[᭒᭘28B]
᭒᭘
ᬓ᭄ᬳᬕᬸᬂᬫᬗ᭄ᬕᬶᬲ᭄᭞ᬲᬧᬭᬧᬸᬢ᭄ᬭᬲᬫᬶ᭞ᬫᬗ᭄ᬤᬾᬚᬕᬢᬾᬭᬳᬬᬸ᭞ᬬᬦᬶᬂᬭᬶᬂᬩᬜ᭄ᬚᬭᬗ᭄ᬓᬦ᭄᭞ᬮᬶᬗ᭄ᬕᬶᬳᬾᬲᬓᬤᬶᬫᬗ᭄ᬓᬶᬦ᭄᭞ᬯᬗ᭄ᬲᬦ᭄ᬤᬤᬸᬢ᭄᭞ᬧᬶᬰᬸᬦᬦᬾᬗᬮᬶᬫ᭄ᬩᬓᬂ᭟ᬳᬸᬧᬫᬶᬚᬕᬢ᭄ᬕ᭄ᬬᬜᬃ᭞ᬳᬫ᭄ᬩᭂᬗᬦᬾ
ᬲᬵᬫ᭄ᬧᬸᬦᬓᬶᬂ᭞ᬧᬸᬰᬸᬦᬦᬾᬓᬤᬶᬕ᭄ᬮᬫ᭄᭞ᬳᬧᬶᬳᬦᬓᬾᬳᬕᬸᬂᬫᬗ᭄ᬕᬶᬲ᭄᭞ᬓᬤᬶᬓᬸᬓᬸᬦᬂᬳ᭠ᬮᬶᬢ᭄᭞ᬢᬦ᭄ᬧᬭᬶᬯᬗ᭄ᬤᬾᬫᬫᬸᬳᬸᬦ᭄᭞ᬯᬾᬦ᭄ᬢᭂᬦ᭄ᬩᬸᬯᬶᬦᬂ᭞ᬳᬶᬓ᭄ᬢᬸᬢ᭄ᬧᬲᭂᬓ᭄ᬫᬗᬶᬭᬶᬂ᭞ᬢ᭄ᬯᬭᬲᬸᬳᬸᬤ᭄᭞ᬫᭂᬜ᭄ᬘ᭠
ᬭᬂᬳᭀᬮᬾᬲᭀᬮᬾᬲᬦ᭄᭟ᬧᬸᬦᬶᬓᬦᬾᬓᬳᬸᬦᬶᬗ᭄ᬳᬬᬂ᭞ᬦᬸᬦᬲ᭄ᬩᬸᬤᬮᬂᬦᬾᬫᬗ᭄ᬓᬶᬦ᭄᭞ᬩᬳᭀᬲ᭄ᬪᬝᬵᬭᬢᬦ᭄ᬧᬜ᭄ᬚᬂ᭞ᬬᬦᬶᬂᬲᬵᬫ᭄ᬧᬸᬦ᭄ᬧᬢᭂᬄᬲᬫᬶ᭞ᬧᬸᬦᬶᬓᬦᬾᬓᬮᬶᬗ᭄ᬕᬶᬳᬶᬦ᭄᭞ᬯᬶᬭᬾᬄᬫᬨᬮ᭠
ᬭᬳᬬᬸ᭞ᬦᬾᬫᬗ᭄ᬓᬶᬦ᭄ᬫᬧᭀᬢᬸᬲᬦ᭄᭞ᬫᬜ᭄ᬘᬓ᭄ᬮᬸᬂᬓᬸᬂᬫᬗᬸᬯᬶ᭞ᬲᬋᬂᬩᬤᬸᬂ᭞ᬲᬫᬶᬫᬤᬸᬮᬸᬃᬧᬵᬡ᭄ᬥᬶᬢ᭟ᬗ᭄ᬭᬭᬶᬲ᭄ᬓᬩᬜ᭄ᬚᬭᬦ᭄ᬓᬦ᭄᭞ᬗᬢᬸᬭᬶᬦᬓ᭄ᬳᬕᬸᬂᬫᬗ᭄ᬕᬶᬲ᭄᭞ᬭᬳᬸᬳᬶᬂᬲᬭᬧᬸᬢ᭄ᬭ᭞ᬲᬚᬯᬶᬦᬶᬂᬧᬭᬳᬶᬲ᭄ᬢ᭄ᬭᬶ᭞᭠
[᭒᭙29A]
ᬲᬵᬫ᭄ᬧᬸᬦ᭄ᬫᬢᬸᬮᬓ᭄ᬯᬮᬶ᭞ᬧᬥᬭᬳᬸᬄᬭᬶᬂᬓ᭄ᬮᬸᬂᬓᬸᬂ᭞ᬲ᭄ᬯᬪᬯᬓᬤᬶᬳᬾᬭᬂ᭞ᬳᬓᬾᬄᬳᬦᬓᬾᬫᬩᬮᬶᬄ᭞ᬲᬶᬮᬶᬄᬢᬸᬳᬸᬓ᭄᭞ᬫᬶᬲᬤ᭄ᬬᬧᬥᬫᬦᬯᬂ᭟ᬫᬓᭀᬍᬫ᭄ᬭᬶᬂᬲᬢ᭄ᬭᬶᬬᬓᬯᬦ᭄᭞ᬭᬶᬂᬳᬶᬤᬘᭀᬓᭀᬃᬤ
ᬭᬳᬶ᭞ᬳᬦᬓᬾᬫᬸᬮᬫᬭᬕ᭞ᬧᬃᬡ᭄ᬦᬄᬳᬚᬶᬭᬶᬂᬫᬶᬂᬲᬶᬓᬶ᭞ᬢᬦ᭄ᬯᬾᬦ᭄ᬢᭂᬦ᭄ᬩᬳᭀᬲ᭄ᬫᬮᬶᬄ᭞ᬓᬧᬶᬢ᭄ᬮᬲ᭄ᬧᬘᬂᬗᭂᬫ᭄ᬧᬸ᭞ᬳᬶᬲ᭄ᬢ᭄ᬭᬶᬦᬾᬲᬓᬶᬂᬕ᭄ᬬᬜᬃ᭞ᬢ᭄ᬮᬲᬦ᭄ᬲᬤᬕᬶᬂᬧᬸᬭᬶ᭞ᬧ᭄ᬭᬬᬭᬳᬸᬄ᭞ᬫᬗ᭄ᬤᬾᬫᬲᬋᬗᬦ᭄ᬕᭂᬦᬄ᭟ᬧᬗᬶᬭᬶᬂᬲᬵ
ᬫ᭄ᬧᬸᬦ᭄ᬫᬘᬤᬂ᭞ᬓᬸᬤ᭄ᬥᬕᬬᭀᬢ᭄ᬫᬶᬯᬄᬚᭀᬮᬶ᭞ᬩᬋᬩᭂᬤ᭄ᬲ᭄ᬭᬦ᭄ᬢᬫᬫᬃᬵᬕ᭄ᬕ᭞ᬳᬮᬶᬢᬮᬶᬢᬾᬫᬦᬗᬶᬲ᭄᭞ᬲᬶᬮᬶᬄᬲᬳᬸᬭᬶᬦ᭄ᬢᬗᬶᬲ᭄᭞ᬓᬗᭂᬜ᭄ᬚᭂᬗᬄᬓᬓ᭄ᬮᬸᬂᬓᬸᬂ᭞ᬲᬫᬮᬶᬄᬭᬢᬸᬓᭀᬫ᭄ᬧ᭄ᬬᬂ᭞ᬩ᭄ᬬᬂᬳᬦᬓ᭄ᬳᬕᬸᬂᬫᬗ᭄ᬕᬶ᭠
ᬲ᭄᭞ᬤᬳᬢ᭄ᬲᭂᬧᬸᬄ᭞ᬮᬮᬶᬫᬗᬫᭂᬮᬂᬭᬕ᭟ᬫᬳᬸᬲᬸᬗᬦ᭄ᬭᬭᬶᬲ᭄ᬫᭂᬤᬮ᭄᭞ᬧᬭᬳᬶᬲ᭄ᬢ᭄ᬭᬶᬦᬾᬫᬗᬶᬭᬶᬂ᭞᭠ᬢᬗᬶᬲᬾᬫᬩ᭄ᬬᬬ᭄ᬯᬦ᭄᭞ᬳᬸᬫᬸᬂᬗ᭄ᬭᬭᬶᬲ᭄ᬫᬫᬃᬵᬕ᭄ᬕᬶ᭞ᬢᬦ᭄ᬧᭂᬕᬢ᭄ᬧᬥᬦᬗᬶᬲ᭄᭞ᬲᬵᬫ᭄ᬧᬸᬦ᭄ᬭᬳᬸᬄᬭᬶᬂᬓ᭄ᬮᬸᬂᬓᬸᬂ᭞ᬗ᭄ᬭᬭᬸ᭠
Kaca:Bali-lontar-gaguritan-rereg-gianyar-300ppi.pdf/29
Kaca puniki sampun kauji-wacén
