[᭒᭙29B]
᭒᭙
ᬲ᭄ᬫᬓᭀᬍᬫᬦ᭄᭞ᬳᬦ᭄ᬢᬸᬓ᭄ᬓᬳᬮᬗᬦ᭄ᬯᭂᬗᬶ᭞ᬤᬳᬸᬄᬯᭀᬮᬸ᭞ᬇᬭᬶᬓᬵᬭᬶᬂᬚ᭄ᬭᭀᬓᬗᬶᬦᬦ᭄᭟ᬧᬭᬳᬶᬲ᭄ᬢ᭄ᬭᬶᬦᬾᬫᬤᬫ᭄ᬧ᭄ᬬᬓ᭄᭞ᬫᬕᭀᬦᭀᬂᬧᬥᬫᬮᬶᬗ᭄ᬕᬶᬄ᭞ᬩᭂᬗᭀᬂᬩᭂᬗᭀᬂᬫᬧᬗᭂᬦᬦ᭄᭞ᬳᬾᬮᬶᬂᬭᬶᬂᬦᬾᬳᬮᬶ
ᬢ᭄ᬳᬮᬶᬢ᭄᭞ᬗᬸᬭᬂᬳᬦ᭄ᬢᭂᬂᬫᬦᬗᬶᬲ᭄᭞ᬩᬧᬩᬧᬧ᭄ᬓᬓ᭄ᬳᬕᬸᬂ᭞ᬫᬓᬬᬸᬦᬦ᭄ᬫᬮᬶᬧᭂᬢᬦ᭄᭞ᬫᬗᭂᬗ᭄ᬓᬶᬓ᭄ᬧᬥᬓᬲᬶᬸᬲ᭄ᬬᬲᬶᬄ᭞ᬫᬩᬭᬶᬬᬸᬓ᭄᭞ᬢᬗᬶᬲᬾᬲᬯᬂᬳᬫ᭄ᬧᬸᬳᬦ᭄᭟ᬮᬾᬦ᭄ᬳᬤᬫᬧᬸᬮᬶᬲᬳᬦ᭄᭞ᬯᬾᬦ᭄ᬢᭂᬦ᭄ᬗᭂᬮᬸᬃᬫᬦᬗᬶ
ᬲ᭄᭞ᬫᬦᬶᬕ᭄ᬢᬶᬕ᭄ᬭᬕᬧᬕ᭄ᬭᭀᬂ᭞ᬤᬶᬦᬢᬳᬾᬧᬕᬸᬮᬶᬮᬶ᭞ᬦᬾᬢ᭄ᬯᬫᬸᬦ᭄ᬢᬕ᭄ᬫᬦ᭄ᬢᬶᬕ᭄᭞ᬫᬢᬚᬸᬄᬫ᭠ᬗᬸᬭᬸᬢ᭄ᬳᭂᬦ᭄ᬢᬸᬤ᭄᭞ᬳᬾᬮᬶᬂᬫᬲᬲᬫ᭄ᬩᬢᬦ᭄᭞ᬳᬢᬸᬓᭀᬫ᭄ᬧ᭄ᬬᬂᬳᬦᬓ᭄ᬧᬮᬶᬂ᭞ᬧᬢᬶᬲᬳᬸᬧ᭄᭞ᬜᬸᬳᬸᬦ᭄ᬕᬍᬂᬫ
ᬕᭂᬦ᭄ᬤᬶᬗᬦ᭄᭟ᬳᬤᬜᬳᬸᬧ᭄ᬳᬢᬸᬓᭀᬫ᭄ᬧ᭄ᬬᬂ᭞ᬧᬋᬓᬦᬾᬧᬤᬲᭂᬤᬶᬄ᭞ᬭᬢᬸᬦᬸᬦᬲ᭄ᬓᬧᬫᬺ᭠ᬫᬦ᭄᭞ᬳᬢᬸᬓᭀᬫ᭄ᬧ᭄ᬬᬂᬫᬗᬫᬶᬓ᭄ᬫᬶᬓ᭄᭞ᬗᬸᬭᬄᬧᬾᬦᬦᬕᬶᬄᬫᬸᬮᬶᬄ᭞ᬗ᭄ᬭᬬᬸᬢ᭄ᬫᬲᬶᬄᬫᬫᭂᬗ᭄ᬓᬸᬂ᭞ᬫᬦ᭄ᬢᬸᬧᬥᬫᬗᭂ
[᭓᭐30A]
ᬫ᭄ᬩᬦ᭄᭞ᬧᭀᬮᬳᬾᬫᬯᬦ᭄ᬢᬸᬦ᭄ᬳᬮᬶᬢ᭄᭞ᬓᬤᬶᬕᬸᬦ᭄ᬢᬸᬃ᭞ᬢᬗᬶᬲᬾᬢᬦ᭄ᬧᬧ᭄ᬕᬢᬦ᭄᭟ᬫ᭄ᬓᭂᬮ᭄ᬫᭂᬓᭂᬮ᭄ᬫᬩ᭄ᬬᬬ᭄ᬯᬦ᭄᭞ᬫᬓᬍᬫᬄᬓᬵᬭᬶᬲᭂᬤᬶᬄ᭞ᬲᬲᬗ᭄ᬓ᭄ᬭᬶᬗᬦ᭄ᬳᬦᭀᬫᬦᭀᬫ᭄᭞ᬭᬩᬶᬳᬕᬸᬂᬧᬥᬦᬗᬶᬲ᭄᭞ᬢ᭄ᬯᬭᬫᬗᬶ
ᬢᬸᬗᬂᬲ᭄ᬫᬶ᭞ᬧᬕᬸᬭᬾᬦ᭄ᬢᬾᬂᬫᬳ᭄ᬩᬸᬓ᭄ᬳᭂᬩᬸᬓ᭄᭞ᬫᬓᬓᭂᬩ᭄ᬲᬶᬂᬲᬶᬂᬚᬮᬦ᭄᭞ᬤᬸᬄᬓᬶᬢᬦᬾᬳᬫ᭄ᬩᬸᬮ᭄ᬚᬦᬶ᭞ᬧᬥᬩᭂᬗᬸᬮ᭄᭞ᬢᬦ᭄ᬯᬸᬲᬦ᭄ᬜᭂᬮ᭄ᬲᭂᬮᬂᬭᬕ᭟ᬩᬾᬜ᭄ᬚᬗᬶᬧᬸᬦ᭄ᬗᬮᬶᬗ᭄ᬲᬶᬭᬂ᭞ᬫᬤᬩ᭄ᬤᬩ᭄ᬧ᭄ᬭᬬᬫᬫᬃᬵᬕ᭄ᬕᬶ᭞ᬫᬗ᭄ᬭᬭᬶᬲ᭄ᬓᬲ
ᬢ᭄ᬭᬶᬬᬓᬯᬦᬦ᭄᭞ᬧᬫᭂᬦ᭄ᬤᬓᬾᬲᬵᬫ᭄ᬧᬸᬦ᭄ᬢᬶᬢᬶᬩ᭄᭞ᬫᭂᬤᬮ᭄ᬭᬭᬶᬲ᭄ᬫᬫᬃᬵᬕ᭄ᬕᬶ᭞ᬲᭀᬓ᭄ᬳᬢᬸᬓᭀᬫ᭄ᬧ᭄ᬬᬂᬫᬧᬶᬓᬸᬮ᭄᭞ᬲᬫᬶᬧᬥᬫᬫᬃᬵᬕ᭄ᬕ᭞ᬲ᭄ᬩᭂᬂᬲᭂᬦ᭄ᬤᬸᬲᬳᬢᬗᬶᬲ᭄᭞ᬫᬶᬫ᭄ᬩᬸᬄᬳᬬᬸ᭞ᬓᬤᬶᬩᬸᬮᬦ᭄ᬓᬍᬫᬳᬦ᭄᭟ᬢᬶᬦ᭄ᬤᬓᬦᬾ
ᬫᬕᭀᬮᬾᬭᬦ᭄᭞ᬫᬧᬸᬘᬸᬂᬲᭀᬗ᭄ᬕᬾᬂᬤᬶᬲᬫ᭄ᬧᬶᬂ᭞ᬍᬜ᭄ᬚᬍᬜ᭄ᬚᬾᬫᬳᬾᬗ᭄ᬕᭀᬓᬦ᭄᭞ᬗᬮᬾᬬᭀᬃᬫᬥ᭄ᬬᬦᬾᬭᬫ᭄ᬧᬶᬂ᭞ᬯᬮᬸᬬᬯᬭᬧ᭄ᬱᬭᬶ᭞ᬢᬸᬭᬸᬓᬦᬾᬧᬥᬩᬸᬤᬸᬄ᭞ᬦᬾᬢ᭄ᬯᬓᬮᬮᬳᬦ᭄᭞ᬫᬭ
Kaca:Bali-lontar-gaguritan-rereg-gianyar-300ppi.pdf/30
Kaca puniki sampun kauji-wacén
