[᭓ 3B]
᭞᭓᭞ᬧᬸᬦᬶᬓᬶᬩᭂᬓᭂᬮ᭄ᬭᬶᬂᬫᬃᬕ᭄ᬕᬶ᭞ᬢᬸᬃᬫᬮᬯᬃᬲᬢᬾᬘᬮᭀᬦ᭄᭞ᬳᬸᬭᬩ᭄ᬩᬭᬓ᭄ᬳᬸᬭᬩ᭄ᬧᬸᬢᬶᬄ᭞ᬲᬫ᭄ᬩᭂᬮ᭄ᬓᬮᬲ᭄ᬩᭂᬮᬦ᭄ᬤᬶᬂ᭞ᬓᬘᬂᬓᭀᬲᬓ᭄ᬲᬸᬤᬂᬢᬮᬸᬄ᭞ᬧᬸᬦᬶᬓᬶᬳᬭᬓ᭄ᬢᬸᬯᬓ᭄᭞ᬕᭂᬮᬶᬲᬂᬫᬮᬶᬄ
ᬦᬸᬫᬶᬢᬶᬲ᭄᭞ᬮᬯᬸᬢ᭄ᬩᬗᬸᬦ᭄᭞ᬫᬜᬸᬫ᭄ᬩᬄᬮᬦ᭄ᬢᬲ᭄ᬫᬚᬮᬦ᭄᭟ᬤᬶᬚᬳᬤᬓᬢᬸᬢᬸᬭᬦ᭄᭞ᬧᬶᬢ᭄ᬭᬦᬾᬩᬓᬮ᭄ᬦᬸᬫᬤᬶ᭞ᬬᬦ᭄ᬢ᭄ᬯᬭᬩᬶᬲᬗᬯᬾᬦᬂ᭞ᬲᬗ᭄ᬓᬦ᭄ᬳᬤᬩᬸᬓᬚᬦᬶ᭞ᬳᬸᬧᬵ
ᬓᬵᬭᬳᬗ᭄ᬕᭀᬦ᭄ᬩᬗ᭄ᬕᬶ᭞ᬫᬗ᭄ᬤᬾᬦ᭄ᬜᬫᬗᬸᬢᬂᬮᬶᬬᬸ᭞ᬕᭂᬮᬳᬾᬳᬗᭀᬦ᭄ᬧᬮᬮ᭄ᬬᬦ᭄᭞ᬫᬗ᭄ᬤᬾᬦ᭄ᬓᬓᬲᬸᬩᬂᬕᬸᬫᬶ᭞ᬢ᭄ᬯᬭᬗᬶᬢᬸᬂ᭞ᬲᭀᬓ᭄ᬓᭂᬦᭂᬳᬾᬲᬸᬩᬍᬕ᭟ᬩᬩᬸᬗᬳᬾᬳᬗ᭄ᬕᭀᬦ᭄ᬜᬸ
ᬗ᭄ᬮᬧ᭄᭞ᬕᬕᬸᬮᬓᬾᬘᬭᬚᬦᬶ᭞ᬫᬶᬸᬫᬳᬸᬬᭂᬗᬦ᭄ᬳᭀᬕᬃᬧᬶᬢ᭄ᬭ᭞ᬳᬕᬶᬸᬗ᭄ᬕᭀᬦ᭄ᬕᬯᬾᬳᬸᬫ᭄ᬧᬂᬳᬫ᭄ᬧᬶᬂ᭞ᬓᬯᬸᬓᬶᬦ᭄ᬓᭂᬫᬫᬳᬶ᭞ᬲᬗ᭄ᬓᬦ᭄ᬜᬫᬦᬤᬶᬩᬯᬸᬂ᭞ᬰᬸᬘᬷᬦᬾᬫᬵᬯᭀᬃ
[᭔ 4A]
ᬲᬫᬄ᭞ᬳᬧᬦᬾᬳᬗ᭄ᬕᭀᬦ᭄ᬦᭂᬗᭂᬭᬶᬦ᭄᭞ᬲᬦᬾᬢᬸᬫ᭄ᬩᬸᬄ᭞ᬓ᭄ᬭᬡᬫᬩᬶᬦᬩᬶᬦᬬᬦ᭄᭟ᬦᬾᬳᬤᬳᬗ᭄ᬕᭀᬦ᭄ᬢᭂᬗᭂᬭᬦ᭄᭞ᬳᬦᬓᬾᬢᭂᬓᬦᬸᬫᬤᬶ᭞ᬬᬾᬦ᭄ᬜᬧᭂᬧᭂᬓ᭄ᬳᬸᬧᬵᬓᬭ᭞ᬢᬾᬢᬾᬄ
ᬫᬦᬩᬸᬳᬂᬫᬸᬜᬶ᭞ᬩᬕᬸᬲ᭄ᬫᬯᬾᬍᬯᬶᬄ᭞ᬳᬍᬧ᭄ᬧᬗᬸᬘᬧᬾᬳᬮᬸᬲ᭄᭞ᬥᬃᬫ᭄ᬫᬲᬸᬩᬬᬧ᭄ᬭᬚ᭄ᬜ᭞ᬧᬸᬭᬸᬱᬬᬲᬬᬗᬂᬕᬸᬲ᭄ᬢᬶ᭞ᬦᬾᬓᬲᬸᬫ᭄ᬩᬸᬂ᭞ᬦᬸᬭᬵᬕᬳᬱ᭄ᬝᬓᭀᬰᬮ᭟ᬳᭂᬦ᭄ᬢᭀᬳᬗ᭄ᬕᭀ
ᬦ᭄ᬫᬜᬶᬃᬬᬶᬸᬬ᭄ᬬᬂ᭞ᬲᬲᬭᬦ᭄ᬓᬯᭀᬦᬾᬍᬯᬶᬄ᭞ᬦ᭄ᬤᬢᬦ᭄ᬯ᭄ᬭᬸᬄᬢᭂᬓᬦᬶᬂᬳᬯᬓ᭄᭞ᬓ᭄ᬭᬡᬦᬾᬚᬦᬶᬚᬸᬫᬸᬦᬶᬦ᭄᭞ᬫᬕᬯᬾᬳᬧᬂᬢᬶᬢᬶᬓ᭄᭞ᬫᬸᬂᬧᬸᬂᬲᬓᬵᬮᬦᬸᬳᬶᬤᬸᬧ᭄᭞ᬫᬶᬗ᭄ᬓᬶᬦ᭄ᬦᬾ
ᬓᬫᬸᬭᬗᬦ᭄᭞ᬩ᭄ᬬᬦᬗᬯᬗᬸᬦᬂᬓᬾᬃᬣᬶ᭞ᬤᬶᬚᬭᬸᬭᬸᬄ᭞ᬫᭂᬮᬳᬾᬧᬘᬂᬢᬫᬬᬂ᭟ᬳᬧᬂᬳᬤᬤᬸᬲᬬᬗᬂ᭞ᬲᬸᬮᬸᬳᬶᬦ᭄ᬩᬵᬦ᭄ᬮᬶᬂᬦᬶᬂᬳᬚᬶ᭞ᬳᬧᬂᬤᬫᬗᬯᬕ᭄ᬳ
Kaca:Bali-lontar-gaguritan-purwa-karma-300ppi.pdf/4
Kaca puniki sampun kauji-wacén
