[ ᭓᭓ 33B]
᭓᭓
ᬦ᭄᭞᭟᭐᭟᭖᭟ᬅᬢ᭄ᬫᬦ᭄ᬢᬶᬢ᭄ᬬᬂᬥᬸᬄᬤᬾᬯᬲᬂᬳᬬᬸ᭞ᬫᬢᬶᬗ᭄ᬕᬮ᭄ᬲᬓᬶᬢᬾ᭞ᬢᬦ᭄ᬧᬫᭂᬗᬦ᭄ᬳᬶᬮᬂᬲᬓᬶᬢ᭄᭞ᬲᬗᭂᬢ᭄ᬩᬧᬲᬮᬄᬲᭂᬗ᭄ᬕᬸᬄ᭞ᬢᬫ᭄ᬬᬸᬫᬥᬶᬓ᭄ᬩᬳᬸᬭᬯᬸᬄ᭞ᬭᬶᬂᬚᬩᬓᬭᬶᬗᬦ᭄ᬢᭀᬲᬂ᭞ᬢᬓᬸᬢ᭄ᬗᬚᬓ᭄ᬧᬘᬂᬧ
ᬗ᭄ᬕᬸᬄ᭞ᬤᬾᬦᬶᬂᬤᬾᬯᬓᬭᬶᬲᬸᬗ᭄ᬓᬦ᭄᭞ᬮᬾᬤᬂᬤᬾᬯᬧᬓᬳ᭄ᬬᬸᬦᬦ᭄᭟᭐᭟᭗᭟ᬪᬓ᭄ᬢᬶᬦ᭄ᬢᬶᬢ᭄ᬬᬂᬫᬧᬫᬗ᭄ᬤᬢᬸᬫᬸᬲ᭄᭞ᬓᬵᬤᬶᬪᬶᬲᬫᬦᬾ᭞ᬢᬫ᭄ᬬᬸᬦᬾᬩᬧᬳᬢᬸᬭᬶᬦ᭄᭞ᬗᬤᬸᬩᬸᬕ᭄ᬧᬦ᭄ᬧᬸᬬᬸᬂᬧᭂᬲᬸ᭞ᬲᬂᬳᬤᬾᬲᬶ᭠
ᬮᬓᭂᬦ᭄ᬫᬲᬸᬓ᭄᭞ᬦᬧᬶᬫᬮᬶᬄᬉᬧᬓᬵᬭ᭞ᬫᬶᬯᬄᬕᬸᬮᬶᬂᬳᬚᬶᬲ᭄ᬬᬸ᭞ᬲᬢᬸᬲ᭄ᬚᬗ᭄ᬓᭂᬧ᭄ᬦᭀᬭᬓᬶᬭ᭞ᬧᬦᬸᬓᬸᬦᬾᬜᬳᬶᬯᬬᬦ᭄᭟᭐᭟᭘᭟ᬲᬂᬯᬬᬦ᭄ᬤᬦᬾᬗᬦ᭄ᬤᬶᬓᬲᬵᬧᬸᬦ᭄᭞ᬓᬵᬤᬶᬧᬗᬸᬦ᭄ᬤᬗᬾ᭞ᬦᭀᬭ᭠
ᬧᬸᬭᬸᬦ᭄ᬫᬗᬶᬭᬗᬶᬦ᭄᭞ᬲᬂᬢᬶᬕᬭᬭᬶᬲ᭄ᬫᬮᬸᬗ᭄ᬕᬸᬄ᭞ᬦᬶᬯᬬᬦ᭄ᬭᬭᬶᬲ᭄ᬫᬜᬸᬕᬸᬄ᭞ᬫᬦᬶᬲ᭄ᬲᬺᬗ᭄ᬕᬭᬳᬗᬸᬘᬧ᭄᭞ᬤᬸᬭᬸᬲᬂᬤᬾᬯᬫᬮᬸᬗ᭄ᬕᬸᬄ᭞ᬲᬫᬶᬧᬥᬲᬸᬓᬘᬶᬢ᭞ᬫᬗᬋᬧᬶᬦ᭄ᬧᬲᬓᬧᬦ᭄᭟᭐᭟᭙᭟᭠
[ ᭓᭔ 34A]
ᬦᬶᬯᬬᬦᬸᬕᬶᬤᬦᬾᬫᬯᬸᬯᬸᬲ᭄᭞ᬇᬗ᭄ᬕᬶᬄᬤᬾᬯᬲᬂᬳᬥᬾ᭞ᬫᬸᬗ᭄ᬕ᭄ᬯᬶᬂᬧᬭᬩᬶᬦᬾᬫᬗ᭄ᬓᬶᬦ᭄᭞ᬫᬗ᭄ᬤᬤᬾᬯᬲᬳᬶᬳᬤᬸᬂ᭞ᬭᬶᬂᬲᭀᬮᬄᬧᬗᬦ᭄ᬢᬾᬦ᭄ᬩᬭᬸ᭞ᬫᬗ᭄ᬕᭂᬄᬭᬶᬂᬩ᭄ᬭᬢᬓᭂᬫᬶᬢᬦ᭄᭞ᬫᬶᬯᬄᬲᭀᬮᬄᬥᬃᬫᬲᬥᬸ
᭞ᬫ᭄ᬯᬂᬭᬭᬧᬦ᭄ᬤᬰᬲᬶᬮ᭞ᬲᬵᬫ᭄ᬧᬸᬦ᭄ᬕᬫ᭄ᬧᬂᬤᬾᬯᬦ᭄ᬭᬶᬫ᭟᭐᭟᭑᭐᭟ᬲᬂᬳᬥᬾᬢᭂᬕᭂᬲ᭄ᬗᬶᬤᬶᬄᬧᬶᬢᬸᬢᬸᬃ᭞ᬦᬧᬶᬳᬃᬢᬶᬦ᭄ᬜᬦᬾ᭞ᬯᬶᬮᬂᬳᬤᬶᬩᭂᬲᬶᬓ᭄ᬩᭂᬲᬶᬓ᭄᭞ᬯᬬᬦ᭄ᬧᬸᬬᬸᬂᬭᬭᬶᬲ᭄ᬫᬵᬢᬹᬃ᭞ᬭᬶᬂᬲᭀᬮᬄᬧᬗᬦ᭄ᬢᬾ
ᬦ᭄ᬩᬭᬸ᭞ᬫᬗᬸᬚᬗᬂᬤᬰᬲᬶᬮ᭞ᬳᬶᬯᬂᬲᬓᬶᬂᬲᭀᬮᬄᬫᭂᬢᬸ᭞ᬗᬫᬥᭂᬫᬂᬮᬦ᭄ᬫᬓ᭄ᬭᬶᬥ᭞ᬜᬓᬶᬢᬶᬦ᭄ᬗᬫ᭄ᬩᬶᬮ᭄ᬤᬸᬤᬸᬕᭂᬮᬄ᭟᭐᭟᭑᭑᭟ᬫᬮᬶᬄᬳᬶᬯᬂᬲᬓᬶᬂᬇᬥᭂᬧ᭄ᬫᭂᬢᬸ᭞ᬫᬬᬸᬲ᭄ᬗᭂᬓᭀᬄᬳᬢᬶᬦᬾ᭞ᬧᬸᬗ᭄ᬕᬸᬂᬓᬧᬶ
ᬦ᭄ᬳᬯᬓ᭄ᬲᬳᬶ᭞ᬳᬸᬚᬂᬢᬶᬢ᭄ᬬᬂᬲᬓᬶᬂᬢᬸᬓ᭄ᬢᬸᬓ᭄᭞ᬳᬶᬯᬗᬾᬲᬳᬶᬫᬯᭂᬢᬸ᭞ᬧᬭᬶᬘᬾᬥᬫᬶᬲᬸᬄᬳᬦᬓ᭄᭞ᬫᬫᬶᬲᬸᬦᬩᬗ᭄ᬕ᭄ᬭᬲ᭄ᬦᬩᬸᬄ᭞ᬧᬸᬧᬸᬢ᭄ᬲᬫᬶᬤᬰᬰᬷᬮ᭞ᬦᭀᬭᬓᬸᬫ᭄ᬧᬸᬮ᭄ᬲᭀᬮᬲ᭄ᬤᬶᬦ᭟᭐᭟
Kaca:Bali-lontar-gaguritan-puyung-sugih-250ppi.pdf/34
Kaca puniki sampun kauji-wacén
