[᭔᭒ 42B]
᭔᭒
ᬫᬢᬸᬭᬦ᭄ᬫᬕ᭄ᬭᬾᬦ᭄ᬤᭀᬢᬦ᭄᭞ᬧᬗᬶᬭᬶᬗᬾᬦ᭄ᬕᭂᬦ᭄ᬕᬶᬧᬶᬄ᭞ᬗᬦ᭄ᬢᭂᬲᬂᬭᬕ᭞ᬮᬾᬤᬂᬤ᭄ᬯᬕᬸᬂᬮᬢᬶ᭟ᬤ᭄ᬯᬕᬸᬂᬕ᭄ᬠᬾᬮᬗ᭄ᬓᬸᬂᬮᬾᬤᬂᬧᬓᬬᬸᬦᬦ᭄᭞ᬢᭂᬫ᭄ᬩᬾᬲᬓᬤᬶᬫᬗ᭄ᬓᬶᬦ᭄᭞ᬓᬢᬸᬭᬦᬬᬩᬦ᭄᭞ᬭᬶᬂᬓ᭄ᬮᬸᬗ᭄ᬓᬸᬂᬤᬸᬭᬸᬂᬧᬶᬲᬦ᭄
᭞ᬫᬳᭀᬤᬮᬦ᭄ᬓᬤᬶᬫᬗ᭄ᬓᬶᬦ᭄᭞ᬧ᭄ᬭᬕᬸᬂᬧᬸᬗ᭄ᬕᬯ᭞ᬳᬧᭀᬢ᭄ᬲᬫᬶᬗᬬᬳᬶᬦ᭄᭟ᬲᭀᬮᬲ᭄ᬤᬶᬦᬤ᭄ᬯᬕᬸᬂᬦᬢᬸᬭᬦ᭄ᬳᬬᬩᬦ᭄᭞ᬧ᭄ᬭᬕᬸᬂᬓ᭄ᬮᬸᬗ᭄ᬓᬸᬂᬮᬦ᭄ᬫᬗ᭄ᬯᬶ᭞ᬫᬫᭀᬦ᭄ᬤᭀᬓ᭄ᬭᬶᬂᬕ᭄ᬬᬜᬭ᭄᭞ᬗᬯᬾᬦ᭄ᬢᭂᬦᬂᬓᬓ᭄ᬮᭂᬘᬦ᭄᭞ᬭᬫᬾ
ᬚ᭄ᬭᭀᬦᬶᬂᬳᬜ᭄ᬘᬓ᭄ᬲᬚᬶ᭞ᬮᬾᬦ᭄ᬢᬢᭀᬦ᭄ᬢᭀᬦᬦ᭄᭞ᬢᬦ᭄ᬲᬄᬭᬳᬶᬦᬯ᭄ᬗᬶ᭟ᬗᬸᬦ᭄ᬤᬂᬩᬩᭀᬢᭀᬄᬭᬯᬸᬄᬓᬚᬩᬓᬸᬢ᭞ᬲᬫᬶᬧᬥᬗ᭄ᬭᬯᬸᬳᬶᬦ᭄᭞ᬩᬤᬸᬂᬮᬦ᭄ᬢᬩᬦᬦ᭄᭞ᬲᬺᬕᭂᬧ᭄ᬫᬓ᭄ᬢᬳᬬᬫ᭄᭞ᬓᬭᬗᬲᭂᬫ᭄ᬫᬶᬯᬄ
ᬩᬗ᭄ᬮᬶ᭞ᬧᬥᬧᬤᬫ᭄ᬧ᭄ᬬᬓ᭄᭞ᬭᬶᬂᬚ᭄ᬭᭀᬦᬶᬗᬜ᭄ᬘᬓ᭄ᬱᬚᬶ᭟ᬦᬸᬮᬶᬫ᭄ᬚᬮ᭄ᬤ᭄ᬯᬕᬸᬂᬕ᭄ᬟᬾᬫᬓᬓ᭄ᬮᭂᬘᬓ᭄᭞᭠ᬲᬂᬭᬢᬸᬫᬗ᭄ᬯᬶᬗᬶᬭᬶᬂ᭞ᬳᬗᭀᬩ᭄ᬲᬂᬦᬸᬫᭀᬦᬂ᭞ᬓᬤᬶᬲᬂᬪᬷᬫᬲᬾᬦ᭞ᬕᬸᬮᬕᬸᬮ᭄ᬲᭂᬍᬫ᭄ᬫᬍᬗᬶᬲ᭄᭞᭠
[᭔᭓ 43A]
ᬦᬾᬢ᭄ᬭᬤᬸᬫᬶᬮᬄ᭞ᬫᬲ᭄ᬓᬃᬧᬸᬘᬸᬓ᭄ᬓᬢᬶᬄ᭟ᬓᬯᬶᬪᬯᬦ᭄ᬓᬭᬫ᭄ᬬᬦ᭄ᬭᬶᬂᬓᬓᬮ᭄ᬘᬦ᭄᭞ᬚᬚᬸᬤᬾᬦᬾᬫᬢᬶᬢᬶᬩ᭄᭞ᬮ᭄ᬯᬶᬃᬫᬢᬾᬫ᭄ᬩᭀᬓ᭄ᬚᬶᬦᬄ᭞ᬲᬮᬓᬓᬤᬶᬳᭀᬂᬩᬸᬮᬦ᭄᭞ᬚᭀᬕᬾᬤ᭄ᬳᬸᬤᭂᬕᬦ᭄ᬢᬦ᭄ᬫᬭᬶ᭞ᬲ᭄ᬫᬃᬧᬕᬸᬮᬶᬗᬦ᭄᭞
ᬫᬲ᭄ᬯᬭᬗᬜᬶᬳᬜᬶᬄ᭟ᬳᬫᬸᬦᬶᬓᬲᬵᬫ᭄ᬧᬸᬦ᭄ᬭᬫᬾᬦᬾᬭᬶᬂᬕ᭄ᬬᬜᬭ᭄᭞ᬫᬭᬲᬤᬸᬭᬸᬂᬩ᭄ᬘᬶᬓ᭄᭞ᬲᬓᬤᬶᬭᬶᬂᬓᬸᬦ᭞ᬓᬦ᭄ᬢᬸᬦ᭄ᬲᬫᬸᬦ᭄ᬭᬶᬦᬲ᭞ᬬᬦ᭄ᬧᬸᬦᬶᬓᬓᬤᬶᬩᬭᬶᬲ᭄᭞ᬢᬦ᭄ᬧᬕᬫᭂᬮᬦ᭄᭞ᬓᬸᬤ᭄ᬬᬂᬧᬘᬂᬦᬜ᭄ᬚᬓᬶᬦ᭄
᭟ᬬᬾᬦ᭄ᬲᬯᬗᬂᬢᬶᬗ᭄ᬓᬄᬧᬸᬭᬷᬦᬾᬭᬶᬂᬕ᭄ᬬᬜᬭ᭄᭞ᬲᬩ᭄ᬠᬶᬂᬢᬭᬸᬯᬭᬶᬗᬶᬦ᭄᭞ᬩ᭄ᬗᭀᬂᬫᬧᬗᭂᬦᬦ᭄᭞ᬗᬚᬧᬶᬤᬲᬂᬮᬸᬗ᭄ᬳᬵ᭞ᬩᬶᬦ᭄ᬧᬶᬤᬦ᭄ᬫᬯᬦ᭄ᬢᬸᬦ᭄ᬫᬮᬶᬄ᭞ᬫᬦ᭄ᬢᬸᬓ᭄ᬓᬕ᭄ᬬᬜᬭ᭄᭞ᬜᬤ᭄ᬬᬧᬘᬂᬦᬢᬓᬶᬳ᭄᭟ᬩᬮᬾᬓᬸ᭠
ᬮ᭄ᬓᬸᬮ᭄ᬍᬫ᭄ᬩᬸᬳᬕᬸᬂᬲ᭄ᬫᬸᬲ᭄ᬫᬂ᭞ᬯᬦ᭄ᬢᬶᬮᬦ᭄ᬭᬲᬗ᭄ᬮᬶᬂ᭞ᬢᭀᬕᭀᬕᬾᬫᬗᬫ᭄ᬩ᭄ᬬᬭ᭄᭞ᬧᬚᭀᬤᭀᬕ᭄ᬩᭂᬗᬵᬂᬜᭀᬧᬓ᭄᭞ᬩᬮᬾᬶᬗᬦᬧᬲ᭄ᬤᬶᬄ᭞ᬍᬓ᭄ᬓᬚᭂᬗᬳᬦ᭄᭞ᬓᭀᬭᬶᬳᬕᬸᬗᬾᬗᭂᬲᬶᬮ᭄᭟ᬫᬶᬦᬩ᭄ᬓᬦ᭄ᬢᬸᬦ᭄ᬳ᭄ᬬᬂᬳ᭄ᬬᬂᬧᬸ
Kaca:Bali-lontar-gaguritan-rusak-gianyar-02-300ppi.pdf/43
Kaca puniki sampun kauji-wacén
