[᭑᭗ 17B]
᭑᭗
᭞ᬳᬢᬸᬭᬾᬫᬤᬸᬮᬸᬃᬢᬗᬶᬲ᭄᭞ᬭᬭᬶᬲ᭄ᬫᬦ᭄ᬢᬸᬓ᭄᭞ᬗᬸᬭᬄᬫᬥᬾᬕᬕᭂᬮᬶᬲᬦ᭄᭟ᬜᭂᬭᬶᬮᬸᬂᬭᬯᬸᬄᬭᬶᬂᬩᭀᬦ᭞ᬳᬾᬩᭂᬓ᭄ᬲᬶᬓᭂᬧᬾᬭᬶᬂᬫᬃᬕ᭄ᬕᬶ᭞ᬓᬦ᭄ᬤᬶᬓᬬᬂᬫᬗᬸᬦᬶᬗᬂ᭞ᬧᬺᬩ᭄ᬓᭂᬮ᭄ᬲᬫᬶᬓᬲᬾᬗᬶᬦ᭄᭞ᬳᬢᬸᬭᬾᬬᬫᬶᬗᬶᬭᬶᬂ᭞
ᬭᬶᬘᬸᬭᬳᭀᬲᬾᬭᬶᬂᬩᬢᬸᬄ᭞ᬬᬦ᭄ᬢᬦ᭄ᬯᬾᬦ᭄ᬢᭂᬫᬫᭂᬮᬢ᭄᭞ᬗᬸᬭᬄᬓ᭄ᬢᬸᬢ᭄ᬧᬗᬮᬶᬗ᭄ᬲᬶᬭ᭄᭞ᬩᬶᬮᬶᬄᬤᬸᬭᬸᬲ᭄᭞ᬳᬶᬭᬶᬓᬗᬤᬸᬯᬂᬬᬸᬥ᭟ᬲᭀᬢᬦᬶᬂᬫᬲᬫᭀᬦᬦ᭄᭞ᬳᬾᬮᬶᬂᬭᬶᬂᬢᬸᬢᬸᬭᬶᬳᬚᬶ᭞ᬫᬗ᭄ᬤᬓᬤᬶᬦᬵᬕ
ᬢᬶᬕ᭞ᬳᬕᭂᬢ᭄ᬮᬘᬸᬃᬲᬮᬶᬂᬢᬭᬶ᭞ᬲᬵᬫ᭄ᬧᬸᬦ᭄ᬤᬤᭀᬲᬲᬶᬓᬶ᭞ᬭᬶᬂᬕ᭄ᬬᬜᬃᬫᬮᬶᬄᬓᬯᬸᬯᬸᬲ᭄᭞ᬓᭀᬩᭂ᭠ᬢ᭄ᬓᬦ᭄ᬢᬸᬦ᭄ᬫᬩᬯᭀᬲ᭄᭞ᬤᬾᬦᬶᬂᬓᬭᬶᬫᬫᬶᬦᭂᬳᬶᬦ᭄᭞ᬤᬕᬶᬗᬢᬸᬭ᭄᭞ᬳᬦᬓᬾᬳᬕᬸᬂᬕ᭄ᬥᬾᬭᬓ᭟ᬓᭂᬦᭂᬄ
ᬫᬗᬢᬸᬭᬶᬦ᭄ᬮᬸᬗ᭄ᬳ᭞ᬭᬾᬄᬲᬵᬫ᭄ᬧᬸᬦ᭄ᬤᬾᬯᬕᬸᬂᬭᬳᬶ᭞ᬋᬦ᭄ᬢᭂᬄᬯᬘᬦᬫᬲᬢ᭄ᬲᬢ᭄᭞ᬧᬸᬭᬸᬦᬶᬤᬫᬦᬢᬓᬶᬦ᭄᭞ᬓᭀᬘᬧ᭄ᬦᬓᬕᬸᬂᬫᬗ᭄ᬕᬶᬲ᭄᭞ᬥᬃᬫ᭄ᬫᬲᬸᬓᬸᬮᬦᬾᬚᬸᬚᬸᬭ᭄᭞ᬤᬾᬯᬕ᭄ᬠᬾᬳᬩ᭄ᬬᬦ᭄ᬲᭂᬤᬄ᭞ᬤᬾ
[᭑᭘ 18A]
ᬯᬓᬸᬮᬶᬓᬸᬧ᭄ᬜᬋᬗᬶᬦ᭄᭞ᬫᬧᬯᬸᬗᬸ᭞ᬭᬶᬂᬧᬸᬭᬷᬲᬦ᭄ᬫᬢᭂᬮᬲᬦ᭄᭟ᬳᬓᬾᬄᬓᬦ᭄ᬢᬸᬦ᭄ᬪᬓ᭄ᬢᬶᬢᬺᬱ᭄ᬡ᭞ᬤᬸᬭᬸᬂᬚᬦ᭄ᬢᭂᬦ᭄ᬓᬧᭂᬲ᭄ᬢᬦ᭄ᬤᬶᬂ᭞ᬓᬾᬯᬦ᭄ᬢᭂᬦ᭄ᬘᭀᬓᭀᬭᬶᬤᬾᬯ᭞ᬗᬮᬸᬕ᭄ᬭᬢᬸᬃᬳᬶᬘ᭄ᬙᬗᬓ᭄ᬱᬶ᭞ᬳᬦᬓᬕᬸᬂᬜᬯᬸᬭᬶᬦ᭄᭞᭠
ᬦ᭄ᬤᬾᬦᬤᬶᬳ᭄ᬤᬓᬤ᭄ᬮᬸᬫᬸᬓ᭄᭞ᬭᬾᬄᬕᬸᬫᬶᬦᬾᬓᬢᬸᬭ᭞ᬭᬶᬂᬳᬶᬤᬲᬂᬫᬸᬢᭂᬃᬩᬮᬶ᭞ᬳᬧᬂᬮᬶᬲᬸᬄ᭞ᬲᬸᬪᬓ᭄ᬢᬶᬦᬾᬫᬫᬋᬓᬦ᭄᭟ᬩᬯᭀᬲᬶᬤᬾᬯᬵᬕᬸᬂᬦᬾᬲᬸᬩ᭞ᬯᬦ᭄ᬢᬳᬶᬤᬫᬗᬃᬤᬶᬦᬶᬦ᭄᭞ᬭᬄᬚᬦ᭄ᬩᭂᬮᬶᬤᬶᬕ᭄ᬬ
ᬜᬭ᭄᭞ᬦ᭄ᬢᭀᬚᬦᬶᬚᬮᬦ᭄ᬢᬢᬓᬶᬦ᭄᭞ᬳᬶᬭᬶᬗᬂᬲᬓᬾᬗᬭᬶᬲ᭄᭞ᬥᬃᬫ᭄ᬫᬲᬥᬸᬦᬾᬚ᭄ᬯᬚᬸᬚᬸᬭ᭄᭞ᬬᬦᬶᬦ᭄ᬫᬧ᭄ᬯᬭᬳᭂᬜᬕ᭄᭞ᬦᬶᬲ᭄ᬓᬮᬦᬾᬚ᭄ᬯᬳᬶᬦᬶᬱ᭄ᬝᬶ᭞ᬩ᭄ᬬᬓ᭄ᬢᬦ᭄ᬫᬸ᭞ᬘ᭄ᬓᬲᬦᬵᬭᬶᬪᬯᬦ᭟ᬳᬓᬾᬄᬋᬓᬾᬬᬦᬸ᭠
ᬘᬧᬶ᭞ᬧᬫᬸᬗᬸᬦᬾᬤᬸᬓ᭄ᬭᬶᬂᬯ᭄ᬗᬶ᭞ᬢᬍᬃᬦᬾᬦ᭄ᬢᭂᬦ᭄ᬓᬮᬶᬗᬸᬳᬂ᭞ᬧᬤᬩ᭄ᬠᬲᬹᬃᬬ᭄ᬬᬲ᭄ᬫᬸᬢᬗᬶᬲ᭄᭞ᬓᬮᬶᬄᬧ᭄ᬭᬕᬸᬗᬾᬲᬫᬶ᭞ᬢᬦ᭄ᬫᬭᬶᬓᭀᬩᭂᬢ᭄ᬭᬶᬂᬓᬬᬸᬦ᭄᭞ᬓᬢᬳᬦ᭄ᬦᬾᬗᬾᬮᬶᬗᬂ᭞ᬳᬢᬸᬃᬫᬤᬾᬧᬲᭂᬓ᭄ᬫᭂᬮᬶᬤ᭄᭞ᬦᬾᬦ᭄ᬢᭂ
Kaca:Bali-lontar-gaguritan-rusak-gianyar-02-300ppi.pdf/18
Kaca puniki sampun kauji-wacén
