Kaca:Bali-lontar-gaguritan-puyung-sugih-250ppi.pdf/122

Saking Wikisource
Kaca puniki sampun kauji-wacén

[ ᭑᭒᭑ 121B]
᭑᭒᭑
ᬲ᭄ᬧᬗ᭄ᬓᬸᬂᬳᬜᬸᬢ᭄᭞ᬳᭂᬫ᭄ᬩᬄᬳᬕᬸᬂᬓᬶᬮᬧ᭄ᬢᬢᬶᬢ᭄᭞ᬭᬶᬂᬧᬧ᭄ᬭᬗᬦ᭄ᬮᬶᬦ᭄ᬢᬂᬭᬶᬩᬸᬢ᭄᭞ᬧᬦᬄᬓᬤᬶᬳᬸᬚᬦ᭄ᬳᬗᬶᬦ᭄᭞ᬫᬲᬶᬄᬤᬾᬯᬧᭀᬮᬶᬄᬫᬾᬫ᭄ᬩᭀᬦ᭄᭟᭐᭟᭕᭟ᬓᬾᬢᭀᬚᬵᬢᬶ᭠
ᬭᬭᬧᬦᬾᬦᭂᬫᬸᬳᬬᬸ᭞ᬭᬭᬧᬦ᭄ᬤᬾᬯᬤᬸᬫᬤᬶ᭞ᬦᬦ᭄ᬤᬸᬃᬧᬢᬹᬢ᭄ᬲᬦᬾᬤᬸᬫᬸᬦ᭄᭞ᬧᬢᬹᬢᬾᬲᬳᬶᬜᬬᬸᬩᬶᬦ᭄᭞ᬬᬤᬶᬦ᭄ᬤᬶᬚᬤᬾᬯᬦᭀᬗᭀᬲ᭄᭟᭐᭟᭖᭟ᬧᬸᬧᬸᬢ᭄ᬲᬵᬫ᭄ᬧᬸᬦ᭄ᬤᬸᬭᬸᬲ᭄ᬫ
ᬗ᭄ᬓᬶᬦ᭄ᬤᬾᬯᬫᬦ᭄ᬢᬸᬓ᭄᭞ᬫᬗ᭄ᬓᬰᬩ᭄ᬤᬋᬱᬶᬩᬸᬤ᭄ᬥᬶ᭞ᬯᬬᬦ᭄ᬧᬸᬬᬸᬂᬦᬸᬦᬲ᭄ᬲᬵᬫ᭄ᬧᬸᬦ᭄᭞ᬫ᭠ᬜᬶᬧ᭄ᬢᬭᬶᬂᬚ᭄ᬭᭀᬦᬶᬂᬳᬢᬶ᭞ᬦᬭᬶᬫᬵᬦᬸᬕ᭄ᬭᬳᬩᬩᬯᭀᬲ᭄᭟᭐᭟᭗᭟ᬍᬧᬲ᭄ᬩᬬᬸᬳᬾᬮᬶᬂᬤᬦᬾᬢᭂ
ᬗᬄᬯᬸᬶᬂᬤᬮᬸ᭞ᬦᬭᬶᬂᬢᭂᬗᬄᬳᬮᬲ᭄ᬲᭂᬧᬶ᭞ᬦᬸᬮ᭄ᬬᬗᬤᭂᬕ᭄ᬯᬬᬦ᭄ᬧᬸᬬᬸᬂ᭞ᬳᬕᭂᬮᬶᬲ᭄ᬮᬫ᭄ᬧᬳᬾᬭᬶᬂᬫᬃᬕᬶ᭞ᬓᭀᬸᬶᬘᬸᬶᬧ᭄ᬢᬶᬸᬩᬸᬶᬦᬸᬶᬭᬶᬸᬧᭀᬸᬶᬓ᭄ᬤᬶᬸᬓᬶᬸ᭟ᬶ᭐᭟ᬶᬳᬶᬭᬶᬓᬦᬸᬮ᭄ᬬᬓᬢᭀᬦ᭄᭟᭐᭟
[ ᭑᭒᭒ 122A]
ᬢᬾᬚᬕᬮᬸᬶᬮᬂᬗᬩᬃᬗᬩᬃᬳᭂᬦ᭄ᬤᬶᬄᬫᬸᬭᬸᬩ᭄᭞ᬕᬸᬭᬸᬄᬦᬶᬢᬶᬃᬫᬦᬸᬮᬸᬭᬶᬦ᭄᭞ᬳᬶᬦᬩ᭄ᬫᬢᬸᬤᬶᬗᬂᬭᬸᬭᬸᬂ᭞ᬯᬬᬦ᭄ᬧᬸᬬᬸᬂᬜᬶᬧ᭄ᬢᬫᬃᬕᬶ᭞ᬕᬮᬂᬓᬢᭀᬦ᭄ᬫᬲ᭄ᬭᭀᬭᭀᬢ᭄᭟᭐᭟᭙᭟ᬧᬜ᭄ᬚᬂᬕᬮᬂᬓᬵ
ᬤᬶᬍᬫᬄᬓᬦ᭄ᬢᭂᬦᬶᬧᬸᬦ᭄᭞ᬦᬶᬓᬭᬭᬶᬲ᭄ᬓᬫᬃᬕᬶᬦᬶᬦ᭄᭞ᬫᬦᬸᬚᬸᬓᬓᬭᬂᬲᬸᬯᬸᬂ᭞ᬳᬕᭂᬮᬶ᭠ᬲ᭄ᬮᬫ᭄ᬧᬳᬾᬭᬶᬂᬫᬃᬕᬶ᭞ᬓᭀᬘᬧ᭄ᬢᬶᬩᬫᬭᬶᬂᬧᭀᬦ᭄ᬤᭀᬓ᭄᭟᭐᭟᭑᭐ᬯᬳᬸᬩᬗᬸᬦ᭄ᬩᬧᬦ᭄ᬜᬦᬾᬤᬶ
ᬢᬸᬫᬗ᭄ᬕᬸᬄ᭞ᬫᬾᬫᬾᬦ᭄ᬜᬦᬾᬓᬕ᭄ᬬᬢ᭄ᬦᬶᬗᬮᬶᬦ᭄᭞ᬜᬬᬸᬯ᭄ᬜᬗ᭄ᬓᭀᬮ᭄ᬩᬸᬓᬸᬢᬸᬓᬸᬢ᭄᭞ᬮᬶᬦ᭄ᬢᬂᬓᭂᬦ᭄ᬤᭂᬮ᭄ᬤᬤᭀᬲ᭄ᬢᬗᬶᬲ᭄᭞ᬮᬦᬂᬯᬥᭀᬦ᭄ᬤᭀᬳᭀᬤᭀᬳᭀ᭟᭐᭟᭑᭑᭟ᬢᬃᬓ᭠
ᬦᬶᬧᬸᬦ᭄ᬧ᭄ᬬᬦᬓ᭄ᬜᬦᬾᬲᬵᬫ᭄ᬧᬸᬦ᭄ᬮᬘᬸᬃ᭞ᬳᭀᬓᬦᬾᬗᬢᬸᬭᬂᬇᬦ᭄ᬥᬶᬓ᭄᭞ᬩᬕ᭄ᬬ᭠ᬫᬢᭂᬫᬳᬦ᭄ᬮᬘᬸᬃ᭞ᬭᬶᬂᬇᬦ᭄ᬥᬶᬓᬾᬫᬓᬲᬫᬶ᭞ᬦᬭᬶᬂᬫᬃᬕᬶᬫᬗ᭄ᬕᬶᬄᬓᬢᭀᬦ᭄᭟᭐᭟᭑᭒᭟