[ ᭑᭒᭓ 123B]
᭑᭒᭓
᭞ᬬᬤᬶᬦ᭄ᬫᬭᬶᬄᬫ᭄ᬭᬶᬄᬩᭂᬘᬶᬓ᭄᭟᭐᭟᭕᭟ᬓᬃᬫᬧ᭄ᬭᬓᬾᬃᬣᬶᬯᬱ᭄ᬞᬦᬶᬧᬸᬦ᭄᭞ᬬᬾᬦᬶᬂᬧᬥᬾᬢᬦ᭄ᬢᬳᬸᬭᬶᬦ᭄᭞ᬯᭂᬓᬲ᭄ᬤᬤᭀᬲ᭄ᬓᬃᬫᬨᬮ᭞ᬤᬤᭀᬲ᭄ᬩᭂᬓᭂᬮ᭄ᬫᬦᬸᬫᬤᬶ᭞ᬫᬮᬶᬳ᭄ᬢᬯᬸᬭᬶᬯᭂ
ᬓᬲᬦ᭄᭞ᬩᬧᬦ᭄ᬜᬦᬾᬫᬜᬯᬸᬭᬶᬦ᭄᭟᭐᭟᭖᭟ᬩᬧᬚᬵᬢᬶᬩᭂᬮᭀᬕ᭄ᬲᬶᬕᬸᬕ᭄᭞ᬓᬃᬫᬇᬓᬳᬧᬘᭂᬦᬶᬂ᭞ᬯᬬᬦ᭄ᬧᬸᬬᬸᬂᬫᬦᬢ᭄ᬯᬬᬂ᭞ᬳᬮᬳᬬᬸᬲᭀᬮᬄᬚᬦᬶ᭞ᬇᬥᬸᬧᬾᬚᬦᬶᬗ
ᬯᬗᬸᬦᬂ᭞ᬳᬩᬫᬢᬶᬩ᭄ᬯᬶᬦ᭄ᬤᬸᬫᬤᬶ᭟᭐᭟᭗᭟ᬓ᭄ᬭᬡᬫᬗ᭄ᬕᬸᬄᬳᬮᬳᬬᬸ᭞ᬧᬸᬦᬶᬓᬦᬾᬫᬤᬕᬶᬳᬶᬦ᭄᭞ᬮ᭄ᬯᬶᬃᬳᬦᬓ᭄ᬫᬢᬦ᭄ᬤᬸᬭᬦ᭄᭞ᬦᬦ᭄ᬤᬸᬃᬓᬬᬸᬫᬩ᭄ᬯᬄᬧᬳᬶᬢ᭄᭞ᬧᬳᬶᬢ᭄ᬯᭀᬄᬜᬦᬾᬓ
ᬳᬮᬧ᭄᭞ᬬᬤᬶᬦ᭄ᬗᬩᬮᬧ᭄ᬯᭀᬳ᭄ᬦᬾᬫᬦᬶᬲ᭄᭟᭐᭟᭘᭟ᬤᬾᬦᬶᬂᬭᬵᬕᬦᬦ᭄ᬤᬸᬃᬤᬸᬫᬸᬦ᭄᭞ᬲᬢᬢᬭᬵᬕᬗᬮᬧᬶᬦ᭄᭞ᬦᬶᬓᬗᬭᬦ᭄ᬢᬦ᭄ᬫᬦᬵᬭᬓ᭞ᬓᬭᬶᬳᬬᬸᬲ᭄ᬯᬃᬕᬧ᭠
[ ᭑᭒᭔ 124A]
ᬗ᭄ᬕᬸᬄ᭞ᬳᬮᬳᬬᬸᬯᬦ᭄ᬢᬄᬤᬤ᭄ᬯ᭞ᬢᭂᬫᭀᬓᬂᬳᬚᬓ᭄ᬳᬕᬸᬫᬶ᭟᭐᭟᭙᭟ᬩᭂᬗᭀᬂᬩᬧᬦ᭄ᬜᬦᬾᬤᬶᬢᬸ᭞ᬲᬸᬫᬯᬸᬃᬮᬯᬸᬢ᭄ᬫᬚᬶᬜ᭄ᬚᬶᬓ᭄᭞ᬬᬾᬦᬶᬂᬓᬾᬢᭀᬓᬢᬸᬢᬸᬭᬦ᭄᭞ᬩᬧᬳᬶᬦᬩ᭄ᬮᬶᬬᬸᬦ᭄ᬧᭂ
ᬮᬶᬄ᭞ᬦᬦ᭄ᬤᬸᬃᬲᭀᬮᬄᬦᬭᬶᬂᬚᬕᬢ᭄᭞ᬯᬬᬦ᭄ᬧᬸᬬᬸᬂᬫᬜᬯᬸᬭᬶᬦ᭄᭟᭐᭟᭑᭐᭟ᬳᬶᬯᬗᬾᬓᬢᬄᬫᬫᬸᬭᬸᬕ᭄᭞ᬲᭀᬮᬄᬳᬶᬯᬂᬫ᭄ᬯᬄᬫᬫᬸᬜᬶ᭞ᬳᬸᬦᬶᬂᬢᬶᬢ᭄ᬬᬂᬲᬓᬶᬂᬲᬸᬩ᭞ᬓᬢᬄ
ᬲᬦᬾᬲᬮᬄᬇᬦ᭄ᬥᬶᬓ᭄᭞ᬳᭂᬓᭀᬄᬢᬶᬢ᭄ᬬᬂᬫᬫᬶᬋᬗᬂ᭞ᬤᬵᬳᭂᬦᬶᬂᬩᬧᬲᬸᬩᬮᬶᬗ᭄ᬲᬶᬃ᭟᭐᭟᭑᭑᭟ᬳᬸᬧᬫᬶᬳᬗ᭄ᬕᬾᬦ᭄ᬧᬶᬢᬸᬢᬸᬃ᭞ᬭᬯᭀᬲ᭄ᬓᬸᬢᬄᬩᬤᬶᬄᬩᬤᬶᬄ᭞ᬮ᭄ᬯᬶᬃᬳᬦ᭠
ᬓ᭄ᬦᭀᬗᭀᬲᬶᬦᬸᬫᬄ᭞ᬯᬯᬗᬸᬦᬦ᭄ᬲᬦᬾᬩᭂᬘᬶᬓ᭄᭞ᬳᬸᬫᬄᬫᭂᬮᬄᬯᬯᬭᬶᬲᬦ᭄᭞ᬧᬢᬹᬢ᭄ᬳᬫᭀᬂᬳᬧᬂᬩᭂᬘᬶᬓ᭄᭟᭐᭟᭑᭒᭟ᬧᬬᬲᬶᬦ᭄ᬳᬧᬗᬮᬸᬳᬸᬂ᭞ᬲᭂ
Kaca:Bali-lontar-gaguritan-puyung-sugih-250ppi.pdf/124
Kaca puniki sampun kauji-wacén
