[᭑᭖ 16B]
᭑᭖
᭞ᬧᬾᬦ᭄ᬓᬾᬄᬧᬭᬳᬕᬸᬗᬕᬸᬂ᭞ᬧᬗᬶᬭᬶᬂᬲᬓᬶᬂᬕ᭄ᬬᬜᬭ᭄᭞ᬲᭂᬩᬸᬄᬤᬶᬹᬮᬤᭂᬕ᭄ᬓᬤᬶᬭᬗ᭄ᬤᬶ᭞ᬫᬾᬄᬓᬲᭂᬗᬸᬄ᭞ᬭᬤ᭄ᬬᬧᬘᬶᬫᬲᬯᬶᬗᬦ᭄᭟ᬳᬶᬤᬳᬦᬓᬕᬸᬂᬗᬸᬭᬄ᭞ᬢᬲ᭄ᬧᬜ᭄ᬚᬂᬢ᭄ᬮᬸᬲ᭄ᬲᬳᬶᬭᬶᬂ᭞ᬫᬦᬢᬓ᭄ᬲᬪᬬᬵᬦ᭄ᬢᬓ
᭞ᬗᬦᬹᬢᬶᬦᬢᬸᬭᬾᬭᬶᬳᬶᬦ᭄᭞ᬚᬕᬫᬤᬾᬯᬲᬓ᭄ᬱᬶ᭞ᬦᬗ᭄ᬳᬶᬂᬓᬭᬶᬫᬗᬸᬫᬗᬸ᭞ᬤᬸᬭᬸᬂᬫᬓᬦ᭄ᬢᭂᬦ᭄ᬕᭂᬦᬄ᭞ᬫᬮᬶᬳᬾᬮᬶᬂᬭᬶᬗᬶᬳᬚᬶ᭞ᬓᬤᬶᬓ᭄ᬢᬸᬲ᭄᭞ᬓᬬᬸᬦᬾᬮ᭄ᬳᭂᬗᬦ᭄ᬲᬸᬤ᭟ᬭᬭᬶᬲ᭄ᬫᬧᬸᬢᬸᬲᬦ᭄ᬩᬸᬤᬮ᭄᭞ᬧᬘᬂᬗᬢᬸ
ᬭᬶᬦᬶᬳᬚᬶ᭞ᬳᬦᬓᬕᬸᬂᬕ᭄ᬠᬾᬭᬓ᭞ᬗᬸᬭᬄᬫᬬᬾᬫᬜᬋᬗᬶᬦ᭄᭞ᬢᬦ᭄ᬓᭀᬘᬧᬦ᭄ᬭᬶᬂᬫᬃᬕ᭄ᬕᬶ᭞ᬓᭀᬫ᭄ᬧ᭄ᬬᬂᬩᬚᬶᬂᬫᬗᬮᬶᬗ᭄ᬓᬸᬂ᭞ᬓᬭᬶᬭᬶᬂᬤᬾᬰᬩᬦ᭄ᬤ᭞ᬜᬶᬂᬤ᭄ᬭᬬᬂᬭᬯᭀᬲᬾᬓᬭᬶ᭞ᬤᬾᬦᬶᬂᬩᬶᬬᬸᬭ᭄᭞ᬫᬾᬄᬧ᭠
ᬘᬂᬫᬋᬋᬚᭂᬓᬦ᭄᭟ᬳᬾᬮᬶᬂᬭᬶᬂᬭᬕᬦᬾᬳᬶᬯᬂ᭞ᬳᬯᬶᬦᬦ᭄ᬓᬦ᭄ᬢᬸᬦ᭄ᬫᬜᬗᬶᬤ᭄᭞ᬓᭀᬲᬄᬇᬋᬋᬄ᭠ᬤᬮᬶᬳᬦ᭄᭞ᬳᬓᬾᬳᬦᬓ᭄ᬧᬦᬓ᭄ᬧᬥᬕ᭄ᬮᬶᬂ᭞ᬳᬲᬶᬂᬢᭂᬧᬸᬓᬾᬜᭀᬭᬶᬦ᭄᭞ᬲᬭᬯᬾᬦ᭄ᬢᭂᬦ᭄ᬧᬘᬂᬗᭂᬚᬸᬓ᭄᭞
[᭑᭗ 17A]
ᬳᬦ᭄ᬢᬸᬓ᭄ᬜᬫ᭄ᬩᭂᬦᬗᭂᬧᬓ᭄᭞ᬮᬸᬤᬶᬦ᭄ᬓᬓᭂᬜ᭄ᬘᬦᬾᬧᬶᬤᬶᬓ᭄᭞ᬩᬲ᭄ᬫᬗᬸᬓᬸᬭ᭄᭞ᬳᬦ᭄ᬤᭂᬮ᭄ᬢᭂᬓᬾᬦᬶᬂᬓᬳᬾᬫᬦ᭄᭟ᬓᭀᬘᬧ᭄ᬲᬂᬓᬳᬸᬢᬸᬲ᭄ᬩᬸᬤᬮ᭄᭞ᬗᬢᬸᬭᬶᬦ᭄ᬦᬓᬕᬸᬂᬫᬗ᭄ᬕᬶᬲ᭄᭞ᬳᬦᬓᬕᬸᬂᬕ᭄ᬠᬾᬭᬓ᭞ᬳᬦ᭄ᬤᭂᬮ᭄ᬓᬬᬸᬦᬾᬫᬶᬦᭂ᭠
ᬳᬶᬦ᭄᭞ᬭᬾᬄᬧᬦᬸᬕ᭄ᬭᬳᬦᬾᬍᬯᬶᬄ᭞ᬕᬕᭂᬮᬶᬲᬦ᭄ᬲᬵᬫ᭄ᬧᬸᬦ᭄ᬭᬯᬸᬄ᭞ᬓᬢᬸᬃᬲᬲᬭᬶᬧᭀᬮᬄ᭞ᬧᬧᬹᬓᬦ᭄ᬗᬢᬸᬭᬂᬳᭀᬃᬢᬂ᭞ᬩᬩᬳᭀᬲ᭄ᬤᬾᬤᬶᬸᬯᬕᬸᬂᬭᬳᬶ᭞ᬓᬜ᭄ᬢᬶᬢ᭄ᬭᬯᬸᬄ᭞ᬧᬧᬹᬓᬦ᭄ᬗᬢᬸᬭᬂᬳᭀᬃᬢ᭟ᬭᬯᬸᬄᬲᬵᬫ᭄ᬧᬸᬦ᭄ᬫᬢᭂᬩ᭄ᬗᬦ᭄᭞ᬓᭀᬘᬧ᭄ᬲᬫ᭄ᬧᬸ
ᬦ᭄ᬫᬸᬗ᭄ᬕᬄᬓᬗᬶᬦ᭄᭞ᬢᬸᬃᬗᬯᬸᬕ᭄ᬚᬕᬢ᭄ᬩᬩᬶᬢ᭄ᬭ᭞ᬓᬕ᭄ᬬᬳᬦᬓᬕᬸᬂᬫᬗ᭄ᬕᬶᬲ᭄᭞ᬢᬦ᭄ᬫᬭᬶᬫᬫᬶᬦᭂᬳᬶᬦ᭄᭞ᬕᬸᬲ᭄ᬢᬶ᭠ᬗᬸᬭᬄᬫᬥᬾᬫᬢᬸᬭ᭄᭞ᬳᬶᬗ᭄ᬕᬶᬄᬲᬵᬫ᭄ᬧᬸᬦ᭄ᬗᬾᬩ᭄ᬢᬂ᭞ᬲᬓᬾᬂᬧᬶᬲᬸᬦᬕᬸᬫᬦ᭄ᬢᬶ᭞ᬫᬗ᭄ᬤᭀᬄᬧᬸᬭᬸᬦ᭄᭞ᬢᭀᬓᭀ
ᬮᬦ᭄ᬫᬋᬧ᭄ᬭᬶᬂᬢᬶᬢ᭄ᬬᬂ᭟ᬯᬦ᭄ᬢᬄᬫᬩᬸᬯᬢ᭄ᬲᬧᬶᬲᬦ᭄᭞ᬭᬾᬄᬲᬵᬫ᭄ᬧᬸᬦ᭄ᬫᬤᬾᬯᬲᬓ᭄ᬱᬶ᭞ᬫᬦᬢᬓ᭄ᬲᬪᬬᬵᬦ᭄ᬢᬓ᭞ᬬᬤᬶᬦ᭄ᬧᬶᬂᬲᬧ᭄ᬢᬦᬸᬫᬤᬶ᭞ᬫᬗ᭄ᬤᬓᬲᬶᬤᬦ᭄ᬫᭀᬮᬶᬄ᭞ᬫᬫᬋᬓᬦ᭄ᬭᬶᬗᬶᬭᬢᬸ᭞ᬲᬵᬫ᭄ᬧᬸᬦᬂᬗᬮᬮᬶᬬᬂ
Kaca:Bali-lontar-gaguritan-rusak-gianyar-02-300ppi.pdf/17
Kaca puniki sampun kauji-wacén
