[᭔᭖ 46 B]
᭔᭖
ᬓᭀᬧᬶ᭞ᬲᬳᬸᬧᬓᬭ᭞ᬳ᭄ᬦᭂᬗᬂᬫᬮᬸᬚᬦᬶ᭟ᬲᬦᬾᬧ᭄ᬢᬂᬦᬵᬕᬭᬚᬦᬶᬳᬸᬘᬧᬂ᭞ᬕᬾᬯᬃᬦᭂᬓᬬᬂᬢᬸᬮᬶᬲ᭄᭞ᬧᬦ᭄ᬓ᭄ᬭᬯᭀᬲ᭄ᬫᬫᬦ᭄ᬤᬮ᭄᭞ᬚᭂᬚᭂᬄᬜᬦᬾᬓᬮᬶᬯᬢ᭄᭞ᬗᭂᬢᭀ
ᬕ᭄ᬧᬜ᭄ᬚᬓ᭄ᬧ᭄ᬭᬚᬦᬶ᭞ᬗᬦ᭄ᬢ᭄ᬬᬂᬫᬚᬮᬦ᭄᭞ᬓᬫᬥᬸᬭᬦᬕᬭᬶ᭟ᬢᬦ᭄ᬘᬭᬶᬢᬢᬶᬗ᭄ᬓᬄᬜᬦᬾᬫᬳᬶᬕᬸᬫᬦ᭄᭞ᬳᬧᬦ᭄ᬫᬫᬶᬲᬦ᭄ᬲᬫᬶ᭞ᬫᬩ᭄ᬭᬶᬬᬸᬓ᭄ᬫᬚᬮᬦ᭄᭞ᬧᬥᬫᬕᬕᬗ᭄ᬲᬭ
ᬦ᭄᭞ᬲᬸᬩᬭᬯᬸᬄᬤᬶᬧᬲᬶᬲᬶ᭞ᬦᭂᬕᬓᬶᬦ᭄ᬓᬨᬮ᭄᭞ᬫᬥᬸᬭᬦᬾᬓᬳᬸᬗ᭄ᬲᬶ᭟ᬳ᭄ᬦᭂᬗᬓ᭄ᬦᬵᬢᬶᬗ᭄ᬓᬄᬜᬦᬾᬫᬮᬬᬃ᭞ᬭᬚᬾᬂᬳ᭄ᬲ᭄ᬫᬭᬵᬧᬸᬭᬶ᭞ᬫ᭄ᬯᬂᬓᬺᬢ᭄ᬢᬦᬵᬕᬭ᭞ᬯᬸᬲ᭄ᬭᬯᬸᬄᬭᬶᬂᬫᬥᬸᬭ
᭞ᬕᭀᬗ᭄ᬲᭀᬃᬫᬗ᭄ᬭᬭᬶᬲ᭄ᬓᬧᬸᬭᬶ᭞ᬓᬧᬲᬗ᭄ᬕ᭄ᬭᬳᬦ᭄᭞ᬲᬸᬩᬧᬥᬫᬗ᭄ᬭᬜ᭄ᬚᬶᬂ᭟ᬫᬕᬺᬤᭂᬕᬦ᭄ᬫᬗ᭄ᬭᬭᬶᬲ᭄ᬓᬓᬦ᭄ᬬᬵᬪᬯ᭞ᬭᬚᬾᬂᬫᬥᬸᬭᬗᬶᬭᬶᬂ᭞ᬢᬸᬥᬾᬅ᭄ᬫᬓᬤᬤ᭄ᬯ᭞ᬦᬓᬕᬸᬂᬩ᭄ᬬᬂ
[᭔᭗ 47 A]
ᬕᬾᬯᬃ᭞ᬦ᭄ᬳᬯᬸᬳᬂᬗᬮᬶᬄᬧᬶᬲᬮᬶᬦ᭄᭞ᬓᬮᬶᬄᬦᬩ᭄ᬤᬩᬂ᭞ᬲᬲᬗᬦᬦ᭄ᬮᬦ᭄ᬓᭀᬧᬶ᭟ᬦ᭄ᬤᬦ᭄ᬲᬂᬓᬮᬶᬄᬲᬫ᭄ᬧᬸᬦᬸᬲᬦ᭄ᬫᬲᬮᬶᬦ᭄᭞ᬭᬶᬂᬳᬫ᭄ᬩᬾᬦᬾᬫᬮᬶᬗ᭄ᬕᬶᬄ᭞ᬓᬢᬸᬭᬦ᭄ᬗᬯᬾᬦᬥᬂ᭞ᬲᬫ᭄ᬩᬶ
ᬮᬂᬫᬕᬸᬦᬶᬢ᭞ᬢᬸᬥᬾᬅ᭄ᬳᭀᬓᬵᬢᬸᬥᬾᬅ᭄ᬭᬳᬶ᭞ᬭᬚᬾᬂᬫᬥᬸᬭ᭞ᬫᭂᬧᭂᬲ᭄ᬫᬳ᭠ᬢᬸᬃᬳᬭᬶᬲ᭄᭟ᬲᬦᬾᬯᬳᬸᬯᬾᬦ᭄ᬢᭂᬦ᭄ᬭᬯᬸᬄᬤᬤᬯᬸᬳᬦ᭄᭞ᬓᬦ᭄ᬤᭂᬕ᭄ᬧᬘᬂᬫᬗᬶᬭᬶᬂ᭞ᬩ᭄ᬮᬶᬳᬶ
ᬭᬶᬂᬢᬶᬢ᭄ᬬᬂ᭞ᬢᬦ᭄ᬯᬾᬦ᭄ᬢᭂᬦ᭄ᬓᬶᬘ᭄ᬘᬾᬦ᭄ᬮᬸᬗ᭄ᬳᬵ᭞ᬢᬸᬥᬾᬅ᭄ᬳᭀᬓᬢᬸᬥᬾᬅ᭄ᬭᬳᬶ᭞ᬫᬢᬸᬃᬫᬜᬸᬫ᭄ᬩᬄ᭞ᬦ᭄ᬤᬸᬮᬸᬭᬶᬦ᭄ᬭᬸᬫᬫᬦᬶᬲ᭄᭟ᬧᬢᬸᬢ᭄ᬳᬚᬶᬅ᭄ᬢᬦ᭄ᬯᬾᬦ᭄ᬢᭂᬦ᭄ᬜᬦ᭄ᬤᬂᬓᭀᬩᭂᬢᬂ᭞ᬳᬶ
ᬤᬲᬂᬯᬶᬭᬓᬮᬶᬄ᭞ᬢᬦ᭄ᬓᬸᬭᬗᬦ᭄ᬩᬮ᭞ᬳᬶᬭᬶᬓᬭᬶᬂᬕᬶᬮᬶᬫᬲ᭄᭞ᬦᬶᬗ᭄ᬓᭂᬩᬶᬜ᭄ᬚᬕᬫᬗᬶᬭᬶᬂ᭞ᬭᬚᬾᬂᬳᬲ᭄ᬫᬭ᭞ᬧᬸᬭᬗᬦ᭄ᬤᬶᬓᬳᬭᬶᬲ᭄᭟ᬬᬧᬶᬢ᭄ᬯᬶᬢᬬᬳᬧᬩᬜᬢ᭄ᬯ᭞ᬳᭂ
Kaca:Bali-lontar-gaguritan-ratmaja-300ppi.pdf/47
Kaca puniki sampun kauji-wacén
