[᭑᭘18B]
᭑᭘
ᬧ᭄ᬫᬮᬶᬄ᭞ᬲᬤᬯᭂᬕ᭄ᬯᭂᬗᬶᬧᬸᬦᬶᬓ᭞ᬳᭀᬋᬕ᭄ᬬᬧᬥᬫᬜᬗᬶᬦ᭄᭞ᬘᭀᬓᭀᬃᬤᬫᬥᬾᬧ᭄ᬭᬧ᭄ᬢᬶ᭞ᬲᬓᬶᬂᬳᬸᬢᬸᬲᬦ᭄ᬓ᭄ᬮᬸᬂᬓᬸᬂ᭞ᬗᬫᭂᬮ᭄ᬭᬶᬂᬧᬸᬭᬶᬕ᭄ᬬᬜᬃ᭞ᬓᭀᬘᬧ᭄ᬲᬂᬫᬓ᭄ᬫᬶᬢ᭄᭞ᬧᬭᬳᬕᬸᬂ᭞ᬧ᭄ᬭᬩ᭄ᬓᭂᬮ᭄ᬲᬫ᭄ᬢᭀᬦᬦ᭄᭟ᬦᭂ᭠
ᬗ᭄ᬕᬸᬄᬭᬕᬧᬘᬂᬭᬸᬲᬓ᭄᭞ᬫᬓ᭄ᬮᬶᬤ᭄ᬗᬢᬸᬭᬂᬪ᭄ᬓᬢᬶ᭞ᬘᭀᬓᭀᬃᬤᬫᬦ᭄ᬭᬶᬫ᭞ᬮᬾᬤᬂᬓᬬᬸᬦᬾᬦᬫ᭄ᬧᬾᬦᬶᬦ᭄᭞ᬫ᭄ᬭᬱᬫᬗ᭄ᬮᬄᬕᬸᬫᬶ᭞ᬤ᭄ᬫᭂᬦ᭄ᬓᬤᬾᬦ᭄ᬗᬗ᭄ᬕᬶᬳᬚᬸᬫ᭄᭞ᬩᬲᬼᬩᬶᬳᬦ᭄ᬧ᭄ᬭᬧᬜ᭄ᬘ᭞ᬳᬶᬭᬶᬗᬦᬾᬧᬥᬲᬫᬶ᭞ᬬᬦ᭄ᬲᬯ
ᬗᬂ᭞ᬳᬦᬓ᭄ᬩᬸᬢᬢᬸᬫ᭄ᬩᬾᬦ᭄ᬓᭂᬤᬢ᭄᭟ᬕᬢᬶᬜᬘᬓ᭄ᬭᬵᬚᬩ᭄ᬭᬡ᭞ᬲᬤ᭄ᬭᬸᬯᬾᬕ᭄ᬬᬜᬭᬾᬲᬫᬶ᭞ᬕᬸᬭᬸᬦ᭄ᬢᬶᬍᬫ᭄ᬫᬗᬸᬘᬾᬚ᭄ᬘᬓ᭄᭞ᬲᭂᬤᬳᬦ᭄ᬲᬫᬶᬳᭀᬫᭀᬗᬶᬦ᭄᭞ᬳᬶᬤᬾᬯᬫᬺᬕᬦ᭄ᬫᬜᬤᬶ᭞ᬗᬮᬶᬄᬳᭀᬃᬢ᭄ᬢᬢ᭄ᬓᬫᬫ᭄ᬭᬸᬤ᭄᭞
ᬳ᭄ᬤᭀᬢᬾᬢ᭄ᬓᬾᬦ᭄ᬫᬲᬓᬦ᭄᭞ᬓᬢᭀᬢᭀᬤ᭄ᬫᭂᬦ᭄ᬫᬮᬮᬶ᭞ᬗᬸᬮᬄᬧᬬᬸ᭞ᬲᭀᬓ᭄ᬫᬩᬳᬦ᭄ᬳᬲᬓ᭄ᬱ᭠ᬦᬦ᭄᭟ᬳᬶᬫᬥᬾᬧᬲᭂᬓ᭄ᬓᬲᬾᬗᬦ᭄᭞ᬳᬃᬱᬦᬾᬘᭀᬓᭀᬃᬤᬳᬸᬦᬶᬂ᭞ᬭᬳᬸᬄᬤᬦᬾᬫᬭᬭᬫ᭄ᬧ᭞ᬧᬗᬦ᭄ᬤᬶᬓ
[᭑᭙19A]
ᬦᬾᬥᬸᬄᬓᬓᬶ᭞ᬚᬮᬦ᭄ᬩᬋᬂᬢᬢᬓᬶᬦ᭄᭞ᬗᬶᬭᬶᬂᬧᬓᬬᬸᬦ᭄ᬤᬾᬯᬕᬸᬂ᭞ᬳᬧᬂᬦᬸᬩᬸᬓᬦᬾᬲᬸᬩ᭞ᬫ᭠ᬗᬶᬭᬶᬂᬳᬶᬩᬧᬫᬗ᭄ᬕᬶᬲ᭄᭞ᬳᬶᬤᬾᬯᬕᬸᬂ᭞ᬲᬢ᭄ᬲᬢᬂᬳᬶᬤᬳᬶᬤᬳᬶᬩᬧ᭟ᬘᬸᬘᬸᬦ᭄ᬓᬓᬶᬦᬾᬳᭂᬫ᭄ᬧᬸᬳᬂ᭞ᬫᬥᬾᬧᬲᭂ
ᬓ᭄ᬫᬵᬢᬹᬃᬲᬶᬲᬶᬧ᭄᭞ᬤᬯᭂᬕ᭄ᬢᬶᬢ᭄ᬬᬂᬲᬶᬦᬫ᭄ᬧᬸᬭ᭞ᬓᬤᬶᬫᬸᬗ᭄ᬕᭂᬮᬶᬦ᭄ᬲᬸᬪᬓ᭄ᬢᬶ᭞ᬗᬮᬸᬗ᭄ᬲᬸᬃᬭᬳᬶᬦᬯ᭄ᬗᬶ᭞ᬧᬦ᭄ᬲᬵᬫ᭄ᬧᬸᬦ᭄ᬫᬲᬦᬶᬂᬭᬳᬸᬄ᭞ᬢᬶᬢ᭄ᬬᬂᬫᬧᬫᬶᬢ᭄ᬲᬧᬶᬲᬦ᭄᭞ᬘᭀᬓᭀᬃᬤᬳᭂᬗ᭄ᬲᭂᬓ᭄ᬜᬳᬸᬭᬶᬦ᭄᭞ᬓᬓᬶᬧᬲᭂᬓ᭄᭞ᬬᬦ᭄ᬤᬤᬶᬢ᭄ᬯᬄ
ᬳᬮᬶᬳᬦ᭄ᬩᬮ᭄ᬬᬦ᭄᭟ᬳᬶᬤᬾᬯᬵᬕᬸᬂᬫᬜᬭᬢᬂ᭞ᬲᬳᬤᬤᬶᬕᬸᬫᬶᬩᬮᬶ᭞ᬬᬤ᭄ᬬᬦ᭄ᬢᭂᬓᬦᬶᬂᬧᬦ᭄ᬮᬲ᭄᭞᭠ᬳᬶᬫᬥᬾᬧᬲᭂᬓ᭄ᬜᬳᬸᬭᬶᬦ᭄᭞ᬩᭀᬬᬜᬦ᭄ᬤᬂᬩᬳᭀᬲᬶᬦ᭄᭞ᬲᬓᬤᬶᬳᬢᬸᬭᬾᬯᬯᬸ᭞ᬳᬓᬾᬄᬋᬓᬾᬬᬦ᭄ᬢᬸ
ᬢᬸᬭᬂ᭞ᬧᬥᬲᬮᬶᬂᬧᬶᬓ᭄ᬤᭂᬳᬶᬦ᭄᭞ᬮ᭄ᬯᬶᬓᬲᬸᬩ᭄᭞ᬲᬶᬤ᭄ᬥᬫᬸᬮᬶᬄᬓᬧ᭄ᬭᬤᬦᬦ᭄᭟ᬳᬦᬓ᭄ᬢ᭄ᬯᬄᬜᬦ᭄ᬤᬂᬳᬍᬫᬂ᭞ᬫᬸᬮᬶᬄᬭᬶᬂᬤᬶᬲ᭄ᬓᬵᬮᬚᬢᬶ᭞ᬭᬶᬂᬩᬜ᭄ᬚᬭᬗᬓᬦ᭄ᬘᬭᬶᬢ᭞ᬳᬶᬤᬳᬦᬓ᭄ᬳᬕᬸᬂᬫᬗ᭄ᬕᬶᬲ᭄᭞ᬦᬶᬦ᭄ᬤᬶᬳᬂᬫᬓᬚᬢᬶ᭞ᬧ
Kaca:Bali-lontar-gaguritan-rereg-gianyar-300ppi.pdf/19
Kaca puniki sampun kauji-wacén
