[᭑᭔᭑141B]
ᬳ᭄ᬤᬚ᭄ᬭᭀᬢᬦ᭄ᬫᬫᭂᬲ᭄ᬯᬶᬦ᭄᭞ᬧᬦ᭄ᬢ᭄ᬯᬭᬢᬯᬂ᭞ᬳᬦᬓ᭄ᬫᬜᬫᬕᬸᬲ᭄ᬢᬶ᭟ᬕ᭄ᬥᬾᬩᭂᬲᬓᬶᬄᬕ᭄ᬥᬾᬦᬸᬩᬋᬂᬚᬸᬫᬄ᭞ᬦ᭄ᬗᬶᬂᬚᬦᬶᬢᬸᬦ᭄ᬤᬾᬦᬂᬕᬢᬶ᭞ᬫᬦᭂᬕᬓᬶᬦ᭄ᬚᬭᬦ᭄᭞ᬓᬕᬸᬦᬸᬂᬫᬗᬾᬗ᭄ᬕᬮᬂ᭞ᬗᭂᬤᭂᬂᬲᬶᬓᭂᬧ᭄ᬳᬧᬂᬕᬢᬶ᭞ᬩᬦ᭄ᬢᬂᬤᬳᬸᬲ
᭞ᬩᬦ᭄ᬢᬂᬤᬦᬸᬢ᭄ᬓᬚᬦᬶ᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬧᬗ᭄ᬭᬳᭀᬲᬾᬦ᭄ᬳᭂᬃᬫᬫᬃᬵᬕ᭄ᬕ᭞ᬗᬾᬮᬶᬗᬶᬦ᭄ᬳᭂᬫ᭄ᬧᭀᬦ᭄ᬲᬫᬶ᭞ᬓᬸᬮ᭄ᬓᬸᬮ᭄ᬓᬵᬭᬶᬕᬫ᭄ᬧᬂ᭞ᬳᬶᬕᭂᬚᭂᬦ᭄ᬢᬦ᭄ᬧᬧ᭄ᬕᬢ᭄᭞ᬢᬦ᭄ᬓᭀᬘᬧ᭄ᬧᬸᬦᬶᬓᬫᬗ᭄ᬓᬶᬦ᭄᭞ᬤ᭄ᬯᬲᬧᭂᬃᬓᭀᬘᬧ᭄᭞ᬦ᭠
ᬧᬓ᭄ᬭᬶᬂᬲᬶᬤᬦ᭄ᬫᬗ᭄ᬓᬶᬦ᭄᭟ᬤᬾᬯᬧᭀᬕᭀᬢ᭄ᬲᬵᬫ᭄ᬧᬸᬦ᭄ᬫᬘᬸᬦ᭄ᬤᬸᬓ᭄ᬭᬶᬂᬫᬃᬵᬕ᭄ᬕ᭞ᬫᬗ᭄ᬭᬳᭀᬲ᭄ᬫᬤᬸᬫ᭄ᬧᬶ᭠ᬮᬶᬄ᭞ᬧᬸᬧᬸᬢ᭄ᬧᬯᬶᬮᬗᬦ᭄᭞ᬧᬵᬗ᭄ᬓᬢᬾᬤ᭄ᬯᬂᬳᭀᬭᭀᬗᬦ᭄᭞ᬩᬸᬓᬶᬢ᭄ᬚᬗ᭄ᬓ᭄ᬭᬶᬓᬾᬕᬸᬗ᭄ᬕᬸᬳᬶᬦ᭄᭞ᬫᬶᬯᬄᬲ
ᬫ᭄ᬧ᭄ᬮᬗᬦ᭄᭞ᬲᬵᬫ᭄ᬧᬸᬦ᭄ᬧ᭄ᬭᬗᬭᬓᬶᬢ᭄᭟ᬢᬸᬫᬭᬸᬢᬸᬕ᭄ᬲ᭄ᬯᬭᬦ᭄ᬩᭂᬤᬶᬮᬾᬢᬦ᭄ᬢᬸᬦ᭞ᬬᬢ᭄ᬦᬲᬂᬫᬤᬺᬯᬾᬕᬸᬫᬶ᭞ᬳᬫᬳᭀᬯᬕᬬᬸᬤ᭄ᬥ᭞ᬳᬧ᭄ᬭᬂᬳᭀᬘᬓᭀᬘᬓᬦ᭄᭞ᬮ᭄ᬯᬶᬃᬕ᭄ᬮᬧ᭄ᬲ᭄ᬯᬭᬦᬶᬂᬩ᭄ᬥᬶᬮ᭄᭞ᬫᬶᬫᬶᬲ᭄ᬮ᭄ᬯᬶᬃᬳᬸᬚᬦ᭄᭞
[᭑᭔᭒142A]
ᬲᬹᬃᬬ᭄ᬬᬓᬯᬦ᭄ᬢᬶᬯᬦ᭄ᬢᬶ᭟ᬲᬶᬦᬳᬸᬭᬦ᭄ᬤᬾᬦᬶᬂᬲ᭄ᬯᬭᬦ᭄ᬢᬢᬩᬸᬳᬦ᭄᭞ᬢᬦ᭄ᬩᬶᬦᬭᭀᬩᬶᬂᬚ᭄ᬮᬤᬶ᭞ᬮ᭄ᬯᬶᬃᬗᬢ᭄ᬕᬢ᭄ᬲᬂᬯᬶᬭ᭞ᬳᬧ᭄ᬢᬶᬳᬳᭀᬧᬓᬬᬾᬂᬢ᭄ᬯᬦ᭄᭞ᬮᬷᬮᬓᬢ᭄ᬫᬸᬚᬸᬭᬶᬢ᭄᭞ᬭᬫᬾᬢᬂᬬᬸᬤ᭄ᬥ᭞ᬲ᭄ᬯᬾᬢᬦ᭄ᬤᬶᬂᬓᬯᬦᬶᬦ᭄᭟ᬕᬸᬮᬸᬂᬕᬶᬦᬸᬮᬸᬂᬧ
ᬫᬹᬓᬾᬧᬥᬮᬕᬯ᭞ᬓᬤᬶᬢᬦ᭄ᬢᬺᬱ᭄ᬡᬵᬭᬶᬂᬳᬸᬭᬶᬧ᭄᭞ᬲᬶᬳᬦᬶᬂᬳᬢᬸᬳᬦ᭄᭞ᬓ᭄ᬭᬡᬳᬗᭂᬦ᭄ᬢᬳᬲ᭞ᬢᬦ᭄ᬤᬗᬾᬓᬤᬸᬫᬸᬓ᭄ᬢᬗ᭄ᬓᬶᬲ᭄᭞ᬗᭂᬚᭂᬭᬂᬢᬸᬫ᭄ᬩᬓ᭄᭞ᬲᬸᬤᬸᬓ᭄ᬲᬶᬦᬸᬤᬸᬓ᭄ᬲᬶᬲᬶᬄᬓ᭄ᬭᬶᬲ᭄᭟ᬫᬓᬾᬘᬾᬓᬦ᭄ᬗᬗ᭄ᬓᬾ
ᬦᬾᬢᬦ᭄ᬓᭂᬦᬯᬶᬦᬶᬮᬂ᭞ᬯᭀᬂᬲᬶᬤᬦ᭄ᬲ᭄ᬭᬶᬂᬓᬕᬶᬗ᭄ᬲᬶᬭ᭄᭞ᬲᬫ᭄ᬢᭀᬦᬦ᭄ᬲᬶᬤᬦ᭄᭞ᬢᬸᬫᬦ᭄ᬤᬂᬫᬗᬫᬹᬓᬂ᭞ᬤᬾᬯᬩᬸᬦᬸᬢ᭄ᬫᬜᬦ᭄ᬤᬶᬂ᭞ᬤᬤᬶᬳᬧᬧᬕ᭄᭞ᬳᬶᬤᬳᬸᬄᬫ᭄ᬓᭂᬮ᭄ᬩᬸᬓᬶᬢ᭄ᬚᬗ᭄ᬓ᭄ᬭᬶᬓ᭄᭟ᬓᬩᬶᬦᬯᬧᬸᬦ᭄ᬤᬳᬸᬄᬮ᭄ᬯᬶᬃᬩ᭄ᬯ᭠
ᬬᬜᭂᬩᬓ᭄᭞ᬗᬤᬂᬧᬶᬗ᭄ᬕᬶᬭᬶᬂᬯᬭᬶᬄ᭞ᬫᬸᬮᬚᬸᬭᬸᬬᬸᬤ᭄ᬥ᭞ᬳᬶᬫᬥᬾᬧᬲᭂᬓ᭄ᬓᬸᬦ᭞ᬳᬲᬶᬂᬢ᭄ᬓᬤᬓ᭄ᬪᬶᬦᬸᬓ᭄ᬢᬶ᭞ᬤᬤᬶᬓᬢᬶᬗ᭄ᬳᬮ᭄᭞ᬫ᭄ᬓᭂᬮ᭄ᬩᬸᬓᬶᬢ᭄ᬩᬢᬸᬦᬫ᭄ᬧᬶᬄ᭟ᬭᬫᬾᬢᬂᬧ᭄ᬭᬂᬲ᭄ᬯᬾᬳᬘᬓᬘᬓᬦ᭄᭞ᬲᬮᬶᬂᬤᭂᬤᭂᬲᬧ᭄ᬭᬗᬭᬓᬶ
Kaca:Bali-lontar-gaguritan-rereg-gianyar-300ppi.pdf/142
Kaca puniki sampun kauji-wacén
