Kaca:Bali-lontar-gaguritan-rusak-sasak-02-300ppi.pdf/42

Saking Wikisource
Kaca puniki sampun kauji-wacén

[᭔᭑ 41B]
ᬮ᭄᭞ᬓᬮᬶᬄᬲᬸᬭᬤᬤᬸᬲᬫᬶ᭟ᬢᬶᬓᬶᬸᬕᬂᬓᭂᬢᬶᬩᬸᬗ᭄ᬓᬸᬮᬜ᭞ᬭᬶᬗ᭄ᬕᬶᬢᬶᬧᬸᬦ᭄ᬢᬦ᭄ᬯᬾᬦ᭄ᬢᭂᬦ᭄ᬫᬮᬶᬄᬫᬮᬶᬄ᭞ᬭᬯᭀᬲ᭄‌ᬢ᭄ᬯᬦ᭄ᬋᬲᬶᬤᬾᬦ᭄ᬲᬫ᭄ᬧᬸᬦ᭄᭞ᬓᬧᬶᬦᭂᬄᬳᬦ᭄ᬢᬸᬓ᭄ᬳᬶᬤ᭞ᬳᬦᬓ᭄ᬳᬕᬸᬂᬦᬾᬲᬓᬶᬂᬩᬮᬶᬫ
ᬫᬢᬸᬢ᭄᭞ᬤᬾᬦᬶᬂᬭᬯᭀᬲ᭄ᬳᬶᬤᬧᬜ᭄ᬚᬂ᭞ᬲᬓᬶᬂᬭᬭᬾᬓᬲᬸᬩ᭄ᬭᬶᬭᬶᬄ᭟ᬳᬦᬓ᭄ᬳᬕᬸᬂᬓ᭄ᬢᬸᬢ᭄ᬓᬓᬶᬸᬭᬂ᭞ᬢ᭄ᬓᬘᭀᬓᭀᬮ᭄ᬧᬓᬬᬸᬦᬦᬾᬕᬶᬦ᭄ᬢᬶᬂ᭞ᬫᬗᬶᬭᬶᬂᬳᬶᬭᬸᬓᬲᬫ᭄ᬧᬸᬦ᭄᭞ᬲᬸᬓ᭄ᬱ᭄ᬭᬄᬭᬕᬲᬧᬶᬲᬦ᭄᭞ᬳ
ᬮᬳᬬᬸᬳᬶᬭᬶᬓᬧᬘᬂᬓᬩᬶᬦ᭄ᬢᬸ᭞ᬫᬗ᭄ᬓᬶᬦ᭄ᬓᬢᬸᬃᬓᬧᬸᬭ᭄ᬬᬦ᭄᭞ᬭᬶᬂᬳᬦᬓ᭄ᬳᬕᬸᬂᬕᬶᬸᬮᬶᬗ᭄ᬲᬶᬃ᭟ᬩᬩᬯᭀᬲᬾᬭᬶᬂᬳᬢ᭄ᬯᬦ᭄᭞ᬳᬦᬓ᭄ᬳᬕᬸᬂᬗᬸᬭᬄᬮᬶᬦ᭄ᬢᬂᬫᬶᬲᬶᬗ᭄ᬕᬶᬄ᭞ᬲᬫ᭄ᬧᬸᬦ᭄ᬓᬧᬶᬳᬸᬦᬶᬂᬧᬸᬧᬸᬢ᭄᭞
ᬭᬶᬂᬮᬶᬗ᭄ᬕᬶᬄ᭞ᬰ᭄ᬭᬶᬧᬤᬸᬓ᭞ᬢ᭄ᬯᬦ᭄ᬋᬱᬶᬤᬾᬦ᭄ᬤᬳᬢᬶᬂᬳᬾᬦᬓ᭄ᬭᬶᬂᬓᬬᬸᬦ᭄᭞ᬘᬶᬳ᭄ᬦᬦᬶᬂᬮᬸᬕᭂᬢ᭄ᬫᬲᬶᬳᬦ᭄᭞ᬭᬳᬸᬄᬓᬧᭂᬳᬸᬭᬶᬗ᭄ᬕᬶᬮᬶᬲ᭄᭟᭐᭟ᬧᬸᬧᬸᬄᬲᬶᬦᭀᬫ᭄᭟ᬓᬲᬶᬦᭀᬫᬦ᭄ᬭᬶᬂᬦᬕᬭ᭞
[ ᭔᭒ 42A]
ᬧ᭄ᬭᬫᬾᬦᬓ᭄ᬓᬤᬂᬳᬚᬶ᭞ᬫᬓᬫᬶᬯᬄᬚᬸᬭᬸᬭᬯᭀᬲ᭄᭞ᬧ᭄ᬭᬩ᭄ᬓᭂᬮ᭄ᬧᬸᬗ᭄ᬕᬯᬲᬫᬶ᭞ᬧᬤᬫᬗ᭄ᬭᬲᬳᬸᬭᬶᬧ᭄᭞ᬩᬦ᭄ᬭᬯᭀᬲᬾᬲᬶᬤ᭄ᬥᬭᬸᬭᬸᬲ᭄᭞ᬳᬋᬧᬾᬭᬶᬂᬳᬶᬢ᭄ᬯᬦ᭄᭞ᬬᬾᬦ᭄ᬢᭂᬓᬫᬦ᭄ᬤᬤᬶᬓᬮᬶ᭞
ᬢ᭄ᬯᬭᬩᬸᬳᬸᬦᬕᬭᬦᬾᬧᬘᬂᬭᬸᬲᬓ᭄᭟ᬦᬾᬫᬗ᭄ᬓᬶᬦ᭄ᬕᬗ᭄ᬲᬃᬳᬗᬸᬘᬧ᭄᭞ᬳᬶᬤᬳᬦᬓ᭄ᬳᬕᬸᬂᬮᬶᬗ᭄ᬲᬶᬃ᭞ᬲᬫ᭄ᬧᬸᬦ᭄ᬗᬫ᭄ᬤᬮᬂᬳᭀᬗ᭄ᬓᭀᬲ᭄᭞ᬭᬶᬗ᭄ᬕᬶᬢ᭄ᬫᬯᬤᬄᬓᬮᬫ᭄ᬩᬶ᭞ᬳᬓᬸᬤᬂᬧᬶᬓᬸᬮ᭄ᬓᬗᬶᬦ᭄᭞ᬓᬢᬸᬃᬭᬶᬂᬳᬶᬢ᭄ᬯ
ᬦ᭄ᬲᬫ᭄ᬧᬸᬦ᭄᭞ᬦᬗ᭄ᬳᬶᬂᬤᬸᬭᬸᬂᬫᬦᬧᬓ᭄᭞ᬫᬓᬢᬶᬕᬂᬓ᭄ᬢᬶᬭᬶᬗ᭄ᬕᬶᬢ᭄᭞ᬰ᭄ᬭᬶᬧᬤᬸᬓᬢ᭄ᬯᬦ᭄ᬋᬱᬶᬤᬾᬦ᭄ᬫᬗ᭄ᬓᬶᬦ᭄ᬓᭀᬘᬧ᭄᭟ᬧᬸᬧᬸᬢ᭄ᬲᬫ᭄ᬧᬸᬦ᭄ᬫᬫ᭄ᬩᬯᭀᬲᬂ᭞ᬭᬶᬂᬳᬶᬢ᭄ᬯᬦ᭄ᬚᬾᬦ᭄ᬤ᭄ᬭᬮ᭄ᬓᬮᬶᬄ᭞ᬩᬢᬯᬶᬫᬶᬯᬄᬲᬸᬫᬭᬂ᭞
ᬫᬗᬸᬢᬸᬲ᭄ᬓᬤᬗᬶᬦ᭄ᬚᬸᬭᬶᬂ᭞ᬲᬸᬭᬤᬤᬸᬦᬾᬫᬕ᭄ᬮᬶᬓ᭄᭞ᬬᬦ᭄ᬳᬓᬸᬤᬂᬧᭀᬳᭀᬲ᭄ᬲᬫ᭄ᬧᬸᬦ᭄᭞ᬫᬳᬾᬦ᭄ᬢᭂᬃᬩᬦ᭄ᬓᬸᬫᭂᬦ᭄ᬤᬦ᭄᭞ᬫᬓᬤᬶᬳᬸᬩ᭄ᬭᬸᬲ᭄‌ᬫᬸᬲᬸᬗᬶᬦ᭄᭞ᬓᬧ᭄ᬢᬾᬦ᭄ᬓᬧ᭄ᬢᬾᬦᬵᬫᬫᬃᬕ᭄ᬕᬶᬲᬫᬶᬗᬲᬢᬂ᭞