[᭔᭗47B]
᭔᭗
ᬳᬶᬤ᭄ᬯᬕᬸᬂᬭᬳᬶᬫᬶᬲᬶᬗ᭄ᬕᬶᬄ᭟ᬳᬶᬗ᭄ᬕᬶᬄᬩ᭄ᬮᬶᬳᬕᬸᬂᬲᬵᬫ᭄ᬧᬸᬦ᭄ᬓᬫᬦᬄᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬧᬦᬗ᭄ᬓᬦᬾᬓᬤᬶᬫᬗ᭄ᬓᬶᬦ᭄᭞ᬦᬾᬫᬓᬃᬤ᭄ᬥᬶᬯᬶᬱ᭄ᬬ᭞ᬩᬩᬢᬸᬄᬫᬗ᭄ᬯᬶᬧᬸᬦᬶᬓ᭞ᬫᬗ᭄ᬯᬶᬦᬾᬜᬦ᭄ᬤᬂᬧᬶᬦᭂᬳᬶᬦ᭄᭞ᬧᬦ᭄ᬲᬵᬫ᭄ᬧᬸᬦ᭄ᬲᭂᬧᬾᬓ᭄᭞ᬳᬶ᭠
ᬓ᭄ᬭᬸᬕ᭄ᬗᬯᬾᬯᬘᬶ᭟ᬦᬵᬗ᭄ᬳᬶᬂᬢᬶᬢ᭄ᬬᬂᬢᬍᬃᬫᬓᬶᬢᬫᬗᭂᬦᬂ᭞ᬘ᭄ᬭᬶᬓ᭄ᬘ᭄ᬭᬶᬓᬾᬤᬶᬕ᭄ᬬᬜᬃᬲᬫᬶ᭞ᬤᬤᭀᬲ᭄ᬩᬲ᭄ᬤᬭᭀᬧᭀᬦᬦ᭄᭞ᬫᬭᬓᬳ᭄ᬓ᭄ᬯᬂᬫ᭄ᬮᬄ᭞ᬩᬳᬦ᭄ᬳᬶᬩᬢᬸᬄᬫᬗ᭄ᬯᬶ᭞ᬢ᭄ᬯᬭᬗᬶᬗᭂᬭᬂ᭞ᬦᬕᬶᬄᬧᬜ᭄ᬚᬓᬂᬲᬓᬶᬂ
ᬲᬶᬮᬶᬩ᭄᭟ᬘᭀᬓᭀᬃᬤᬦᬕᬶᬜ᭄ᬮᬕ᭄ᬳᬢᬹᬃᬩ᭄ᬭᬗᬲᬦ᭄᭞ᬳᬶᬘ᭄ᬙᬾᬦ᭄ᬓᬾᬫᬗ᭄ᬓᬶᬦ᭄ᬫᬧᬫᬶᬢ᭄᭞ᬳᬧ᭄ᬢᬶᬳᬸᬫᬗ᭄ᬓᬢ᭞ᬜᬤ᭄ᬬᬗᬤ᭄ᬯᬂᬓᬧᬸᬭᬸᬱᬦ᭄᭞ᬳᬶᬕ᭄ᬥᬾᬳᭀᬓᬜᬋᬗᬶᬦ᭄᭞ᬚᬮᬦ᭄ᬤᬩ᭄ᬤᬩᬂ᭞ᬩᬢᬸᬳᬾᬳᬸᬕ
ᬳᬸᬘᬸᬧᬶᬦ᭄᭟ᬳᬶᬳᬕᬸᬂᬫᭀᬦᬶᬂᬓ᭄ᬭᬫᬲ᭄ᬜᬦ᭄ᬤᬂᬩᬸᬶᬫᬗ᭄ᬓᬶᬦ᭄ᬩᬸᬤᬮᬂ᭞ᬫᬯᬶᬤᬶᬗᬦ᭄ᬳᬸᬮᬶᬗᬸᬭᬶ᭞ᬲᬺᬕ᭄ᬧᬘᬂᬧᬸᬘᬸᬓᬂ᭞ᬫᬗ᭄ᬤᭀᬄᬩᭀᬬᬓᬲᬶᬤ᭄ᬥᬦ᭄᭞ᬘᭀᬓᭀᬃᬤᬫᬥᬾᬜᬳᬸᬭᬶᬦ᭄᭞ᬫᬫᬵᬢᬹᬢ᭄ᬧᬶᬲᬦ᭄᭞ᬢᬶ
[᭔᭘48A]
ᬢ᭄ᬬᬂᬲᬤ᭄ᬬᬫᬢᬦ᭄ᬤᬶᬂ᭟ᬲᬵᬫ᭄ᬧᬸᬦ᭄ᬓᬧᬵᬢᬹᬢ᭄ᬧᬗ᭄ᬭᬯᭀᬲᬾᬭᬭᬶᬲ᭄ᬫᬤᬩ᭄ᬤᬩ᭄᭞ᬗᬫᬵᬃᬕ᭄ᬕ᭄ᬬᬂᬳᬸᬢᬸᬲᬦ᭄ᬲᬫᬶ᭞ᬘᬭᬶᬢᬭᬶᬂᬕ᭄ᬬᬜᬃ᭞ᬦᬸᬚᬸᬰᬦᬶᬰ᭄ᬘᬭᬓ᭄ᬮᬶᬯᭀᬦ᭄᭞ᬳᬸᬓᬸᬳᬸᬬᬾᬲᬤ᭄ᬥᬰᬰᬶᬄ᭞ᬧᬗ᭄ᬮᭀᬂᬳᬧᬶᬲᬦ᭄᭞ᬭᬄ
ᬲ᭄ᬬᬢᭂᬗ᭄ᬕᭂᬓ᭄ᬯᬶᬡ᭄ᬥᬸᬦᬫ᭄ᬧᬶ᭟ᬇᬰᬓᬵᬯᬃᬱᬲ᭄ᬬᬸᬳᬸᬮᬸᬗᬢᬸᬲᬲ᭄ᬬ᭞ᬧᬤᬶᬦᬦ᭄ᬜᬦᬾᬧᬲ᭄ᬢᬶ᭞ᬧᬩᬮᬶᬓ᭄ᬕ᭄ᬬᬜᬃ᭞ᬳᬧᬦ᭄ᬲᬵᬫ᭄ᬧᬸᬦ᭄ᬓᬢᬗᭂᬳᬦ᭄᭞ᬫᬸᬜᬶᬦ᭄ᬓᬸᬮ᭄ᬓᬸᬮ᭄ᬫᬗᭂᬫ᭄ᬩᬸᬢᬶᬦ᭄᭞ᬧ᭄ᬭᬩ᭄ᬓᭂᬮ᭄ᬕ᭄ᬬᬜᬃ᭞ᬫᬢ᭄ᬮᬲᬦ᭄ᬲᬋᬂᬲ᭄ᬫᬳᬶ᭟ᬫ
ᬮᬶᬄᬳᭀᬃᬢ᭄ᬢᬲ᭄ᬓᭂᬦ᭄ᬭᬯᬸᬄᬓᬕ᭄ᬬᬜᬃ᭞ᬳᬶᬓ᭄ᬢᬸᬢ᭄ᬧᬲᭂᬓ᭄ᬓᬵᬮᬶᬄ᭞ᬮᬦ᭄ᬳᬶᬓ᭄ᬢᬸᬢ᭄ᬲᭂᬓᬃ᭞ᬓᭀᬘᬧ᭄ᬲᬵᬫ᭄ᬧᬸᬦ᭄ᬓᬧᬸᬧᬸᬢᬂ᭞ᬭᬶᬂᬲᬾᬢ᭄ᬭᬦ᭄ᬢᬓ᭄ᬫᬸᬗᬾᬢᬸᬦᬶ᭞ᬲᬓᬶᬂᬧᬓᬶᬭ᭞ᬤ᭄ᬯᬧᬤᬦ᭄ᬗᭀᬦ᭄ᬫᬮᬶᬄ᭟ᬤᬾᬯᬗᬸᬭᬄᬢᬮᬶᬓᬸᬧ᭄ᬓ
ᬫᭂᬫᭂᬕᬦ᭄ᬓᬤᬶᬩᬗ᭄ᬓᬂ᭞ᬯᬶᬭᬾᬄᬳᭀᬓᬦᬾᬓᬵᬮᬶᬄ᭞ᬭᬶᬂᬢᬮᬶᬓᬸᬧ᭄ᬫᬕ᭄ᬦᬄ᭞ᬲ᭄ᬩᭂᬢ᭄ᬳᬶᬦᬾᬯᬳᬩ᭄ᬬ᭠ᬦ᭄ᬲ᭄ᬥᬄ᭞ᬭᬸᬯᬸᬄᬦᭂᬢᭂᬕ᭄ᬫᬜᬫ᭄ᬧᬶᬭᬶᬦ᭄᭞ᬳᬶᬤᬾᬯᬗᬸᬭᬄ᭞ᬧᬕᭂᬄᬓᬦᬢᬦ᭄ᬫᬭᬶ᭟ᬭᬶᬂᬩᬜ᭄ᬘᬶᬗᬄᬕ᭄ᬬᬜᬃᬧᬥ
Kaca:Bali-lontar-gaguritan-rereg-gianyar-300ppi.pdf/48
Kaca puniki sampun kauji-wacén
