[᭙᭓93B]
᭙᭓
ᬲ᭞ᬓᬩᬓᬩᬫᬩᬮᬶᬓ᭄᭞ᬧᬜ᭄ᬚᬂᬬᬦ᭄ᬢᬸᬢᬸᬭᬂ᭞ᬮᬭᬧᬦᬶᬂᬚᬕᬢ᭄ᬭᬸᬦ᭄ᬤᬄ᭞ᬫᬲᬶᬄᬧᬕᬯᬾᬦᬾᬗᬹᬦᬶ᭞ᬚᬦᬶᬢᬫᬬᬂ᭞ᬓᬤᬶᬘᬓ᭄ᬭᬦᬶᬂᬧᬤᬢᬶ᭟ᬳᬮᬳᬬᬸᬬᬢ᭄ᬯᬄᬢᭀᬂᬤᬤᬶᬳᭂᬚᭀᬢᬂ᭞ᬤᬜᭂᬮ᭄ᬲᭂᬮᬂᬩᬸᬓᬚᬦᬶ᭞ᬧ
ᬦ᭄ᬲᬗ᭄ᬓᬦᬶᬂᬓᬸᬦ᭞ᬲᬧᬸᬦᬶᬓᬲᬸᬚᬢᬶᬦ᭄ᬜ᭞ᬳᬦᬓ᭄ᬳᬕᬸᬂᬭᬶᬂᬫᬗ᭄ᬯᬶ᭞ᬓᭀᬩᭂᬢ᭄ᬓᬮᬶᬦ᭄ᬢᬂ᭞ᬫᬫᬶᬦᭂᬳᬶᬦ᭄ᬓᬤᬶᬫᬗ᭄ᬓᬶ᭠ᬦ᭄᭟ᬫᬫᬳᬸᬫᬂᬧ᭄ᬭᬧᬸᬢ᭄ᬭᬫ᭄ᬯᬂᬲᬫ᭄ᬢᭀᬦᬦ᭄᭞ᬓᬓᬭᬗ᭄ᬳᬲᭂᬫ᭄ᬗᬮᬶᬄᬓᬦ᭄ᬢᬶ᭞ᬫᬦᬸᬦᬲ᭄ᬢᬸᬮᬸᬗᬦ᭄᭞ᬲᬶᬤ᭄ᬥᬗᬢᬸᬭᬂᬭᬕ᭞ᬯᬸ
ᬲ᭄ᬓᬧᬵᬢᬹᬢ᭄ᬲᬋᬂᬲᬫᬶ᭞ᬭᬭᬶᬲ᭄ᬗᬫᬵᬃᬕ᭄ᬕ᭄ᬬᬂ᭞ᬳᬸᬢᬸᬲᬦ᭄ᬧᬭᬫᬗ᭄ᬓᬶᬦ᭄᭟ᬓᬘᬭᬶᬢᬧᬫᬃᬵᬕ᭄ᬕᬶᬦ᭄ᬳᬶᬢᬸᬲᬦ᭄ᬧᬸᬦᬶᬓ᭞ᬭᬳᬸᬄᬭᬶᬂᬓᬭᬗ᭄ᬳᬲᭂᬫ᭄ᬦᬗ᭄ᬓᬶᬮ᭄᭞ᬳᬧᬦ᭄ᬳᬕ᭄ᬮᬶᬲᬦ᭄᭞ᬲᬫᬶᬲᬵᬫ᭄ᬧᬸᬦ᭄ᬓᬧᬶᬤᬃᬢ᭄ᬢ᭞ᬲᬳᬶᬦ᭄ᬤᬶᬓᬾᬭᬶᬂᬫᬗ᭄ᬯᬶ᭞ᬦᬸᬦᬲ᭄ᬢᬸᬮᬸ
ᬗᬦ᭄᭞ᬜᬤ᭄ᬬᬫᬦᬸᬦᬲ᭄ᬳᬸᬭᬶᬧ᭄᭟ᬳᬦᬓᬾᬳᬕᬸᬂᬕ᭄ᬥᬾᬚ᭄ᬮᬡ᭄ᬝᬶᬓ᭄᭞ᬓᬤᬶᬓ᭄ᬢᬸᬲ᭄ᬧᬓᬬᬸᬦᬦ᭄᭞ᬧᬦ᭄ᬓᬭᬶ᭠ᬫᬭᬕᬳᬲᬶᬓᬶ᭞ᬓᭀᬩᭂᬢ᭄ᬫᬩᬩᬳᭀᬲ᭄᭞ᬯᬶᬭᬾᬄᬓ᭄ᬦᬳᬾᬫᬤᭀᬳᬦ᭄᭞ᬧᬲ᭄ᬢᬶᬲᬵᬫ᭄ᬧᬸᬦ᭄ᬫᬶᬓᬬᬸᬦᬶᬦ᭄᭞ᬫ
[᭙᭔94A]
ᬦᬸᬦᬲ᭄ᬮᬸᬕ᭄ᬭ᭞ᬓᬓ᭄ᬮᬸᬂᬓᬸᬂᬧ᭄ᬭᬫᬗ᭄ᬓᬶᬦ᭄᭟ᬩᭀᬬᬲᬶᬤ᭄ᬥᬲᬧᬓᬬᬸᬦᬦᬾᬧᬘᬂᬦᬩ᭄ᬤᬩᬂ᭞ᬩ᭄ᬬᬸᬭᬾᬭᬶᬂᬫᬗ᭄ᬯᬶ᭞᭠ᬫᬗ᭄ᬤᬾᬓᬭᬳᬬ᭄ᬯᬦ᭄᭞ᬪᬝᬵᬭᬤᬍᬫ᭄ᬮᬸᬕ᭄ᬭ᭞ᬓ᭄ᬱᬦᬮᬸᬗ᭄ᬳᬧ᭄ᬭᬫᬗ᭄ᬓᬶᬦ᭄᭞ᬯ᭄ᬬᬓ᭄ᬢᬶᬢ᭄ᬮᬲᬦ᭄᭞ᬩᬳᬸᬥᬡ᭄ᬥᬦᬾᬫᬗᬶᬭᬶᬂ᭟᭠
ᬧᬗᬶᬭᬶᬗᬾᬲᬺᬕᭂᬧ᭄ᬕᬳᬫᬦᬶᬂᬳᬬᬸᬤ᭄ᬥ᭞ᬯ᭄ᬬᬓ᭄ᬢᬮᬶᬫᬂᬢᬮᬶ᭞ᬧᬦ᭄ᬫᬓᬦ᭄ᬤᬓᬦ᭄ᬤ᭞ᬚᬭᬸᬫᬦ᭄ᬮᬯᬦ᭄ᬲᬶᬦᬧᬂ᭞ᬢ᭄ᬮᬾᬫ᭄ᬧᬾᬓ᭄ᬫᬫᬲ᭄ᬮᬦ᭄ᬧᬗᬯᬶᬦ᭄᭞ᬲᬳᬢ᭄ᬗᭂᬭᬦ᭄᭞ᬢᬯᬢᬯᬦᬾᬫᬋᬢᬶᬦ᭄᭟ᬲᬧᬸᬦᬶᬓᬲᭀᬢᬦᬶᬂᬭᬢᬸᬉᬢ᭄ᬢ
ᬫ᭞ᬧᬭᬯᬶᬓᬹᬫᬫᬸᬘᬸᬓᬶᬦ᭄᭞ᬳᬗᭀᬩ᭄ᬲᬂᬗᬦ᭄ᬢᭂᬦᬂ᭞ᬗᬫᬵᬃᬕ᭄ᬕᬶᬦᬶᬦ᭄ᬓᬕ᭄ᬬᬜᬃ᭞ᬭᬶᬂᬕ᭄ᬬᬜᬃᬫᬭᬃᬭ᭄ᬬᬦ᭄ᬳᬲ᭄ᬮᬶᬤ᭄᭞ᬲᭀᬓ᭄ᬫᬮᬗ᭄ᬲᬶᬗᬦ᭄᭞ᬭᬶᬂᬓ᭄ᬭᭀᬦᬶᬂᬳᬜ᭄ᬘᬓ᭄ᬱᬚᬶ᭟ᬯ᭄ᬢᬸᬓᬾᬗᬶᬦ᭄ᬧᬓᬬᬸᬦᬦᬾᬫᬜᬶᬗᬓ᭄᭞ᬧᬸᬭᬶᬦᬾ᭠
ᬲᬸᬳᬸᬂᬲᭂᬧᬶ᭞ᬲᬸᬯᬾᬬᬦ᭄ᬳᬯᬶᬬᬂ᭞ᬯᬸᬲ᭄ᬫᬮᬗ᭄ᬲᬶᬗᬦ᭄ᬫᬫᬃᬳᬕ᭄ᬕ᭞ᬭᬶᬂᬩᬢᬸᬄᬗᬋᬋᬧ᭄ᬲᬯ᭄ᬗᬶ᭞ᬳᬯᬯᬤᭀᬦᬦ᭄᭞ᬭᬶᬂᬳᬶᬤᬘᭀᬓᭀᬃᬤᬮᬶᬗ᭄ᬲᬶᬃ᭟ᬢᬦᬶᬦᬸᬘᬧ᭄ᬧᬥᬍᬯᬶᬄᬧᬦᬫ᭄ᬩ᭄ᬭᬫ᭞ᬢᬦ᭄ᬓᬸᬭᬂᬢᬤᬄᬪᬹᬓ᭄ᬢᬶ᭞ᬭᬯᬸᬄᬓ
Kaca:Bali-lontar-gaguritan-rereg-gianyar-300ppi.pdf/94
Kaca puniki sampun kauji-wacén
