[ ᭓᭒ 32B]
᭓᭒
ᬧᬚᬦᬶᬢᬸᬯ᭞ᬗᬩᬩᬬᬸᬲᬳᬶᬧᬮᬶᬂ᭞ᬓ᭄ᬭᬡᬦᬶᬧᬸᬦ᭄᭞ᬮᬶᬦ᭄ᬢᬂᬫᬬᬸᬲ᭄ᬚᭂᬫᭂᬢ᭄ᬫᬮᬚᬄ᭟᭐᭟᭒᭑᭟ᬤᬸᬳᬸᬃᬳᬶᬓᬸ᭞ᬩᬸᬤ᭄ᬥᬶᬗᬭᬦ᭄ᬜᬧᬸᬦᬶᬓᬸ᭞ᬦᬶᬓᬜᬦ᭄ᬤᬂᬳᬸᬗ᭄ᬲ᭄ᬬᬂ᭞ᬳᬲᬸᬓᬂᬳᬗᭂᬦᬾᬚᬵᬢᬶ᭞ᬳᬧᬂᬲᬸᬯᬸᬤ᭄
ᬕᭂᬥᬾᬢᬓᬸᬢ᭄ᬫᬫᬜ᭄ᬚᬓᬂ᭟᭐᭟ᬧᬸᬧᬸᬄᬅᬤ᭄ᬭᬶ᭟᭐᭟᭑᭟ᬲᭂᬥᭂᬂᬫᬢᬸᬢᬸᬃᬭᬶᬂᬓᬭᬂᬲᬸᬯᬸᬂ᭞ᬦᬸᬕᬶᬫᬯᬦ᭄ᬢᬸᬦᬺᬓᬾ᭞ᬓᭀᬘᬧ᭄ᬭᬶᬂᬅᬫ᭄ᬩᬭᬧᬢᬶ᭞ᬯᬗ᭄ᬰᬦ᭄ᬤᬦᬾᬲᬂᬧᬸᬦᬶᬓᬸ᭞ᬲᬂᬦᬸᬃᬳᬚᬷᬦᬾᬓᬯᬸᬯᬸᬲᬦ᭄᭞ᬭᬶᬂᬯᭂᬗᬶ
ᬧᬸᬧᬸᬢ᭄ᬯᬶᬮᬗᬦ᭄᭞ᬲᬋᬂᬢᬶᬕᬬᬬᬄᬳᬶᬩᬸ᭞ᬲᬵᬫ᭄ᬧᬸᬦ᭄ᬲᬤ᭄ᬬᬉᬧᬓᬵᬭ᭞ᬚᬶᬦᬄᬲᬢᬸᬲ᭄ᬧᬲᬓᬧᬦ᭄᭟᭐᭟᭒᭟ᬲᬋᬂᬢᬶᬕᬚᬕᬲᭂᬫᭂᬂᬭᬯᬸᬄ᭞ᬧᬸᬧᬸᬢ᭄ᬯᬶᬮᬗᬦᬾ᭞ᬤᬲ᭄ᬭᬳᬶᬡᬲᬵᬫ᭄ᬧᬸᬦ᭄ᬫᬗ᭄ᬓᬾ
ᬯᬬᬦ᭄ᬧᬸᬬᬸᬂᬲᬵᬫ᭄ᬧᬸᬦ᭄ᬩᬗᬸᬦ᭄᭞ᬫᬗᬺᬲᬶᬄᬓᬢᬫᬦ᭄ᬲᬦ᭄ᬢᬸᬦ᭄᭞ᬫᬾᬫᬾᬩᬧᬦ᭄ᬜᬦᬦ᭄ᬥᬦᬂ᭞ᬧᬸᬧᬸᬢ᭄ᬜᬭᬭᬶᬲ᭄ᬳᬸᬫᬦ᭄ᬢᬸᬓ᭄᭞ᬭᬯᬸᬄᬫᬭᬶᬂᬧᬧᭀᬦ᭄ᬤᭀᬓᬦ᭄᭞ᬫᬮᬶᬗ᭄ᬕᬶᬄᬭᬶᬂᬓᭀᬃᬱᬶᬳᬜᬃ᭟᭐᭟
[ ᭓᭓ 33A]
᭓᭟ᬫᬾᬫᬾᬦ᭄ᬜᬦᬾᬫᬗᬺᬲ᭄ᬬᬓᬶᬦ᭄ᬤᬶᬢᬸ᭞ᬫᬶᬯᬄᬲ᭄ᬯᬄᬧᭂᬢᬢᬾ᭞ᬲᬳᬲᬵᬫ᭄ᬧᬸᬦᬼᬗᬯᬗᬶ᭞ᬓᬗᭂᬦ᭄ᬗᭂᬢᭀᬦ᭄ᬳᭀᬓᬤᬶᬢᬸ᭞ᬭᬹᬧᬳᬦᭀᬫ᭄ᬮᬶᬦ᭄ᬢᬂᬳᬬᬸ᭞ᬘᬾᬤᬦ᭄ᬜᬦᬾᬓᬭᬶᬪᬸᬢ᭞ᬧᬜᬓᬶᬢᬾᬢᬦ᭄ᬲᬄᬓ
ᬦ᭄ᬢᬸᬦ᭄᭞ᬲᬵᬫ᭄ᬧᬸᬦ᭄ᬫᬶᬚᬶᬮ᭄ᬲᬂᬳ᭄ᬬᬂᬲᬹᬃᬬ᭞ᬢᬫ᭄ᬬᬸᬦ᭄ᬜᬦᬾᬓᬕᬾᬢ᭄ᬧ᭄ᬭᬧ᭄ᬢ᭟᭐᭟᭔᭟ᬢᬗ᭄ᬓᭂᬚᬸᬢ᭄ᬧᬦ᭄ᬧᬸᬬᬸᬂᬕᬸᬧᬸᬄ᭞ᬫᬜᬧᬢᬫ᭄ᬬᬸᬦᬾ᭞ᬲᬋᬂᬢᬶᬕᬢᬦ᭄ᬧᬯᬗ᭄ᬲᬶᬢ᭄᭞ᬓᬢᭂᬢᭂᬲ᭄ᬢᬫ᭄ᬬᬸᬦᬾᬤᬶᬢᬸ᭞ᬧᬗᬓᬸᬦᬾᬓᬵᬤᬶᬧᬢᬹ
ᬢ᭄᭞ᬧᬦ᭄ᬧᬸᬬᬸᬂᬳᬶᬩᬸᬓ᭄ᬭᬶᬂᬫᬦᬄ᭞ᬓᬩᬶᬮ᭄ᬩᬶᬮ᭄ᬗᬦ᭄ᬤᭂᬕᬂᬢᬫ᭄ᬬᬸ᭞ᬚ᭄ᬭᭀᬢᬫ᭄ᬬᬸᬫᬗ᭄ᬓᬶᬦ᭄ᬳᬦ᭄ᬢᭀᬲᬂ᭞ᬢᬶ᭠ᬢ᭄ᬬᬂᬚᬸᬫᬄᬫᬤᬩ᭄ᬤᬩᬦ᭄᭟᭐᭟᭕᭟ᬢᬫ᭄ᬬᬸᬦ᭄ᬜᬦᬾᬲ᭄ᬯᬾᬗᬦ᭄ᬢᭀᬲᬂᬤᬶᬢᬸ᭞ᬩᬧᬦ᭄ᬧᬸᬬᬸᬂᬳᬕᬾ᭞ᬲᬫ᭄ᬩᬶᬮ᭄ᬤ
ᬦᬾᬫᬗᬫᬶᬮ᭄ᬫᬶᬮ᭄᭞ᬧᭀᬘᭀᬮ᭄ᬚᬦᬶᬲᬦᬾᬲᬢᬸᬲ᭄᭞ᬢᭀᬂᬢᬸᬮᬸᬲ᭄ᬗᭂᬢᭀᬳᬶᬦ᭄ᬲᬗ᭄ᬓᬸᬃ᭞ᬓᬫ᭄ᬧᬶᬓᬾᬤᬦᬾᬦᭂᬲᭂᬓᬂ᭞ᬗᬋᬧ᭄ᬭᬶᬂᬦᬷᬯᬬᬦ᭄ᬤᬶᬢᬸ᭞ᬢᬗ᭄ᬓᭂᬚᬸᬢ᭄ᬓᭂᬦ᭄ᬤᭂᬮ᭄ᬗᬢᭀᬦᬂ᭞ᬲᬸᬗ᭄ᬓᬦ᭄ᬳᬶᬮᬂᬢᬦ᭄ᬧᬲᬗ᭄ᬓ
Kaca:Bali-lontar-gaguritan-puyung-sugih-250ppi.pdf/33
Kaca puniki sampun kauji-wacén
