[᭑᭙19B]
᭑᭙
ᬕᭂᬄᬓᬬᬸᬦᬾᬫᬦ᭄ᬭᬸᬲ᭄᭞ᬋᬫ᭄ᬋᬫ᭄ᬲᬂᬳ᭄ᬬᬂᬤᬾᬯᬵᬗ᭄ᬓᬭ᭞ᬢᬾᬚᬗᬤᭂᬕ᭄ᬳᬸᬚᬦ᭄ᬭᬶᬭᬶᬲ᭄᭞ᬤᬕᬶᬗᬶᬧᬸᬦ᭄᭞ᬯᬦ᭄ᬢᬄᬤᬹᬃᬫ᭄ᬫᬶᬓᬦᬶᬂᬚᬕᬢ᭄᭟᭜᭟ᬧᬸᬧᬸᬄᬤᬹᬃᬫ᭄ᬫ᭟᭜᭟ᬭᬶᬂᬕ᭄ᬬᬜᬃᬚᬕᬢᬾᬓᬵᬭᬶᬕᬸᬫᬸᬭ᭞ᬫᬳ᭄ᬬᬸᬭᬦ᭄ᬲᬶᬮᬶᬄ
ᬢᬭᬶ᭞ᬫᬭᬱᬭᬶᬂᬩᬬ᭞ᬫᬦᬸᬢᬸᬭᬶᬦ᭄ᬧ᭄ᬬᬦᬓ᭄ᬲᭀᬫᬄ᭞ᬯᬾᬦ᭄ᬢᭂᬦ᭄ᬫᬳᭂᬗ᭄ᬓᭂᬩ᭄ᬫᬜᬗᬶᬤ᭄᭞ᬫᬗᬮᬶᬄᬳᭀᬃᬢ᭄ᬢ᭞ᬓᭀᬘᬧ᭄ᬩᬩᬢᬸᬄᬮᬸᬫᬶᬦ᭄ᬤᬶᬄ᭟ᬮ᭄ᬯᬶᬭᬶᬧᬸᬦ᭄ᬓᬩᭂᬢᬦ᭄ᬭᬳᬸᬳᬶᬂᬩᬩᬶᬢ᭄ᬭ᭞ᬲᬓᬸᬳᬸᬩ᭄ᬲ᭄ᬭᭀᬗ᭄ᬕᬲᬫᬶ᭞᭠
ᬲᬫᬮᬶᬄᬩᬩᬓᬦ᭄᭞ᬳᬗ᭄ᬓ᭄ᬭᬶᬂᬕᬶᬢ᭄ᬕᬶᬢ᭄ᬓ᭄ᬱᬾᬳᬦ᭄᭞ᬩᬤᬸᬮᬸᬯᬵᬦᬵᬬᬸᬲᬫᬶ᭞ᬲ᭄ᬯᬢ᭄ᬲᬸᬫᬶᬢ᭄ᬭ᭞ᬩᭀᬦ᭄ᬜᬸᬄᬫᬮᬬᬫᬮᬶᬄ᭟ᬳᬩ᭄ᬬᬦ᭄ᬩᬲᬾᬢᭂᬤᬸᬂᬧᬥᬫᬲ᭄ᬭᬄ᭞ᬩᬾᬢᬾᬮ᭄ᬭᬳᬸᬄᬓᬍᬩᬶᬄ᭞ᬧᬲᬶᬲᬶ᭠
ᬦᬾᬢᬶᬗ᭄ᬕᬃ᭞ᬢ᭄ᬩᭂᬗᬦ᭄ᬲᬸᬫᬭᬲᬄ᭞ᬫᬳᬶᬭᬶᬩ᭄ᬧᬘᬂᬫᬮᬲ᭄ᬢᬶ᭞ᬫᬓᬦ᭄ᬢᭂᬦ᭄ᬩᬸᬗᬄ᭞ᬫᬗᭂᬩᭂᬓᬶᬦ᭄ᬧᬲᬶ᭠ᬲᬶ᭟ᬲᬓᬶᬂᬓᬮᬾᬃᬲᬶᬓᭂᬧ᭄ᬩᬗ᭄ᬮᬶᬦᬓᭂᬧ᭄ᬤᬾᬰ᭞ᬲᬦᬾᬮᬾᬦ᭄ᬩᬸᬓᬶᬢ᭄ᬚᬢᬶ᭞ᬢᬦ᭄ᬤᬗᬾᬳᬦᬸᬯᬓ᭄᭞ᬦᬸᬳᬸᬓ᭄ᬢ᭄ᬯᬭ᭠
[᭒᭐20A]
ᬚᬗ᭄ᬓᬳᬦ᭄᭞ᬮ᭄ᬯᬶᬃᬩᬦ᭄ᬢᬾᬂᬓᭀᬓᬮᬦ᭄ᬓᬦᬶᬦ᭄᭞ᬢ᭄ᬓᬫᬚᬭᬄ᭞ᬳᬾᬜ᭄ᬘᭀᬂᬦᬸᬳᬸᬦᬂᬧᬤᬶ᭟ᬧᬕ᭄ᬭᬲᬄᬤᬶᬲᬫ᭄ᬧ᭄ᬮᬗᬦ᭄ᬦᬸᬳᬸᬦᬂᬲᬶᬩᬓᬦ᭄᭞ᬮᬾᬦ᭄ᬳᬤᬫᬗᬸᬮᬦ᭄ᬢᬶᬂ᭞ᬗ᭄ᬭᬾᬧᬾᬫᬫᬸᬓᬮ᭄᭞ᬫᬗᬸᬮᬸᬗᬂᬢᭂᬦᬳ᭠
ᬦ᭄᭞ᬢᬸᬫ᭄ᬩᬾᬦ᭄ᬚᬦᬶᬳᬸᬚᬦ᭄ᬧᬤᬶ᭞ᬩ᭄ᬢᬾᬦ᭄ᬫᬲᭀᬕ᭄ᬲᬕ᭄᭞ᬫᬋᬩᬸᬢ᭄ᬲᬶᬮᬶᬄᬳᬫ᭄ᬩᬶᬲ᭄᭟ᬳᬤᬦ᭄ᬕᭂᬦ᭄ᬜᬸᬳᬸᬦ᭄ᬫᬜᬗ᭄ᬓᬶᬮ᭄ᬫᬦᬤ᭄ᬢᬤ᭄᭞ᬦᬗ᭄ᬕᭀᬮᭀᬂᬦᬗ᭄ᬕᬸᬂᬳᬶᬜ᭄ᬚᬶᬦ᭄᭞ᬫᬲᬯᬂᬯᬵᬦᬭ᭞ᬫᬗᬯᬾᬲᬾᬢᬸᬩᬦ᭄ᬤ᭞
ᬗᬚᬂᬩᬢᬸᬧᬶᬮᬄᬕᬶᬢ᭄ᬕᬶᬢ᭄᭞ᬫᬲ᭄ᬮᬶᬯᭂᬭᬦ᭄᭞ᬯᬾᬦ᭄ᬢᭂᬦ᭄ᬲᬶᬮᬶᬄᬢᬶᬫ᭄ᬩᬮᬶᬦ᭄᭟ᬳᬓᬾᬄᬤᬾᬰᬧᬥᬲᬵᬫ᭄ᬧᬸᬦ᭄ᬓᬕᬤᬾᬦᬦ᭄᭞ᬢᭀᬂᬳᬤᬩᬦᬶᬫᬸᬫᬶᬓ᭄᭞ᬫᬯᬲ᭄ᬧᬫ᭄ᬧᬢᬦ᭄᭞ᬭᬶᬂᬲᬶᬤᬦ᭄ᬧᬢ᭄ᬮᬸᬯᬦ᭄᭞ᬧ
ᬕᭂᬲᬗᬦ᭄ᬩᬸᬓᬶᬢ᭄ᬚᬗ᭄ᬓ᭄ᬭᬶᬓ᭄᭞ᬤᬾᬰᬲᬫ᭄ᬧ᭄ᬮᬗᬦ᭄᭞ᬩᬸᬓᬶᬢ᭄ᬩᬢᬸᬢᬫ᭄ᬧᬶ᭟ᬩ᭄ᬮᬄᬧᬦᬾᬩᬸᬓᬶ᭠ᬢ᭄ᬘᬾᬮᬾᬂᬤᬸᬓᬸᬄᬲ᭄ᬮᬢ᭄᭞ᬲᬫᬶᬢᬶᬩᬓᬩᬗ᭄ᬮᬶ᭞ᬫᬸᬲᬸᬄᬓᬮᬶᬮᬶᬭᬦ᭄᭞ᬓᭀᬂᬳᬤᬓᬧᬶᬢᬺᬱ᭄ᬡᬵᬦ᭄᭞
Kaca:Bali-lontar-gaguritan-rereg-gianyar-300ppi.pdf/20
Kaca puniki sampun kauji-wacén
