[᭗᭔74B]
᭗᭔
ᬮᬶᬢ᭄ᬧᬮ᭄ᬬᬢᬦ᭄᭞ᬕ᭄ᬮᬶᬲ᭄ᬗᬦ᭄ᬤᬶᬓᬗ᭄ᬮᬸᬤᬶᬦ᭄᭞ᬭᬭᬶᬲ᭄ᬭᬶᬦᭂᬩᬸᬢᬦ᭄᭞ᬲᬸᬯᬾᬦ᭄ᬤᬢᬦ᭄ᬓᬯ᭄ᬦᬂ᭞ᬕ᭄ᬭᭀᬄᬕ᭄ᬭᭀᬄᬫᬸᬢᬄᬕ᭄ᬢᬶᬄ᭞ᬯᬮᬸᬗᬾᬘᬘᬮ᭄᭞ᬢᬫᬸᬓᬸᬗ᭄ᬕᬾᬦ᭄ᬬᬫᬦ᭄ᬢᬶᬂ᭟ᬲᬵᬫ᭄ᬧᬸᬦ᭄ᬤᬾᬯᬢᬭᬶᬂᬲᬯᬄᬧᬦᬫ᭄ᬩᬾᬦᬦ᭄᭞ᬦᬸᬚᬸᬰᬦᬶᬰ᭄ᬘᬭ
ᬫᬦᬶᬲ᭄᭞ᬤᬸᬓ᭄ᬢᭀᬮᬸᬭᬶᬂᬓᬸᬢ᭞ᬭᬄᬓᬭᭀᬢᭂᬗ᭄ᬕᭂᬓ᭄ᬢᬸᬗ᭄ᬕᬮ᭄᭞ᬫᬦᬸᬚᬸᬰᬰᬶᬄᬓᬦᭂᬫᬶ᭞ᬇᬰᬓᬯᬃᬱ᭞ᬲ᭄ᬬᬸᬯ᭄ᬯᬮᬸᬗᬢᬸᬲ᭄ᬭᭀᬭᬲ᭄ᬲᬶᬓᬶ᭟ᬲᬵᬫ᭄ᬧᬸᬦ᭄ᬧ᭄ᬭᬲᬶᬤ᭄ᬥᬓᬯᭀᬦ᭄ᬚᬕᬢ᭄ᬦᬵᬕᬭ᭞ᬫᬓᬵᬤᬶᬜᬲᬸᬓᬵᬯᬢᬶ᭞ᬭᬯᬸᬄ
ᬓᬧᬲᬶᬲᬶᬓ᭄ᬮᭀᬤ᭄᭞ᬓᬕᬫᭂᬮ᭄ᬳᬦ᭄ᬢᬸᬓ᭄ᬧᬮ᭄ᬬᬢᬦ᭄᭞ᬓᭀᬘᬧᬦ᭄ᬘᭀᬓᭀᬃᬤᬮᬶᬗ᭄ᬲᬶᬃ᭞ᬕ᭄ᬮᬶᬲ᭄ᬫᬧᬸᬢᬸᬲ᭠ᬦ᭄᭞ᬳᬶᬧᬢ᭄ᬭᬜᬯᬦᬶᬦ᭄᭟ᬓᬲᬓ᭄ᬯᬢᬶᬓᬦ᭄ᬤᬶᬓᬬᬂᬫᬚᬚᬭᬄ᭞ᬯ᭄ᬢᬸᬓᬬᬸᬦᬾᬩᬩᬾᬓᬶ᭞ᬩᭀᬬᬫᬗᬾ᭠
ᬮᬶᬗᬂ᭞ᬭᬶᬗᬸᬩᬬᬦᬾᬲᬸᬩ᭞ᬤ᭄ᬭᭀᬯᬓᬫᬶᬢ᭄ᬭᬫᬫᬹᬃᬢ᭄ᬢᬶ᭞ᬓᬾᬄᬬᬦ᭄ᬢᬸᬢᬸᬭᬂ᭞ᬭᬶᬂᬧᬦᬫ᭄ᬩᬾᬦᬦ᭄ᬳᬸᬘᬧ᭄ᬫᬮᬶᬄ᭟ᬳᬶᬗ᭄ᬕᬶᬄᬧᬸᬦᬶᬓᬲᬂᬲᬶᬤ᭄ᬥᬮᬸᬫᬳᬶᬂᬭᬡ᭞ᬲᬵᬫ᭄ᬧᬸᬦ᭄ᬕᬶᬦᬸᬲᬸᬂᬲᬫᬶ᭞ᬫᬦ᭄ᬢᬸᬓᬶᬂᬧᬸᬭᬶᬫᬵᬲ᭄᭞ᬧᬶᬦᬳᬬᬸᬩᬶᬦᬺ᭠
[᭗᭕75A]
ᬲᬶᬳᬦ᭄᭞ᬕ᭄ᬦᭂᬧ᭄ᬘᬭᬦᬶᬂᬫᬦ᭄ᬢ᭄ᬭᬳᬤᬶ᭞ᬧᬦᬶᬢᬄᬳᬶᬤ᭞ᬲᬂᬲᬶᬤ᭄ᬥᬧᭀᬮᬶᬳᬶᬂᬚᬸᬭᬶᬢ᭄᭟ᬳᬲᬧᬸᬦᬶᬓᬲᭀᬢᬦᬶᬂᬳᬳᬦᬓ᭄ᬢᬸᬗ᭄ᬕᬮ᭄᭞ᬭᬶᬂᬓᬵᬮᬫᬗ᭄ᬕᬶᬄᬯᬶᬱ᭄ᬝᬶ᭞ᬯ᭄ᬦᬂᬲᬶᬦᬬᬸᬢᬦ᭄᭞ᬥᬃᬫ᭄ᬫᬦᬶᬂᬳᬲᬦᬓ᭄᭞ᬓᬸᬦᭂᬂᬓᬯᬸᬯᬸᬲᬦ᭄ᬫ
ᬮᬶᬄ᭞ᬧᬸᬢ᭄ᬭᬶᬦᬵᬕᬭ᭞ᬤᬾᬯᬳᬬᬸᬫᬸᬂᬧᬸᬂᬢᬭᬸᬡᬶ᭟ᬫᬧᬲᬾᬗᬦ᭄ᬤᬾᬯᬳᬬᬸᬫᬸᬢᭂᬃᬧᬶᬦᬶᬄᬤᬸᬳᬸᬭ᭞ᬭᬳᬶᬮᬦᬂᬳᬮᬶᬢᬮᬶᬢ᭄᭞ᬤᬸᬭᬸᬂᬭᬸᬫᬚᬲ᭞ᬦᬶᬤᬾᬯᬵᬬᬸᬓᭂᬲ᭄ᬬᬩ᭄ᬓᭂᬲ᭄ᬬᬩ᭄᭞ᬧᬫᬶᬋᬗᬂᬲ᭄ᬯᬭᬦ᭄ᬩᭂᬤᬶᬮ᭄᭞ᬓ᭠
ᬜ᭄ᬘᬶᬢ᭄ᬧᬋᬓ᭄᭞ᬳᬢᬹᬃᬲᬫ᭄ᬩᬶᬮ᭄ᬫᬗ᭄ᬮᬶᬂ᭟ᬓᬧᬶᬤᬃᬢ᭄ᬣᬲᬧᬭᬶᬧᭀᬮᬳᬶᬂᬭᬡ᭞ᬧᬦ᭄ᬤᬾᬯᬢᬦ᭄ᬳᬶᬤᬳᬶᬳᬚᬶ᭞ᬯ᭄ᬢᭂᬂᬭᬲᬦᬶᬂᬢ᭄ᬯᬲ᭄᭞ᬫᬮᬶᬄᬲᬂᬧᬭᬭᬗ᭄ᬤ᭞ᬫᬕᬸᬬᬂᬭᬶᬂᬦᬢᬃᬗ᭄ᬮᬶᬂ᭞ᬢ᭄ᬯᬭᬗᬾᬮᬶᬗᬂ᭞ᬲᬶᬦᭀᬫᬾᬫᬕᬸᬮᬯᬶᬭ᭄᭟
᭟᭜᭟ᬧᬸᬄᬲᬶᬦᭀᬫ᭄᭟᭜᭟ᬫᬳᬸᬭᬳᬦ᭄ᬭᬶᬂᬚ᭄ᬭᭀᬧᬸᬭ᭞ᬢᬗᬶᬲᬶᬂᬯᭀᬂᬮᬦᬂᬳᬶᬲ᭄ᬢ᭄ᬭᬶ᭞ᬤᬾᬯᬵᬬᬸᬢᬦ᭄ᬲᬳᬗᬾᬧᭀᬦ᭄᭞ᬧ᭄ᬢᭂᬂᬭᬲᬦᬶᬂᬓᬂᬮᬢ᭄ᬭᬶ᭞ᬦᭀᬭᬳᬦᬭᬵᬢ᭄ᬓᬳᬓ᭄ᬱᬶ᭞ᬦ᭄ᬳᭂᬃᬢᬸᬫᬸᬮᬶᬓᬦ᭄ᬢᬸ᭞ᬲᬶᬦᬸᬦ᭄ᬤᬂᬤᬾᬦᬶᬂ
Kaca:Bali-lontar-gaguritan-rereg-gianyar-300ppi.pdf/75
Kaca puniki sampun kauji-wacén
