[᭔᭕ 45 B]
ᬗ᭄ᬲᬭᬦ᭄᭞ᬩᬩᬃᬗ᭄ᬮᬳᬸᬢ᭄ᬓᬧᬸᬭᬶ᭟ᬢᬸᬥᬾᬅ᭄ᬳᭀᬓᬢᬸᬥᬾᬅ᭄ᬭᬳᬶᬫᬩᬭᬗᬦ᭄᭞ᬤᬶᬚᬩᬢ᭄ᬗᬄᬦᬗ᭄ᬓᬶᬮ᭄᭞ᬲᬶᬭᬵᬚᬶᬂᬫᬥᬸᬭ᭞ᬧᭂᬧᭂᬓ᭄ᬧᬧᬸᬗ᭄ᬕᬯ᭞ᬫᬓᬤᬶ
ᬧᬭᬲᬸᬮᬶᬗ᭄ᬕᬶᬄ᭞ᬳᬢᬢᬢᬢ᭞ᬳᬢᬧ᭄ᬗᬤᭂᬧᬾᬂᬲᬶᬢᬶ᭟ᬤᬾᬦᬶᬂᬓᬢᬸᬃᬭᬓᬦ᭄ᬤᬵᬭᬯᬸᬄᬦᬾᬜᬦᬦ᭄᭞ᬳᬓ᭄ᬭᬶᬕᬦ᭄ᬲᬋᬂᬓᬮᬶᬄ᭞ᬢᬸᬫᬸᬮᬶᬦ᭄ᬤᬯᬸᬳᬂ᭞ᬧᬲ᭄ᬕᭂᬄᬫ᭄ᬯᬂᬧ
ᬫᭂᬦ᭄ᬤᬓ᭄᭞ᬧᬲᬗ᭄ᬕ᭄ᬭᬳᬦ᭄ᬯᬸᬲ᭄ᬘᬸᬫᬯᬶᬲ᭄᭞ᬓᬮᬗᬦ᭄ᬢᬶᬓᬵ᭞ᬳᬸᬢᬸᬲᬦ᭄ᬲᬓᬶᬂᬕᬶᬮᬶ᭟ᬳᬶᬘᬫ᭄ᬘ᭄ᬬᭀᬦᬶᬃᬪᬬᬵᬚᬓᬮᬮᬶᬫ᭞ᬢᬗ᭄ᬓᭂᬧᬾᬳᬍᬧ᭄ᬳᬲᬶᬦ᭄᭞ᬧᬗᭂᬫ᭄ᬩᬦ᭄ᬧ᭄ᬭᬫᬸᬓ᭞
ᬢᬸᬥᬾᬅ᭄ᬓᬮᬶᬄᬩᬸᬫᬜᬶᬗᬓ᭄᭞ᬫᬓᭂᬲ᭄ᬬᬃᬮᬾᬤᬂᬢᬦ᭄ᬲᬶᬧᬶ᭞ᬓ᭄ᬜᭂᬫ᭄ᬗᬦ᭄ᬤᬶᬓᬵ᭞ᬓᬓᬶᬤᭀᬓ᭄ᬢ᭄ᬓᬚᬦᬶ᭟ᬘᭀᬓᭀᬃᬭᬢᬸᬭᬢᬸᬗᬸᬭᬄᬳᬶᬤᬤᬶᬚ᭞ᬳᬶᬤᭀ
[᭔᭖ 46 A]
ᬓ᭄ᬫᬢᬸᬃᬳᬭᬶᬲ᭄᭞ᬭᬢᬸᬭᬶᬂᬕᬶᬮᬶᬫᬲ᭄᭞ᬢᬶᬢ᭄ᬬᬂᬓᬤᬯᬸᬄᬫᭂᬦ᭄ᬤᬓ᭄᭞ᬘᭀᬓᭀᬃᬭᬢᬸᬲᬋᬂᬓᬮᬶᬄ᭞ᬲᬫᬗ᭄ᬤᬾᬕᬗ᭄ᬲᬃ᭞ᬓᬧᬮ᭄ᬲᬫᬶᬯᬸᬲ᭄ᬧ᭄ᬭᬧ᭄ᬢᬶ᭟ᬓᬮᬶᬄᬳᬶᬤᬳᬚᬶᬦ᭄
ᬘᭀᬓᭀᬃᬭᬢᬸᬢᬶᬕ᭞ᬫᬗ᭄ᬤᬾᬫᬗ᭄ᬕᭂᬄᬳᬶᬭᬶᬓᬶ᭞ᬲᬫ᭄ᬧᬸᬦ᭄ᬲᬋᬂᬫᬶᬦ᭄ᬢᬃ᭞ᬭᬵᬚᬾᬂᬫᬥᬸᬭᬓᬕ᭄ᬬᬢ᭄᭞ᬗᬦ᭄ᬤᬶᬓᬳᬭᬸᬫᬫᬦᬶᬲ᭄᭞ᬓᬾᬦ᭄ᬓᬾᬦ᭄ᬚᭂᬦᭂᬗ᭞ᬩᬄᬩᬬᬲᬦᬾᬄᬲᬶᬲᬶᬧ᭄
᭟ᬳᬶᬘᬫ᭄ᬘ᭄ᬬᭀᬫᬢᬸᬃᬭᬢᬸᬕᬫᭂᬮ᭄ᬧᬶᬲᬦ᭄᭞ᬧᬓᬬᬸᬦᬦ᭄ᬳᬶᬳᬭᬶ᭞ᬲᬫ᭄ᬧᬸᬦ᭄ᬫᬗᭀᬩᭂᬢᬂ᭞ᬤᬾᬦᬶᬂᬓᬩᬯᭀᬲ᭄ᬤᬗᬦ᭄᭞ᬧᬫᬃᬕ᭄ᬕᬶᬦᬾᬲᬦᬾᬫᬗ᭄ᬓᬶᬦ᭄᭞ᬭᬢᬸᬭᬶᬂᬧᬸᬭ᭞
ᬰᬸᬦ᭄ᬬᬫᬯ᭄ᬬᬲᭂᬧᬶ᭟ᬧᬥᬮ᭄ᬬᬸᬭᬯᭀᬲᬾᬧᬲᬮᬶᬂᬢᬶᬫ᭄ᬩᬮ᭄᭞ᬦᬾᬮᬮᬶᬫᬵᬫᬧᬫᬶᬢ᭄᭞ᬫᬗ᭄ᬮᬯᬸᬢ᭄ᬓᬢᬫᬦ᭄᭞ᬧᬢᬶᬄᬭᬣᬦᬾᬕᬾᬯᬃ᭞ᬦᬩ᭄ᬤᬩᬂᬫᬜᭂᬤᬸᬄ
Kaca:Bali-lontar-gaguritan-ratmaja-300ppi.pdf/46
Kaca puniki sampun kauji-wacén
