[᭗᭓73B]
᭗᭓
ᬭᬕᬳᬲᬯᬸᬃᬗ᭄ᬕᬶᬄᬩ᭄ᬮᬶᬗᬸᬭᬄ᭞ᬲᬵᬫ᭄ᬧᬸᬦ᭄ᬲᬳᬲᬩ᭄ᬮᬶ᭞ᬧᬶᬦᭂᬳᬶᬦ᭄ᬧᬜ᭄ᬚᬗᬂ᭞ᬓ᭄ᬮᭀᬤ᭄ᬓᬳᬸᬄᬧᬸᬦᬶᬓᬘᬶᬗᬓ᭄᭞ᬳᬦ᭄ᬤᬸᬲᬾᬲᬵᬫ᭄ᬧᬸᬦ᭄ᬦᬶᬓᭂᬮᬶᬦ᭄᭞ᬳᬶᬓᬢᬶᬓ᭄ᬮᬦ᭄ᬢᬂ᭞ᬚᬸᬓᬸᬢ᭄ᬧᬲᬵᬫ᭄ᬧᬸᬦ᭄ᬩᬲ᭄ᬫᬶ᭟ᬲᬵᬫ᭄ᬧᬸᬦ᭄ᬓᬳᬦ᭄ᬭᬯᬸᬄᬓᬲᬾᬮᬓᬭᬂ᭞ᬲᬶ
ᬗ᭄ᬳᬧᬤᬸᬓᬵᬕᬭᬶ᭞ᬦ᭄ᬤᬄᬘᭀᬓᭀᬃᬤᬗᬸᬭᬄ᭞ᬫᬾᬭᬂᬲᬳᬸᬃᬓᬩᬗᬦ᭄᭞ᬦ᭄ᬳᭂᬃᬳᬦᬸᬮᬶᬳᬦᬸᬤᬶᬂ᭞ᬭᬳᬶᬩᬢᭂᬓᬂ᭞ᬚᬮᬦ᭄ᬚᬦᬶᬫᬩᬸᬜ᭄ᬘᬶᬓ᭄᭟ᬫᬗᬤᬶᬫ᭄ᬧᬸᬂᬬᬢ᭄ᬦᬓᭀᬃᬤᬭᬳᬶᬫᬧᬕ᭄᭞ᬢᬗ᭄ᬓᬶᬲ᭄ᬧᬥᬘᬮᬶᬭᬶᬂ᭞ᬧᬥᬲᬶᬮᬶᬄᬘᬶᬦ᭄ᬤ᭄ᬭ᭞
ᬳᬭᬶᬯᭂᬕ᭄ᬳᬓᬸᬬᭂᬗᬦ᭄᭞ᬓᬤᬶᬘᬓ᭄ᬭᬱᬤᬢᬶ᭞ᬭᬫᬾᬢᬂᬬᬸᬤ᭄ᬥ᭞ᬢᬦᬓᬸᬘᬶᬯᬓᬵᬮᬶᬄ᭟ᬬᬦᬶᬦᬃᬕ᭄ᬕᬫᬮ᭄ᬯᬶᬃᬤᬿᬢ᭄ᬬᬲᬸᬦ᭄ᬤ᭄ᬭᭀᬧᬲᬸᬦ᭄ᬤ᭞ᬢᬸᬗ᭄ᬕᭂᬂᬢᬦ᭄ᬓᬦᬦ᭄ᬕᬶᬗ᭄ᬲᬶᬃ᭞ᬧᬥᬧ᭄ᬭᬯᬶᬭᬾᬂᬧ᭄ᬭᬂ᭞ᬯ᭄ᬓᬲᬦ᭄ᬧᬥᬓᬗ᭄ᬳᬾᬮᬦ᭄᭞ᬳᬲᬄ᭠
ᬢᬗ᭄ᬓᬶᬲᬾᬭᬫ᭄ᬧᬶᬂ᭞ᬳᭀᬘᬓᭀᬘᬓᬦ᭄᭞ᬲᬸᬯᬾᬢᬦ᭄ᬤᬶᬂᬓᬧᬦᬶᬦ᭄᭟ᬢᬾᬚᬗᬤᭂᬕ᭄ᬧ᭄ᬭᬶᬂᬫᬃᬕ᭄ᬕᬮᬦ᭄ᬭᬶᬂᬯᬦ᭄ᬤᬶᬭ᭞ᬲᬯᬂᬓᬲᬸᬫᬓ᭄ᬱᬶ᭞ᬲᬗ᭄ᬧ᭄ᬭᬯᬶᬭᬾᬂᬭᬡ᭞ᬫᬮᬶᬄᬓᬂᬓᬮᬶᬳᬮ᭞ᬓᬤᬶᬳᬗᬸᬮᬢᬶᬩᬸᬓ᭄ᬢᬶ᭞ᬭᬶᬂᬤᬶᬕ
[᭗᭔74A]
ᬦ᭄ᬢᬭ᭞ᬤᬶᬕ᭄ᬖᬮ᭄ᬯᬶᬃᬭᬲᬶᬳᬶᬂᬮᬗᬶᬢ᭄᭟ᬓᬤᬶᬋᬗ᭄ᬕᬦᬶᬂᬳᬸᬫᬸᬂᬲ᭄ᬯᬲᬦ᭄ᬢᬢᬩᬸᬳᬦ᭄᭞ᬲᬸᬭᬓ᭄ᬭᭀᬂᬩᬶᬂᬚᬮᬥᬶ᭞ᬫᬮᬶᬄᬲᬂᬢᬸᬫᬶᬗ᭄ᬳᬮ᭄᭞ᬓᬾᬦ᭄ᬤᬳᬦ᭄ᬢᬸᬫᭂᬗᬢᭂᬗ᭞ᬧᬦ᭄ᬧᬥᬲᬶᬳᬶᬂᬳᬕᬸᬲ᭄ᬢᬶ᭞ᬲᬂᬫᬘᬾᬢᬦ᭞ᬤᬃᬧ᭄ᬧᬗᬤ᭄ᬯᬓᭂᬦ᭄ᬚᬸ᭠
ᬭᬶᬢ᭄᭟ᬧᬕᭂᬦ᭄ᬢᬸᬭᬦᬸᬧᬫᬫᬶᬦᬾᬂᬲᬫᬸᬤ᭄ᬭ᭞ᬲᬮᬶᬂᬤᭂᬤᭂᬲ᭄ᬲᬜ᭄ᬚᬢᬓᬵᬮᬶᬄ᭞ᬧᬥᬜᬸᬤᬢ᭄ᬥᬥ᭞ᬲᬮᬶᬂᬓ᭄ᬦᬘᬶᬦᬶᬤ᭄ᬭ᭞ᬯ᭄ᬓᬲᬦ᭄ᬓᬮᬾᬧᬾᬬᬦ᭄ᬓᬵᬮᬶᬄ᭞ᬭᬄᬦ᭄ᬬᬲᬸᬫᬶᬭᬢ᭄᭞ᬫᬸᬮᬓᬦ᭄ᬤ᭄ᬭᬯᬾᬂᬓ᭄ᬱᬶᬢᬶ᭟ᬓᬂᬧ᭄ᬭᬂᬳᬸ᭠
ᬫ᭄ᬯᬂᬲ᭄ᬯᬭᬦ᭄ᬢᬩᬸᬳᬦ᭄᭞ᬲᬸᬭᬓᬭᬸᬗ᭄ᬯᬶᬂᬮᬗᬶᬢ᭄᭞ᬲᬵᬫ᭄ᬧᬸᬦᬶᬦᬢᬸᬭᬦ᭄᭞ᬭᬶᬂᬘᭀᬓᭀᬃᬤᬦᬵ᭠ᬕᬭ᭞ᬭᬗ᭄ᬓᬸᬂᬫᬾᬭᬗᬾᬢᬦ᭄ᬲᬶᬧᬶ᭞ᬳᬧᬦᬫᬶᬢ᭄ᬬ᭞ᬳᬶᬤᬘᭀᬓᭀᬃᬤᬮᬶᬗ᭄ᬲᬶᬃ᭟ᬢᬹᬃᬫᬕᬾᬩ᭄ᬭᬲ᭄ᬦ᭄ᬳᭂᬃᬢᬸᬫᬸ
ᬮᬶᬢᬸᬫᬦ᭄ᬤᬂ᭞ᬓᬂᬓᬵᬭᬶᬪᬓ᭄ᬢᬶᬫᬗᬶᬭᬶᬂ᭞ᬓᬢᬸᬂᬢᬸᬂᬤᬸᬲ᭄ᬓᬺᬢ᭄ᬣᬵ᭞ᬯᬯᬸᬫᬚᭀᬕ᭄ᬓᭂᬦ᭞ᬲᬵᬫ᭄ᬧᬸᬦ᭄ᬭᬾᬫ᭄ᬧᭀᬂᬓ᭄ᬦᬶᬩ᭄ᬤᬶᬮ᭄᭞ᬳᬸᬧᬫᬭᬗ᭄ᬤ᭞ᬕ᭄ᬭᬶᬕᬄᬕ᭄ᬭᬶᬕᬸᬄᬢᬦ᭄ᬧᬫ᭄ᬬᬢᬶ᭟ᬳᬶᬤᬳᬶᬤᬾᬯᬮᬶᬗ᭄ᬲᬶᬃᬲᬋᬂᬳᬮᬶᬢ᭄ᬳ
Kaca:Bali-lontar-gaguritan-rereg-gianyar-300ppi.pdf/74
Kaca puniki sampun kauji-wacén
