[᭔᭐ 40B]
᭔᭐
᭞ᬭᬶᬂᬫᬸᬮᬕᬸᬲ᭄ᬢᬶᬦ᭄ᬜᬢ᭄ᬯᬶ᭟ᬘᭀᬓᭀᬃᬤᬓᬮᬶᬄᬯᬸᬲᬦ᭄ᬤᭂᬮ᭄ᬧᬓᬬᬸᬦᬦ᭄᭞ᬭᬶᬂᬪᬓ᭄ᬢᬶᬧᬜ᭄ᬚᬓᬾᬲᬫᬶ᭞᭠ᬧᬸᬭᬸᬦ᭄ᬫᬗᭂᬫ᭄ᬩᬸᬮᬂ᭞ᬬᬤᬶᬦᬶᬤᬾᬯᬗᬸᬭᬄ᭞ᬤᬾᬯᬳᬩ᭄ᬬᬦ᭄ᬩᬲᬾᬫᬮᬶᬄ᭞ᬤᬾᬯᬩᬩᬶᬢ᭄ᬭ᭞ᬲᬶᬬᬗ
ᬦ᭄ᬢᬕᭂᬃᬪᬓ᭄ᬢᬶᬕᭂᬃᬪᬓ᭄ᬢᬶ᭟ᬓᬸᬤᬂᬤᬶᬦᬲᬵᬫ᭄ᬧᬸᬦ᭄ᬫᬮᬶᬗ᭄ᬕᬶᬄᬭᬶᬂᬕ᭄ᬬᬜᬭ᭄᭞ᬯᬭᬯᬓᬮᬶᬄᬓᬮᬶᬄ᭞ᬤᬍᬫ᭄ᬘᬭᬶᬢ᭠ᬲᬂ᭞ᬫᬗᬸᬢᬸᬲ᭄ᬧᬸᬢ᭄ᬭᬦᬶᬤ᭞ᬤ᭄ᬯᬕᬸᬂᬕ᭄ᬠᬾᬗᬮᬸᬗ᭄ᬳᬵᬦᬶᬦ᭄᭞ᬓᬧᬸᬭᬷᬕ᭄ᬬᬜᬭ᭄᭞ᬗᬓ᭄ᬱᬶᬧᬜ᭄ᬚᬓᬾᬲᬫᬶ᭞
᭟ᬧ᭄ᬭᬕᬸᬂᬓ᭄ᬮᬸᬗ᭄ᬓᬸᬂᬓᬮᬶᬄᬫᬜ᭄ᬘᬲᬫ᭄ᬢᭀᬦᬦ᭄᭞ᬢ᭄ᬮᬲᬦ᭄ᬲᬫᬶᬗᬶᬭᬶᬂ᭞ᬧᬥᬦᬦ᭄ᬤᬂᬩᬸᬗᬄ᭞ᬯᬾᬦ᭄ᬢᭂᬦ᭄ᬕᬸᬫᬦ᭄ᬢᬶᬢᬶᬯᬲ᭄᭞ᬤᬸᬕᬶᬳᬦ᭄ᬢᬸᬓ᭄ᬧᭀᬮᬶᬄᬜᬶᬮᬶᬄ᭞ᬤ᭄ᬫᭂᬦ᭄ᬓᬤᬾᬦᬦ᭄᭞ᬗᬩᬃᬢᬦ᭄ᬤᬗᬾᬗᬯᬶᬭ᭄᭟ᬢᬸᬤᬶᬂᬢᬸᬚᬸᬄ
ᬕᬾᬗ᭄ᬕᬾᬂᬢᬗᬦᬾᬗᬸᬘᬾᬓ᭄ᬘᬓ᭄᭞ᬲ᭄ᬩᭂᬂᬲᬮᬸᬄᬫᬫᬗᬶᬤ᭄᭞ᬫᬶᬭᬶᬩ᭄ᬢ᭄ᬯᬄᬓᬳᬾᬫᬦ᭄᭞ᬓᬕ᭄ᬬᬜᬃᬗᭂᬦ᭄ᬤᭀᬢ᭄ᬧᬬᬲ᭄᭞ᬧᭀᬗᬄᬓᬾᬩᬾᬃᬢᬾᬩᬾᬃᬳᬶᬮᬶᬄ᭞ᬢ᭄ᬯᬭᬜᬶᬓᬸᬢᬂ᭞ᬲᬶᬕᬸᬕ᭄ᬓᬫᬸᬮᬦ᭄ᬕᬸᬤᬶᬕ᭄᭟ᬫᬗ᭄ᬓᬶ
[᭔᭑ 41A]
ᬦ᭄ᬧᬦ᭄ᬢᭂᬲ᭄ᬤᬾᬦᬶᬂᬧᬲᬗᬾᬜᭂᬩᬸᬭᬂ᭞ᬫᬓᬫᭂᬗᬫᭂᬂᬗᬶᬭᬶᬂ᭞ᬬᬦᬶᬗᬸᬧᬫᬬᬂ᭞ᬮ᭄ᬯᬶᬃᬩᬸᬢᬢᬸᬫ᭄ᬩᬾᬦ᭄ᬓᭂᬤᬢ᭄᭞ᬜᬤ᭄ᬬᬫᬗ᭄ᬕᬄᬨᬮᬪᬸᬓ᭄ᬢᬶ᭞ᬓᬄᬦ᭄ᬢᬸᬢᬸᬭᬂ᭞ᬫᬕᬯᬾᬤᬸᬍᬕᬢᬶ᭟ᬩᬩᬦ᭄ᬢᬾᬭᬦ᭄ᬲᬂᬗᬫᭀᬗᬶᬦᬸ
ᬧᬘᬭ᭞ᬢ᭄ᬯᬭᬜᬦ᭄ᬤᬂᬘᬾᬤᬦᬶᬦ᭄᭞ᬋᬫ᭄ᬩᬢ᭄ᬢ᭄ᬮᭂᬫ᭄ᬧᭂᬓ᭄ᬫᬫᬲ᭄᭞ᬧᬗᬯᬶᬦ᭄ᬩᭂᬤᬶᬮ᭄ᬢᬸᬫᭀᬳᬓ᭄᭞ᬕᬳᭀᬓᬦᬓᬾᬫᬩᬮᬶᬄ᭞ᬮ᭄ᬯᬶᬃᬲᬹᬃᬬ᭄ᬬᬯᬶᬫ᭄ᬩ᭞ᬫᬶᬚᬶᬮᬸᬤᬬᬕᬶᬭᬶ᭟ᬓᬩᬶᬦᬯᬲᭂᬍᬫ᭄ᬓᬤᬶᬕᬝᭀᬢ᭄ᬓᬘ᭞ᬫᬲᬸᬫ᭄ᬧᬂ
ᬧᬸᬘᬸᬓᬲᬶᬦ᭄᭞ᬭᭀᬫᬳᬶᬜ᭄ᬘᭂᬂᬕᬶᬫ᭄ᬩᬮ᭄᭞ᬓᬤᬶᬢᬝᬶᬢ᭄ᬓᬂᬦᬾᬢ᭄ᬭ᭞ᬫᬯᬲ᭄ᬢ᭄ᬭᬧ᭄ᬢᬓ᭄ᬭᬶᬦᬸᬓ᭄ᬫᬶ᭞ᬫᬓᬫ᭄ᬧᬸᬄ᭠ᬧ᭄ᬭᬤ᭞ᬤᬹᬃᬕ᭄ᬕᬤᬶᬗ᭄ᬓᬸᬮ᭄ᬓᬲᬸᬂᬓ᭄ᬮᬶᬢ᭄᭟ᬓᬘᬭᬶᬢᬦᬾᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬫᬫᬃᬕ᭄ᬕ᭞ᬧᬜ᭄ᬚᬓᬾᬢ᭄ᬓᬕᬶᬧᬶᬄ᭞ᬗᬢᬸ᭠
ᬭᬶᬓᬮᬸᬗᬄ᭞ᬫᬚᬚᬃᬧᬶᬗ᭄ᬕᬶᬃᬫᬃᬕ᭄ᬕ᭞ᬘᭂᬘᭂᬧᬦ᭄ᬫᬲᬸᬫ᭄ᬩᬸᬲᬫᬶ᭞ᬓᬜ᭄ᬘᬶᬢ᭄ᬓ᭄ᬭᬯᬸᬳᬦ᭄᭞ᬧ᭄ᬭᬳᬕᬸᬂᬲᬓᬾᬂᬫᬗᬸᬯᬶ᭟ᬜᬤ᭄ᬬᬫᭂᬦ᭄ᬤᬓ᭄ᬲᬕᬺᬳᬦ᭄ᬗᬶᬭᬶᬂᬓᬕ᭄ᬬᬜᬭ᭄᭞ᬭᬾᬄᬦᭂᬫ᭄ᬩᬾᬗᬮᬸᬗ᭄ᬳᬦᬶᬦ᭄᭞ᬲᭀᬢᬦᬶᬂᬲᬸᬪᬓ᭄ᬢ᭄ᬬ᭞
Kaca:Bali-lontar-gaguritan-rusak-gianyar-02-300ppi.pdf/41
Kaca puniki sampun kauji-wacén
