[ ᭔᭓ 43B]
᭔᭓᭞
ᬮ᭄ᬤᬗ᭄ᬓᬶᬮ᭄᭞ᬢ᭄ᬯᬭᬢ᭄ᬪᬫᬗᬶᬢᬸᬂᬓᬾᬯᬸ᭞ᬳᬧᬂᬲᬶᬤ᭄ᬥᬫᬩᬳᬦ᭄᭞ᬫᬜ᭄ᬚᬮᬦᬂᬳᬫ᭄ᬩᭂᬓᭂᬓᬶᬮ᭄᭟ᬫᬜᬭᬸᬦ᭄ᬤᬸᬧ᭄ᬜᬶᬗ᭄ᬲᬾᬜᬸᬯᬂᬩᬭᬂᬩᬭᬂ᭟ᬚᬢᬶᬢ᭄ᬯᬭᬸᬳᬤᬳᬧ᭞ᬤᬸᬓ᭄ᬧ᭄ᬢᭂᬗᬾᬦᬶ
ᬓᬗ᭄ᬕᬶᬮᬶᬲ᭄᭞ᬦᬾᬩᬾᬜ᭄ᬚᬂᬫᬮᬶᬄᬘᬭᬶᬢ᭞ᬳᬶᬢ᭄ᬯᬦ᭄ᬮᬸᬢᬸᬲᬂᬫᬮᬶᬄ᭞ᬫ᭄ᬩᬯᭀᬲᬂᬫᬗ᭄ᬤᬓ᭄ᬦᬶ᭞ᬧᬦᭂᬕᭂᬧ᭄ᬳᭀᬗ᭄ᬓᭀᬲᬾᬓᬢᬸᬃ᭞ᬳᬦᬓ᭄ᬳᬕᬸᬂᬗᬸᬭᬄᬳᬶᬤ᭞ᬲᬳᬸᬃᬓᬭᬶᬗᬯᬶᬮᬗᬶᬦ᭄᭞ᬢ᭄ᬯ
ᬦ᭄ᬧᬲᬶᬤᬾᬦ᭄ᬫᭂᬗ᭄ᬕᬳᬾᬓᬭᬶᬓᬢᬳᬦ᭄᭟ᬳᬸᬮᬢ᭄ᬓᬤᬶᬓᬧ᭄ᬕᭀᬓᬂᬦᬶᬸ᭄᭞ᬓᬩᬯᭀᬲ᭄ᬦᬓ᭄ᬳᬕᬸᬂᬮᬶᬗ᭄ᬲᬶᬃ᭞ᬢ᭄ᬯᬭᬢᬶᬦ᭄ᬤᬶᬄᬭᬶᬂᬧᬗ᭄ᬭᬯᭀᬲ᭄᭞ᬭᬾᬄᬳᬶᬢ᭄ᬯᬦ᭄ᬗᬬᬢ᭄ᬕᭂᬮᬶᬲ᭄᭞ᬩᬸᬤᬮᬾᬲᬓᬶᬂᬭ
ᬤᬶᬦ᭄᭞ᬢᬦ᭄ᬘᬭᬶᬢᬫᬗ᭄ᬓᬶᬦ᭄ᬜᬮᬸᬓ᭄᭞ᬯ᭄ᬗᬶᬦᬾᬩᬸᬤᬲ᭄ᬍᬫᬄ᭞ᬯᭀᬂᬩᬮᬶᬢ᭄ᬓᬫ᭄ᬩᭂᬤᬶᬮᬶᬦ᭄᭞ᬲᬸᬭᬤᬤᬸᬦᬾᬫᬫᭀᬦ᭄ᬤᭀᬓ᭄ᬤᬗᬶᬦ᭄ᬧᬲᬃ᭟ᬤ᭄ᬮᭀᬤ᭄ᬧᬸᬭᬶᬓᭀᬢᬘᬓ᭄ᬭ᭞ᬚᬩᬦ᭄ᬫᬾᬭᬸᬳ
[ ᭔᭔ 44A]
ᬕᬸᬂᬢᬶᬢ᭄ᬩ᭄᭞ᬢᬂᬓ᭄ᬚᬸᬢ᭄ᬩᬗᬸᬦ᭄ᬗᬸᬭᬾᬧᬓ᭄᭞ᬧᬲᭂᬮᬸᬃᬫᬜ᭄ᬚᭂᬫᬓ᭄ᬩᭂᬤᬶᬮ᭄᭞ᬫᬶᬯᬄᬓᬮᬾᬯᬂᬢᬭᬶᬓ᭄᭞ᬧᬭᬾᬭᬾᬢ᭄ᬫᬢᬶᬫ᭄ᬩᬮ᭄ᬜᬮᬸᬂ᭞ᬕᬕᬸᬧᭂᬓᬦ᭄ᬢᬦ᭄ᬧ᭄ᬕᬢ᭄᭞ᬦᬭᬸᬦ᭄ᬢᬸᬂᬗᭂᬫ᭄ᬧᭂᬗᬶᬦ᭄ᬓᬸᬧᬶᬂ᭞ᬫᬓᬯᬗ᭄ᬲᬶᬢ᭄ᬗᬢᭂᬧᬸ
ᬓᬶᬦ᭄ᬤᬸᬃᬫ᭄ᬫᬗ᭄ᬕᬮ᭟᭐᭟ᬧᬸᬧᬸᬄᬤᬸᬃᬫ᭄ᬫ᭟ᬰ᭄ᬭᬶᬧᬤᬸᬓᬢ᭄ᬯᬦ᭄ᬋᬱᬶᬤᬾᬦ᭄ᬓᬮᬶᬄᬚᬾᬦ᭄ᬤ᭄ᬭᬮ᭄᭞ᬲᬳᬶᬭᬶᬗᬦᬾᬲᬫᬶ᭞ᬫᬓᬤᬶᬧᬸᬗ᭄ᬕᬯ᭞ᬭᬶᬂᬲᬶᬗ᭄ᬳᬭᬚᬳᬶᬤ᭞ᬳᬸᬦ᭄ᬢᬢ᭄ᬋᬚᬸᬲᬫᬶᬕᬶᬦ᭄ᬢᬶᬂ᭞ᬫ᭄ᬩᬸᬤᬮᬶᬦ᭄ᬧᬸᬭ᭞ᬓᬯᬸᬳ
ᬦ᭄ᬭᬯᬸᬄᬕ᭄ᬮᬶᬲ᭄᭟ᬤᬗᬶᬦ᭄ᬧᬲᬃᬲᬸᬭᬤᬤᬸᬲᬫ᭄ᬧᬸᬦ᭄ᬦᬧᬓ᭄᭞ᬲᬫᬶᬫᬗᬕᭂᬫ᭄ᬩᭂᬤᬶᬮ᭄᭞ᬭᬭᬶᬲ᭄ᬓᬢᬸᬤᬸᬳᬂ᭞ᬫᬗᬯᬍᬲ᭄ᬩᬦ᭄ᬲᬦᬧᬂ᭞ᬧᬤᬫᬗᬋᬧᬸᬦ᭄ᬧᬸᬭᬶ᭞ᬫᬲ᭄ᬭ᭄ᬬᬓ᭄ᬕᬗ᭄ᬲᬃ᭞ᬳᬶᬲᬸᬭᬤᬤᬸᬫ᭄ᬩᭂᬤᬶᬮ᭄᭟ᬯ᭄ᬯᬂᬦᬕᬭ
ᬦᬾᬢᬯ᭄ᬭᬸᬄᬩᬗᬸᬦ᭄ᬗᬸᬭᬾᬧᬓ᭄᭞ᬫᬜ᭄ᬚᭂᬫᬓ᭄ᬢᬸᬫ᭄ᬩᬓ᭄ᬩᭂᬤᬶᬮ᭄᭞ᬓᬶᬸᬳᬤᬓᬧᬸᬧᬸᬗᬦ᭄᭞ᬩᬗᬸᬦᬾᬧᬢᬶᬕᬩᬕ᭄᭞ᬫᬋᬩᬸᬢ᭄ᬮᬾᬫ᭄ᬧᭀᬢ᭄ᬭᬶᬂᬭᬩᬶ᭞ᬲᬯᬸᬄᬓ᭄ᬤᭂᬗᬦ᭄᭞ᬩᬾᬦ᭄ᬤᬂᬤᬍᬫᬾᬓ᭄ᬦᬶ᭞ᬓᬸᬮ᭄ᬓᬸᬮ᭄ᬢᬭᬶᬓ᭄ᬩᬶᬮᬂᬩ
Kaca:Bali-lontar-gaguritan-rusak-sasak-02-300ppi.pdf/44
Kaca puniki sampun kauji-wacén
