[᭑᭗17B]
᭑᭗
ᬳᬸᬄᬭᬶᬂᬩᬜ᭄ᬘᬶᬗᬄ᭞ᬓᬗᭂᬦ᭄ᬲᬓ᭄ᬯᬳᬶᬂᬦᬶᬗ᭄ᬳᬮᬶᬦ᭄᭞ᬳᬓᬾᬄᬬᬦ᭄ᬯᬸᬯᬸᬲᬦ᭄ᬫᬗ᭄ᬓᭀ᭞ᬢᬶᬗ᭄ᬓᬄᬳᬦᬓᬾᬧᬓ᭄ᬭᬶᬫᬶᬓ᭄᭞ᬧᬥᬫᬭᬱᬲᭂᬤᬶᬄ᭞ᬓᬗᭂᬦ᭄ᬭᬶᬂᬳᬦᬓᬾᬳᬕᬸᬂ᭞ᬩᬬᬓᬬᬕᬸᬫᬕ᭞ᬯ᭄ᬬᬓ᭄ᬢᬶᬢᬦ᭄ᬢᬺ
ᬱ᭄ᬡᬭᬶᬂᬳᬸᬭᬶᬧ᭄᭞ᬬᬤ᭄ᬬᬦᬼᬩᬸᬄ᭞ᬮᬮᬶᬢ᭄ᬓᬾᬦ᭄ᬧ᭄ᬬᬦᬓ᭄ᬲᭀᬫᬄ᭟ᬢᬸᬫᬸᬮᬶᬭᬭᬶᬲ᭄ᬫᬫᬃᬵᬕ᭄ᬕ᭞ᬫᬳᬶᬭᬶᬗᬦ᭄ᬧᬭᬳᬶᬲ᭄ᬢ᭄ᬭᬶ᭞ᬫᬧᬦ᭄ᬯᬤᬾᬲᬓ᭄ᬕᭂᬤᭀᬂ᭞ᬳᬦᬓ᭄ᬢᬾᬢᬾᬄᬳᬍᬧ᭄ᬭᬶᬭᬶᬄ᭞ᬗᬸᬦ᭄ᬗᬸᬦ᭄ᬲᭂᬩᭂᬗᬾᬲᭂᬤᬶᬄ᭞ᬫᬦ᭄ᬢᭂ
ᬕ᭄ᬢᬗ᭄ᬓᬄᬫᬓ᭄ᬭᬸᬕ᭄᭞ᬗᭂᬚᭀᬢᬂᬓᬾᬦ᭄ᬢᬶᬫ᭄ᬧᬮ᭄᭞ᬤᬤᬫᬲᬳᬸᬭᬦ᭄ᬕ᭄ᬮᬶᬂ᭞ᬲᭂᬕᬸᬲᭂᬕᬸ᭞ᬫᬘᬧ᭄ᬘᬧ᭄ᬳᬸᬚᬦ᭄ᬬᬾᬄᬫᬢ᭟ᬫᬕᬸᬍᬫ᭄ᬲᭂᬫᬶᬗᬸᬭᬫ᭄ᬩ᭄ᬬᬄ᭞ᬫᬢᬝᬶᬢ᭄ᬓᬾᬤᬾᬧᬦ᭄ᬕᬶᬕᬶ᭞ᬫᬕᬺᬄᬳᬦ᭄ᬢᬸᬓ᭄ᬲᬲᬫ᭄ᬩᬢᬦ᭄᭞ᬧ
ᬚᬮᬦᬾᬗᬦ᭄ᬢᬶᬳᬦ᭄ᬢᬶ᭞ᬍᬜ᭄ᬚᭀᬍᬜ᭄ᬚᭀᬫᬦᭀᬮᬶᬄ᭞ᬢᬬᬸᬗᬦᬾᬍᬫᭂᬢ᭄ᬫᬍᬗ᭄ᬓᬸᬂ᭞ᬮᬳᬸᬢ᭄ᬫᬤᬦ᭄ᬤᬦ᭄ᬮᬶᬫ᭞ᬯᬯᬸᬗᬫ᭄ᬦᬾᬓᬂᬓᬗᬶᬦ᭄᭞ᬫᬶᬭᬶᬩ᭄ᬕᬫ᭄ᬩᬸᬄ᭞ᬮᬮᬓᭀᬦ᭄ᬯᭂᬤᬭᬶᬲ᭄ᬫᬭ᭟ᬯᬯᬸᬭᬳᬸᬄᬭᬶᬂᬓᭂᬫ᭄ᬩᭂᬗᬦ᭄᭞
[᭑᭘18A]
ᬳᬶᬤᬳᬦᬓᬾᬳᬕᬸᬂᬫᬗ᭄ᬕᬶᬲ᭄᭞ᬚᬕ᭄ᬭᬳᬸᬄᬳᬶᬤᬾᬯᬧᭀᬧᭀᬢ᭄᭞ᬫᬫᬸᬘᬸᬓᬶᬦ᭄ᬲᬶᬓᭂᬧ᭄ᬩᬗ᭄ᬮᬶ᭞ᬭᬳᬸᬄᬭᬶᬂᬤᬗᬶᬦ᭄ᬘᬗ᭄ᬓᬶᬃ᭞ᬢᬦ᭄ᬤᬗᬾᬢ᭄ᬓᬫᬦᬸᬳᬸᬢ᭄᭞ᬚᬶᬂᬚᬶᬫ᭄ᬩᬭᬾᬫᬗᬫ᭄ᬩ᭄ᬬᬃ᭞ᬲᬳᬲᬭᬭᬶᬲ᭄ᬫᬫ᭄ᬥᬶᬮ᭄᭞ᬓᬸᬫᬭᬸᬤᬸᬕ᭄᭞
ᬲᬯᬂᬕᬮᬕᬄᬓᬢᬸᬦ᭄ᬯᬦ᭄᭟ᬳᬩ᭄ᬬᬦ᭄ᬩᬲᬾᬓᬩᬜ᭄ᬘᬭᬦ᭄᭞ᬓᬢᬶᬕᬓ᭄ᬦᬶᬓᬩ᭄ᬥᬶᬮ᭄᭞ᬭᬭᬶᬲ᭄ᬩᬸᬤ᭠ᬮ᭄ᬫᬕᭀᬲᭀᬗᬦ᭄᭞ᬫᬗ᭄ᬭᬭᬶᬲ᭄ᬧᬥᭂᬲᬶᬓᬶ᭞ᬓᬦ᭄ᬢᬸᬦᬼᬍᬄᬓᬓᬵᬮᬶᬄ᭞ᬫᬕᬦ᭄ᬤᭀᬂᬫᬗ᭄ᬭᬭᬶᬲ᭄ᬫᬦ᭄ᬢᬸᬓ᭄᭞ᬲᬶ᭠
ᬓᭂᬧᬾᬓᬳᬦ᭄ᬤᭂᬕᬂ᭞ᬭᬶᬂᬲᬫ᭄ᬧ᭄ᬮᬗᬦ᭄ᬓᬓᬸᬓᬸᬳᬶᬦ᭄᭞ᬫᬗᬸᬦ᭄ᬘᬸᬓ᭄ᬘᬸᬓ᭄᭞ᬫ᭄ᬕᬢᬶᬦ᭄ᬢᬶᬢᬶᬩᬮᬸᬂᬩᬂ᭟ᬢᬸᬚᬸ᭠ᬳᬤᬳᬶᬘ᭄ᬙᬦ᭄ᬤᬾᬯ᭞ᬭᬶᬂᬳᬦᬓᬾᬳᬕᬸᬂᬫᬗ᭄ᬕᬶᬲ᭄᭞ᬬᬦ᭄ᬓᬲᬾᬧ᭄ᬫᬮᬶᬄᬳᬓᬶᬚᬧ᭄᭞ᬤᬾᬯᬢᬳᬶᬤᬭᬶᬂᬫᬃᬵᬕ᭄ᬕᬶ᭞ᬓ
ᬢᬸᬚᬸᬮᬶᬯᬢ᭄ᬓᬗᬶᬦ᭄᭞ᬲᬾᬩᭂᬢ᭄ᬳᬸᬢᬸᬲᬦ᭄ᬓ᭄ᬮᬸᬂᬓᬸᬂ᭞ᬜᬕ᭄ᬚᬕ᭄ᬮᬳᬸᬢ᭄ᬗᬦ᭄ᬤᭂᬕᬂ᭞ᬗᭂᬩᬢᬂᬮᬶᬫ᭞ᬫᬯᬗ᭄ᬲᬶᬢ᭄᭞ᬓᬳᬸᬓ᭄ᬓᬳᬸᬓ᭄᭞ᬭᬭᬶᬲ᭄ᬧᬥᬫᬚᬦᭂᬗᬦ᭄᭟ᬭᬳᬸᬄᬭᬶᬂᬩᬜ᭄ᬚᬭᬗ᭄ᬓᬦ᭄᭞ᬭᬶᬂᬕ᭄ᬬᬜᬃᬓᬳᬸᬘ᭠
Kaca:Bali-lontar-gaguritan-rereg-gianyar-300ppi.pdf/18
Kaca puniki sampun kauji-wacén
