Kaca:Bali-lontar-gaguritan-rereg-gianyar-300ppi.pdf/73

Saking Wikisource
Kaca puniki sampun kauji-wacén

[᭗᭒72B]
᭗᭒
ᬢᬸᬫᬦ᭄ᬤᬂ᭞ᬧᬫᬹᬓᬾᬢᬦ᭄ᬕᬶᬕᬶᬲ᭄᭞ᬢᬸᬮ᭄ᬬᬂᬤᬾᬂᬢ᭄ᬬᬭᬚ᭄ᬬ᭞ᬳᬕᬸᬮᬕᬸᬮᬲᬶᬕ᭞ᬢᬦ᭄ᬤᬗᬾᬧᬦ᭄ᬢᭂᬲᬜ᭄ᬭᬶᬳᬶᬦ᭄᭞ᬭᭀᬫᬳᬕᬶᬫ᭄ᬩᬮ᭄᭞ᬮᬜ᭄ᬘᬶᬗᬦ᭄ᬬᬯᬶᬦᬶᬗ᭄ᬓᬶᬲ᭄᭟ᬲᬸᬫᬳᬩ᭄ᬳᬲᬸᬭᬰ᭄ᬯᬯᬸᬫᬚ᭄ᬭᭀᬕ᭄ᬭᬶᬂᬢ᭄ᬕᭂᬳᬦ᭄᭞ᬧᬗᬯᬶᬦ᭄ᬓᭂᬦᬶᬩ᭄ᬤᬶ
ᬮ᭄᭞ᬢ᭄ᬥᬸᬂᬜᬦᬾᬲᬶᬧᬓ᭄᭞ᬪᭀᬓᭀᬃᬤᬢᬦ᭄ᬓᬯᭂᬲᬦ᭄᭞ᬦ᭄ᬳᭂᬃᬫᬗᬫᬭᬬᬂᬫᬮᬶᬄ᭞ᬓᬲᬶᬦᬗ᭄ᬓᬮᬦ᭄᭞ᬧᬸᬭᬹᬦᬾᬓ᭄ᬦᬶᬫᬶᬫᬶᬲ᭄᭟ᬭᬫᬸᬮᬓᬦ᭄ᬓᬤᬶᬐᬃᬢᬮᬶᬫᬸᬜ᭄ᬘᬃ᭞ᬧᬋᬓᬦ᭄ᬫᬦᭂᬓᭂᬧ᭄ᬓᬦᬶᬦ᭄᭞ᬗ᭄ᬳᬶᬂᬳᬶᬤᬘᭀᬓᭀᬃᬤ᭞ᬲᬵᬫ᭄ᬧᬸᬦ᭄ᬫ
ᬭᬱᬾᬂᬳᬚ᭄ᬜᬦ᭞ᬲᬶᬦ᭄ᬭᬗᬶᬂᬓᬥᬶᬭᬦ᭄‌ᬤᬤᬶ᭞ᬗᬾᬕ᭄ᬭᬲᬂᬕᬾ᭞ᬢᬍᬃᬗ᭄ᬮᬯᬦ᭄ᬗᭂᬮᬯᬦᬶᬦ᭄᭟ᬕ᭄ᬭᬶᬳᬄᬕ᭄ᬭᬶᬳᬸᬄᬧᬫᬹᬓᬾᬫᬭᬭᬫ᭄ᬧ᭞ᬮ᭄ᬯᬶᬃᬩᬦ᭄ᬢᬾᬂᬓᭀᬮᬦ᭄ᬓᬦᬶᬦ᭄᭞ᬗᬤᬶᬫ᭄ᬧᬸᬂᬗᬫᬹᬓᬂ᭞ᬲᬓᬶᬂᬧᬗᬢᬕᬶᬂᬢᬶᬢᬄ᭞ᬩᭀᬬ
ᬧᬦ᭄ᬢᭂᬲ᭄ᬦᬶᬩ᭄ᬤᬶᬮ᭄᭞ᬳᬧᬦ᭄ᬚᭀᬄᬲᬯᬢ᭄᭞ᬫᬸᬲᬸᬄᬫ᭄ᬢᬢᬂᬩ᭄ᬤᬶᬮ᭄᭟ᬓᬕᬾᬢ᭄ᬭᬯᬸᬄᬘᭀᬓᭀᬃᬤᬗ᭠ᬭᬄᬫᬭᬭᬫ᭄ᬧ᭞ᬮᬶᬮᬶᬄᬓ᭄ᬯᬶᬃᬩᬾᬩᬾᬓ᭄ᬢᬶᬕ᭄ᬢᬶᬕ᭄᭞ᬳᬗ᭄ᬲᭂᬗᬦᬾᬢᬸᬗ᭄ᬕᬄ᭞ᬧ᭄ᬭᬬᬗ᭄ᬮᬶᬤᬶᬦ᭄ᬘᭀᬓᭀᬃᬤ᭞ᬲ᭄ᬥᭂᬂᬩ᭄ᬘᬶᬓ
[᭗᭓73A]
ᬓᬧᬗ᭄ᬕᬶᬄ᭞ᬗᬲᬾᬦ᭄ᬲᭂᬫᬸᬘᭀᬗᬄ᭞ᬘᭀᬓᭀᬃᬤᬗᬦ᭄ᬤᬶᬓᬳᬭᬶᬲ᭄᭟ᬥᬹᬄᬕ᭄ᬥᬾᬗᬸᬭᬄᬢᬸᬢᬸᬕᬂᬢᬺᬱ᭄ᬡᬵᬦᬾᬫᬜᬫ᭞ᬕᬢᬶᬬᬂᬢᭀᬚᬤᬶᬫᬸᬮᬶᬄ᭞ᬗᭀᬚᭀᬕ᭄ᬗᬚᬦᬂ᭞ᬧᬸᬦ᭄ᬤᬸᬳᬂᬳᬶᬧᬳᬾᬫᬓ᭄ᬚᬂ᭞ᬩ᭄ᬮᬶᬦᬾᬚᬦᬶᬫᬧ᭠
ᬫᬶᬢ᭄᭞ᬫᬗᬩᬸᬢ᭄ᬚᬶᬯ᭞ᬚ᭄ᬗᬄᬤᬤᬶᬳᬸᬘᬧᬦ᭄ᬕᬸᬫᬶ᭟ᬩᬶᬦ᭄ᬳᬯ᭄ᬓᬲ᭄ᬩᭂᬮᬸᬦᬸᬢᬸᬕᬂᬫᬜᬫ᭞ᬓᬢᭂᬧᬸᬓ᭄ᬭᬶᬂᬳᬶᬳᬤᬶ᭞ᬦ᭄ᬤᬄᬘᭀᬓᭀᬃᬤᬗᬸᬭᬄ᭞ᬦᬓ᭄‌ᬢᭀᬂᬤᬤᬶᬗᬦ᭄ᬤᬶᬓ᭞ᬯ᭄ᬓᬲᬦ᭄ᬕᭂᬮᬶᬲ᭄ᬜᬳᬸᬭᬶᬦ᭄᭞ᬭᬢᬸᬘᭀᬓᭀᬃᬤ᭞ᬲᬵᬫ᭄ᬧᬸ
ᬦ᭄ᬫᬫᬜ᭄ᬚᬗᬂᬫᬮᬶᬄ᭟ᬤᬶᬓᬧᬦ᭄ᬫᬢᬶᬗ᭄ᬕᬮ᭄ᬭᬶᬂᬘᭀᬓᭀᬃᬳᬶᬤᬾᬯ᭞ᬢ᭄ᬯᬶᬲᬤ᭄ᬬᬫᬗᬶᬭᬶᬂ᭞ᬦᬾᬫᬗ᭄ᬓᬶᬦ᭄ᬘ᭠ᬭᬸᬯᬂ᭞ᬘᬶᬗᬓ᭄ᬭᬢᬸᬘᭀᬓᭀᬃᬤ᭞ᬫᬓᬢᬯᬸᬭᬦᬶᬂᬥᬦᬲᬶᬄ᭞ᬭᬭᬶᬲ᭄ᬫᬫᬵᬃᬕ᭄ᬕᬶ᭞ᬫᬕᬶᬩ᭄ᬭᬲ᭄ᬢᬦ᭄ᬧᬦᭀᬮᬶᬄ᭟ᬗᬫᬹᬓ᭄ᬭ
ᬫ᭄ᬧᬓ᭄‌ᬦᬸᬤᬶᬂᬢᬹᬃᬫᬲᬶᬗ᭄ᬳᬦᬤ᭞ᬗᬤᬶᬫ᭄ᬧᬸᬂᬢ᭄ᬓᬮᬸᬫᬶᬦ᭄ᬤᬶᬄ᭞ᬢᬦ᭄ᬤᬂᬳᬓᬸᬬᭂᬗᬦ᭄᭞ᬢᬦ᭄ᬓᬾᬢᬸᬂᬭᬶᬦᬩ᭠ᬲᬾᬂᬮᬯᬦ᭄᭞ᬘᭀᬓᭀᬃᬤᬭᬳᬶᬳᬶᬦᭀᬗ᭄ᬲᬶ᭞ᬫ᭄ᬭᬲᬓᬾᬫ᭄ᬗᬦ᭄᭞ᬫᬧᬕᬢᬦ᭄ᬤᬶᬂᬓᬯᬦᬶᬦ᭄᭟ᬳᬦᬓᬭᬶᬫ