[᭓᭐30B]
᭓᭐
ᬱᬇᬥᭂᬧᬾᬧᬮᬶᬂ᭞ᬳᬗ᭄ᬕᬸᬢᬗ᭄ᬕᬸᬢ᭄᭞ᬫᬩᬮᬶᬄᬩ᭄ᬗᭀᬂ᭞ᬫᬩᭀᬧᬓ᭄᭟ᬲᬭᬳᬸᬳᬾᬭᬶᬂᬲᬢ᭄ᬭᬶᬬᬓᬯᬦ᭄᭞ᬫᬮᬶᬄᬫᬕᬸᬮᬸᬗᬦ᭄ᬢᬗᬶᬲ᭄᭞ᬫᬓᬵᬤᬶᬳᬶᬤᬾᬲᬓ᭄ᬕᭂᬤᭀᬂ᭞ᬫᬜ᭄ᬘᬓ᭄ᬩᬢᬳᬢ᭄ᬩᬶᬄ᭞ᬢᬗ᭄ᬓᬳᬾᬳᭀ
ᬜᬢᬶᬕ᭄ᬢᬶᬕ᭄᭞ᬲᬲᬫ᭄ᬩᬳᬾᬢᬕ᭄ᬮᬃᬕ᭄ᬮᬸᬃ᭞ᬳᬸᬭᬶᬧ᭄ᬫᬦᬦ᭄ᬤᬂᬚ᭄ᬗᬄ᭞ᬓᬓ᭄ᬤᬾᬓᬦ᭄ᬩᬳᬦ᭄ᬕᬸᬫᬶ᭞ᬤᬾᬯᬭᬢᬸ᭞ᬩᬶᬦ᭄ᬧᬶᬤᬦ᭄ᬫᬫᬗ᭄ᬕᬶᬄᬲᬤ᭄ᬬ᭟ᬩᬳᬸᬭᬳᬸᬳᬾᬭᬶᬂᬲᬢ᭄ᬭᬶᬬ᭞ᬓᬗᭂᬦ᭄ᬳᬦᬓᬾᬫᬩᬮᬶᬄ᭞ᬩ᭄ᬗᭀᬂᬓᬗᭂᬦ᭄ᬫᬤ᭄ᬓᭂᬲᬦ᭄
᭞ᬢ᭄ᬓᬾᬦ᭄ᬢᬶᬫ᭄ᬧᬮᬾᬫᬚᬶᬜ᭄ᬚᬶᬦ᭄᭞ᬫᬓ᭄ᬭᬘᬩᬸᬓᬚᬦᬶ᭞ᬳᬶᬤᬫᬫᬗ᭄ᬕᬶᬳᬂᬮᬘᬸᬃ᭞ᬳᬦᬓᬾᬳ᭠ᬕᬸᬂᬭᬶᬂᬕ᭄ᬬᬜᬃ᭞ᬓᬳᬸᬘᬧ᭄ᬲᬶᬸᬧ᭄ᬫᬸᬮᬲᬸᬪᬓ᭄ᬢᬶ᭞ᬓᬓ᭄ᬮᬸᬂᬓᬸᬂ᭞ᬲ᭄ᬭᬄᬫᬗᬢᬸᬭᬂᬚᬕᬢ᭄᭟ᬬᬦ᭄ᬓᬬᬸᬦ᭄ᬳᬶᬤᬫᬢᬸᬗ᭄ᬓᬲ᭄᭞
ᬳᬤᭀᬄᬧᬭᬩᬸᬓᬚᬦᬶ᭞ᬮ᭄ᬬᬸᬫᬜ᭄ᬘᬲᬫ᭄ᬢᭀᬦᬦ᭄᭞ᬓᬵᬭᬶᬫᭂᬗ᭄ᬕᭂᬧ᭄ᬧᬥᬪᬓ᭄ᬢᬶ᭞ᬢ᭄ᬯᬄᬫᬩᬭᬶᬩᬭᬶ᭞ᬫᬾᬄᬩᬸᬩᬸᬃᬚᬕᬢ᭄ᬓ᭄ᬮᬸᬂᬓᬸᬂ᭞ᬳᬾᬮᬶᬂᬫᬸᬮᬫᬓᬯᬶᬢᬦ᭄᭞ᬓ᭄ᬭᬡᬢᬼᬂᬲᬸᬪᬓ᭄ᬢᬶ᭞ᬫᬗ᭄ᬤᬾᬮᬶᬲᬸᬄ᭞
[᭓᭑31A]
ᬫᬜᬸᬚᬸᬭᬂᬓᬦᬶᬲ᭄ᬓᬵᬮᬦ᭄᭟ᬘᭀᬓᭀᬃᬤᬳᬶᬤᬾᬯᬵᬕᬸᬂᬗᬶᬯᬗᬂ᭞ᬗᬮᬶᬗ᭄ᬕᬶᬳᬶᬦᬸᬯᬳᬸᬯᬶ᭞ᬓᬤᬶᬘᭀᬓᭀᬃᬤᬦᬵᬕᬭ᭞ᬩ᭄ᬮᭀᬕ᭄ᬳᬚᬸᬫ᭄ᬢᬶᬤᭀᬂᬕᬶᬕᬶᬲ᭄᭞ᬫᬭᬓᬳᬓᬸᬯᬂᬍᬯᬶᬄ᭞ᬩᬓᬮ᭄ᬤᬸᬤᬸᬓ᭄ᬳᬗ᭄ᬕᭀᬦ᭄ᬫᬦ᭄ᬢᬸ᭞
ᬳᬾᬮᬶᬗᬶᬦ᭄ᬲᬫ᭄ᬢᭀᬦᬦ᭄᭞ᬢ᭄ᬯᬭᬳᬶᬗᭂᬢ᭄ᬤᬦᬾᬗᬹᬦᬶ᭞ᬲᬸᬩᬘᬫ᭄ᬧᬸᬭ᭄᭞ᬗᬮᬸᬗ᭄ᬲᬸᬃᬫᬳᬢᬹᬃᬲᭂᬫ᭄ᬩᬄ᭟ᬩ᭄ᬗᭀᬂᬩ᭄ᬮᬶᬫᬧᬗᭂᬦᬦ᭄᭞ᬳᬶᬧᬬᬗᬦ᭄ᬢᬫ᭄ᬧᬓ᭄ᬲᬶᬭᬶᬂ᭞ᬫᬶᬮᬸᬫᬶᬮᬸᬫᬲᬶᬄᬢᬸᬦ᭄ᬓᬲ᭄᭞ᬓᬳᬸᬩᬸᬳᬶᬦ᭄ᬳᬸᬮᬶᬘ᭄ᬭᬶᬓ᭄
᭞ᬓ᭄ᬭᬡᬫᬗ᭄ᬮᬄᬕᬸᬫᬶ᭞ᬲᬓᭀᬂᬲ᭄ᬯᬾᬘ᭄ᬙᬦ᭄ᬳᬦᬓ᭄ᬳᬕᬸᬂ᭞ᬢᬹᬃᬲᬸᬩᬓᬥᬫᬧᬸᬢ᭄ᬭ᭞ᬳᬦ᭄ᬢᬸᬓ᭄ᬳᬦᬓ᭄ᬳᬕᬸᬂᬫᬗ᭄ᬕᬶᬲ᭄᭞ᬢᬹᬃᬫᬧ᭄ᬭᬲ᭄᭞ᬜᭂᬫ᭄ᬩᬄᬫᬯᬶᬤ᭄ᬥᬶᬯᬶᬤᬦ᭟ᬫᬲᬶᬄᬫᬗᬤᬾᬦ᭄ᬳᬕᬸᬗᬦ᭄᭞ᬢ᭄ᬯᬭᬫᬗᭂᬢᬾᬓᬶᬦ᭄ᬮᬗᬶᬢ᭄᭞ᬢ
ᬦ᭄ᬪᬶᬦᬩᬸᬓᬫᬚᬮᬦ᭄᭞ᬫᬗᬮᬶᬄᬤᬶᬦᬦᬾᬤᬶᬩᬶ᭞ᬬᬦ᭄ᬤᭀᬄᬤᬤᬶᬮᬬᬭᬶᬦ᭄᭞ᬧᬦ᭄ᬲᬸᬩᬓᬤᬸᬂᬫᬘᬼᬫ᭄ᬧᬸᬂ᭞ᬬᬤᬶᬦ᭄ᬢᬾᬓᬓ᭄ᬭᬶᬓᬦ᭄ᬮᬶᬥᬄ᭞ᬩᬲ᭄ᬓᬳᬓᬸᬯᬂᬧᬳᬧᬸᬢᬶᬄ᭞ᬓᬤᬮᬸᬫᬸᬓ᭄᭞ᬚᬕ᭄ᬚᬕᬶᬦ᭄ᬢ᭄ᬯᬭᬫᬩ
Kaca:Bali-lontar-gaguritan-rereg-gianyar-300ppi.pdf/31
Kaca puniki sampun kauji-wacén
