[ ᭓᭔ 34B]
᭓᭔
ᬬᬦ᭄ᬤᬾᬯᬦᭂᬧᭂᬢᬂᬓᬤᬶᬯᬳᬸ᭞ᬰᬰᬡᬦ᭄ᬫᬵᬦᬸᬱᬦᬾ᭞ᬲᬤ᭄ᬬᬫᬤᬸᬯᬾᬧᬸᬢ᭄ᬭᬮ᭄ᬯᬶᬄ᭞ᬬᬦ᭄ᬮᬦᬂ᭠ᬤᬤᭀᬲ᭄ᬧᬲᬬᬸᬩ᭄᭞ᬬᬾᬦᬶᬂᬳᬶᬲ᭄ᬢ᭄ᬭᬷᬮᬶᬲ᭄ᬢᬸᬳᬬᬸ᭞ᬓᬲᬸᬩ᭄ᬮᬸᬯᬶᬳᬶᬂᬫᬕᬸᬡ᭞ᬲᬧᬸᬦᬶᬓᬓᬾᬗᬶᬦ᭄ᬧᬸᬧᬸᬢ᭄
᭞ᬧᬸᬦᬧᬶᬜᬶᬤᬬᬂᬤᬾᬯ᭞ᬬᬦ᭄ᬢᬦ᭄ᬓᬲᬶᬤᬦᬸᬭᬸᬗᬂ᭟᭐᭟᭑᭓᭟ᬫᬸᬗ᭄ᬕ᭄ᬯᬶᬂᬧᬦᭂᬮᬄᬳ᭄ᬤᬧᬓᬭᬲᬵᬫ᭄ᬧᬸᬦ᭄᭞ᬓᬢᬸᬕ᭄ᬬᬦ᭄ᬤᬾᬯᬦᬾ᭞ᬢᬶᬢ᭄ᬬᬂᬫᬗᬢᬸᬭᬂᬲᬫᬶ᭞ᬲᬂᬯᬬᬦ᭄ᬤᬦᬾᬫᬲᬗ᭄ᬕᬸᬧ᭄᭞ᬓᬧᬸᬮᬸᬢ᭄ᬭᬶᬂᬳᬲ᭄ᬢ᭄ᬭᬷ
ᬳᬬᬸ᭞ᬳᬩᭀᬢ᭄ᬤᬗᬦ᭄ᬢᬦ᭄ᬩᬯᭀᬲᬂ᭞ᬧᬸᬧᬸᬢ᭄ᬩᬩᬯᭀᬲᬾᬤᬶᬢᬸ᭞ᬲᬫ᭄ᬩᬶᬮ᭄ᬗᬶᬭᬶᬂᬫᬗ᭄ᬭᬬᬸᬦᬂ᭞ᬩ᭠ᬩᬯᭀᬲᬾᬲᬫᬶᬮᬾᬤᬂ᭟᭐᭟᭑᭔᭟ᬫᬓᭂᬚᬶᬢ᭄ᬢᬸᬃᬲᬺᬗ᭄ᬕᬭᬧᬦ᭄ᬧᬸᬬᬸᬂ᭞ᬥᬸᬄᬫᬾᬫᬾᬦ᭄ᬯᬬᬦᬾ᭞ᬮᬯᬸᬢ᭄ᬚᬸᬯᬂᬥᬸ
ᬫᬦᬾᬜᬳᬶ᭞ᬤᬾᬦᬶᬂᬲᬜ᭄ᬚᬲᬮᬄᬗᬥᬸ᭞ᬫᬦᬶᬦᬦᬂᬓᬲᬫᬾᬭᬸ᭞ᬗᬤᭀᬓᬂᬦᬾᬩᬶᬬᬶᬂᬧᬧᬓ᭄᭞ᬳᭀᬓᬦ᭄ᬜᬦᬾᬯᬸᬲ᭄ᬓᬮᬸᬗ᭄ᬲᬸᬃ᭞ᬫᬾᬫᬾᬦ᭄ᬜᬦᬾᬫᬜᬗᬶᬬᬂ᭞ᬤᬸᬫᬥᬓ᭄ᬤᬾᬯᬫᬧᬸ
[ ᭓᭕ 35A]
ᬢ᭄ᬭ᭟᭐᭟᭑᭕᭟ᬜᬤ᭄ᬬᬢᬶᬢ᭄ᬬᬂᬤᬤᬶᬚᬸᬭᬸᬳᭂᬫ᭄ᬧᬸ᭞ᬫᬜ᭄ᬚᬓᬶᬦ᭄ᬳᭀᬓᬦᬾ᭞ᬢᬸᬗ᭄ᬕᬸᬦ᭄ᬢᬶᬢ᭄ᬬᬂᬓᬭᬶᬳᬸᬭᬶᬧ᭄᭞ᬧᬸᬗ᭄ᬕᭂᬮᬶᬦ᭄ᬘᬭᬶᬢᬦᬾᬲᬵᬫ᭄ᬧᬸᬦ᭄᭞ᬲᬂᬓᬯᬶᬫᬗᬸᬚᬂᬢᬸᬢᬸᬃ᭞ᬲᬂᬗᬦ᭄ᬢᬾᬦ᭄ᬧᬸᬦᬶᬓᬩᬸᬤᬮ᭄᭞ᬓᭀ
ᬘᬧ᭄ᬤᬦᬾᬲᬵᬫ᭄ᬧᬸᬦ᭄ᬭᬯᬸᬄ᭞ᬭᬶᬂᬚᬕᬢ᭄ᬳᬫ᭄ᬩᬭᬫᬥ᭄ᬬ᭞ᬢᭂᬕᭂᬕ᭄ᬳᬦ᭄ᬢᬸᬓ᭄ᬧᬗᬸᬪᬬ᭟᭐᭟᭑᭖᭟ᬓᭀᬘᬧᬦ᭄ᬤᬦᬾᬲᬂᬳᬥᬾᬤᬶᬢᬸ᭞ᬩ᭄ᬯᬢ᭄ᬧᬗᬶᬤᬶᬄᬤᬦᬾ᭞ᬫᬜ᭄ᬮᬶᬫᬸᬃᬓᬵᬮᬦᬾᬯᭂᬗᬶ᭞ᬳᬶᬲᭂᬂᬜᬦᬾᬫᬗ᭄ᬤᬾᬦ᭄ᬩᬸᬦ᭄ᬢᬸ᭞ᬤᬦᬾ
ᬯᬬᬦ᭄ᬫᬵᬢᬹᬃᬳᬮᬸᬲ᭄᭞ᬓᬃᬬᬦᬾᬤᬾᬯᬩᬯᭀᬲᬂ᭞ᬲᬦᬾᬫᬦ᭄ᬢᬸᬓ᭄ᬫᬭᬶᬂᬓᬳ᭄ᬬᬸᬦ᭄᭞ᬲᬂᬳᬥᬾᬭᬭᬶᬲ᭄ᬗᬦ᭄ᬤᬶᬓ᭞ᬚᬯᬶᬦᬶᬂᬧᬘᬸᬮᬾᬓᬾᬯᬮ᭟᭐᭟᭑᭗᭟ᬦᬷᬧᬸᬬᬸᬗᬢᬸᬭᬂᬇᬦ᭄ᬥᬶᬓ᭄ᬫᬘᬸᬮ᭄᭞ᬗ᭄ᬕᬶᬄᬕᬯᬾ᭠
ᬓ᭄ᬢᬦᬶᬦᬾ᭞ᬫᬧᬗᬜ᭄ᬘᬦ᭄ᬢᬫ᭄ᬩᬄᬳᬭᬶᬢ᭄᭞ᬫᬦᬫ᭄ᬧᬤᬶᬦ᭄ᬫᬶᬯᬄᬗᬮᬸᬓᬸ᭞ᬦᬶᬓᬤᬾᬯᬫᬗ᭄ᬤᬘᬸᬓᬸᬧ᭄᭞ᬩᬦ᭄ᬢᬾᬂᬧᬢᭂᬓᬧ᭄ᬳᬓᬶᬢᬦ᭄᭞ᬩᬸᬮᬸᬧᬤᬶᬚᬚᬃᬧᬦ᭄ᬢᬸᬦ᭄᭞ᬮᬶᬦ᭄ᬢᬂᬢᬶᬲ᭄ᬳᬗ᭄ᬕᬾᬦ᭄ᬧᬢᭂ᭠
Kaca:Bali-lontar-gaguritan-puyung-sugih-250ppi.pdf/35
Kaca puniki sampun kauji-wacén
