[᭔᭔ 44B]
᭔᭔
ᬧ᭄ᬭᬕᬸᬂᬫᬧᬫᬶᬢ᭄ᬲᬫ᭄ᬬᬦ᭄᭞ᬫᬓ᭄ᬤᬶᬲᬂᬭᬢᬸᬫᬗ᭄ᬯᬶ᭞ᬳᬦ᭄ᬤᬮ᭄ᬪᬝᬭ᭞ᬤᬍᬫ᭄ᬫᬶᬋᬗᬂᬳᭀᬃᬣᬶ᭟ᬯᬸᬲ᭄ᬓ᭠ᬧ᭄ᬬᬸᬦᬶᬂᬲᬧᬭᬶᬧᭀᬮᬄᬭᬶᬂᬕ᭄ᬬᬜᬭ᭄᭞ᬪᬓ᭄ᬢᬶᬦ᭄ᬧᬜ᭄ᬚᬦᬾᬲᬫᬶ᭞ᬫ᭄ᬯᬂᬫᬜ᭄ᬘᬧᬸᬗ᭄ᬕᬯ᭞ᬩᭀᬬᬜᬦ᭄ᬤᬂᬩ
ᬯᭀᬲᬂ᭞ᬘᬕᭂᬃᬓᬬᬸᬦᬾᬢᬦ᭄ᬲᬶᬧᬶ᭞ᬧᬸᬭᬸᬦ᭄ᬗᭂᬫ᭄ᬩᬸᬮᬂ᭞ᬲᬓ᭄ᬱᬢ᭄ᬲᬵᬫ᭄ᬧᬸᬦ᭄ᬭᬶᬂᬧ᭄ᬢᬶ᭟ᬓᬲᬫ᭄ᬧᬸᬭᬲᭀᬭᭀᬄᬓᬢᬸᬦ᭄ᬤᬸᬂᬓᬦᬸᬱ᭞ᬓ᭄ᬢᬸᬢ᭄ᬧᬲᭂᬓ᭄ᬫᬓᬤᬶ᭞ᬮᬦᬶᬓ᭄ᬢᬸᬢ᭄ᬲᭂᬓᬭ᭄᭞ᬤᬸᬭᬸᬂᬓᬮᬸᬕ᭄ᬭᬩᬸᬤᬮ᭄᭞ᬭᬶᬂᬓ᭄ᬮᬸᬗ᭄ᬓᬸ
ᬚᬸᬫ᭄ᬦᭂᬂᬓᬭᬶ᭞ᬲᬯᭀᬲ᭄ᬧᬸᬦᬶᬓ᭞ᬲᬫᬶᬓᬮᬸᬕ᭄ᬭᬫᬸᬮᬶᬄ᭟ᬫᬭᬶᬂᬕ᭄ᬬᬜᬃᬓᬭᬶᬫᬗ᭄ᬕᭂᬄᬓᬲᬸᬓ᭄ᬱᬭ᭞ᬤᬾᬯᬢ᭄ᬮᬶᬓᬸᬧ᭄ᬭᬶᬂᬧᬸᬭᬷ᭞ᬧᬜ᭄ᬚ᭄ᬭᭀᬯᬦ᭄ᬕ᭄ᬬᬜᬭ᭄᭞ᬓᬢᬄᬦᬾᬓᬦ᭄ᬢᬸᬦ᭄ᬢᬺᬱ᭄ᬡ᭞ᬦᬗ᭄ᬳᬶᬂᬪᬓ᭄ᬢᬶᬦᬶᬧᬸᬦ᭄ᬜᬶᬮᬶᬩ᭄
᭞ᬢᬗ᭄ᬓᬶᬮ᭄ᬓᬲᬢ᭄ᬭ᭄ᬬ᭞ᬭᬶᬗᬦᬓᬕᬸᬂᬫᬗ᭄ᬕᬶᬮ᭄᭟ᬬᬦ᭄ᬓᬢ᭄ᬗᭂᬃᬲᬶᬦᬄᬮᬘᬸᬃᬓᬧᬤ᭄ᬫᬂ᭞ᬯᬦ᭄ᬢᬄᬲᬚᬩᬧᬢᬶ᭞ᬗ᭄ᬳᬶᬂᬢᬦ᭄ᬧ᭄ᬕᬢ᭄ᬧ᭄ᬕᬢ᭄᭞ᬓᬩᬢᭂᬓ᭄ᬪᬓ᭄ᬢᬶᬢᬺᬱ᭄ᬡ᭞ᬤ᭄ᬬᬲ᭄ᬢᬦ᭄ᬧᬾᬢ᭄ᬗᭂᬫᬲᬶᬦ᭄ᬫᬵᬢᬶ᭞ᬫᬓᬧᬜᬸᬤ᭞ᬧᬦᬯᬸᬭᬦᬸ
[᭔᭕ 45A]
ᬢᬂᬲᬶᬄ᭟ᬲᬧᬸᬦᬶᬓᬲᬂᬗᬫᬗ᭄ᬕᭂᬳᬂᬓᬥᬃᬫ᭄ᬫᬦ᭄᭞ᬜᬸᬚᬸᬃᬦᬶᬲ᭄ᬓᬮᬚᬢᬶ᭞ᬢ᭄ᬕᬸᬄᬢᬦ᭄ᬕᬶᬦᬸᬕᬄ᭞ᬬᬵᬦᬶᬦ᭄ᬫᬗ᭄ᬓᬸᬄᬩᬜ᭄ᬢᬦᬄᬚᬤᬤᬸᬭᬕᬳᬶᬦᬶᬱ᭄ᬝᬶ᭞ᬕ᭄ᬭᬶᬂᬲᬸᬢᬲᭀᬫ᭞ᬯ᭄ᬓᬲᬦ᭄ᬫᬗ᭄ᬕᬶᬄᬮ᭄ᬯᬶᬄ᭟ᬓᬮᬄᬲᬫᬵᬦᬓᬕᬸᬂᬕ᭄ᬬᬜᬃ
ᬭᬶᬲᬢ᭄ᬭ᭄ᬬ᭞ᬤᬍᬫ᭄ᬦᭀᬭᬫᬯᭀᬲᬶᬦ᭄᭞ᬧᬸᬧᬸᬢ᭄ᬓᬫ᭄ᬦᭂᬗᬂ᭞ᬓᬳᬸᬗ᭄ᬓᬸᬮ᭄ᬫᬮᬗ᭄ᬲᬶᬗᬦ᭄᭞ᬧᬜ᭄ᬚᬂᬬᬦᬸᬘ᭠ᬨᬫᬮᬶᬄ᭞ᬫᬗ᭄ᬓᬶᬦ᭄ᬢᬸᬢᬸᬭᬂ᭞ᬩᬢᬸᬄᬲᬂᬢᬶᬕᬂᬲᬶᬓᬶ᭟ᬲᬗ᭄ᬭᬦ᭄ᬯᭂᬗᬶᬗᬸᬭᬄᬫᬥᬾᬗ᭄ᬭᬲᬾᬂᬘᬶᬢ᭄ᬢ᭞ᬳᬾᬮᬶᬂᬤᬸ᭠
ᬓᬾᬭᬶᬂᬗᬹᬦᬶ᭞ᬭᬶᬂᬲᬂᬓᬃᬬ᭄ᬬᬾᬂᬲᬢ᭄ᬭᬶᬬ᭞ᬲ᭄ᬯᬾᬘ᭄ᬙᬦᬾᬢᬦ᭄ᬓᬧᬮᬂ᭞ᬚᬦ᭄ᬢᭀᬲ᭄ᬗᭂᬢᬾᬮ᭄ᬢᭀᬬᬦᬓ᭄ᬱᬶ᭞ᬫᬗᭂᬦᬂᬳᬶᬤ᭞ᬕᬦ᭄ᬢᬸᬂᬢᬦ᭄ᬲ᭄ᬯᬾᬘ᭄ᬙᬦ᭄ᬯᬷᬥᬶ᭟ᬓᬲ᭄ᬯᬾᬦ᭄ᬲᬸᬯᬾᬦ᭄ᬗᬶᬦ᭄ᬓᬶᬦᬂᬚᬕᬳᬸᬧᬬ᭞ᬧᬶᬕᬸᬫ᭄ᬲᬶᬦᬋᬂᬲᬫᬶ᭞ᬧ᭄ᬭ᭠
ᬕᬸᬂᬲᬫ᭄ᬢᭀᬦᬦ᭄᭞ᬫᬗ᭄ᬕᭂᬄᬪᬓ᭄ᬢᬶᬓᬕ᭄ᬬᬜᬭ᭄᭞ᬫᬶᬦᬓᬤᬶᬲᬸᬓᬯᬢᬶ᭞ᬢ᭄ᬕᬮ᭄ᬮᬮᬂᬧ᭄ᬮ᭄ᬬᬢᬦ᭄᭞ᬢ᭄ᬮᬶᬓᬸᬧ᭄ᬩ᭄ᬬᬦ᭄ᬩᬲᬾᬫᬮᬶᬄ᭟ᬩᬶᬢ᭄ᬭᬲ᭄ᬬᬗᬦ᭄ᬗᬤᬸᬮᬸᬧᬺᬩ᭄ᬓᭂᬮ᭄ᬕ᭄ᬬᬜᬭ᭄᭞ᬲᬫᬶᬲᬵᬫ᭄ᬧᬸᬦ᭄ᬓᬢᬭᬶ᭞ᬧᬘᬂᬫᬗᬦ᭄ᬦ᭠
Kaca:Bali-lontar-gaguritan-rusak-gianyar-02-300ppi.pdf/45
Kaca puniki sampun kauji-wacén
