Kaca:Bali-lontar-gaguritan-rereg-gianyar-300ppi.pdf/76

[᭗᭕75B]
᭗᭕
ᬧᬯᭀᬗᬦ᭄᭞ᬳᬶᬩ᭄ᬬᬂᬕ᭄ᬮᬶᬲ᭄ᬜᬕ᭄ᬚᬕᬶᬦ᭄᭞ᬢ᭄ᬓᬫ᭄ᬓᬸᬮ᭄᭞ᬢᬗᬶᬲᬾᬲᬯᬗᬫ᭄ᬧᬸᬳᬦ᭄᭟ᬫᬗ᭄ᬓᬶᬦ᭄ᬳᬶᬤᬲᬂᬓ᭠ᬯᬢ᭄ᬬ᭞ᬳᬲᬸᬯᬾᬦ᭄ᬤᬢᬦ᭄ᬧᬗ᭄ᬮᬶᬮᬶᬭ᭄᭞ᬫᬢ᭄ᬭᬓᬵᬭᬶᬚᬶᬯᬋᬓᭀ᭞ᬯ᭄ᬓᬲᬦ᭄ᬭᬭᬶᬲᬗ᭄ᬮᬶᬮᬶᬭ᭄᭞ᬳᬶᬗᬸᬲᬧ᭄ᬮᬸᬳᬶᬗ᭠
ᬓ᭄ᬱᬶ᭞ᬦ᭄ᬳᭂᬃᬲᬶᬦᭀᬘᬦᬦ᭄ᬲᬵᬫ᭄ᬧᬸᬦ᭄᭞ᬢᬦ᭄ᬲᬳᬲᬲᬫ᭄ᬩᬢᬦ᭄᭞ᬓᬢᬸᬭᬯᭀᬦ᭄ᬢᬦ᭄ᬲᬶᬄᬳᬶᬂᬯᬶᬤ᭄ᬥᬶ᭞ᬩ᭠ᬧᬕᬕᬸᬂ᭞ᬮᬮᬶᬲᬦᬶᬗ᭄ᬕᬮᬶᬦ᭄ᬲᬾᬤ᭄ᬥ᭟ᬘᬶᬗᬓ᭄ᬗᬧᬫᬗ᭄ᬓᬶᬦ᭄ᬢᬶᬢ᭄ᬬᬂ᭞ᬧᬭᬦ᭄ᬢᭂᬫᬄᬓᬭᬶᬬᬳᬸᬭᬶᬧ᭄᭞ᬚᬦ᭄ᬢᭀᬲᬶᬦ᭄ᬢᬶ᭠
ᬢ᭄ᬬᬂᬲᬓ᭄ᬥᬧ᭄᭞ᬫᬗ᭄ᬓᬶᬦ᭄ᬓᬂᬢᬗᬶᬲ᭄ᬕᬸᬫᬶᬲᬶᬄ᭞ᬓᬤᬶᬕᬸᬭᬸᬳᬶᬂᬓᬢ᭄ᬭᬶᬦᬶ᭞ᬫᬢᬕ᭄ᬧᬦᭂᬥᭂᬗᬶᬂᬲᬦ᭄ᬢᬸᬦ᭄᭞ᬫ᭠ᬕᬸᬍᬫ᭄ᬭᬲᬦᬶᬂᬢ᭄ᬯᬲ᭄᭞ᬳᬭᬶᬭᬶᬲ᭄ᬧᬗ᭄ᬮᬸᬗᬶᬂᬳᬓ᭄ᬱᬶ᭞ᬓᬤᬶᬕᬸᬦ᭄ᬢᬸᬃ᭞ᬫᬯᬳᬦ᭄ᬢᭂᬓᬾᬂᬚᬩ᭟ᬳᬗᬺᬱ᭄ᬓᬬᬸᬦᬾᬳᬶ
ᬩ᭄ᬬᬂ᭞ᬗᬦ᭄ᬤᬶᬓᬗᬯᬭᬗᬶᬦ᭄ᬢᬗᬶᬲ᭄᭞ᬥᬹᬄᬫᬵᬲ᭄ᬫᬶᬭᬄᬢᬶᬢ᭄ᬬᬂᬤᬾᬯ᭞ᬥᬹᬃᬲᬵᬫ᭄ᬧᬸᬦ᭄ᬓᬸᬤᬳᬮᬮᬶᬲ᭄᭞ᬗᬶᬂᬧᬶᬦᭂᬳᬶᬦ᭄ᬭᬶᬂᬳᬢᬶ᭞ᬳᬾᬭᬗᬂᬦᬾᬯᬭᬶᬂᬓᬬᬸᬦ᭄᭞ᬲᬶᬭᬫᬳᬬᬸᬋᬓᭀ᭞ᬮᬬᭀᬦᬾᬳᬶᬤᬳᬶᬳ
[᭗᭖76A]
ᬭᬢᬸᬳᬕᬸᬂ᭞ᬧᬹᬃᬡ᭄ᬦᬬᬂᬓᬬᬸᬦᬾᬤᬾᬯ᭟ᬳᬧᬦ᭄ᬢᬦ᭄ᬓᭂᬦᬮᬶᬦᬾᬲᬦ᭄᭞ᬲᬤᬸᬫ᭄ᬦᬶᬂᬢᬶᬢᬄᬦᬶᬂᬯᬶᬤ᭄ᬥᬶ᭞ᬲᬫ᭄ᬧᬸᬦ᭄ᬫᬦ᭄ᬢᬸᬓ᭄ᬓᬧ᭄ᬭᬥᬦ᭞ᬧᬫᬵᬃᬕ᭄ᬕᬦ᭄ᬲᬂᬲᬢ᭄ᬬᬍᬯᬶᬄ᭞ᬧᬸᬦᬶᬓᬜᬦ᭄ᬤᬂᬓᬾᬃᬢ᭄ᬢᬶᬦᬶᬦ᭄᭞ᬧᬫᬃᬵᬕ᭄ᬕᬦᬾᬳᬧᬂᬮᬶᬲᬸᬄ᭞᭠
ᬬ᭄ᬦᬤᬶᬗᭂᬄᬩ᭄ᬬᬂᬢᬸᬢᬸᬭᬦ᭄᭞ᬲᬂᬫᬭᬕᬰᬹᬭᬵᬚᬢᬶ᭞ᬩ᭄ᬬᬓ᭄ᬢᬦᭂᬫᬸ᭞ᬳᬦᬸᬗ᭄ᬓᬧ᭄ᬳᬭᬶᬦᬵᬯᬦ᭟ᬲᬶᬕᬾᬫ᭄ᬩ᭄ᬭᭀᬂᬫᬫᬵᬢᬹᬢ᭄ᬧᬶᬲᬦ᭄᭞ᬤᬾᬯᬦ᭄ᬧᬵᬢᬹᬢᬾᬧᬸᬦᬶᬓᬶ᭞ᬲᬲᬓᬤᬶᬩᬯᭀᬲ᭄ᬳᬶᬩ᭄ᬬᬂ᭞ᬗᬶᬭᬶᬂᬩ᭄ᬥᬩᬂᬦᬾᬫᬗ᭄ᬓᬶᬦ᭄᭞
ᬦᬸᬦᬲ᭄ᬮᬬᭀᬦ᭄ᬳᬶᬳᬚᬶ᭞ᬮᬫᬓᬦᬾᬲᬶᬤ᭄ᬥᬫᬦ᭄ᬢᬸᬓ᭄᭞ᬳᬧᬶᬳᬧ᭄ᬬᬦᬸᬗ᭄ᬓᬸᬮ᭞ᬲᬃᬯ᭄ᬯᬂᬫᬦᬸᬦᬲ᭄ᬳᬸᬭᬶᬧ᭄᭞ᬧᬸᬗ᭄ᬓᬸᬃᬳᬶᬧᬸᬦ᭄᭞ᬇᬭᬶᬓᬵᬫᬮᬶᬄᬤᬩ᭄ᬤᬩᬂ᭟ᬲᬵᬫ᭄ᬧᬸᬦᬂᬭᬢᬸᬗᬾᬭᬗᬂ᭞ᬮᬘᬸᬭᬾᬲᬓᬤᬶᬫᬗ᭄ᬓᬶᬦ᭄᭞ᬓᬾᬯᬦ᭄ᬢᭂ
ᬦ᭄ᬫᬗ᭄ᬓᬶᬦ᭄ᬧᬕᭂᬳᬂ᭞ᬬᬰᬳᬶᬦ᭄ᬳᬶᬤᬳᬶᬳᬚᬶ᭞ᬳᬸᬮᬳᬂᬫᬗ᭄ᬤᬾᬓ᭄ᬦᬶ᭞ᬧᬸᬦᬶᬓᬳᬗ᭄ᬕᬾᬦ᭄ᬫᬦᬯᬶ᭞ᬲᭀ᭠ᬢᬦᬶᬂᬫᬲᬫ᭄ᬢᭀᬦ᭄᭞ᬢᭀᬂᬤᬸᬕᬢ᭄ᬯᬭᬓᬤᬕᬶᬗᬶᬦ᭄᭞ᬲᬗᬲᬸᬗ᭄ᬲᬸᬢ᭄᭞ᬫᬢᬸᬭᬢᬸᬭᬗᬸᬲᬧ᭄ᬯᬱ᭄ᬧ᭟ᬧᬦ᭄ᬧ