Kaca:Bali-lontar-gaguritan-rereg-gianyar-300ppi.pdf/47

Saking Wikisource
Kaca puniki sampun kauji-wacén

[᭔᭖46B]
᭔᭖
ᬢᬶ᭞ᬢᬮᬶᬓᬸᬧ᭄ᬗᬢᬸᬩᬸᬮᬦ᭄᭞ᬩᬶᬢ᭄ᬭᬲ᭄ᬬᬗᬦ᭄ᬕ᭄ᬬᬜᬃ᭞ᬓᬢ᭄ᬗᭂᬭᬂᬧ᭄ᬭᬫᬗ᭄ᬓᬶᬦ᭄᭞ᬳᬦ᭄ᬢᬸᬓ᭄ᬤᬾᬯᬩᬜ᭄ᬚᬃ᭞ᬧᬤᬮᬶᬲᬶᬓᭂᬩᭀᬦ᭄ᬫᬮᬶᬄ᭟ᬧ᭄ᬭᬫᬗ᭄ᬓᬶᬦ᭄ᬧ᭄ᬭᬦᬵᬖᬢᬲᬄᬲᬓᬶᬂᬕ᭄ᬬᬜᬃ᭞ᬓᬓ᭄ᬮᬸᬗ᭄ᬓᬸᬂᬢ᭄ᬓᬦᬗ᭄ᬓᬶᬮ᭄᭞ᬧ᭄ᬭᬬᬗᬸᬦᬶ᭠
ᬗᬂ᭞ᬢᬶᬗ᭄ᬕᬄᬧ᭄ᬭᬕᬸᬗᬾᬭᬶᬂᬕ᭄ᬬᬜᬃᬦᬾᬧᬘᬂᬫᬩᬮᬶᬓ᭄᭞ᬢᬦ᭄ᬯᬲᬦᬾᬂᬫᬃᬵᬕ᭄ᬕ᭞ᬭᬯᬸᬄᬫᬗᭀᬚᭀᬕ᭄ᬓᬧᬸᬭᬶ᭟ᬤᬳᬲ᭄ᬤᬶᬳᬶᬲ᭄‌ᬳᬢᬸᬭᬾᬫᬫ᭄ᬕᬢ᭄ᬫᭂᬕᬢ᭄᭞ᬭᬢᬸᬪᬝᬵᬭᬫᬗ᭄ᬓᬶᬦ᭄᭞ᬫ᭄ᬜᬦᬾᬭᬶᬂ᭠
ᬕ᭄ᬬᬜᬃ᭞ᬢᬸᬗ᭄ᬓᬲ᭄ᬭᬶᬂᬘᭀᬓᭀᬃᬳᬶᬤᬾᬯ᭞ᬩᬩᬢᬸᬳᬾᬫᬶᬦᬓᬵᬤᬶ᭞ᬢᬹᬃᬫᬚᬚ᭄ᬭᬸᬓᬦ᭄᭞ᬲᬵ᭠ᬫ᭄ᬧᬸᬦ᭄ᬭᬶᬂᬕ᭄ᬬᬜᬃᬫᬗ᭄ᬓᬶᬦ᭄᭟ᬕ᭄ᬮᬶᬲᬂᬧᬶᬲᬦ᭄ᬦᬾᬫᬗ᭄ᬓᬶᬦ᭄ᬭᬢᬸᬩᬯᭀᬲᬂ᭞ᬫᬸᬂᬧᬸᬂᬧᬸᬦ᭄ᬤᬸᬭᬸᬂᬲᬫᬶ᭞ᬘᬺᬕ᭄ᬫᬗ᭄ᬓᬶᬦ᭄ᬲᬧᬶᬲᬦ᭄᭞
ᬤᭀᬄᬭᬢᬸᬩᭀᬬᬓᬲᬶᬤ᭄ᬥᬦ᭄᭞ᬪᬝᬵᬭᬓᬕ᭄ᬬᬢ᭄ᬫᬢᬗᬶ᭞ᬲᬓᬶᬂᬫᬫᬺᬫᬦ᭄᭞ᬗᭂᬚᬂᬘᬂᬓ᭄ᬮᭀᬂᬢᬹᬃᬫᬮᬶᬗ᭄ᬕᬶᬄ᭟ᬫ᭄ᬦᭂᬂᬢᬦ᭄ᬧᬲᬳᬸᬃᬓᬵᬭᬶᬓ᭄ᬩᭂᬓᬾᬂᬳᬺᬤ᭄ᬥᬬ᭞ᬫᬮᬢᬸᬮᬢᬸᬭᬶᬗᬓ᭄ᬱᬶ᭞ᬫᬢᬺᬱ᭄ᬳᬭᬶᬭᬳᬩᬂ᭞ᬯ᭄ᬓᬲ
[᭔᭗47A]
ᬲᬦ᭄ᬯᬶᬚᬶᬮ᭄ᬯᬘᬦ᭞ᬜᬾᬦ᭄ᬢᭀᬳᬶᬩᬘ᭄ᬭᬶᬓ᭄ᬘ᭄ᬭᬶᬓ᭄᭞ᬓ᭄ᬦᬕᬢ᭄ᬬᬂ᭞ᬳᬢᬸᬭᬶᬦ᭄ᬳᬶᬕ᭄ᬥᬾᬭᬳᬶ᭟ᬜᬫᬜᬫᬘ᭄ᬦᬶᬂᬘ᭄ᬦᬶᬂᬧᬥᬫᬓ᭄ᬚᬂ᭞ᬩᬸᬮᬸᬲᬂᬓᬸᬮ᭄ᬓᬸᬮᬾᬚᬦᬶ᭞ᬲᬂᬓᬶᬘ᭄ᬙᬾᬦ᭄ᬯᬘ᭞ᬩᬸᬦ᭄ᬢᭂᬃᬫ᭄ᬮᬳᬶᬩ᭄ᬓᬚᬩ᭞ᬲᬵᬫ᭄ᬧᬸᬦ᭄ᬧᬥᬓᬳᬢᬸ᭠
ᬭᬶᬦ᭄᭞ᬳᬾᬜ᭄ᬘ᭄ᬘᭀᬂᬫᬫᬃᬵᬕ᭄ᬕ᭞ᬲᬵᬫ᭄ᬧᬸᬦ᭄ᬦᬧᬓ᭄ᬭᬯᬸᬄᬲᬫᬶ᭟ᬫᬗᭂᬫ᭄ᬩᬸᬢᬶᬦ᭄ᬲ᭄ᬯᬭᬦ᭄ᬓᬸᬮ᭄ᬓᬸᬮᬾᬢᬦ᭄ᬧ᭄ᬕᬢ᭄᭞ᬓᬢ᭄ᬭᬕᬮ᭄ᬧᬜ᭄ᬚᬓᬾᬲᬫᬶ᭞ᬲᬺᬕᭂᬧᬂᬲᬜ᭄ᬚᬢ᭞ᬳᬩᭂᬩᭂᬮ᭄ᬭᬶᬂᬩᬜ᭄ᬘᬶᬗᬄ᭞ᬳᬸᬧᬫᬮ᭄ᬯᬶᬃᬓᬸᬓᬸᬲ᭄ᬫᬶᬚᬶᬮ᭄᭞ᬳ᭠
ᬲᬗ᭄ᬕᬭᬸᬳᬦ᭄᭞ᬭᬯᬸᬄᬚ᭄ᬭᭀᬦᬶᬗᬜ᭄ᬘᬓ᭄ᬱᬚᬶ᭟ᬫᬗᬦ᭄ᬤᬶᬓᬤᬍᬫ᭄‌ᬦᬾᬚᬦᬶᬩᬢᭂᬓᬂ᭞ᬇᬥᭂᬧᬾᬕ᭄ᬥᬾᬭᬳᬶ᭞ᬕᬢᬶᬫᬢᬸᬦ᭄ᬤᬾᬦᬂ᭞ᬓᬩᬗ᭄ᬮᬶᬗᬩᬲᬸᬭᬵᬢ᭄᭞ᬗᬯᬸᬕ᭄ᬕᬸᬯᬜᬭᬾᬫᬋᬗᬶᬦ᭄᭞ᬬᬳᬸᬮᬶᬓᬚ᭞ᬲᬶᬓᭂ
ᬧ᭄‌ᬓ᭄ᬮᬸᬂᬓᬸᬂᬳᬸᬮᬶᬓᬗᬶᬦ᭄᭟ᬩ᭄ᬯᬶᬦ᭄ᬓᬩᬤᬸᬂᬫᬲᬶᬄᬢᬸᬦ᭄ᬤᬾᬦ᭄ᬫᬚᬮᬦ᭄᭞ᬗᬯᬸᬕ᭄ᬩᬢᬸᬩᬸᬮᬦ᭄ᬕᬢᬶ᭞ᬫᭀᬗ᭄ᬓᭀᬮᬶᬦ᭄‌ᬦᬵᬕᬭ᭞ᬳᬶᬢᬫ᭄ᬧᬓ᭄ᬱᬶᬭᬶᬂᬧᬬᬗᬦ᭄᭞ᬢᭂᬢᭂᬕ᭄ᬓᭀᬳᬶᬬᬚᬦᬶᬢᬭᬶ᭞ᬳᭀᬮᬾᬲ᭄ᬢᭂᬮᬦᬂ᭞