Kaca:Bali-lontar-gaguritan-purwa-karma-300ppi.pdf/5

Saking Wikisource
Kaca puniki sampun kauji-wacén

[᭔ 4B]
᭞᭔᭞
ᬢᬕ᭄᭞ᬳᬧᬂᬢᬸᬢ᭄ᬳᬮᬶᬂᬚᬦᬶ᭞ᬢᬢᬲᬂᬩᭂᬲᬶᬓ᭄ᬩᭂᬲᬶᬓ᭄᭞ᬢᬶᬗ᭄ᬓᬳᬾᬫᬓᭂᬚᬂᬤᬶᬢᬸ᭞ᬦᬾᬳᬤᬮᬶᬂᬦᬶᬂᬰᬵᬲ᭄ᬢ᭄ᬭ᭞ᬲᭂᬤᭂᬂᬕᬸᬕᬸᬳᬚᬓ᭄ᬲᬫᬶ᭞ᬳᬗ᭄ᬕᭀᬦ᭄ᬢᭂᬦᬸᬂ᭞ᬤᬸᬕᬲ᭄ᬦ᭄ᬬᬫᬃᬯ᭄ᬯᬘᬭᬶ
ᬢ᭟ᬦᬾᬲᬓᬶᬢ᭄ᬢᭀᬂᬤᬤᬶᬲᬫ᭄ᬩᬢ᭄᭞ᬫᬲᬶᬄᬧᬕᬯᬾᬦᬾᬗᬹᬦᬶ᭞ᬫᬫᬸᬧᬸᬕ᭄ᬫᬗᬸᬜ᭄ᬚᬢ᭄ᬲᬗ᭄ᬕᬄ᭞ᬲᬗ᭄ᬓᬦ᭄ᬦᭂᬫᬸᬩᬸᬓᬚᬦᬶ᭞ᬲᬓᬶᬢ᭄‌ᬢᭀᬂᬤᬤᬶᬳᬸᬩᬤᬶᬦ᭄᭞ᬫᬵᬯᬓ᭄ᬳᬸᬧᬲ᭄ᬘᭂᬢᬶᬓ᭄ᬭᬘᬸᬦ᭄᭞ᬳᬧᬦ᭄ᬗᬍᬢᬸᬳᬶᬦ᭄ᬚᬕᬢ᭄᭞ᬫᬗ᭄ᬤᬾᬲᬬᬄᬢᬦ᭄ᬧᬩᬸᬓ᭄ᬢᬶ᭞ᬢᬸᬯᬢᬸᬤᬸᬄ᭞ᬓ᭄ᬭᬡᬢᭀᬂᬓᬗ᭄ᬕᭀᬳᬂᬤᬾᬰ᭟ᬲᬦᬾᬩᭀᬗ᭄ᬓᭀᬓ᭄‌ᬧᭀᬦ᭄ᬢᬕ᭄ᬘᬧ
ᬕ᭄᭞ᬢᬸᬤᬸᬄᬧᬕᬄᬯᬦᬾᬗᬹᬦᬶ᭞ᬬᬫᬫᬮᬶᬂᬲᬃᬯ᭄ᬯᬯᬶᬚ᭞ᬲᬗ᭄ᬓᬦ᭄ᬜᬦᬫ᭄ᬯᬂᬚᬦᬶ᭞ᬦᬾᬕᭀᬦ᭄ᬤᭀᬂᬩᭂᬗ᭄ᬓᬮ᭄ᬩᭂᬂᬗ᭄ᬓᬶᬮ᭄᭞ᬕᭀᬦ᭄ᬢᬓ᭄ᬩᬲᬸᬂᬩᭂᬗ᭄ᬓᬓ᭄ᬩᬲᬸᬃ᭞ᬫᬫᬮᬶᬂᬩ
[᭕ 5A]
ᬩᬩᬸᬗ᭄ᬓᬶᬮᬦ᭄᭞ᬲᬦᬾᬫᬳᬢᬓ᭄ᬧᬳᬶᬤ᭄ᬢᬶᬮ᭄᭞ᬩᭂᬮᬂᬤᬤᬸ᭞ᬓᬤᬤᬾᬦᬦ᭄ᬳᬫ᭄ᬩᬮᭀᬫ᭄ᬧᬂ᭟ᬓᬸᬧᬶᬂᬧᭂᬭᬸᬢ᭄ᬘᬸᬗᬸᬄᬧᬶᬘᭂᬓ᭄᭞ᬲᭀᬗᬾᬓᬾᬦ᭄ᬗᭂᬦᬄᬗᬲᬶᬗᬶᬮ᭄᭞ᬩᭀᬗᭀᬮ᭄
ᬢ᭄ᬯᬭᬦᬶᬗᭂᬄᬧᬭᬦ᭄᭞ᬳᬧᬦ᭄ᬧᬕᬯᬾᬦᬾᬗᬸᬦᬶ᭞ᬕᭂᬤᭂᬕ᭄ᬦᬶᬗᭂᬳᬂᬓᬓᬯᬶᬦ᭄᭞ᬲᬮ᭄ᬯᬶᬭᬶᬂᬰᬲ᭄ᬢ᭄ᬭᬓᬶᬤᬸᬂ᭞ᬤᭂᬫᭂᬦ᭄ᬫᬦᬶᬗᭂᬳᬂᬦᬾᬓᭀᬢᭀᬃ᭞ᬧᬶᬢᬧᬶᬲᬸᬄᬩᬧᬓᬸᬫ᭄ᬧᬶ᭞ᬲ
ᬗ᭄ᬓᬦ᭄ᬧᭂᬭᬸᬢ᭄᭞ᬢᬸᬫᬶᬢᬶᬲᬦᬾᬳᬜ᭄ᬚᬤ᭄ᬫ᭟ᬲᬦᬾᬮᬦ᭄ᬤᬸᬂᬲᬮᬄᬲᬸᬓᬢ᭄᭞ᬢᬶᬗ᭄ᬓᬄᬧᬕᬯᬾᬦᬾᬗᬸᬦᬶ᭞ᬫᬜᭀᬮᭀᬓ᭄ᬫᬗᭂᬗ᭄ᬓᬤ᭄ᬳᭂᬗ᭄ᬓᬤ᭄᭞ᬦᬾᬰᬸᬘᬶᬤᬢᬳᬤᬸᬓᬶ
ᬦ᭄᭞ᬚᬦᬶᬬᬦ᭄ᬫᬦᬸᬫᬶᬢᬶᬲ᭄᭞ᬕᭀᬮᬾᬂᬮᬦ᭄ᬤᬸᬂᬲᬮᬄᬲᬶᬓᬸᬢ᭄᭞ᬩᬸᬓᬳᭂᬚᬦᬾᬲᬤᬳᬂ᭞ᬲᬶᬂᬢᭂᬓᬧᬤᬗᭂᬤᬾᬓᬶᬦ᭄᭞ᬫᬗᬮᬬᬸᬂ᭞ᬢᬬᬸᬗᬦᬾᬫᬗᬮᬾᬯᬂ᭟