Kaca:Bali-lontar-gaguritan-rereg-gianyar-300ppi.pdf/49

Saking Wikisource
Kaca puniki sampun kauji-wacén

[᭔᭘48B]
᭔᭘
ᬫᬢᬭᬶᬬᬦ᭄᭞ᬳᬩᬲᬩᬋᬂᬫᬵᬢᬶ᭞ᬳᬦ᭄ᬢᬶᬕᬳᬲᬧ᭄ᬢᬮᬗᬦ᭄᭞ᬩᬋᬂᬫᬦᬶᬦ᭄ᬤᬶᬳᬶᬦ᭄ᬚ᭄ᬭᭀ᭞ᬘᬶᬭᬶ᭠ᬦ᭄ᬲᬢ᭄ᬬᬦᬾᬫᬕᬸᬲ᭄ᬢᬶ᭞ᬬᬤ᭄ᬬᬧᬶᬦ᭄ᬜᬕ᭄᭞ᬯ᭄ᬓᬲ᭄ᬫᬗ᭄ᬤᬫᬗᬶᬭᬶᬂ᭟ᬭᬶᬂᬩᬩᬢᬸᬄᬲᬵᬫ᭄ᬧᬸᬦ᭄ᬩᬩᬯᭀᬲᬾᬧ᭄ᬭᬕᬢ᭄᭞ᬧ᭄ᬭ᭠
ᬩᭂᬓᭂᬮ᭄ᬫᬜ᭄ᬘᬓᬢᬭᬶ᭞ᬜᬮᬶᬄᬲᬵᬫ᭄ᬧᬸᬦ᭄ᬫᭂᬧᬄ᭞ᬧᬥᬗᬶᬮᬶᬗᬶᬦ᭄ᬳᭀᬭᭀᬗᬦ᭄᭞ᬲᬫᬶᬲᬸᬫᬓᬸᬢᬗᬶᬭᬶᬂ᭞ᬲᬵᬫ᭄ᬧᬸᬦ᭄ᬫᬤᬩ᭄ᬤᬩ᭄᭞ᬲᬶᬓᭂᬧ᭄ᬢᬸᬫᬸᬮᬶᬫᬫᬃᬵᬕ᭄ᬕᬶ᭟ᬕᬸᬲ᭄ᬢᬶᬳᬮᬶᬢ᭄ᬗᬸᬭᬄᬫᬓᬸᬳᬦ᭄ᬭᬶᬂᬓᬸᬭᬫᬲ᭄᭞ᬫᬜ᭄ᬘ᭠
ᬢᭀᬚᬦ᭄ᬧᬥᬗᬶᬭᬶᬂ᭞ᬕᬸᬲ᭄ᬢᬶᬳᬮᬶᬢ᭄ᬳᭀᬓ᭞ᬬᬢ᭄ᬦᬵᬫᬋᬧ᭄ᬓᬦᬵᬕᬭ᭞ᬲᬸᬓᬵᬯᬢᬶᬦᬾᬓ᭠ᬩᭀᬗ᭄ᬓᭀᬮᬶᬦ᭄᭞ᬳᬶᬫᬜ᭄ᬘᬩᬸᬭ᭄ᬯᬦ᭄᭞ᬩᬦ᭄ᬩᬶᬬᬸᬧᬸᬦᬶᬓᬗᬶᬭᬶᬂ᭟ᬳᬶᬳᬚᬶᬗᬸᬭᬄᬓ᭄ᬢᬸᬢ᭄ᬢ᭄ᬭᬸᬡᬗᬶᬭᬶᬂᬤᬶᬩ᭠
ᬜ᭄ᬘᬶᬗᬄ᭞ᬕᬸᬲ᭄ᬢᬶᬗᬸᬭᬄᬫᬥᬾᬫᬮᬶᬄ᭞ᬗᬫᭂᬮ᭄ᬓᬕ᭄ᬬᬜᬃ᭞ᬗᬶᬭᬶᬂᬫᬜ᭄ᬘᬩᬼᬕᬩᭀᬦ᭞ᬳᬦᬓ᭄ᬓᬲ᭄ᬬᬢ᭄ᬫᬸᬮᬍᬯᬶᬄ᭞ᬩᬢᬸᬫᬚᬮᬦ᭄᭞ᬯ᭄ᬬᬓ᭄ᬢᬶᬢᬦ᭄ᬧᬧᬓᬾᬭᬶᬂ᭟ᬩᬕᬸᬲ᭄ᬯᬶᬭᬫᬧ᭄ᬭᬚ᭄ᬜᬦᬶᬂᬘᬾᬱ᭄ᬝᬓᬭ᭞᭠
[᭔᭙49A]
ᬫᬲᬸᬫ᭄ᬧᬂᬧᬸᬘᬸᬓ᭄ᬳᬓᬢᬶᬄ᭞ᬧᬫᬃᬵᬕ᭄ᬕᬦᬾᬗᬫ᭄ᬧᬓ᭄᭞ᬗᬮᬶᬗ᭄ᬕᬶᬳᬶᬦ᭄ᬓᬸᬤ᭄ᬥᬩᬭᬓ᭄᭞ᬫᬢᭂᬤᬸᬂᬕᬤᬂᬓᬓᬵᬮᬶᬄ᭞ᬪᬝᬵᬭᬓᬯᬶᬢᬦ᭄᭞ᬳᬶᬦᬵᬕᬓ᭄ᬭᬲ᭄ᬓᬲᬸᬂᬓ᭄ᬮᬶᬢ᭄᭟ᬕᬸᬫᬸᬭᬸᬄᬲ᭄ᬯᬭᬦ᭄ᬕᬕᬫᭂᬮᬦ᭄ᬳᬲᬶᬫ᭄ᬩᬦ᭄᭞ᬓ
ᬋᬲ᭄ᬋᬲ᭄ᬓᬂᬦᬶᬗ᭄ᬳᬮᬶᬦ᭄᭞ᬮ᭄ᬯᬶᬃᬢᬦ᭄‌ᬢᬺᬱ᭄ᬡᬚᬶᬯ᭞ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬕ᭄ᬬᬜᬃ᭞ᬲᬸᬫᬶᬗ᭄ᬓᬶᬦ᭄ᬓᬤᬶᬯᭂᬯᭂ᭠ᬳᬶᬦ᭄᭞ᬕᬮᬓ᭄ᬳᬶᬕ᭄ᬬᬜᬃ᭞ᬓᬤᬶᬚᬗ᭄ᬓ᭄ᬭᬶᬓᬾᬓᬶᬮᬶᬦᬶᬦ᭄᭟ᬯ᭄ᬬᬓ᭄ᬢᬶᬫᬲ᭄ᬭᬶᬬᬓ᭄ᬓᬤᬶᬲᬶᬭᬢᬶᬗᬫᬺᬢ᭄ᬣ᭞ᬩᬶᬗᬃᬗᭂ᭠
ᬢᭀᬳᬶᬂᬕ᭄ᬢᬶᬄ᭞ᬳᬓᬾᬄᬬᬦ᭄ᬳᬶᬫ᭄ᬩᬬᬂ᭞ᬦᬾᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬫᬤᬫ᭄ᬧ᭄ᬬᬓ᭄᭞ᬧ᭄ᬭᬕᬸᬂᬚ᭄ᬭᭀᬦᬶᬂᬳᬜ᭄ᬘᬓ᭄ᬱᬚᬶ᭞ᬩᬢᬸᬄᬲ᭄ᬬᬗᬦ᭄᭞ᬳᬩ᭄ᬬᬦ᭄ᬩᬲᬾᬩᬶᬢ᭄ᬭᬫᬮᬶᬄ᭟ᬤᬾᬯᬗᬸᬭᬄᬢᬸᬮᬶᬓᬸᬧ᭄ᬢᬸᬫᬸᬮᬶᬗᬦ᭄ᬤᬶᬓ᭞ᬦᬄ᭠
ᬚᬮᬦ᭄ᬩᬢᭂᬓᬂᬚᬦᬶ᭞ᬫᬩ᭄ᬯᬢ᭄ᬲᬧᬶᬲᬦ᭄᭞ᬤᬾᬦᬶᬂᬲᬸᬩᬓᬢᬗᭂᬳᬦ᭄᭞ᬩᬢᬸᬳᬾᬫᬜᬳᬸ᭠ᬭᬶᬦ᭄᭞ᬢ᭄ᬯᬶᬫᬗ᭄ᬓᬲ᭄᭞ᬜᬤ᭄ᬬᬫᬲ᭄ᬫᬳᬶᬭᬶᬓᬶ᭟ᬤᬸᬫᬤᬓ᭄ᬲᬶᬤ᭄ᬥᬳᬦ᭄ᬢᬸᬓ᭄ᬢᬶᬢ᭄ᬬᬂᬫᬦᬶᬦ᭄ᬤᬶᬳᬂ᭞ᬧᬫᬵᬃᬕ᭄ᬕᬦ᭄ᬓᬯᬶᬢ᭠