[᭙᭒92B]
᭙᭒
ᬗᬶᬮᬓᬂᬧᬜ᭄ᬚᬓ᭄᭞ᬫᬗ᭄ᬓᬶᬦ᭄ᬓᬂᬲᬸᬭᬓ᭄ᬕᬸᬫᬶᬭᬶᬄ᭟ᬲᬶᬦᬳᬸᬭᬦ᭄ᬳᬸᬫᬸᬂᬭᬦ᭄ᬢᬢᬩᬸᬳᬦ᭄᭞ᬓᬸᬫ᭄ᬭᬸᬢᬸᬕ᭄ᬲ᭄ᬯᬭᬦᬶᬂᬩ᭄ᬥᬶ᭠ᬮ᭄᭞ᬧᬜ᭄ᬚᬓᬾᬲᬸᬲᬸᬫ᭄ᬩᬃ᭞ᬳᬶᬄᬓᭀᬳᬶᬩᬳᬗᬦ᭄ᬢᬓ᭞ᬬᬢ᭄ᬦᬳᬶᬦ᭄ᬕᬸᬫᬶᬦ᭄ᬜᬚᬦᬶ᭞ᬢᬸᬲᬶᬂᬩᬸᬳᬸᬗᬦ᭄᭞ᬢ᭄ᬮᬄᬕᭂᬲᭂᬂᬵᬤᬤᬶ
ᬳᬲ᭄ᬢᬶ᭟ᬧᬶᬲᬦ᭄ᬗᬬᬸᬄᬳᬶᬩᬫᬦᬸᬦᬲ᭄ᬚᬶᬯ᭞ᬭᬶᬳᬶᬤᬪᬝᬵᬭᬓᬵᬮᬶᬄ᭞ᬤᭀᬄᬢ᭄ᬯᬭᬲ᭄ᬯᬾᬘ᭄ᬙ᭞ᬬᬦ᭄ᬢᬦ᭄ᬳᬶᬩᬧ᭄ᬭᬲᬗ᭄ᬕ᭞ᬲᬶᬂᬳᬸᬗᬦ᭄ᬳᬶᬩᬫᬵᬢᬶ᭞ᬩᬤᬸᬂᬢᬩᬦᬦ᭄᭞ᬢᭀᬚᬸᬭᬸᬫᬗᬫ᭄ᬧ᭄ᬮᬲᬶᬦ᭄᭟ᬯᭀᬂᬳᬗᬦ᭄ᬢᬓᬲᬶᬕ᭄ᬭᬫᬧᬕ
ᬬᬸᬤ᭄ᬥ᭞ᬗᬸᬭᬄᬕ᭄ᬥᬾᬦ᭄ᬤᬢᬦ᭄ᬚ᭄ᬭᬶᬄ᭞ᬗᬸᬭᬄᬓ᭄ᬢᬸᬢ᭄ᬫᬗᬶᬫ᭄ᬩᬂ᭞ᬫᬸᬮᬧ᭄ᬭᬯᬷᬭᬾᬂᬭᬡ᭞ᬢᭀᬲ᭄ᬦᬶᬂᬧ᭄ᬭᬳᬃᬬ᭄ᬬᬓᬸᬶᬦᬸᬶᬚ᭄ᬮ᭠ᬡ᭄ᬝᬶᬓ᭄᭞ᬧ᭄ᬭᬚᬸᬭᬶᬢ᭄ᬓᬸᬦ᭞ᬤᬸᬓᬶᬂᬩ᭄ᬭᬂᬩᬗᬦ᭄ᬗᬸᬦᬶ᭟ᬳᬓᬸᬬᭂᬗᬦ᭄ᬧᬦᬶᬦᬶᬤ᭄ᬭᬦ᭄ᬤᬾᬦᬶᬂᬬᬸᬤ᭄ᬥ᭞ᬢᬸᬗ᭄ᬕᭂᬂᬢᬦ᭄ᬓᬦ᭄ᬕᬶᬗ᭄ᬲᬶᬃ᭞ᬮ᭄ᬯᬶᬃᬲᬂ
ᬫᭀᬂᬳᬫᬗᬂ᭞ᬗᬤᬂᬳᬋᬧᬦᬶᬂᬕ᭄ᬯ᭞ᬳᬲᬶᬂᬫᬭᬤᬓ᭄ᬗᬶᬦᬦ᭄ᬢᬶᬂ᭞ᬦ᭄ᬤᬢᬦ᭄ᬢᬸᬮᬸᬗᬦ᭄᭞ᬫᬬᬸᬤ᭄ᬥᬭᬶᬂᬚᬕᬧᬢᬶ᭟ᬕ᭄ᬮᬶᬲᬶᬂᬘᬭᬶᬢᬢᬸᬮ᭄ᬬᬳᬸᬦ᭄ᬤᬸᬭᬸᬦ᭄ᬤᬸᬭᬦ᭄᭞ᬯᬯᬸᬓ᭄ᬦᬶᬲᬲᬶᬓᬶ᭞ᬯᭀᬂᬕᬾᬮ᭄ᬕᬾᬮ᭄ᬧᬸᬦᬶᬓ᭞ᬮᬯᬸᬢ᭄ᬚ᭄ᬭᬶᬄᬫᬕᬸᬮᬸᬗᬦ᭄᭞
[᭙᭓93A]
ᬢᬦ᭄ᬓᬶᬦᬳᬶᬗᬦ᭄ᬤᬳᭂᬕ᭄ᬫᬮᬶᬄ᭞ᬳᬶᬤ᭄ᬯᬕᬸᬂᬫᬾᬭᬂ᭞ᬦᭀᬮᬾᬓ᭄ᬧᬗᬶᬭᬶᬂᬩᬗ᭄ᬮᬶ᭟ᬲᬧᬾᬃᬓᬸᬤᬫᬮᬶᬄᬳᬚ᭠ᬓ᭄ᬫᬓ᭄ᬚᬂ᭞ᬢᬸᬮᬸᬂᬕᬾᬮ᭄ᬕᬾᬮᬾᬚ᭄ᬭᬶᬄ᭞ᬤ᭄ᬯᬲᬧᬾᬃᬫᬦᭂᬫ᭄ᬩᬄ᭞ᬭᬢᬸᬢᬦ᭄ᬫᬓ᭄ᬢᬲᬜ᭄ᬚᬢ᭞ᬬᬦ᭄ᬓᭂᬤᭂᬄᬩᬾᬜ᭄ᬚᬂᬫᬗᬶᬭᬶᬂ᭞ᬚ
ᬕᬢ᭄ᬧᬮ᭄ᬬᬢᬦ᭄ᬕᭂᬩᬸᬕ᭄ᬢᬶᬢ᭄ᬬᬂᬲᬓᬶᬂᬓᬗᬶᬦ᭄᭟ᬳᬶᬤᬳᬶᬤ᭄ᬯᬕᬸᬂᬕ᭄ᬥᭂᬕ᭄ᬓᬬᬸᬦᬾᬫᬶᬋᬗᬂ᭞ᬦ᭄ᬳᭂᬃᬩᬸᬤᬮ᭄ᬧ᭄ᬭᬫ᭠ᬗ᭄ᬓᬶᬦ᭄᭞ᬗᬸᬲᬧᬸᬲᬧ᭄ᬢᬗᬦ᭄᭞ᬫᬶᬗᬶᬲ᭄ᬲ᭄ᬯᬪᬯᬳᬾᬭᬂ᭞ᬓᬩᬢᬸᬄᬢᬦ᭄ᬲᬶᬫ᭄ᬧᬂᬫᬮᬶᬄ᭞ᬯ᭄ᬗᬶᬫᬫᬃᬵᬕ᭄ᬕ᭞ᬲᬓ᭄ᬱᬡᬭᬯᬸᬄ
ᬭᬶᬂᬧᬸᬭᬶ᭟ᬲᬵᬫ᭄ᬧᬸᬦ᭄ᬓᬧ᭄ᬬᬸᬦᬶᬂᬭᬶᬂᬤᬍᬫ᭄ᬲᬧᬭᬶᬧᭀᬮᬄ᭞ᬲᬸᬫᬶᬗ᭄ᬓᬶᬦ᭄ᬫᬯ᭄ᬢᬸᬭᬸᬦ᭄ᬢᬶᬓ᭄᭞ᬢᬦ᭄ᬫᬃᬃᬬ᭄ᬬᬫᬗ᭄ᬭᬶᬧ᭄ᬢ᭞᭠ᬩ᭄ᬯᬢᬶᬂᬧᬗᬶᬦ᭄ᬤ᭄ᬭᬚᬮ᭞ᬭᬶᬂᬫᬗ᭄ᬯᬶᬯᬦ᭄ᬢᬳᬸᬦᬶᬦ᭄ᬫᬮᬶᬄ᭞ᬢᬦ᭄ᬧᭂᬕᬢ᭄ᬬᬸᬤ᭄ᬥ᭞ᬚᬕᬢᬾᬓᬢᬄᬫᬩᬮᬶᬓ᭄᭟ᬩᬶᬮᬂᬤᬗ᭄ᬓ
ᬧᬥᬢᬓᬸᬕ᭄ᬮᬃ᭞ᬩ᭄ᬮᬸᬂᬩᬂᬫᬲᬸᬗ᭄ᬕᬧᭀᬮᬶᬂ᭞ᬭᬭᬾᬦ᭄ᬮᬦ᭄ᬩᬗᬯᬦ᭄᭞ᬧᬶᬭᬂᬓᬵᬮᬲ᭄ᬯᬾᬦᬶᬂᬬᬸᬤ᭄ᬥ᭞ᬤᬸᬭᬸᬂᬚᬦ᭄ᬢᭂᬦ᭄ᬓᬳᭀᬦ᭄ᬧᭀᬮᬶᬄ᭞ᬲᭀᬓ᭄ᬫᬩ᭄ᬭᬡᬗᬦ᭄᭞ᬜᬩ᭄ᬭᬦ᭄ᬢᬶᬂᬢᭂᬧᬶᬢᭂᬧᬶ᭟ᬩᬤᬸᬂᬢᬩᬦᬦ᭄ᬯ᭄ᬬᬓ᭄ᬢᬶᬧᬥᬲᬳ
Kaca:Bali-lontar-gaguritan-rereg-gianyar-300ppi.pdf/93
Kaca puniki sampun kauji-wacén
