[᭑᭔᭒142B]
᭑᭔᭑
ᬫᬢᬂᬩᬶᬦᬢᬗᬦ᭄᭞ᬳᬶᬤᬳᬸᬄᬳᬓᬸᬬᭂᬗᬦ᭄᭞ᬓᬤᬶᬘᬓ᭄ᬭᬦᬶᬂᬧᬤᬵᬢᬶ᭞ᬲᬶᬂᬢᭂᬫ᭄ᬧᬸᬄᬋᬩᬄ᭞ᬲᬮᬶᬂ᭠ᬲᭀᬦ᭄ᬤᬸᬮ᭄ᬲᬶᬮᬶᬄᬓ᭄ᬭᬶᬲ᭄᭟ᬭᬶᬦᭂᬩᬸᬢᬦ᭄ᬧᬢᬗ᭄ᬓᭂᬧᬾᬤᬾᬦᬶᬂᬮᬵᬯᬦ᭄᭞ᬲ᭄ᬯᬾᬳᬢᬦ᭄ᬤᬶᬂᬓᬯᬦᬶᬦ᭄᭞ᬯ᭄ᬓᬲᬦ᭄ᬓᬮᬾ
ᬧᬾᬬᬦ᭄᭞ᬧᬢᬸᬮᬸᬗᬾᬓᬤᬢ᭄ᬢᭂᬓ᭞ᬓᬲ᭄ᬯᬾᬦ᭄ᬯᭀᬂᬤᬾᬰᬳᬚ᭄ᬭᬶᬄ᭞ᬫᬦᬶᬗ᭄ᬕᬮ᭄ᬤᬾᬰ᭞ᬭᬭᬸᬤ᭄ᬬᬧᬢᬶᬲᬶᬮᬶ᭟ᬗᬸᬗ᭄ᬲᭂᬗᬶᬗᬫᬹᬓ᭄ᬤᬾᬦᬶᬂᬯᭀᬂᬩᬗ᭄ᬮᬶᬲᬶᬤᬦ᭄᭞ᬢᬸᬫᬸᬮᬶᬓᬢᬸᬜ᭄ᬚᭂᬮᬶᬦ᭄᭞ᬩᬸᬓᬶᬢ᭄ᬚᬗ᭄ᬓ᭄ᬭᬶᬓᬾᬢ᭄ᬮᬲ᭄᭞ᬭᬳᬸ
ᬳᬶᬂᬓᬩᬸᬓᬶᬢ᭄ᬩᬢᬸᬓᬮᬄ᭞ᬧᬸᬳᬸᬦ᭄ᬭᬳᬸᬄᬓᬸᬩᬸᬦ᭄ᬲᬫᬶ᭞ᬫᬕᬦ᭄ᬢᬶᬓᬮᬄ᭞ᬩᬸᬓᬶᬢ᭄ᬩᬢᬸᬩᬸᬓᬶᬢ᭄ᬓᬗ᭄ᬓᬶᬓ᭄᭟ᬕ᭄ᬦᬶᬫᬸᬭᬸᬩ᭄ᬮ᭄ᬯᬶᬃᬕᭂᬲᭃᬗᬦ᭄ᬤᬓᬯᬦ᭞ᬩᬸᬭᭀᬦᬲᬲᬭᬦ᭄ᬚ᭄ᬭᬶᬄ᭞ᬤ᭄ᬯᬲᬧᭂᬃᬗᬫᬹᬓᬂ᭞ᬕᬶᬮᬶᬕᬶᬮᬂᬦᭀᬮᬾᬓ᭄ᬧᬜ᭄ᬚ
ᬓ᭄᭞ᬲᬫ᭄ᬩᬶᬮ᭄ᬤᭂᬓᬄᬳᬸᬗ᭄ᬓᬮᬗ᭄ᬓᬶᬮ᭄᭞ᬢᭀᬦ᭄ᬤᬾᬦ᭄ᬫᬫᬤᬢ᭄᭞ᬲᬫ᭄ᬧ᭄ᬮᬗᬦᬾᬓᬳᬸᬘᬸᬧᬶᬦ᭄᭟ᬤᬤᬶᬳᬧᬧ᭠ᬕ᭄ᬮᬯᬦ᭄ᬤ᭄ᬯᬗᬶᬦ᭄ᬲᬫ᭄ᬧ᭄ᬮᬗᬦ᭄᭞ᬳᬦᬓ᭄ᬕᬜ᭄ᬘᬂᬢᬹᬃᬘᬮᬶᬭᬶᬂ᭞ᬫᬸᬮ᭞ᬫᬘᬦ᭄ᬕ᭄ᬬᬜᬃ᭞ᬢᬫ᭄ᬧᭂᬓ᭄ᬫᬫᬶᬚ᭄ᬭᬂᬢᬸᬫ᭄ᬩᬓ᭄᭞ᬤ᭄ᬯᬲᬧᭂᬂᬓ᭄ᬭᭀ
[᭑᭔᭓143A]
ᬥᬦᬶᬤᬶᬗᬶᬦ᭄ᬩᬗ᭄ᬭᬲ᭄ᬗᬯᬂᬯᬂ᭞ᬩᬕ᭄ᬬᬘᬸᬦ᭄ᬤᬸᬓ᭄ᬳᬶᬩᬸᬦ᭄ᬤᭂᬃ᭟ᬫᬭᬳᬶᬧ᭄ᬯᬦ᭄ᬓᬶᬘ᭄ᬙᬾᬦ᭄ᬲ᭄ᬮᬓᬤᬶᬤᬾᬦ᭄ᬧᬲᬃ᭞ᬚᬦᬶ᭠ᬤᬤᬶᬩᬓᬮᬶᬓ᭄᭞ᬢ᭄ᬯᬭᬗᬾᬤᬍᬫᬂ᭞ᬲᬸᬫ᭄ᬮᬾᬂᬧᬦᬯᬶᬢᬦ᭄᭞ᬤ᭄ᬯᬤᬗᬶᬦ᭄ᬕᭂᬮᬶᬲ᭄ᬜᬳᬸᬭᬶᬦ᭄᭞ᬳᭀᬲᬚᬓᬾᬢᭀ᭞
ᬩᬸᬓᬧᬫᬸᬜᬶᬦ᭄ᬘᬳᬶ᭟ᬲᬓᬾᬂᬳᬧ᭄ᬢᬶᬫᬗ᭄ᬤᬾᬦᬾᬲᬶᬤ᭄ᬥᬓᬳᬶᬘ᭄ᬘᬾᬦ᭄᭞ᬲᬓᬭᬾᬂᬦᬸᬦᬲ᭄ᬧᬲᬶᬮᬶᬄ᭞ᬗ᭠ᬬᬄᬫᭂᬦᬳᬶᬦ᭄ᬚ᭄ᬭᭀ᭞ᬘᬳᬶᬗᬸᬮᬄᬫᬧᭂᬢ᭞ᬓᬳᬶᬲᬸᬫ᭄ᬮᬾᬂᬓᬤᬾᬦ᭄ᬘᬳᬶ᭞ᬲᬯᬶᬭᬾᬄᬳᬶᬤ᭞ᬪᬝᬵᬭᬕ᭄ᬬᬜᬃᬗᬭ᭠
ᬯᬸᬳᬶᬦ᭄᭟ᬓᬧ᭄ᬬᬲᭂᬫ᭄ᬳᬶᬤᬾᬯᬲᬧᭂᬃᬫᬦᬶᬗᭂᬳᬂ᭞ᬚᬦᬶᬚᬮᬦ᭄ᬫᬩᬸᬜ᭄ᬘᬶᬂ᭞ᬓᬜ᭄ᬘᬸᬢᬾᬲᬫ᭄ᬩᬸᬗᬦ᭄᭞ᬕ᭄ᬢᬶᬳᬾᬚᬮᬦ᭄ᬳᬤᬸᬓᬂ᭞ᬫᬓᬳᭀᬭᬸᬧᬓᬳᬲᬶᬄ᭞ᬫᬓᬲᬯᬶᬢ᭄ᬭᬦ᭄᭞ᬫᬫᬋᬓᬦ᭄ᬩᬋᬂᬤᬶᬩᬗ᭄ᬮᬶ᭟ᬢᬸᬫᬸᬮᬶᬗᭂᬢ᭄ᬲᬳᬲᬫ
ᬬᬸᬤ᭄ᬥᬫᬓᬸᬬᭂᬗᬦ᭄᭞ᬓᬗ᭄ᬳᬾᬮᬦ᭄ᬤ᭄ᬯᬲᬧᭂᬃᬦᬢᬓᬶᬦ᭄᭞ᬬᬦ᭄ᬢᬦ᭄ᬤᬾᬯᬲᬶᬤᬦ᭄᭞ᬕ᭄ᬮᬶᬲ᭄ᬦᬫ᭄ᬧᬶᬄᬫᬾᬄᬧ᭄ᬚᬄ᭞ᬓᬤᬤᬾᬧᬾᬂᬫ᭄ᬦᬾᬓ᭄ᬓᬗᬶᬦ᭄᭞ᬬᬲᭂᬗᬮ᭄ᬲᭂᬗᬮ᭄᭞ᬲᬶᬓᭂᬧ᭄ᬕ᭄ᬬᬜᬭᬾᬮᬸᬫᬶᬦ᭄ᬤᬶᬄ᭟ᬮ᭄ᬯᬶᬃᬳᬢᬫ᭄ᬩᬄ
Kaca:Bali-lontar-gaguritan-rereg-gianyar-300ppi.pdf/143
Kaca puniki sampun kauji-wacén
