Kaca:Bali-lontar-gaguritan-rereg-gianyar-300ppi.pdf/141

Saking Wikisource
Kaca puniki sampun kauji-wacén

[᭑᭔᭐140B]
᭑᭔᭐
ᬭᬶᬂᬩᬮᬾᬢ᭄ᬕᭂᬄᬫᬮᬶᬗ᭄ᬕᬶᬄ᭞ᬭᬓᬭᬳᬶᬲᬫ᭄ᬬᬦ᭄᭞ᬫᬭᬬ᭄ᬯᬦ᭄ᬤᬶᬩᬜ᭄ᬘᬶᬗᬄ᭞ᬓᬤᬶᬜᬯᬦᬾᬗᬩᬩᬶᬦ᭄᭞ᬫᬫᬶᬓᬸᬮ᭄ᬢᬸᬫ᭄ᬩᬓ᭄᭞ᬮᬾᬦ᭄ᬳᬤᬦᬶᬓᬸᬮ᭄ᬩᭂᬤᬶᬮ᭄᭟ᬳᬤᬢ᭄ᬓᬩ᭄ᬯᬶᬦ᭄ᬕᭂᬲᬄᬫᬗᬢᬸᬭᬂᬓᭀᬘᬧ᭄ᬢᬶᬢᬶᬦᬾᬓᬗᬶ
ᬦ᭄᭞ᬲᬵᬫ᭄ᬧᬸᬦ᭄ᬓᬩᬜ᭄ᬘᬸᬢᬦ᭄᭞ᬳᬦᬓᬾᬳᬕᬸᬂᬩᭂᬮ᭄ᬩᭂᬮᬦ᭄᭞ᬤᬾᬯᬫᬥᬾᬭᬓᬫᬓᬵᬤᬶ᭞ᬫᬸᬮᬧ᭄ᬭᬯᬶᬭ᭞ᬪᬷᬫᬦ᭄ᬩᬗ᭄ᬮᬶᬧᬸᬦᬶᬓᬶ᭟ᬤᬾᬯᬕ᭄ᬥᬾᬧᬸᬢᬸᬤᬾᬯᬕ᭄ᬥᬾᬭᬳᬶᬚ᭄ᬭᭀᬓᬯᬸᬯᬸᬲ᭞ᬮᬦ᭄ᬤᬾᬯᬕ᭄ᬥᬾᬩᭂᬲᬓᬶᬄ᭞
ᬳᬶᬤᬾᬯᬕ᭄ᬥᬾᬳᬦᭀᬫ᭄᭞ᬤᬾᬯᬦᬓ᭄ᬱᬚ᭄ᬭᭀᬓ᭄ᬮᭀᬤᬦ᭄᭞ᬫᬜ᭄ᬘᬧᬶᬗᬋᬧ᭄ᬭᬶᬂᬩᬗ᭄ᬮᬶ᭞ᬤᬾᬯᬓᬗᬶᬦᬦ᭄᭞ᬫᬗ᭄ᬭᬳᭀᬲ᭄ᬫᬤᬸᬫ᭄ᬧᬶᬮᬶᬄ᭟ᬤᬾᬯᬕ᭄ᬥᬾᬧᬚ᭄ᬦᭂᬗᬦ᭄‌ᬤᬸᬓ᭄ᬧᬸᬦᬶᬓᬲᬵᬫ᭄ᬧᬸᬦ᭄ᬤᬾᬯᬢ᭞ᬤ᭄ᬯᬲᬧᭂᬃᬧ᭄ᬭᬓᬗ᭄ᬕᬾ
ᬩᬗ᭄ᬮᬶ᭞ᬫᬵᬢᬹᬃᬩ᭄ᬭᬗᬲᬦ᭄᭞ᬳᬶᬲᬧᭂᬃᬫᬗ᭄ᬓᬶᬦ᭄ᬳᬤ᭄ᬯᬂ᭞ᬓᬳᭀᬦ᭄ᬳᬦ᭄ᬢᬸᬓ᭄ᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬜᬦ᭄ᬤᬂᬤᬩ᭄ᬤᬩᬂ᭞ᬳᬓᬾᬄᬬᬦ᭄ᬧᬶᬦᭂᬳᬶᬦ᭄᭟ᬧ᭄ᬭᬩ᭄ᬓᭂᬮ᭄ᬕ᭄ᬬᬜᬃᬲᬫᬶᬲᬵᬫ᭄ᬧᬸᬦ᭄ᬩᭀᬗ᭄ᬓᭀᬲ᭄ᬢᬶᬢ᭄ᬬᬂ᭞ᬩᭀᬬᬲ᭄ᬥᭂᬂᬓᭀᬩᭂᬢᬂᬫᬮᬶᬄ᭞ᬚ
[᭑᭔᭑141A]
ᬕ᭄ᬢᬸᬯᬸᬓ᭄ᬲᬧᬶᬲᬦ᭄᭞ᬕ᭄ᬮᬶᬲᬦ᭄‌ᬲᬼᬗᬕᬦ᭄᭞ᬳᬦᬓᬾᬳᬕᬸᬂᬜᬳᬸᬭᬶᬦ᭄᭞ᬤᬸᬫᬤᬓ᭄ᬲᬶᬤ᭄ᬥ᭞ᬮᬯᬸᬢᬂᬫᬚᬮᬦ᭄ᬚᬦᬶ᭟ᬫᬥᬾᬭᬓᬫᬥᬾᬜᭂᬲᭂᬄᬳᬸᬮᬶᬓᬚ᭞ᬳᬧ᭄ᬯᬦᬾᬢ᭄ᬓᬓᬸᬓᬸᬳᬶᬦ᭄᭞ᬳᬯᬸᬕ᭄ᬫᬗᬯᬦᬂ᭞ᬳᬫᬹ
ᬓ᭄ᬲᬲᬶᬤ᭄ᬥᬲᬶᬤ᭄ᬥᬳᬦ᭄᭞ᬲᬳᬶᬗᬦ᭄ᬲᭀᬫᬳᬾᬳᬸᬗ᭄ᬲᬶ᭞ᬢᬶᬢ᭄ᬬᬂᬲᬦ᭄ᬤᬶᬓᬦ᭄᭞ᬩᬾᬜ᭄ᬚᬂᬭᬯᬸᬄ᭠ᬓᬳᬂᬓ᭄ᬮᬶᬂ᭟ᬫᬮᬶᬄᬓᬵᬮᬶᬄᬤᬶᬦᬢᬶᬢ᭄ᬬᬂᬫᬦᬢᬤ᭄ᬲᭀᬫᬄ᭞ᬳᬦᬓ᭄ᬳᬕᬸᬂᬓᭀᬃᬤᬜᬳᬸᬭᬶᬦ᭄᭞ᬢᭀᬧᬶ᭠
ᬲᬤ᭄ᬬᬧᬶᬲᬦ᭄᭞ᬮᬳᬸᬢᬂᬫᬚᬮᬦ᭄᭞ᬩ᭄ᬮᬶᬗᭂᬦᭂᬳᬶᬦ᭄ᬳᬦᬾᬓᬗᬶᬦ᭄᭞ᬦᬾᬤᬶᬜᬗ᭄ᬕᭂᬮᬦ᭄᭞ᬢᬶᬢᬶᬦᬾᬫᬧᬶᬜ᭄ᬘᬢᬶᬦ᭄᭟ᬧᬓᬬᬸᬦ᭄ᬳᬶᬤ᭄ᬯᬕᬸᬂᬢ᭄ᬯᬭᬓ᭄ᬦᬩᬦ᭄ᬫᬶᬦᭂᬳᬂ᭞ᬚᬦᬶᬳᬤᬶᬕ᭄ᬥᬾᬭᬳᬶ᭞ᬫᬚᬮᬦ᭄ᬗᬗᬶ
ᬦᬂ᭞ᬤᬶᬢᬸᬓ᭄ᬦᭂᬳᬶᬦ᭄ᬳᬧᬂᬘ᭄ᬮᬂ᭞ᬚᬮ᭄ᬫᬚᬮᬦᬂᬕᬢᬶ᭞ᬫᬗᬮᬶᬄᬳᭀᬃᬢ᭄ᬣ᭞ᬜᬼᬕᬶᬦ᭄ᬓᬓ᭄ᬮᬸᬂᬓᬸᬂᬚᬦᬶ᭟ᬕ᭄ᬥᬾᬳᬦᭀᬫ᭄‌ᬕ᭄ᬥᬾᬧᬸᬢᬸᬕᬢᬶᬫᬚᬮᬦ᭄᭞ᬢ᭄ᬓᭂᬤ᭄ᬤᬶᬩᬸᬓᬶᬢ᭄ᬚᬢᬶ᭞ᬘ᭄ᬦᬶᬂᬘ᭄ᬦᬶᬂᬗᬾᬳᬚᬓ᭄᭞ᬤᬶᬢᬸᬫᬲᬶᬄᬘᬶᬤ᭄ᬤ᭄ᬭᬵᬂ᭞᭠