[᭓᭑31B]
᭓᭑
ᬳᬦ᭄᭟ᬧᬭᬳᬕᬸᬗᬾᬭᬶᬂᬕ᭄ᬬᬜᬃ᭞ᬯᬢᭂᬓ᭄ᬤᬍᬫᬾᬗᬹᬦᬶ᭞ᬓ᭄ᬦᬩᬵᬦ᭄ᬳᭀᬮᬾᬲᭀᬮᬾᬲᬦ᭄᭞ᬢᬦ᭄ᬳᬾᬮᬶᬂᬫᬜᭂᬫ᭄ᬩᬄᬜᬭᬶᬓ᭄᭞ᬮᬾᬦᬶᬩᬩᬢᬸᬄᬕᬸᬲ᭄ᬢᬶᬳᬮᬶᬢ᭄ᬳᭀᬓᬤᬾᬯᬕᬸᬂ᭞ᬜᭂᬗᬳᬂᬓᬯᬗᬾᬦ᭄ᬜ᭞
ᬢ᭄ᬯᬄᬧᬵᬢᬹᬢ᭄ᬳᬶᬤᬫᬜᬫ᭄ᬧᬶᬂ᭞ᬳᬦᬓ᭄ᬳᬕᬸᬂᬕ᭄ᬥᬾᬳᭀᬓᬭᬢ᭄ᬦᬓᬦ᭄ᬬ᭟ᬗᬸᬭᬄᬓ᭄ᬢᬸᬢ᭄ᬤ᭄ᬭᭀᬳᬓ᭠ᬫᬶᬢ᭄ᬭ᭞ᬓ᭄ᬭᬡᬳᬕᬸᬂᬩᬸᬓᬚᬦᬶ᭞ᬲᬓᬾᬂᬲ᭄ᬯᬾᬘ᭄ᬙᬦ᭄ᬕ᭄ᬬᬜᬃ᭞ᬫᬥᬾᬧᬲᭂᬓ᭄ᬫᬗᬃᬤ᭄ᬥᬶᬦᬶᬦ᭄᭞ᬫᬸᬮᬚ᭄ᬭᭀᬓᬮᬾᬃ᭠
ᬓᬗᬶᬦ᭄᭞ᬓᬚ᭄ᬦᭂᬗᬂᬤᬤᬶᬳᬕᬸᬂ᭞ᬓ᭄ᬭᬡᬯ᭄ᬢᬸᬗᬸᬭᬄᬳᭀᬓ᭞ᬕᬸᬲ᭄ᬢᬶᬳᬮᬶᬢ᭄ᬗᬸᬭᬄᬫᬮᬶᬄ᭞ᬗᬸᬭᬄᬫᬥᬾ᭞ᬗᬤᭀᬓᬂᬤᬬᬦ᭄ᬕ᭄ᬮᬗ᭄ᬕᬂ᭟ᬳᬫᭀᬦ᭄ᬢᭀᬲ᭄ᬯᬾᬘ᭄ᬙᬦ᭄ᬳᬶᬤ᭞ᬳᬶᬤᬳᬦᬓ᭄ᬳᬕᬸᬂᬫᬗ᭄ᬕᬶᬲ᭄᭞ᬳᬕᬸᬂᬩ
ᬋᬂᬤᬶᬕ᭄ᬬᬜᬃ᭞ᬫᬲᬶᬄᬤᬦᬾᬧᬶᬦ᭄ᬢᭂᬮ᭄ᬪᬓ᭄ᬢᬶ᭞ᬢ᭄ᬕᬭᬂᬚᬦᬶᬧᬶᬦᭂᬳᬶᬦ᭄᭞ᬫᬲᬫᬦ᭄ᬫᬸᬭᬳᬬᬸ᭞ᬢ᭄ᬯᬶᬓ᭄ᬦᬩ᭄ᬭᬳ᭄ᬫᬵᬢ᭄ᬬ᭞ᬲᬓᬜ᭄ᬘᬦᬾᬢᬦ᭄ᬲᬸᬪᬓ᭄ᬢᬶ᭞ᬲᬶᬂᬚᬩᬸᬳᬸᬂ᭞ᬧᬘᬂᬫᬫᬗ᭄ᬕᬸᬳᬂᬧᬵᬧ᭟ᬦᬄᬢᭀᬲᬚᬩᬸᬓᬓᬾ
[᭓᭒32A]
ᬢᭀ᭞ᬲᬶᬂᬚᬧ᭄ᬮᬶᬄᬫᬸᬜᬶᬦ᭄ᬘᬳᬶ᭞ᬢ᭄ᬯᬄᬳᬶᬤ᭄ᬯᬕᬸᬂᬗ᭄ᬭᬡᬳᬂ᭞ᬲᬗ᭄ᬓᬦ᭄ᬧᬥᬩᬸᬓᬚᬦᬶ᭞ᬬᬦᬸᬧᬫ᭄ᬬᬂᬩ᭄ᬮᬶᬚ᭠ᬦᬶ᭞ᬮ᭄ᬯᬶᬃᬦᭂᬧ᭄ᬢᭂᬧᬶᬦ᭄ᬢᬗᬦ᭄ᬲᬸᬓᬸ᭞ᬳᬦ᭄ᬤᬾᬗᭂᬤᭂᬂᬩᬮᬶᬗᬲ᭄᭞ᬳᬸᬮᬶᬫᬸᬜ᭄ᬘᬸᬓ᭄ᬗᭂᬤᭂᬗᬶᬦ᭄᭞ᬯ᭄ᬢᬸᬮᬦ᭄ᬢᬸᬤ᭄᭞ᬧᬬᬸᬫᬳᬾ᭠
ᬫᬾᬤᬾᬫᬾᬦᬦ᭄᭞ᬬᬦ᭄ᬜᬧᭂᬮᬶᬄᬩᬦ᭄ᬗᬾᬤᬾᬗᬂ᭞ᬢ᭄ᬯᬭᬩᬸᬳᬸᬂᬚ᭄ᬗᬄᬳᬢᬶ᭞ᬬᬦ᭄ᬦᬶᬗᭂᬄᬩ᭄ᬮᬶᬢᬸᬢᬸᬭᬦ᭄᭞ᬗᬮᬶᬄᬩᬾᬤᬶᬢᬫᬦ᭄ᬲᬭᬶ᭞ᬢᬸᬜ᭄ᬚᬸᬂᬦ᭄ᬬᬓᬵᬭᬶᬋᬱ᭄ᬢᬶ᭞ᬳᬸᬮᬫ᭄ᬦ᭄ᬬᬳᭂᬦ᭄ᬢᬶᬯᬶᬦᬸᬦᬸᬄ᭞ᬢ᭄ᬯᬄᬢᬾᬲᬶᬤ᭄ᬥᬩᬓᬢ᭄
᭞ᬫᬲᬶᬄᬓᬾᬲ᭄ᬥᭂᬂᬬᬢ᭄ᬦᬳᬶᬦ᭄᭞ᬤᬾᬦᬶᬂᬮ᭄ᬬᬸ᭞ᬫᬕᬢᬶᬢᬺᬱ᭄ᬡᬵᬲᬸᬪᬓ᭄ᬢᬶᬬ᭟ᬢ᭄ᬬᬂᬢᬦ᭄ᬧᬸᬭᬸᬦ᭄ᬧ᭄ᬭᬫᬥ᭞ᬭᬶᬂᬪᬝᬵᬭᬳᬶᬤ᭄ᬯᬕᬸᬂᬓᬵᬮᬶᬄ᭞ᬳᬚᬓ᭄ᬢᭂᬮᬸᬫᬳᭀᬫᭀᬗᬦ᭄᭞ᬕᬶᬕᬶᬲ᭄ᬕᬶᬕᬶᬲᬶᬦ᭄ᬫᬫᬸᬜᬶ᭞ᬜᬦ᭄ᬳᬤᬳᬦᬓ᭄ᬦᭂ᭠
ᬧᬸᬓᬶᬦ᭄᭞ᬢᬦ᭄ᬯᬗ᭄ᬤᬾᬫᬵᬢᬶᬫᬕᬦ᭄ᬢᬸᬂ᭞ᬚ᭄ᬯᬤᬶᬕ᭄ᬮᬃᬢ᭄ᬗᬄ᭞ᬢᭂᬕᬭᬂᬩᬶᬕ᭄ᬩᬕᬂᬚᬦᬶ᭞ᬓᬵᬮᬂᬲᬸᬳᬸᬂ᭞ᬚ᭠ᬮᬲᬫ᭄ᬩᬶᬮ᭄ᬫᬳᭀᬫᭀᬗᬦ᭄᭟ᬳᬶᬤ᭄ᬯᬕᬸᬂᬩᬲ᭄ᬓᬲᭀᬫ᭄ᬧᭀᬓᬦ᭄᭞ᬗ᭄ᬮᬶᬗ᭄ᬕᬶᬳᬶᬦ᭄ᬳᬢᬹᬃᬭᬓᬭᬳᬶ᭞ᬳᬶᬤᬘᭀ
Kaca:Bali-lontar-gaguritan-rereg-gianyar-300ppi.pdf/32
Kaca puniki sampun kauji-wacén
