[ ᭑᭒᭒ 122B]
᭑᭒᭒
ᬲᬶᬗ᭄ᬕᬶᬄᬩᬳ᭄ᬯᬳᬸᬘᬧᬾᬲᬂᬢᬶᬕᬇᬓᬸ᭞ᬲᬵᬫ᭄ᬧᬸᬦ᭄ᬮᬶᬗ᭄ᬲᬶᬃᬲᬂᬳᬵᬬᬂᬭᬯᬶ᭞ᬧᬸᬧᬸᬢ᭄ᬫᬗᬲ᭄ᬧᬥᬤᬶᬢᬸ᭞ᬩᬧᬦ᭄ᬧᬸᬬᬸᬂᬮᬶᬦ᭄ᬢᬂᬭᬶᬫ᭄ᬭᬶᬫ᭄᭞ᬦᬫ᭄ᬧᬶᬯᭂᬗᬶᬫᬩᬩᬯᭀᬲ᭄᭟᭐᭟᭑᭓᭟ᬲᬶ
ᬦᬄᬧᬶᬲᬦ᭄ᬳᬕᭂᬢ᭄ᬯᬓᬾᬢᬸᬢᬸᬕ᭄ᬮᬘᬸᬃ᭞ᬳᬶᬢᬸᬗᬦ᭄ᬧᬦ᭄ᬧᬸᬬᬸᬂᬲᬸᬕᬶᬄ᭞ᬓᬸᬚᬂᬦᬦᬂᬢ᭄ᬯᬭᬳᬶᬗᬸᬄ᭞ᬓᬤᭀᬂᬧᭂᬲᬦ᭄ᬓᬢᭂᬮᬜ᭄ᬚᬸᬃᬧᭂᬮᬶᬄ᭞ᬚᬮᬦ᭄ᬲᬸᬩᬚᬦᬶᬲᭂᬢᭀᬧ᭄᭟᭐᭟᭑᭔᭟ᬳᬬᭀ
ᬳᬳᬾᬫᬾᬫᬾᬦ᭄ᬧᬸᬬᬸᬂ᭞ᬚᬦᬶᬲᬸᬳᬸᬤ᭄᭞ᬳᬶᬘᭂᬦᬶᬂᬤᬩᬗᬗᬮᬶᬄ᭞ᬩᬶᬮᬂᬗᬦ᭄ᬢᬾᬦ᭄ᬢᬦ᭄ᬭᬳᬬᬸ᭞ᬓᬤᭀᬂᬩᬜᬲᬸᬩᬲᬸᬕᬶᬄ᭞ᬳᭀᬜᬂᬢᭂᬫᭀᬓᬂᬤᬶᬧᭀᬦ᭄ᬤᭀᬓ᭄᭟᭐᭟᭠
᭑᭕᭟ᬳᬸᬮᬶᬂᬚᬦᬶᬧᬫᭂᬲᬸᬦᬾᬚᬮᬦ᭄ᬢᬸᬢᬸᬧ᭄᭞ᬳᬧᬂᬤᬳᬦᬓ᭄ᬗᬗ᭄ᬕᬸᬭᬶᬦ᭄᭞ᬬᬥᬶᬦ᭄ᬫᬥᬶᬦ᭄ᬫᬥᬶᬓ᭄ᬳᬧᬂᬢᬓᬸᬢ᭄᭞ᬤᬵᬳᭂᬦᬶᬂᬭᬵᬕᬲᬸᬩᬜᭂᬧᬶ᭞ᬦᬶᬯᬬᬦ᭄ᬦᬗ᭄ᬕᬮ᭄ᬩᬩᬯᭀᬲ᭄᭟᭐᭟
[ ᭑᭒᭓ 123A]
ᬧᬸᬧᬸᬄᬕᬶᬦᬦ᭄ᬢᬶ᭟᭐᭟᭑᭟ᬬᬾᬦᬶᬂᬓᬾᬢᭀᬩᬧᬫᬯᬸᬓ᭄᭞ᬯᬶᬦᬮᬸᬬᬳᬦᬓ᭄ᬘᭂᬭᬶᬤ᭄ᬭᬦᬶᬂᬲᬵᬫ᭄ᬧᬸᬦ᭄ᬫᬵᬤᬦ᭄ᬓᭂᬢᬄ᭞ᬲᬲᬗᬶᬦᬾᬲᬓᬶᬂᬇᬓᬷ᭞ᬚᬕᬢ᭄ᬫᭂᬦᬗ᭄ᬲᬵᬫ᭄ᬧᬸᬦ᭄ᬦᬯᬂ᭞ᬩᬧᬓᬭᬶ
ᬫᬸᬜᬶ᭟᭐᭟᭒᭟ᬧᬶᬂᬰᬲᬲᬫ᭄ᬧᬸᬦ᭄ᬓᬢᬸᬳᬸᬃ᭞ᬫᬮᬶᬄᬳᬧᬶᬲᬦ᭄ᬦᭂᬓᬭᬶ᭞ᬢᬗ᭄ᬕᬸᬦ᭄ᬭᬯᭀᬲ᭄ᬧᬦᬤᭀᬲ᭄ᬜ᭞ᬤᬶᬳᬮᬦᬾᬳᭂᬤᬦᭀᬮᬶᬄ᭞ᬦᬶᬓᬗᬭᬦ᭄ᬳᬦᬓ᭄ᬩᭀᬩᬩ᭄᭞ᬫᬸᬢᬂᬳᬮᬭᬭᬶᬂ
ᬳ᭄ᬬᬗ᭄ᬯᬶᬥᬶ᭟᭐᭟᭓᭟ᬢᬸᬂᬲᬂᬇᬥᭂᬧᬾᬢᬳᬸᬃ᭞ᬲᬵᬫ᭄ᬧᬸᬦ᭄ᬩᬧᬯᬮᬂᬳᬢᬶ᭞ᬪᬓ᭄ᬢᬶᬦ᭄ᬢᬶᬢ᭄ᬬᬂᬦᬭᬶᬂᬩᬧ᭞ᬫᬗ᭄ᬤᬜᬸᬲᬸᬤᬂᬲᬲᬗᬶ᭞ᬤᬤᭀᬲ᭄ᬢᬶᬢ᭄ᬬᬂᬲᬋᬂᬫᬸᬢᬂ᭞ᬦᬯᬸᬃᬲᭀᬲᭀᬢ᭄ᬳ
ᬦᬦ᭄ᬮᬶᬗ᭄ᬲᬶᬃ᭟᭐᭟᭔᭟ᬢ᭄ᬯᬄᬲᬂᬓ᭄ᬯᬰᬲ᭄ᬭᬳᬶᬦ᭄ᬧᬸᬧᬸᬢ᭄᭞ᬳᬗ᭄ᬕᬚᬶᬯᬲ᭄ᬭᬳᬂᬲᬫᬶ᭞ᬩᭂᬘᬶᬓ᭄ᬳᬢᬸᬭᬂᬳᬧᬶᬲᬦ᭄᭞ᬦᬯᬸᬃᬳᬸᬢᬂᬳᬚᬫᬓᭂᬮᬶᬤ᭄᭞ᬫᬾᬫᬾᬩᬧᬳᬚᬢᬸᬮᬓ᭄
Kaca:Bali-lontar-gaguritan-puyung-sugih-250ppi.pdf/123
Kaca puniki sampun kauji-wacén
