Kaca:Bali-lontar-gaguritan-ratmaja-300ppi.pdf/48

Saking Wikisource
Kaca puniki sampun kauji-wacén

[᭔᭗ 47 B]
᭔᭗
ᬗ᭄ᬓᬾᬦ᭄ᬘᬶᬭᬶᬦᬾᬩ᭄ᬘᬸᬶᬓᬸᬶ᭄‌ᬤᬓ᭄ᬢᬶ᭞ᬗᬮᬸᬫ᭄ᬩᬃᬕᬸᬲ᭄ᬢᬶᬩᬚᬂ᭞ᬗᭂᬦ᭄ᬤᭀᬦᬶᬦ᭄‌ᬦᬾᬤᬸᬃᬕᬫ᭞ᬲᬶᬭᬚᬾᬂᬓᬺᬢ᭄ᬢᬦᬵᬕᬭᬶ᭞ᬓ᭄ᬜᭂᬫ᭄ᬗᬦ᭄ᬤᬶᬓ᭞ᬳᬮᬸᬲ᭄ᬢᬩᬸᬳᬾᬫᬦᬶᬲ᭄᭟ᬦᬄᬢᬸᬗ᭄ᬓᬲᬂᬢ᭄ᬓᬾᬦᬶᬂᬳᬶᬳᬸ
ᬢᬸᬲᬦ᭄᭞ᬲᬫᬗ᭄ᬤᬾᬧᬬᬸᬗᬶᬭᬶᬂ᭞ᬲᬶᬂᬳᬤᬧᬢᬸᬢ᭞ᬩᬜᬦᬾᬢ᭄ᬯᬚᬸᬫᬄᬭᬚᬾᬂᬫᬥᬸᬭᬦᭀᬮᬶᬄ᭞ᬳᬢᬸᬥᬾᬅ᭄‌ᬳᭀᬓ᭞ᬢᬸᬥᬾᬅ᭄‌ᬭᬳᬶᬓᬋᬧᬶᬦ᭄᭟ᬓ᭄ᬫᬚᬦᬶᬓᬢ
ᬫᬦ᭄ᬫᬲᬶᬄᬢᬸᬗ᭄ᬓᬲᬂ᭞ᬲᬫᬗ᭄ᬤᬾᬦ᭄ᬳᬚᬶᬓ᭄ᬗᬶᬭᬶᬂ᭞ᬧᬬᬸᬚᬓ᭄ᬫᬓ᭄ᬚᬂ᭞ᬲᬂᬓᬮᬶᬄᬫᭂᬧᭂᬲ᭄ᬜᬸᬫ᭄ᬩᬄ᭞ᬫᬘ᭄ᬩᬸᬃᬮᬳᬸᬢ᭄ᬫᬫᬃᬕ᭄ᬕᬶ᭞ᬢ᭄ᬓᭂᬤ᭄ᬤᬶᬚᬩ᭞ᬓ᭄ᬜᭂᬫ᭄ᬗᬦ᭄ᬤᬶᬓᬳᬭᬶᬲ᭄᭟ᬓ᭄ᬭᬾᬣᬦᬾᬧᭂᬲ᭄ᬯᬂᬚᬮᬦ᭄ᬓᬢᬫᬦ᭄᭞᭠
ᬲᬸᬩᬓᬳᬢᬸᬃᬕ᭄ᬮᬶᬲ᭄᭞ᬫᬦᬸᬗ᭄ᬕᬗᬶᬂᬓ᭄ᬭᬾᬣ᭞ᬗᭂᬲᭂᬃᬜᬸᬚᬸᬃᬓᬢᬫᬦ᭄᭞ᬧᬋᬓᬦ᭄‌ᬮ᭄ᬬᬸᬫᬗᬶᬭᬶᬂ᭞ᬲᬓ᭄ᬱᬡᬦᬧᬓ᭄᭞ᬲᬸᬩᬤᬶᬢᬫᬦ᭄ᬲᬭᬶ᭟ᬧᬢᬶᬄᬭᬣᬢᬗ᭄ᬓᭂᬚᬸᬢ᭄ᬫᬭᬫᬵ
[᭔᭘ 48 A]
ᬮ᭄ᬬᬢ᭄᭞ᬩᬦ᭄ᬲᭀᬮᬳᬾᬜᬾᬲᬦᬶᬦ᭄᭞ᬫᬓᭀᬃᬱᬶᬤᬶᬦᬢᬄ᭞ᬳᬤᬓᬭᭀᬮᬜ᭄ᬘᬶᬗᬦ᭄᭞ᬚᭂᬍᬕ᭄ᬚᭂᬍᬕ᭄ᬗᬯᬲ᭄ᬓᭂᬤᬶᬲ᭄᭞ᬳᬤᬫᬘᬡ᭄ᬥ᭞ᬕᬾᬮᬅ᭄‌ᬕᬾᬮᬅ᭄᭠
ᬫᬗᭂᬢᬶᬲ᭄᭟ᬢᬸᬥᬾᬅ᭄‌ᬓᬮᬶᬄᬫᬜᬸᬚᬸᬃᬓᬢ᭄ᬗᬄᬢᬮᬕ᭞ᬦᬾᬮᬮᬶᬫᬓᬧᬗ᭄ᬕᬶᬄ᭞ᬫᬭᬲᬸᬤ᭄‌ᬲᭂᬫ᭄ᬩᬳ᭄ᬬᬂ᭞ᬓ᭄ᬜᭂᬫ᭄ᬭᬭᬶᬲ᭄ᬫᬜᬧᬵ᭞ᬬᬾᬭᬢᬸᬳᬶᬗ᭄ᬕᬶᬄᬫᬮᬶᬗ᭄ᬕᬶᬄ᭞ᬦᬧᬶᬩᬯᭀ
ᬲᬂ᭞ᬘᭀᬓᭀᬃᬭᬢᬸᬗ᭄ᬭᬯᬸᬳᬶᬦ᭄᭟ᬢᬸᬥᬾᬅ᭄‌ᬳᭀᬓᬢᬸᬥᬾᬅ᭄‌ᬭᬳᬶᬓ᭄ᬜᭂᬫ᭄ᬦᬶᬫ᭄ᬩᬮ᭄᭞ᬫᬃᬤ᭄ᬥᬯᬵᬭᬫᬫᬦᬶᬲ᭄᭞ᬧᬅ᭄‌ᬘᬫ᭄ᬘ᭄ᬬᭀᬳ᭄ᬦᬄ᭞ᬚᬦᬶᬫᬸᬮᬸᬳᬸᬮᬸᬯᬦ᭄᭞ᬓᬾ
ᬦ᭄ᬓᬾᬦ᭄ᬚᬩᬦ᭄ᬯᬅ᭄‌ᬗᬶᬢᬸᬗᬶᬦ᭄᭞ᬫᬗ᭄ᬤᬾᬜᬶᬤ᭄ᬥᬬᬂ᭞ᬯᬅ᭄ᬅᬚᬶᬅ᭄‌ᬲᬫᬶᬗᬶᬭᬶᬂ᭟ᬓ᭄ᬜᭂᬫ᭄ᬫᬢᬸᬃᬳᬶᬤᭀᬅ᭄‌ᬳᬄᬲᬫ᭄ᬧᬸᬦ᭄ᬗᭀᬩᭂᬢᬂ᭞ᬤᬢᬾᬫᬫᭂᬗ᭄ᬓᬸᬗᬶᬭᬶᬂ᭞ᬫᬦ᭄ᬢᬸᬓ᭄ᬭ