[᭑᭘ 18B]
᭑᭘
ᬦᬸᬭᬸᬂ᭞ᬬᬦᭂᬫ᭄ᬩᬓ᭄ᬚᬕᬢᬾᬭᬸᬲᬓ᭄᭟ᬩᬾᬜ᭄ᬚᬂᬫᬮᬶᬄᬓᬯᬸᬯᬸᬲᬦ᭄᭞ᬳᬶᬤᬳᬦᬓᬕᬸᬂᬫᬗ᭄ᬕᬶᬲ᭄᭞ᬲᬲᬲᬫ᭄ᬧᬸᬦᬾᬯᬸᬲ᭄ᬫᬫᬲᬸᬘ᭄ᬬᬦ᭄᭞ᬧᬭᬯᬶᬓᬸᬦᬾᬓᬢᬸᬭᬶᬦ᭄᭞ᬧᬦ᭄ᬤᬸᬦᬂᬧᬗᬯᬶᬦ᭄᭞ᬓᭂᬭᬶᬲ᭄ᬓᬯᬶᬢᬦ᭄ᬧ᭠
ᬤᬸ᭞ᬯᬸᬲ᭄ᬲᬫᬶᬓᬢ᭄ᬤᬸᬦᬂ᭞ᬩᬩᬭᬸᬧᬘᬂᬫᬗᬶᬭᬶᬂ᭞ᬓᬓᬮᬸᬗ᭄ᬓᬸᬂ᭞ᬧᬗᬶᬭᬶᬂᬲᬵᬫ᭄ᬧᬸᬦ᭄ᬫᬕᬸᬩ᭄ᬬᬭ᭄᭟ᬫ᭄ᬤᬮ᭄ᬭᬯᬸᬄᬭᬶᬂᬩᬜ᭄ᬘᬶᬗᬄ᭞ᬓᬗᭂᬦᬦᬓᬾᬫᬗ᭄ᬕᬶᬳᬶᬦ᭄᭞ᬓᬤᬶᬲᬂᬳ᭄ᬬᬂᬇᬦ᭄ᬤ᭄ᬭᬓᬢᭀᬦ᭄᭞ᬓᬳᬶᬭᬶᬗᬦ᭄ᬢᬸᬓᬵᬧ᭄ᬱᬭᬷ᭞
ᬢᬦ᭄ᬧᬾᬦ᭄ᬤᬄᬯᬺᬳᬲ᭄ᬧᬢᬶ᭞ᬪᬕᬯᬦ᭄ᬢᬧ᭄ᬭᬡ᭄ᬠᬳᬕᬸᬂ᭞ᬳᬸᬮ᭄ᬬᬯᬢᭂᬓ᭄ᬕᬡ᭄ᬟᬃᬯ᭄ᬯ᭞ᬭᬵᬚᬧᬸᬢ᭄ᬭᬦᬾᬫᬸᬗ᭄ᬓᬸᬭᬶ᭠ᬦ᭄᭞ᬲ᭄ᬥᭂᬓ᭄ᬧᬶᬕᬸᬫ᭄᭞ᬮᬸᬗ᭄ᬳᬵᬓᬫᬾᬭᬸᬧᬃᬯ᭄ᬯᬢ᭟ᬳᬾᬫᬦ᭄ᬬᬦ᭄ᬧᬘᬂᬓᬭᬸᬲᬓ᭄᭞ᬲᬯᬾᬢ᭄ᬦᬶᬂᬤᬺᬤ᭄ᬠᬲᬸᬤ᭠
ᬓ᭄ᬢᬶ᭞ᬭᬶᬗᬶᬤᬲᬂᬫᬸᬢᭂᬃᬚᬕᬢ᭄᭞ᬧᬚᬃᬳᬦᬓᬗᬸᬭᬶᬫᬶᬓ᭄᭞ᬗᬸᬦ᭄ᬗᬸᬦ᭄ᬫᬲ᭄ᬩᭂᬂᬲ᭄ᬤᬶᬄ᭞ᬓᬗᭂᬦ᭄ᬭᬶᬗᬦᬓᬾᬳᬕᬸᬂ᭞ᬕᬸᬫᬦ᭄ᬢᬶᬲᬸᬲᬸᬳᬸᬦᬦ᭄᭞ᬫᬫᬦᬄᬜᬋᬗᬶᬦ᭄ᬗᬶᬭᬶᬂ᭞ᬬᬤ᭄ᬬᬦ᭄ᬮᭂᬩᬸᬭ᭄᭞ᬢᬦᬗᭂᬦ᭄ᬭᬶᬂᬧ᭄ᬬᬦᬓ᭄ᬲᭀᬫᬄ᭟
[᭑᭙ 19A]
ᬓᭀᬘᬧᬦ᭄ᬲᬵᬫ᭄ᬧᬸᬦ᭄ᬫᬫᬃᬕ᭄ᬕ᭞ᬫᬳᬶᬭᬶᬗᬦ᭄ᬧᬭᬳᬶᬲ᭄ᬢ᭄ᬭᬶ᭞ᬫᬧᬦᬸᬯᬤᬾᬲᬓ᭄ᬕᭂᬤᭀᬂ᭞ᬳᬦᬓ᭄ᬢᬾᬢᬾᬳᬍᬧ᭄ᬭᬶᬭᬶᬄ᭞ᬗᬸᬦ᭄ᬗᬸᬦ᭄ᬲᭂᬩᭂᬗᬾᬲ᭄ᬤᬶᬄ᭞ᬫᬫᬦ᭄ᬢᭂᬕ᭄ᬢᬗ᭄ᬓᬄᬫᬓᭂᬭᬸᬕ᭄᭞ᬗᭂᬚᭀᬳᬂᬢ᭄ᬓᬾᬦ᭄ᬢᬶᬫ᭄ᬧᬮ᭄᭞ᬓᬲ
ᬳᬸᬭᬦᬦ᭄ᬢᬸᬓ᭄ᬳᭂᬮᬶᬂ᭞ᬲ᭄ᬕᬸᬲ᭄ᬕᬸ᭞ᬫᬘᬧ᭄ᬘᬧ᭄ᬳᬸᬚᬦ᭄ᬬᬾᬄᬫᬢ᭟ᬫᬕᬸᬍᬫ᭄ᬲ᭄ᬫᬶᬗᬸᬭᬫ᭄ᬩ᭄ᬬᬄ᭞ᬫᬢᬯᬶᬢ᭄ᬓ᭄ᬭᬾᬤᬾᬧᬦ᭄ᬕᬶᬕᬶ᭞ᬫᬕᭂᬧᬄᬩᬦ᭄ᬲᬲᬫ᭄ᬩᬢᬦ᭄᭞ᬧᬫᬃᬕ᭄ᬕᬶᬦᬾᬗᬦ᭄ᬢᬶᬳᬦ᭄ᬢᬶ᭞ᬍᬜ᭄ᬚᬍᬜ᭄ᬚᬫᬦᭀᬮᬶᬄ᭞ᬳᬬᬸ
ᬗᬦ᭄ᬮᭂᬫᭂᬢ᭄ᬫᬍᬗ᭄ᬓᬸᬂ᭞ᬭᬭᬲ᭄ᬫᬤᬦ᭄ᬤᬦ᭄ᬮᬶᬫ᭞ᬯᬯᬸᬗᬫ᭄ᬦᬾᬓᬾᬂᬓᬗᬶᬦ᭄᭞ᬫᬶᬭᬶᬩ᭄ᬕᬫ᭄ᬩᬸᬄ᭞ᬮᬮᬓᭀᬦ᭄ᬯᬾᬤᬸᬭᬶᬲ᭄ᬫᬭ᭟ᬯᬯᬸᬭᬯᬸᬄᬭᬶᬂᬓᭂᬫ᭄ᬩᭂᬗᬦ᭄᭞ᬳᬶᬤᬳᬦᬓᬕᬸᬂᬫᬗ᭄ᬕᬶᬲ᭄᭞ᬚᬕ᭄ᬭᬯᬸᬄᬳᬶᬤᬾᬯᬧᭀᬕᭀᬢ᭄᭞ᬫ
ᬫᬘᬸᬓᬶᬦ᭄ᬲᬶᬓᭂᬧ᭄ᬩᬗ᭄ᬮᬶ᭞ᬭᬯᬸᬄᬭᬶᬂᬤᬗᬶᬦ᭄ᬘᬗ᭄ᬓᬶᬭ᭄᭞ᬢᬦ᭄ᬤᬗᬾᬢ᭄ᬓᬫᬦᬸᬯᬸᬓ᭄᭞ᬭᬶᬚᬶᬫ᭄ᬩᬭᬾᬫᬗᬫ᭄ᬩ᭄ᬬᬭ᭄᭞᭠ᬲᬳᬲᬭᬭᬶᬲ᭄ᬫᬫᭂᬤᬶᬮ᭄᭞ᬓᬸᬫᬭᬸᬢᬸᬕ᭄᭞ᬲᬯᬄᬕ᭄ᬮᬕᬄᬓᬢᬯᬸᬭᬦ᭄᭟ᬳᬩ᭄ᬬᬦ᭄ᬩᬲᬾᬓᬩᬜ᭄ᬘᬭ᭠
Kaca:Bali-lontar-gaguritan-rusak-gianyar-02-300ppi.pdf/19
Kaca puniki sampun kauji-wacén
