[᭔᭑ 41B]
᭔᭑
ᬳᬶᬕᬸᬲ᭄ᬢᬶᬫᬥᬾᬗᬸᬭᬄ᭞ᬗᬾᬦ᭄ᬢᭂᬭᬂᬢᬦ᭄ᬧᬾᬦ᭄ᬤᬄᬩᬭᬶᬲ᭄᭞ᬫᬸᬮᬪᬶᬭᬫ᭞ᬧᬢᬶᬳᬕᬸᬂᬭᬶᬂᬫᬗ᭄ᬯᬶ᭟ᬯᬸᬲ᭄ᬓ᭠ᬘᬸᬦ᭄ᬤᬸᬓ᭄ᬫᬩ᭄ᬭᬶᬬᬸᬓ᭄ᬢᬸᬮᬓ᭄ᬫᬫᬃᬕ᭄ᬕ᭞ᬳᬦᬓᬕᬸᬂᬭᬶᬂᬫᬗ᭄ᬯᬶ᭞ᬧᬸᬗ᭄ᬓᬸᬭᬦ᭄ᬫᬫᬃᬕ᭄ᬕ᭞ᬓᬾᬩ᭄ᬓᬦ᭄ᬫᬥᬸᬨᬮ᭞ᬢᬸᬮ᭄ᬬᬓ
ᬤᬶᬕᬸᬦᬸᬗᬧᬶ᭞ᬫᬸᬦ᭄ᬢᬄᬤᬸᬫᬶᬮᬄ᭞ᬢᬦ᭄ᬓᭀᬘᬧᬦ᭄ᬭᬶᬂᬫᬃᬕ᭄ᬕᬶ᭟ᬕᬕᭂᬮᬶᬲᬦ᭄ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬕᬶᬬᬜ᭠ᬭ᭄᭞ᬲᬧ᭄ᬭᬕᬸᬂᬕ᭄ᬬᬜᬃᬕᬶᬧᬶᬄ᭞ᬫ᭄ᬯᬂᬧᬺᬩ᭄ᬓᭂᬮ᭄ᬫᬜ᭄ᬘ᭞ᬧ᭄ᬭᬪᬵᬫ᭄ᬬᬭᬯᬸᬄᬫᭂᬦ᭄ᬤᬓ᭄᭞ᬩ᭄ᬗᭀᬂᬳᬦᬓᬾᬫᬩᬮᬶᬄ᭞
ᬯᬾᬦ᭄ᬢᭂᬦ᭄ᬫᬗᭂᬦᬂ᭞ᬳᬦᬓᬾᬳᬕᬸᬂᬫᬗ᭄ᬕᬶᬲ᭄᭟ᬢᬸᬗ᭄ᬕᬮ᭄ᬩᬸᬦ᭄ᬢᬸᬮ᭄ᬫᬓ᭄ᬚᬂᬧ᭄ᬲᬸᬬᬾᬄᬫᬢ᭞ᬢᭀᬂᬤᬤᬶᬩᬦ᭄ᬦᬫ᭄ᬩᬓᬶᬦ᭄᭞ᬲᬃᬯ᭄ᬯᬫᬤᭂᬓᬶᬲᬦ᭄᭞ᬭᬲᬭᬯᬸᬄᬫᬓ᭄ᬮᬧ᭄᭞ᬳᬶᬳᬦᬓᬕᬸᬂᬫᬗ᭄ᬕᬶᬲ᭄᭞ᬲᬳᬫᬋᬫ᭄ᬩᬢ᭄᭞ᬲᬓᬾᬂᬕᬸ᭠
ᬦᬸᬂᬢᭀᬄᬮᬗ᭄ᬓᬶᬭ᭄᭟ᬫᬗᬾᬱ᭄ᬝᬶᬬᬂᬓᬚᬕᬤ᭄ᬠᬶᬢᬦ᭄ᬦᬵᬕᬭ᭞ᬧᭀᬮᬶᬄᬧᬦᬸᬕ᭄ᬭᬳᬦ᭄ᬮ᭄ᬯᬶᬄ᭞ᬜᬸᬚᬸᬭᬂᬦᬶᬲ᭄ᬤᬮ᭞ᬧᬜ᭄ᬢᬦ᭄ᬧᬜ᭄ᬚᬓ᭄ᬕᬶᬬᬜᬭ᭄᭞ᬦᬗ᭄ᬳᬶᬂᬢᬦ᭄ᬧᬸᬭᬸᬦ᭄ᬗᬸᬭᬶᬫᬶᬓ᭄᭞ᬢᬓᬸᬢ᭄ᬓᬘᬶᬃᬬ᭄ᬬᬦ᭄᭞ᬳᬦᬸᬭᬸᬂᬗᬯᬾᬧ᭄ᬮᬶᬄ᭟ᬯᬸ
[᭔᭒ 42A]
ᬲ᭄ᬫᬓᭀᬍᬫ᭄᭞ᬲᬂᬮᬸᬗ᭄ᬳᬵᬭᬶᬂᬧᬸᬭᬷᬕ᭄ᬬᬜᬭ᭄᭞ᬮᬾᬤᬂᬓᬬᬸᬦᬾᬗᬓ᭄ᬱᬶ᭞ᬲᬫᬜ᭄ᬘᬧᬸᬗ᭄ᬕᬯ᭞ᬫᬕᬶᬮᬶᬃ᭠ᬫᬗᬢᬸᬭᬂ᭞ᬳᬬᬩᬦ᭄ᬘᬶᬳ᭄ᬦᬲᬸᬪᬓ᭄ᬢᬶ᭞ᬲᬩ᭄ᬭᬦ᭄ᬭᬳᬶᬦ᭞ᬳᬶᬮᬾᬦᬶᬮᬾᬦ᭄ᬢᬦ᭄ᬫᬭᬶ᭟ᬯᬮᬸᬬᬭᬶᬂᬓᬸᬦᬓᬭᬫ᭄ᬬ
ᬦᬾᬭᬶᬂᬕ᭄ᬬᬜᬭ᭄᭞ᬲᬓᬜ᭄ᬘᬦ᭄ᬲᬩᬾᬂᬧᬸᬭᬷ᭞ᬗᬢᬸᬭᬂᬧᬗᬬᬄ᭞ᬲᬫᬶᬧ᭄ᬭᬢᬫᬾᬂᬧᭀᬮᬄ᭞ᬢᭀᬂᬜᬦ᭄ᬤᬂᬘᬾᬤᬳᬶᬫᬮᬶᬄ᭞ᬲᭀᬮᬄᬫ᭄ᬯᬂᬭᬭᬲ᭄᭞ᬢᬶᬗ᭄ᬓᬄᬗᬬᬄᬓᬧᬸᬭᬷ᭟ᬜᬦ᭄ᬤᬗᬗ᭄ᬕᭀᬦ᭄᭞ᬫᬗᬶᬭᬶᬂᬓ᭄ᬮᬸᬗ᭄ᬓᬸᬂᬦᬸᬫᭀ
ᬦᬂ᭞ᬤ᭄ᬯᬕᬸᬂᬮᬾᬤᬂᬢᬦ᭄ᬲᬶᬧᬶ᭞ᬭᬲᬢᬦ᭄ᬭᬶᬂᬚᬕᬢ᭄᭞ᬕᬸᬫᭂᬜᭂᬧ᭄ᬚ᭄ᬭᭀᬦᬶᬂᬘᬶᬢ᭄ᬢ᭞ᬢᬦᬵᬃᬱᬫᬯᬦ᭄ᬢᬸᬦ᭄ᬫᬮᬶᬄ᭞ᬬᬾᬦᬶᬂᬓᬮᬸᬕ᭄ᬭ᭞ᬧᬶᬲᬦ᭄ᬭᬶᬂᬕ᭄ᬬᬜᬃᬦ᭄ᬤᬶᬭᬶ᭟ᬫᬗ᭄ᬕᬮᬦᬶᬂᬘᭀᬓᭀᬃᬤᬳᭀᬓᬦᬵᬕᬭ᭞ᬩᬢᬸᬄᬲᬂᬢᬶᬕᬂᬲᬶᬓᬶ
᭞ᬧ᭄ᬮᬶᬬᬢᬦ᭄ᬓᭂᬩᬮ᭄ᬮᬮᬂ᭞ᬢᬫ᭄ᬧᬓ᭄ᬲᬶᬭᬶᬂᬧᬬᬗᬦ᭄᭞ᬩᬩᬶᬢ᭄ᬭᬮᬦ᭄ᬲᬸᬓᬯᬢᬶ᭞ᬩᬤᬸᬮᬸᬲ᭄ᬬᬗᬦ᭄᭞ᬳᬩ᭄ᬬᬦ᭄ᬩᬲᬾᬲᬫᬮᬶᬄ᭟ᬮᬦ᭄ᬢᬸᬮᬶᬓᬸᬧ᭄ᬢᬦᬸᬘᬧ᭄ᬧᬺᬩ᭄ᬓᭂᬮ᭄ᬫᬜ᭄ᬘ᭞ᬲᬓᬜ᭄ᬘᬦ᭄ᬧ᭄ᬠᬶᬂᬦᬗ᭄ᬓᬶᬮ᭄᭞ᬜ᭄ᬮᬧᬂᬓᬕ᭄ᬬᬜᬭ᭄᭞
Kaca:Bali-lontar-gaguritan-rusak-gianyar-02-300ppi.pdf/42
Kaca puniki sampun kauji-wacén
