[᭔᭓ 43B]
᭔᭓
ᬭᬷᬦᬾᬭᬶᬂᬕ᭄ᬬᬜᬭ᭄᭞ᬤᬸᬭᬸᬫᬢᬶᬗ᭄ᬕᬮ᭄ᬲᬫᬶ᭞ᬓᬦ᭄ᬢᬸᬦ᭄ᬭᬶᬂᬧᬫ᭄ᬭᬕᬦ᭄᭞ᬢᭀᬜᬦ᭄ᬧᬸᬭᬷᬧᬤᬶᬂᬓ᭄ᬮᬓ᭄᭞ᬭᬲᬬᬂᬓᬦ᭄ᬢᬸᬦ᭄ᬫᬓ᭄ᬫᬶᬢ᭄᭞ᬳᬲᬶᬂᬧ᭄ᬭᬲᬗ᭄ᬖ᭞ᬲᭂᬗ᭄ᬓᬮᬧᬘᬂᬧᬗ᭄ᬕᬶᬄ᭟ᬭᬾᬄᬫᬘᬶᬳ᭄ᬦᬓᬤᬶᬕᭀᬓᭀᬃᬤᬦᬵ᭠
ᬕᬭ᭞ᬦᬸᬭᬸᬲᬗᬬᬫ᭄ᬩᬶᬳᬶᬂ᭞ᬫᬋᬧ᭄ᬓᬧᬶᬤᬤ᭞ᬳᬶᬤᬫᬺᬕᬦ᭄ᬧᬲᬾᬗᬦ᭄᭞ᬫᬫᭂᬲᭂᬄᬧᬢᬸᬭᬸᬩᬶᬳᬶᬂ᭞ᬳᬓᬾᬄᬫᬩᬸᬯᬢ᭄᭞ᬢᬸᬃᬲᬵᬫ᭄ᬧᬸᬦ᭄ᬧᬚᭂᬕ᭄ᬲᬫᬶ᭟ᬯᬸᬲ᭄ᬫᬢᬭᬸᬂᬳᬬᬫᬾᬓ᭄ᬫᭀᬂᬫᬲ᭄ᬯᬭ᭞ᬳᬶᬤ᭠
ᬩᬕᬸᬲ᭄ᬜᬫ᭄ᬩᬸᬢᬶᬦ᭄᭞ᬘᭀᬓᭀᬃᬤᬦᬵᬕᬭ᭞ᬕᬫᭀᬮ᭄ᬜᬫ᭄ᬩᬸᬢᬶᬦᬬᬫ᭄᭞ᬓᬤᬶᬭᬗ᭄ᬤᬦᬾᬢᬿᬩᭂᬓᬶᬦ᭄᭞ᬋᬩᬄᬦᬸᬗ᭄ᬓᬬᬓ᭄᭞ᬭᬶᬂᬓᬮᬗᬦ᭄ᬕᬸᬮᬶᬦ᭄ᬢᬶᬓ᭄᭟ᬓᬤᭂᬳᭀᬫ᭄ᬩᬓᬶᬘᬓ᭄ᬤᬾᬓᬾᬫᬩ᭄ᬭᬶᬬᬕ᭄᭞
ᬕᬸᬲ᭄ᬢᬶᬗᬸᬭᬄᬓ᭄ᬭᬸᬕ᭄ᬫᬗ᭄ᬯᬶ᭞ᬢᭀᬂᬤᬤᬶᬲᬶᬬᭂᬧᬂ᭞ᬳᬸᬗ᭄ᬓᬮᬗ᭄ᬓᬶᬮ᭄ᬫᬗᬓᬓ᭄᭞ᬳᬦᬓ᭄ᬫᬸᬮᬳᬸᬮᬶᬗᬸᬦᬶ᭞ᬫᬸᬲᬸᬄᬯᬶᬤᬶᬗᬦ᭄᭞ᬭᬹᬧᬓᬤᬶᬫᬾᬜ᭄ᬚᬸᬮᬶᬦ᭄᭟ᬓᬶᬲᬄᬓᬶᬲᬄᬫᬓᬾᬓᬾᬄᬫᬗᬸᬦᬂᬭᬕ᭞ᬓᬮᬸᬦ᭄ᬓ
[᭔᭔ 44A]
ᬦ᭄ᬢᬶᬓᭂᬩᭂᬢᬶᬦ᭄᭞ᬩᬭᬓ᭄ᬩᬶᬳᬶᬂᬚ᭄ᬗᬄ᭞ᬓᬤᬶᬧᬸᬯᬸᬓᬾᬓᬸᬘᬓ᭄᭞ᬯᬤᬦᬦᬾᬓᬤᬶᬮᬦ᭄ᬢᬶᬕ᭄᭞ᬫ᭄ᬦᭂᬂᬓ᭠ᬩᬗᬦ᭄᭞ᬫᬓᬳᭀᬦ᭄ᬢᬦ᭄ᬧᬧᬫᬶᬢ᭄᭟ᬕᬕᭂᬮᬶᬲᬦ᭄ᬲᬕᬾᬢᬦ᭄ᬭᬯᬸᬄᬭᬶᬂᬢᬓᬄ᭞ᬲᬓᬾᬂᬧᬗ᭄ᬤᬦ᭄ᬯᬷᬥᬶ᭞
ᬲᬕᬾᬢ᭄ᬢᭂᬧᬾᬦ᭄ᬧᬧᬄ᭞ᬚᬭᬦᬾᬋᬗᬲ᭄ᬦᭀᬂᬓ᭄ᬮᬂ᭞ᬫᬮᬳᬶᬩ᭄ᬧᬢᬶᬧᬸᬭᬸᬕᬶᬦ᭄᭞ᬳᬶᬤᬘᭀᬓᭀᬃᬤ᭞ᬫᬮᬶᬄᬭᬸᬦ᭄ᬢᬄᬜᬸᬗ᭄ᬓᬶᬮᬶᬂ᭟ᬩᬩᬓ᭄ᬩᭂᬮᬸᬃᬚᬦ᭄ᬢᭀᬲ᭄ᬳᬭᬗ᭄ᬓᬦᬾᬩᭂᬮᬄ᭞ᬧᬗᬶᬭᬶᬗᬾᬜᬕ᭄ᬚᬕᬶᬦ᭄᭞ᬦᬸ
ᬦ᭄ᬢᬸᬦ᭄ᬗᬭᬭᬫ᭄ᬧ᭞ᬭᬯᬸᬄᬭᬶᬂᬚ᭄ᬭᭀᬦᬵᬕᬭ᭞ᬓᬗᭂᬦ᭄ᬧᬜ᭄ᬚᬓᬾᬫᬗ᭄ᬕᬶᬳᬶᬦ᭄᭞ᬢᬸᬃᬫᬤᭂᬓᭂᬲᬦ᭄᭞ᬫᬶᬭᬶ᭠ᬩ᭄ᬲᬶᬧ᭄ᬢᬢᬦ᭄ᬮᭂᬘᬶᬓ᭄᭟ᬢᬸᬃᬘᭀᬓᭀᬃᬤᬲᬵᬫ᭄ᬧᬸᬦ᭄ᬢᬍᬃᬫᬶᬓᬬᬸᬦᬂ᭞ᬲᭂᬗ᭄ᬓᬯᭀᬦᬾᬧᬶᬂᬓᬮᬶᬄ᭞ᬢᬶᬩᬾᬂ
ᬤᬸᬫ᭄ᬫᬗ᭄ᬕᬮ᭞ᬲᬭᬢ᭄ᬦᬸᬢᬸᬃᬧᬤᬩ᭄ᬠ᭞ᬫᬮᬸᬓᬢᬶᬤᬧᬺᬫᬗ᭄ᬓᬶᬦ᭄᭞ᬓᬾᬄᬬᬦ᭄ᬢᬸᬢᬸᬭᬂ᭞ᬭᬶᬂᬕ᭄ᬬᬜᬃᬳᬸᬘ᭠ᬧ᭄ᬫᬮᬶᬄ᭟ᬓᬸᬤᬂᬤᬶᬦᬤᬾᬯᬕᬸᬂᬫ᭄ᬮᬶᬗ᭄ᬕᬶᬄᬭᬶᬂᬕ᭄ᬬᬜᬭ᭄᭞ᬢᬦ᭄ᬓᬸᬭᬂᬭᬶᬗᬰᬰᬶᬄ᭞ᬯᬯᬸᬳᬶᬤᬩᬸᬤᬮ᭄᭞᭠
Kaca:Bali-lontar-gaguritan-rusak-gianyar-02-300ppi.pdf/44
Kaca puniki sampun kauji-wacén
