Kaca:Bali-lontar-gaguritan-rereg-gianyar-300ppi.pdf/92

Saking Wikisource
Kaca puniki sampun kauji-wacén

[᭙᭑91B]
᭙᭑
ᬧᬸᬦ᭄ᬳᬶᬓᬫᬲᬦ᭄ᬫᬫᬦᬄᬧ᭄ᬭᬲᬗ᭄ᬕ᭞ᬗᬸᬭᬄᬋᬱᬶᬫᬓᬤᬶᬦ᭄᭞ᬧ᭄ᬭᬩ᭄ᬓᭂᬮᬾᬳᬮᬧ᭄᭞ᬯᬾᬳᬶᬦ᭄ᬳᬦ᭄ᬢᬸᬓ᭄ᬚᬦ᭞ᬪᬵᬕᬯᬦ᭄ᬢᬦᬾᬫᬶᬲᬶᬗ᭄ᬕᬶᬄ᭞ᬧᬸᬦᬶᬓᬧᬶᬲᬦ᭄᭞ᬧᬵᬢᬹᬢ᭄ᬕᭂᬮᬭᬂᬦᬾᬫᬗ᭄ᬓᬶᬦ᭄᭟ᬗᬸᬭᬄᬩ᭄ᬮᬬᬸᬓᬩᬗᬦ᭄ᬓᬵᬃᬡ᭄ᬦᬮ᭄ᬯᬶᬃ
ᬲᬶᬦᭂᬧᬂ᭞ᬲᬶᬦᬗ᭄ᬕᬄᬓᬤᬶᬧᬧᬶᬭᬶᬂ᭞ᬫᬢ᭄ᬭᬰᬭᬶᬭᬩᬂ᭞ᬘᬭᬂᬲᬭᬶᬯ᭄ᬭᬸᬳᬶᬂᬲ᭄ᬫᬶᬢ᭞ᬧᬸᬦᬶᬓᬳᬕᬾᬦᭂᬘᭂ᭠ᬓᬶᬦ᭄᭞ᬕᬸᬲ᭄ᬢᬶᬧᬶᬦᭂᬳᬂ᭞ᬲᬵᬫ᭄ᬧᬸᬦ᭄‌ᬦ᭄ᬤᬾᬦ᭄ᬲᬮᬄᬢᬫ᭄ᬧᬶ᭟ᬤᬸᬭᬸᬂᬧᬸᬧᬸᬢ᭄ᬧᬳᬸᬍᬄᬩᬳᭀᬲ᭄ᬧᬸᬦᬶᬓ᭞ᬓ᭠
ᬮᬗᬦ᭄ᬩᭂᬤᬶᬮ᭄ᬫᬸᬦᬶ᭞ᬮ᭄ᬯᬶᬃᬕ᭄ᬮᬕᬄᬢᬶᬦᬸᬦ᭄ᬯᬦ᭄᭞ᬓᬸᬮ᭄ᬓᬸᬮ᭄ᬲᬤᬾᬰᬤᬾᬰ᭞ᬓᬢᭀᬭᬕ᭄ᬭᬶᬂᬚᬕᬢ᭄ᬫᬗ᭄ᬯᬶ᭞ᬯᬾᬦ᭄ᬢᭂᬦ᭄ᬗᬢᬸᬭᬂ᭞ᬓᭀᬘᬧ᭄ᬲᬶᬩᬗᬾᬫᬩᬮᬶᬓ᭄᭟ᬲᬵᬫ᭄ᬧᬸᬦ᭄ᬲᬶᬦᬄᬓᬵᬮᬶᬄᬲᬵᬫ᭄ᬧᬸᬦ᭄ᬦᬓᭂᬧ᭄ᬤᬾᬰ᭞ᬩ᭠
ᬤᬸᬂᬋᬓᭀᬫᭀᬗ᭄ᬓᭀᬮᬶᬦ᭄᭞ᬳᬶᬤᬾᬰᬳᬗᬦ᭄ᬢᬓ᭞ᬢᬍᬃᬲᬵᬫ᭄ᬧᬸᬦ᭄ᬓᬳᬸᬗ᭄ᬕᬸᬳᬂ᭞ᬓᭀᬘᬧ᭄ᬲᬓᬶᬂᬰᬢ᭄ᬭᬸᬓᬗᬶᬦ᭄᭞ᬲᬓᬶᬂᬦᬵᬕᬭ᭞ᬬᬸᬤ᭄ᬥᬭᬶᬂᬚᬕᬧᬢᬶ᭟ᬳᬦᬓᬾᬳᬕᬸᬂᬫ᭄ᬦᭂᬂᬓᬤᬶᬧᬗᭂᬕᬂ᭞ᬧᬦᬗ᭄ᬓᬶᬮ᭠
[᭙᭒92A]
ᬦᬾᬫᬮᬶᬄ᭞ᬯ᭄ᬬᬓ᭄ᬢᬶᬓᬢᬯᬸᬭᬕ᭄᭞ᬫᬢᬸᬮᬸᬯᬦ᭄ᬭᬶᬂᬩᬜ᭄ᬘᬶᬗᬄ᭞ᬦᬓᬕᬸᬂᬲᬳᬸᬭᬾᬳᬭᬶᬲ᭄᭞ᬓᭂᬫᬕᬢᬶᬬᬂ᭞ᬕᭂᬩᬸᬕ᭄ᬓᬸᬮ᭄ᬓᬸᬮᬾᬚᬦᬶ᭟ᬓ᭄ᬭᬸᬕ᭄‌ᬕᬢᬶᬚᬦᬶᬢᬸᬦ᭄ᬤᬾᬦᬂᬓᬧᬮ᭄ᬬᬢᬦ᭄᭞ᬤᬸᬮᬸᬂᬳᬗᬦ᭄ᬢᬓᬦᬾᬕᬢᬶ᭞ᬩ᭄ᬯᬶ᭠
ᬦ᭄ᬤᬶᬦᬶᬤᬩ᭄ᬤᬩᬂ᭞ᬲᬂᬓᬶᬘ᭄ᬙᬾᬦ᭄ᬧᬗᬦ᭄ᬤᬶᬓ᭞ᬫᬲᭂᬩᬸᬃᬲᬵᬫ᭄ᬧᬸᬦ᭄ᬫᬫᬵᬃᬕ᭄ᬕᬶ᭞ᬫᬚᬚᬭᬦᬦ᭄᭞ᬢᬦ᭄ᬓᭀᬘᬧ᭄ᬧᬸᬦᬶᬓᬫᬮᬶᬄ᭟ᬯᬮᬸᬬᬓ᭄ᬦᬓᬂᬢᬢ᭄ᬯᬘᬶᬦᬭᬶᬢ᭞ᬲᬫᬦ᭄ᬢᬸᬓ᭄ᬳᬶᬤ᭄ᬯᬕᬸᬂ᭞ᬭᬳᬸᬄᬭᬶᬂᬩᬢᬸᬩᬸᬮᬦ᭄᭞ᬢᬸᬫᬸᬮᬶᬫᬦᭂ᭠
ᬕᬭᬂ᭞ᬗᬗ᭄ᬓᬢᬂᬳᬭᬶᬂᬦᬾᬫᬗ᭄ᬓᬶᬦ᭄᭞ᬰᬳᬗᬦ᭄ᬢᬓ᭞ᬧᬦ᭄ᬫᬗ᭄ᬕᭂᬄᬪᬓ᭄ᬢᬶᬓᬫᬗ᭄ᬯᬶ᭟ᬘᭀᬓᭀᬃᬤᬕᬾᬮ᭄ᬕᬾᬮ᭄᭠ᬫᬓᬲᬾᬦᬦᬵᬣᬦᬶᬂᬧ᭄ᬭᬂ᭞ᬧᬦ᭄‌ᬢᬹᬲ᭄ᬦᬶᬂᬤᬍᬫ᭄ᬚᬢᬶ᭞ᬢᬸᬮ᭄ᬬᬓᬵᬮᬦ᭄ᬢᬓ᭞ᬫ᭄ᬭᬮᬬᬳᬡ᭄ᬥᬪᬹᬯᬡ᭞ᬓᬢᬮ᭄ᬯᬦᬾᬢᬶ
ᬤᭀᬂᬕᬶᬕᬶᬲ᭄᭞ᬧᬦ᭄ᬫᬲᬚᭂᬗᬦ᭄᭞ᬮ᭄ᬯᬶᬃᬪᬹᬯᬡᬢᬦ᭄ᬓᬾᬗ᭄ᬕᬸᬳᬶᬂᬚᬸᬭᬶᬢ᭄᭟ᬦᬵᬗ᭄ᬳᬶᬂᬩᭂᬤ᭄‌ᬳᬦ᭄ᬢᬸᬓ᭄ᬩᬗᭂᬢ᭄ᬫᬮᬗ᭄ᬲᬶᬗᬦ᭄᭞ᬘᬃᬫ᭄ᬫᬧ᭄ᬮᬸᬂᬳᬍᬗᬶᬲ᭄᭞ᬢᬸᬮ᭄ᬬᬦᬶᬂᬫᬤ᭄ᬓᬄ᭞ᬫᬯᬲ᭄ᬢ᭄ᬭᬧᭀᬮᬾᬂᬩᬭᬓ᭄᭞ᬫᬲ᭄ᬓᬃᬧᬸᬘᬸᬓ᭄ᬳᬓᬢᬶᬄ᭞