬩ᭄ᬘᬶᬓ᭄᭞ᬭᬶᬂᬦᬕᬭᬤᭀᬦᬶᬂᬮᬚᬸ᭞ᬳᬶᬢ᭄ᬯᬦ᭄ᬫᬧᬸᬢᬸᬲᬦ᭄᭞ᬫᬗᬸᬦᬶᬗᬭᬚᬩᬮᬶ᭞ᬳᬦᬓ᭄ᬳ
ᬕᬸᬂᬫᬲᬳᬸᬃᬢᬦ᭄ᬯᬾᬦ᭄ᬢᭂᬦ᭄ᬧᬶᬲᬦ᭄᭞ᬫᬗ᭄ᬤᬲᬫ᭄ᬧᬸᬦ᭄ᬰ᭄ᬭᬶᬧᬤᬸᬓ᭞ᬢ᭄ᬯᬦ᭄ᬋᬲᬶᬤᬾᬦ᭄ᬫᬗ᭄ᬕᭂᬕᬦᬶᬦ᭄᭞ᬲ᭄ᬯᬭᬦ᭄ᬚᬦ᭄ᬫᬓᬧᬸᬜᬳᬦ᭄᭞ᬗ᭄ᬕᬳᬾᬩ᭄ᬬᬸᬃᬭᬶᬂᬦᬕᬭᬶ᭞ᬲᭀᬭᭀᬄᬦᬾᬤᬸᬗ᭄ᬓᬸ
Kaca:Bali-lontar-gaguritan-rusak-sasak-02-300ppi.pdf/43
Kaca puniki sampun kauji-wacén
